Faransiiska oo wajahaya hubanti la'aan siyaasadeed kadib markii doorashadii baarlamaanka aaney cidna helin aqlabiyad

Tebin toos ah

1. Saacad ka horTrump oo Netenyahu u sheegay in uu xushmeeyo Lubnaan

   

   Xigashada Sawirka, Getty Images

   Arrinta Lubnaan, Donald Trump waxa uu sheegay in Israa’iil ay la dagaalamaysay Xisbullah “in badan dad badana la dilayo”.

   Mar la waydiiyay in uu ka niyad jabsan yahay ra'iisal wasaaraha Israa'iil Benjamin Netanyahu, Trump waxa uu sheegay in ay "xiriir weyn leeyihiin" balse waxa uu intaa ku daray in "ay tahay in uu mas'uul ka noqdo Lubnaan".

   "Ma aanan jeclayn in uu weerar ku qaaday...ka badbadis ayay ahayd," ayuu yiri Trump.

   Xog: Duqeymo cirka ah oo ay Israa’iil ka geysatay Beirut ayaa cadaadis saaray isku dayga lagu doonayay in lagu gaaro heshiis lagu soo afjarayo dagaalka sabtidii iyo axadii la soo dhaafay, iyadoo Trump uu xilligaas yiri: "Yeynan afuufin"

   "Maraykanka la'aanteed, Israa'iil ma jiri lahayn... ma jiro madaxweyne kale oo diyaar u ahaa inuu sameeyo waxaan u sameeyay," ayuu raaciyay.

2. Saacad ka horSida midabbada marada Kacbada ay isu beddeleen sanadihii la soo dhaafay

3. 2 Saacadood ka horWar deg deg ah, Dowladda Federaalka oo war ka soo saartay booqashadii Cirro ee Israa'iil

   Wasaaradda Arrimaha Dibadda iyo Iskaashiga Caalamiga ah ee Jamhuuriyadda Federaalka Soomaaliya ayaa walaac xooggan ka muujisay xirriirka Israa’iil iyo Jamhuuriyadda gooni isutaageeda ku dhawaaqday ee Somaliland, kaas oo ay sheegtay inuu ka baxsan yahay qaab-dhismeedka Dawladda Federaalka Soomaaliya.

   "Jamhuuriyadda Federaalka Soomaaliya waxay u aragtaa xiriir kasta oo noocaas ah mid xadgudub ku ah madaxbannaanideeda, midnimadeeda, dhowrsanaanta dhulkeeda, iyo nidaamkeeda dastuuriga ah. Soomaaliya waxay weli tahay dawlad madaxbannaan oo caalami ahaan la aqoonsan yahay, Dawladda Federaalkuna waa hay'adda keliya ee sharciga ah ee awoodda u leh inay dalka ku metesho xiriirka caalamiga ah”, ayaa lagu yiri war-saxaafadeedkaas.

   "Wasaaraddu waxay ku nuuxnuuxsanaysaa in xiriir kasta oo siyaasadeed, diblomaasiyadeed, ama mid kale oo lala yeesho maamulka gooni-u-goosadka ah, kaas oo hareer maraya Dawladda Federaalka Soomaaliya, uu ka horimanayo sharciga caalamiga ah, isla markaana aanu lahayn wax miisaan sharci ama siyaasadeed ah”, ayaa intaas la raaciyay.

   Soomaaliya aya dhanka kale ugu baaqday Qaramada Midoobay, Midowga Afrika, Jaamacadda Carabta, Ururka Iskaashiga Islaamka, IGAD, iyo dhammaan bahwadaagta caalamiga ah inay dhowraan sharciga caalamiga ah, ixtiraamaan madaxbannaanida iyo dhowrsanaanta dhulka Soomaaliya, ayna cambaareeyaan ficillada wiiqaya midnimada iyo xasilloonida dawladnimada Soomaaliya.

   "Jamhuuriyadda Federaalka Soomaaliya waxay xajisanaysaa xaqa ay u leedahay dawlad nimo inay qaaddo dhammaan tallaabooyinka sharciga ah ee lagama maarmaanka ah, iyadoo u mareysa dariiqyada diblomaasiyadeed, sharci, iyo kuwa kale ee habboon, si ay u difaacdo madaxbannaanideeda, dhowrsanaanta dhulkeeda, iyo midnimadeeda qaran”.

   Soomaaliya waxay weli ka go'an tahay wadahadal nabadeed, xasilloonida gobolka, iyo xiriir dhexgal oo dhaxalgal ah oo ay la yeelato dhammaan bahwadaagta, laakiin ma aqbali doonto ficil kasta oo ku xadgudbaya madaxbannaanideeda ama khatar ku ah midnimada shacabka Soomaaliyeed ayay tiri.

4. 2 Saacadood ka horMuhiimadda magaalada Qudus ee ay Somaliland ka furatay safaaradda

   

   Xigashada Sawirka, X

   Qudus (Jerusalem) - waa magac ay maamuusaan Muslimiinta, Yahuudda iyo Masiixiyiinta, waana goob muddo qarniyo ah uu ka taagan yahay khilaaf la xiriira lahaanshaheeda.

   Muslimiinta waxay u garanayaan Al-Qudus, halka Yahuuddana ay u yaqaanaan Yerushalayim. Waa mid ka mid ah magaalooyinka ugu qadiimisan caalamka. Marar badan ayaa la kala qabsaday, la burburiyay, dibna loo dhisay. Qeyb kasta oo ka mid ah waxay u taagan tahay taariikh hore.

   In kastoo dagaallo badan ay ka dheceen Qudus, haddana goobaha cibaadada ee diimahan kala duwan, way isku xushmeynayeen, wayna ka mideysnaayeen taa.

   Waxaa xuddun u ah qeybta qadiimiga ah. Jidadkeeda ciriiriga ah iyo dhismeyaasha taariikhiga ah ee afarta u qeybsan - Muslimiinta, Masiixiyiinta, Yahuudda iyo Armenian-ka. Waxaa qeybtaas ku wareegsan gidaar, waxaana ku yaalla qaar ka mid ah goobaha ugu barakeysan caalamka.

   Haddaba aan eegno seddaxda qeyb ee ugu qadiimisan.

   Sii akhri

5. 3 Saacadood ka horXayawaanka Soomaalida aadka u taqaanno ee la sheegay inuu kansarka daweyn karo

   

   Xigashada Sawirka, Getty Images

   Daraassada ay sameeeen saynisyahanno ayaa muujinaya in xayawaan ku nool saxaraha uu daawo u noqon karo cudurka Kansarka.

   Xayawaanka faaranfarka oo inta badan ah mid laga helo dalalka Afrika sida Soomaaliya, iyo keymaha ayay khuburradu sheegeen in uu noqon karo mid loo isticmaalo daaweeynta cudurka kansarka.

   Cilmi baaristaan oo diiradda lagu saaray sida bini’aadamku ugu noolaan karo nolol caafimaad leh iyo cimri dheer ayaa lagu sheegay in xayawaanka uu noqon karo mid lagu daaweeyo cudurka oo aan horey u jirin daawo sax ah oo loo hayo.

   Xaywaanka ayaa noolaan kara celcelis ahaan dhowr boqol oo sano, waxaa uu u adkaysan karaa cudurrada daba dheeraay oo ay ka mid yihiin macaanka, waxayna leeyihiin nidaam taran oo xiiso leh oo iyaga u gaar ah.

   Waxaa ka mid ah meelaha laga helo kaymaha Kenya, Itoobiya iyo Soomaaliya, waxaan halkaasi ku noolaa xayawaanka ka hore xilligii gumeeysiga iyo haddaba ayada oo qaarkood xayawaanka uu nolaan karo ku dhawaad dhowr boqol oo sano.

   Sidoo kale waxaa uu xaywaanka faa'iidooyin u leeyahay deegaanka, iyo kala duwanaanshaha noolaha bin'aadmka.

   Sii akhri

6. 3 Saacadood ka horGoolhayaha 40-jirka ah ee ku dhiirrigeliyay Cape Verde kulankeedii ugu horreeyay ee taariikhi ah

7. 4 Saacadood ka horMaxaa ka jira in Trump uu Iiraan siiyay 300 oo milyan oo doolar?

   

   Xigashada Sawirka, Getty Images

   Madaxweynaha Mareykanka, Donald Trump, ayaa beeniyay wararka sheegaya in Washington ay siisay Iran lacag dhan $300 milyan, isagoo ku tilmaamay "war been abuur ah".

   Farriin uu ku soo qoray bartiisa Truth Social, Trump wuxuu ku sheegay in sheegashooyinka ay ku saleysan yihiin macluumaad khaldan oo ay faafiyeen dadka ka soo horjeeda siyaasaddiisa, isagoo ku adkaystay in Mareykanku uusan wax lacag ah siinin Iiraan.

   "Iiraan waxay ogolaatay inaysan waligeed lahaan doonin hub nukliyeer ah! Sidoo kale, warbixinta ah in Mareykanku uu Iran siinayo $300 milyan waa warar been abuur ah oo ay faafiyeen Dimuqraadiyiintu.", ayuu yiri Trump.

   Eedeymahan ayaa dhaliyay dood ballaaran oo ka taagan saaxadda siyaasadda caalamiga ah, taasoo sii hurinaysa xiisadda sii kordheysa ee u dhaxaysa Washington iyo Tehran, inkastoo dadaallo dhowaan la sameeyay lagu gaaray heshiis lagu joojinayo colaadda u dhaxaysa labada dal.

   Sidoo kale akhri

   Heshiiska Iiraan wuxuu Netanyahu ku noqday riyo xun oo siyaasadeed

   Siyaasiyiin ka tirsan xukuumadda Israa'iil oo si adag uga falceliyay heshiiskii Iran iyo Maraykanka

   Israa'iil iyo Somaliland oo markii ugu horeysay ka hadlay kulan qarsoodi ah oo yeesheen aqoonsiga ka hor

   Immisa bilyan oo doollar ayuu Maraykanku ku bixiyay dagaalkii uu ku qaaday Iiraan?

8. 4 Saacadood ka hor“Saddex jeer ayaan ku sigtay in la ii dilo” - Xassan Sheekh

   

   Xigashada Sawirka, Villa Somalia

   Tan iyo markii ay kooxaha Islaamiyiinta ah billaabeen weerarrada ay ka fuliyaan Soomaaliya waxaa dadka ay bartilmaameedsanayeen ku jiray madaxda ugu sarreysa dowladda.

   Marar kala duwan ayay u suurtagashay in ay khaarijiyaan mas'uuliyiin sarsare oo ka tirsan goleyaasha dowladda.

   Laakiin, waxaa jiray dhowr jeer oo ay xitaa isku dayeen in ay dilal u gaystaan madaxweyneyaashii Soomaaliya qaar.

   Saddex madaxweyne oo xilka hayay ayaa ka badbaaday isku day dil oo mararka qaar ay halis wayn ku galeen.

   Cabdullaahi Yuusuf Axmed

   Cabdullaahi Yuusuf Axmed - oo Soomaaliya madaxweyne kasoo noqday intii u dhaxaysay 14-kii bishii Oktoobar ee sanadkii 2004 ilaa 29-kii bishii Diseember ee sanadkii 2008 - ayaa labo jeer ka badbaaday isku day dil oo lagu damacsanaa in lagu khaarijiyo.

   Qof kaxaynayay gaari ay ku jiraan waxyaabo qarxa ayaa 18-kii Sebteembar ee sanadkii 2006 isku qarxiyay bannaanka hore ee dhismaha fadhiga u ahaa baarlamaanka ee magaalada Baydhabo.

   Qaraxaas iyo israsaasayn daba socotay waxaa ku dhintay 11 qof oo uu ku jiray madaxweynaha walaalkiis.

   Hase yeeshee, Cabdullaahi Yuusuf oo xilligaas goobta ku sugnaa ayaa ka badbaaday weerarka.

   Sii akhri

9. 5 Saacadood ka horUrurka Iskaashiga Islaamka oo cambaareeyay safaaradda ay Somaliland ka furatay Qudus

   

   Xigashada Sawirka, X

   Ururka Iskaashiga Islaamka ee loo soo gaabiyo (OIC) ayaa si adag u cambaareeyay safaaradda ay jamhuuriyadda gooni isu taageeda ku dhawaaqday ee Somaliland ka furatay magaalada Qudus oo muddo qarniyo ah la isku haysto.

   Bayaan ay soo saareen ayay ku sheegeen in tillaabadani ay tahay mid sharci-darro ah, isla markaana xadgudub bareer ah ku ah Axdiga Qaramada Midoobay iyo qaraadaha khuseeya.

   Waxay Xoghaynta Guud sheegeen in Israa'iil, oo ay ku sheegtay Quwadda Gumeysiga haysata—aysan wax madax-bannihaan ah ku lahayn Qudusta la haysto, iyo in dhammaan go'aamada iyo tillaabooyinka loogu talagalay in lagu baddelo maqaamkeeda siyaasadeed, sharci, ama dadka deegaanka ay yihiin kuwo waxba kama jiraan ah marka loo eego sharciga caalamiga ah.

   “Xoghaynta Guud waxay mar kale xaqiijineysaa garab istaaggeeda buuxa ee Jamhuuriyadda Federaalka Soomaaliya iyo taageeradeeda hagar-la'aanta ah ee ku aaddan madax-bannaanida qarankeeda iyo midnimadeeda dhuleed, iyadoo ugu baaqday beesha caalamka inay mowqif adag ka istaagto tillaabadan sharci-darrada ah, ayna ka hortagto”, ayaa lagu yiri bayaanka.

   Sida aan horey idinugu so tebinay, Madaxweynaha jamhuuriyadda gooni isu taageeda ku dhawaaqday ee Somaliland, Cabdiraxmaan Maxamed Cabdullaahi iyo Wasiirka Arrimaha Dibadda ee Israa'iil Gideon Sa'ar ayaa Isniintii shalay furay safaaradda Somaliland ee Qudus, taasoo ah xafiiskii sideedaad ee diblomaasiyadeed ee heerka sare ah, sida ay ku warrantay warbaahinta dalkaas.

   Sidoo kale akhri:

   Israa'iil iyo Somaliland oo markii ugu horeysay ka hadlay kulan qarsoodi ah oo yeesheen aqoonsiga ka hor

   Maxaan ka ognahay ilaa iyo hadda safarka uu madaxweyne Cirro ku tagay Israa'iil?

   Madaxweynaha Soomaaliya: 'Somaliland waxay ogolaatay 3 shuruudood oo ay Israa'iil aqoonsi uga beddelatay'

   Netanyahu oo warayLinksi uu xalay bixiyay uga waramay sababta uu u doortay Somaliland

10. 5 Saacadood ka horWaa 24 sano jir aan weligeed la shukaansan - "Cabsida aan ka qabo ragga si weyn ayay ii saameysay,

    

    Xigashada Sawirka, Getty Images

    Jacinta Wambu waa gabadh 24 jir ah oo ku nool dalka Kenya waxay sheegtay in cabsi ay lasoo deristo mar kasta oo ay aragto ragga xitaa waxaa xilliggaas ku adag inay hadasho.

    Gabdhan xitaa indhaha ma siin karto ragga doonaya inay shukaansadaan ama kuwa kale ee danta kala dhexeyn karta.

    Jacinta waxay qirtay in dhibaatadan lasoo deristay ay tahay mid nafsaani ah ama xanuun dhanka maskaxda ah oo ku dhacay, waana dhibaato ay lasoo daalaa dhaceysay tan iyo yaraanteedi.

    "Mararka qaar waxaan damcaa in aan sito boor uu ku qoran yahay, aniga cidna la hadli maayo sababta oo ah meel kasta aan tago dadka waxay i weydinayaan, maxaad u aamusantahay? dabcan waa xaalad aad u daran" ayay tiri Jacinta oo u warrameysay Anne Ngugi oo ka tirsan BBC-da laanta Sawaaxiliga.

    Xitaa waxay ka cabsoota ragga kusoo ag dhawaada ama kuwa ku sugan agagaarkeeda.

    Marka ay kasoo muuqato baraha bulshada Kenya si xaaladdeeda ay uga sheekeyso ayaa waxay dareenta cabsi ah sida dadka ay uga falcelin doonaan ama sida ay ula dhaqmi doonaan marka ay ka hadleyso dhibatada heysata.

    Jacinta waxay sheegtay inay la nooshahay xaalad la yiraahdo, 'anthrophobia' oo ay dhakhaatiirta ku tilmaameen in qofka uu ka cabsado in uu la hadlo dad kale.

    Marka ay kasoo muuqato baraha bulshada Kenya si xaaladdeeda ay uga sheekeyso ayaa waxay dareenta cabsi ah sida dadka ay uga falcelin doonaan ama sida ay ula dhaqmi doonaan marka ay ka hadleyso dhibatada heysata.

    Sii akhri

11. 5 Saacadood ka horMuxuu yahay 'cudurka halista ah' ee raggu ka qaadaan cabidda caanaha?

    

    Xigashada Sawirka, Getty Images

    Ragga sida joogtada ah u isticmaala manaafacaadka xoolaha, gaar ahaanna caanaha, ayaa marka la barbardhigo kuwa aan isticmaalin, waxay boqolkiiba 60 halis weyn ugu jiraan inuu ku dhaco xanuunka kansarka ku dhaca kaadi-heysta, sida lagu xusay daraasad cusub.

    Daraasaddan oo lagu daabacay joornaalka Mareykanka ka soo baxa ee nafaqada ka faallooda, ayaa waxaa sameeyay baarayaal ka tirsan Jaamacadda Loma Linda, kuwaas oo daneynayay baaritaanka xiriirka ka dhaxeeya cuntada iyo kansarka kaadi-heysta.

    Tan iyo sanadkii 2001, baarayaasha ayaa la socday caafimaadka rag ku sugan Mareykanka iyo Canada. Waxay daraasaddan eegeysay cuntada raggan muddo shan sano ah.

    Qaar ka mid ah raggan ayaa laga helay kansarka kaadi-heysta, kaddibna daraasadda ayaa is barbar dhigtay kuwa aan isticmaalin manaafacaadka xoolaha iyo kuwa isticmaalay. Waxaa la ogaaday in ragga maalintii cabay 430 garaam oo caano ah ay boqolkiiba 25 halis ugu jireen kansarka kaadi-heysta, marka la barbardhigo kuwa cabay 20.2 garaam maalintii.

    Baarayaasha ayaa sidoo kale ogaaday in qaadashada maaddada kalshiyamka ee waxyaabaha aan manaafacaadka xoolaha ahayn laha helo aysan wax saameyn ah ku yeelan khatarta kansarka kaadi-heysta.

    Sii akhri

12. 5 Saacadood ka horSababta laga yaabo inaadan u iibsan kaniiniga saxda ah ee xanuunka caadada

13. 6 Saacadood ka horMuxuu Cirro yiri markii uu la kulmay Netanyahu?

    

    Xigashada Sawirka, social

    Sida aan horey idinugu so tebinay, Madaxweynaha jamhuuriyadda gooni isu taageeda ku dhawaaqday ee Somaliland, Cabdiraxmaan Maxamed Cabdullaahi iyo Wasiirka Arrimaha Dibadda ee Israa'iil Gideon Sa'ar ayaa Isniintii shalay furay safaaradda Somaliland ee Qudus, taasoo ah xafiiskii sideedaad ee diblomaasiyadeed ee heerka sare ah, sida ay ku warrantay warbaahinta dalkaas.

    Waxaa dhanka kale hadaba kulmay madaxweyne Ciro iyo Benjamin Netanyahu, khudbado ayay jeediyeen.

    Madaxweyne Cirro ayaa waxaa uu yiiri:

    "Arrintani waa hab aan sidoo kale muujinayno qaddarintayada ku aaddan xaqiiqda ah in aad safaarad ka furanaysaan Quddus oo ah caasimaddayadii qadiimiga ahayd. Waa aqoonsi kale oo barbar-socoda ah, si la mid ah sida aad uga filaysaan ummadaha kale in ay aqoonsadaan madaxbannaanidooda, aqoonsigiinna, iyo xaquuqdiinna qarannimo, waa isla arrintani aan ka taagan nahay caasimaddayada. Waxay u ahayd caasimad dadka Yuhuudda ah tan iyo wakhtigii Boqor Daawuud. Waa uun 3,000 oo sano ka hor. Sidaa darteed, waddamada qaar, tani waa aqoonsi daahay. Laakiin xaggiinna, wuxuu ahaa mid degdeg ah. Aad ayaan u soo dhawaynayaa taas. Waxaan rabaa in aan u mahadceliyo adiga iyo wafdigaaga sharafta leh ee wasiirrada iyo saraakiisha ka kooban"

    Wasiirka arimaha dibadda ee Israa'iil, Gideon Sa'ar ayaa dhankiisa dheegay in Israa'iil iyo somaliland ay xiriirka ay samaysanayaan u madax banaan yihiin cidna aysan kala tashan doonin.

    "cidina uma go'aamineyso Israa'iil iyo Somaliland-ba cidda aan la yeelaneyno xiriir diblumaasiyadeed", ayuu yiri wasiirka arimaha dibadda Israa'iil.

    Netanyahu dhankiisa waxaa uu yiri:

    "Tani waa daqiiqad taariikhi ah. Waa booqashadii rasmiga ahayd ee ugu horreysay ee uu Madaxweynaha Somaliland ku yimaado kaddib aqoonsigii rasmiga ahaa ee ay Israa'iil aqoonsatay Somaliland. Waan ku hanweynahay, aniga laftaydu waan ku faanayaa, xukuumaddayduna waa xukuumaddii ugu horreysay ee caalamka ka jirta ee aqoonsata Somaliland. Kuwo kale ayaa soo raaci doona. Waxaanan u malaynayaa in tillaabooyinkani ay muujinayaan xidhiidha ruuxiga ah ee qotada dheer ee ka dhexeeya dadyowgeenna.

    Ku soo dhowaada Israa'iil, ku soo dhowaada Quddus, caasimaddayada. Waad mahadsan tahay, ayuu intaa raaciyay.

14. 6 Saacadood ka horDiyaarad burburtay oo galaafatay nolosha dadkii saarnaa

    

    Xigashada Sawirka, Getty Images

    Ugu yaraan siddeed qof, oo ay ku jiraan laba shaqaale oo ka tirsan shirkadda Boeing, ayaa dhintay ka dib markii diyaarad nooca B-52 ah oo ay leedyihiin Ciidanka Cirka ee Mareykankaay burburaykadib markii ay ka duushay Saldhigga Ciidanka Cirka ee Edwards ee koonfurta gobolka California.

    Shilkan ayaa dhacay 11:20 waqtiga maxalliga ah (19:20 GMT) Isniintii xilli diyaaraddu ay ku jirtay hawlgal tijaabo ah oo caadi ah.

    "Maanta, Saldhigga Ciidanka Cirka ee Edwards wuxuu la kulmay masiibo aad u xun," ayuu yiri Kornayl James Hayes, isagoo ku tilmaamay "shaqaale isku dhafan oo isugu jira militariga, rayidka dowladda iyo qandaraaslayaasha dowladda".

    Saldhiggu wuxuu hore u sheegay in tilmaamaha bilowga ah ay muujinayaan in shilku "aan la badbaadin karin".

    Ehelada shaqaalaha ayaa la ogeysiinayaa waxaana la magacaabi doonaa 24 saacadood ka dib, sida uu Hayes ku sheegay warbixin gelinkii dambe.

    Waxaa uu sheegay in shilka "gebi ahaanba la xakameeyay" gudaha Saldhigga Ciidanka Cirka ee Edwards oo ku yaal waddada diyaaradaha, saldhiggana si ku meel gaar ah ayaa loo joojiyay hawlgalladii ka socday.

    Sida uu sheegay, diyaaradda B-52 waxay taageeraysay barnaamijka casriyeynta radar-ka ee saldhigga, waxayna dhacday isla markii ay kacday ka dibna dab ayaa qabsaday.

    Ka dib markii dib loo eegay muuqaalladii ugu horreeyay, dhacdada waxaa loo arkay "shil aan la badbaadin karin", Hayes ayaa sidaa yiri.

15. 7 Saacadood ka horHeshiiska Iiraan wuxuu Netanyahu ku noqday riyo xun oo siyaasadeed

16. 7 Saacadood ka horWasiir Israa'iili ah oo baajiyay safar uu ku tegi lahaa Mareykanka sababo la xiriira fiisaha

    

    Xigashada Sawirka, Getty Images

    Warbaahinta Israa'iil ayaa sheegaysa in Wasiirka Amniga Gudaha Israa’iil, Itamar Ben-Gvir, uu ku qasbanaaday inuu baajiyo safar shakhsi ah oo uu ku tegi lahaa dalka Mareykanka, sababo la xiriira dhibaatooyin xagga dhalashada ama dal ku galka (fiisaha) ka heysta.

    Wasiirkan garabka midig ayaa sannadkii hore tagey dalka Mareykanka, wuxuuna wataa baasaboor diblomaasi ah. Inta badan muwaadiniinta Israa'iil uma baahna fiiso si ay u galaan Mareykanka.

    Waxaa la sheegay inuu diiday inuu maro hannaankaa fiisaha.

    Si kastaba ha ahaatee, wararku waxay tilmaamayaan in taariikhdiisii hore ee dambiyada darteed, Mr. Ben-Gvir laga codsaday inuu iska xaadiriyo safaaradda Mareykanka, si uu u soo gudbiyo codsigiisa, iyadoo sidoo kale lga codsaday in laga qaado faraha. Waxaa la sheegay inuu diiday inuu maro hannaankaas.

    Sidoo kale akhri

    Siyaasiyiin ka tirsan xukuumadda Israa'iil oo si adag uga falceliyay heshiiskii Iran iyo Maraykanka

    Israa'iil iyo Somaliland oo markii ugu horeysay ka hadlay kulan qarsoodi ah oo yeesheen aqoonsiga ka hor

    Immisa bilyan oo doollar ayuu Maraykanku ku bixiyay dagaalkii uu ku qaaday Iiraan?

17. 8 Saacadood ka horMaxay Eritrea kaga jawaabtay eedeymaha Itoobiya?

18. 8 Saacadood ka horMuxuu Netanyahu yiri markii uu la kulmay madaxweyne Cirro?

    

    Xigashada Sawirka, Getty Images

    Madaxweynaha jamhuuriyadda gooni isu taageeda ku dhawaaqday ee Somaliland, Cabdiraxmaan Maxamed Cabdullaahi iyo Wasiirka Arrimaha Dibadda ee Israa'iil Gideon Sa'ar ayaa Isniintii furay safaaradda Somaliland ee Qudus, taasoo ah xafiiskii sideedaad ee diblomaasiyadeed ee heerka sare ah.

    Bishii Diseembar, Israa'iil waxay noqotay dalkii ugu horreeyay adduunka ee aqoonsada Somaliland, oo ka go'day Soomaaliya sannadkii 1991.

    Raysal wasaare Netanyahu ayaa yiri:

    "Tani waa daqiiqad taariikhi ah. Waa booqashadii rasmiga ahayd ee ugu horreysay ee uu Madaxweynaha Somaliland ku yimaado kaddib aqoonsigii rasmiga ahaa ee ay Israa'iil aqoonsatay Somaliland. Waan ku hanweynahay, aniga laftaydu waan ku faanayaa, xukuumaddayduna waa xukuumaddii ugu horreysay ee caalamka ka jirta ee aqoonsata Somaliland. Kuwo kale ayaa soo raaci doona. Waxaanan u malaynayaa in tillaabooyinkani ay muujinayaan xidhiidha ruuxiga ah ee qotada dheer ee ka dhexeeya dadyowgeenna.

    "Yuhuuddu way garanaysaa macnaha ay leedahay in la lahaado taariikh fac weyn, aqoonsi, iyo ruux qaranimo oo aan la liicin karin, haddana laguu diido aqoonsi. Maanta Israa'iil waxay aqoonsan tahay Somaliland, waxayna gacan ka geysanaysaa sidii loo sixi lahaa cadaalad-darrada taariikhiga ah", ayuu intaas raaciyay.

    "Waxaan xidhiidhkeenna u ballaadhin karnaa annaga oo ku soo daranaya waxyaabo aad iyo aad u badan. Tani waxaan kaga wadahadalnay kulankaygii khaaska ahaa ee aan la yeeshay Madaxweynaha, iyo sidoo kale kulankii dhexmaray kooxahayaga. Wax badan ayaa jira oo la qaban karo, wax badan oo laga qaban karo dhinaca biyaha, dhinaca beeraha, dhinaca tignoolajiyada, dhinaca amniga, iyo dhinacyo kale oo badan oo ay Israa'iil soo dhawaynayso iskaashiga iyo isdhexgalka dadkayaga iyo dadkiinna, Mudane Madaxweyne.

    Waa saaxiibtinimo marba marka ka dambaysa sii dhawaanaysa, islamarkaana sii xoogaysanaysa,ayuu yiri Netanyahu.

    Sidoo kale akhri

    Israa'iil iyo Somaliland oo markii ugu horeysay ka hadlay kulan qarsoodi ah oo yeesheen aqoonsiga ka hor

    Maxaan ka ognahay ilaa iyo hadda safarka uu madaxweyne Cirro ku tagay Israa'iil?

19. 9 Saacadood ka hor

    Maalin wanaagsan akhyaarta, ku soo dhowaada tebinta tooska ah ee BBC-da. Halkan waxaad kala socon doonaan wararkii ugu dambeeyay ee Soomaalida iyo caalamkaba!

20. 15 Juunyo 2026Siyaasiyiin ka tirsan xukuumadda Israa'iil oo si adag uga falceliyay heshiiskii Iran iyo Maraykanka