Children fit spread coronavirus if schools reopen?

Live Coverage

Daniel Semeniworima

1. 30 May 2020Una goodnight!

   Dis na wia we go march break ontop our live coverage today.

   No forget to join us tomorrow again.

   You fit scroll down for Saturday tori dem.

   We go leave una with dis video from Nigeria ministry of health about di testimony of one pesin wey bin get coronavirus.

   Goodnight!

   Skip X post

   Allow X content?

   Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.

   Accept and kontinu

   Warning: Di BBC no dey responsible for di content of external sites.

   End of X post

2. 30 May 2020Wetin be di latest from around di world?

   See di latest from around di world.

   • Pipo still dey criticise Donald Trump decision to comot US out of di World Health Organization. One former head of di WHO tell BBC say he dey "deeply concerned", while di EU don beg di president to reconsider.
   • Despite record of increase of almost 8,000 new cases for India, di goment don announce say dem go further reduce restrictions on 8 June, with hotels and restaurants among di locations wey go open dia doors.
   • Brazil, di epicentre of di virus for Latin America, don also record dia largest one-day increase of coronavirus cases. Dia death toll now don pass dat of Spain.

   • For New York, di families of front-line workers wey die of Covid-19 go now qualify to receive death benefits

   • One member of Belgium royal family don test positive for coronavirus. Prince Joachim, wey be 28 and di king nephew, according to report catch di virus afta im attend one party for Spain.
   • Thousands of protesters for France don voiced dia anger against car manufacturer Renault, wey announce global job cuts of 15,000 on Friday.

3. 30 May 2020268 Nigerians wey hook for China don land Abuja

   268 Nigerians wey hook for China don land Abuja international airport.

   According to one tweet from di Nigerians in Diaspora commission, di plane wey bring dem land at exactly 2:30 pm Nigerian time today, 30th May 2020.

   All di pipo wey land go proceed on compulsory 14 days quarantine according to di rules of di Nigeria Centre for Disease Control and di Federal Ministry of Health.

   Skip X post

   Allow X content?

   Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.

   Accept and kontinu

   Warning: Di BBC no dey responsible for di content of external sites.

   End of X post

4. 30 May 2020Belgian prince test positive to coronavirus

   

   Wia dis foto come from, Getty Images

   Prince Joachim of Belgium don catch coronavirus afta im attend party for Spain according to tori.

   Di 28-year-old youngest son of Princess Astrid - na King Philippe nephew - catch di virus according to report for one party for Córdoba and di circumstances wey surround im trip no clear.

   Di report first come out for Spanish webite El Confidencial wey produce one document from di Andalucian authorities but dem no name di prince. Belgian media don confam with di palace say Prince Joachim bin dey Spain - im symptoms no serious.

   Di palace say he travel on 24 May for professional reasons, for one internship, but tori be say im get long-standing relationship with one Spanish woman. Spanish report suggest say he go one party two days later wey involve 27 pipo, wey go dey against di lockdown regulations. But Belgian media say na only 10-12 pipo involve, wey no go mean say e break law. Everyone wey e concern now dey quarantine.

5. 30 May 2020India wan ease lockdown restriction despite increase in cases

   

   Wia dis foto come from, EPA

   Di indian goment don announce plans to further loosen dia strict national lockdown, despite announcement of di kontri highest one-day rise in coronavirus cases.

   From 8 June, hotels, restaurants, shopping centres and places of worship go dey allowed to open dia doors. Decision on the next phase, wey involve di reopening of schools and universities, dey expected to happun for July.

   But some activities go remain off limits, including international travel, and cinemas and bars go remain closed.

   On Saturday, India record daily rise of almost 8,000 infections, with di total number of cases now wey tanda for 173,763.

6. 30 May 2020Ghana coronavirus cases reach 7,768

   Article Information

   • • 
     • Author, Favour Nunoo
     • Role, BBC Pidgin

   Covid-19 cases for Ghana rise catch 7,768 today, Ghana health Service (GHS) reveal.

   Case update wey Ghana Health Service release dey show say, de country record 152 newly confirmed cases.

   Meanwhile, some 128 people also recover from de virus, after dem test negative for Covid-19.

   Dis dey push de total number of recoveries go 2,540.

   So far de Covid-19 related deaths reach total of 35 cases for Ghana.

7. 30 May 2020Wetin be di latest around di world?

   

   Wia dis foto come from, EPA

   What's the latest around the world?

   EPACopyright: EPA

   In case you just dey join us, see some of di main headlines from around di world:

   • Since President Trump announce say US dey cut ties with di World Health Organization late on Friday, di EU don appeal to am to reconsider and Germany don tok say dem dey disappointed. One leading senator from Trump own political party and US-based epidemiologists don also object.
   • Indian Prime Minister Narendra Modi don praise di kontri effort with di outbreak as dem record dia highest one-day rise in coronavirus cases to date. Meanwhile, di goment don announce further plans to relax restrictions from 8 June
   • Brazil, di epicentre of di virus for Latin America, don also record dia largest one-day rise in coronavirus cases. Di death toll now don overtake dat of Spain
   • Russia don report 181 deaths from di virus for di last 24 hours - dis wan g down from di record of 232 wey dem register yesterday - e bring di kontri reported death case to 4,555.
   • Scientists for Russia don also say dem get plan to start to dey do tests, clinical trials of one vaccine within two weeks.
   • German Chancellor Angela Merkel say she no go go to di G7 summit, wey Trump dey say e go hostby imsef for di White House and Camp David

   • And good news for Paris pipo, as dem don dey able to go back to di city parks and for visitors to di Leaning Tower of Pisa, wey reopen on Saturday.

8. 30 May 2020EU beg Trump to reconsider im decision to comot WHO

   Di European Union don ask President Donald Trump to reconsider im decision to cut US ties with di World Health Organization.

   "Global co-operation and solidarity through multilateral efforts na di only effective and viable avenues to win dis battle wey di world dey face," European Commission President Ursula von der Leyen and Foreign Affairs Chief Josep Borrell tok for statement.

   Dem also say di EU don "already provide additional funding" to di WHO.

9. 30 May 2020US Senate dey warn say kontri health sector go dey affected as dem pull out of WHO

   Di chair of di US Senate Health Committee don warned say President Trump's withdrawal from di World Health Organization fit affect clinical trials to develop coronavirus vaccine.

   Republican Senator Lamar Alexander say e fit make am harder to work with other kontris to stop di virus make e no reach di US.

   Di head of the American Medical Association, Patrice Harris, warn say as dem comot from WHO " e no make sense and e go dey bad for public health".

10. 30 May 2020“Dis ventilator go helep not only covid 19 patients but odas wey get respiratory problems''

11. 30 May 2020Lagos lockdown 'be like honeymoon'

    Article Information

    • • 
      • Author, BBC OS

    

    Wia dis foto come from, Yinka

    One Nigerian couple tell BBC OS say di coronavirus restrictions dey totori dia marriage.

    Yinka, wey dey live wit im wife Desola for Lagos, say everytin na time:

12. 30 May 2020Lagos record 254 new coronavirus cases

    Di number of coronavirus cases for Lagos still dey increase as di state record di highest out of di 387 new cases wey di NCDC bin announce on Friday night.

    As e be, di kontri don confam 9302 Covid-19 cases,2697 pipo don dey discharged and 261 pipo don die.

    Skip X post

    Allow X content?

    Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.

    Accept and kontinu

    Warning: Di BBC no dey responsible for di content of external sites.

    End of X post

13. 30 May 2020Wike announce free bus rides as coronavirus palliative for citizens

14. 30 May 2020Coronavirus Symptoms - Everitin you need to know dey here

15. 30 May 2020Una Good morning!

    My pipo, e suppose be owanbe Saturday, but as e be wit our current situation for di world, we go do owanbe for online and ontop we BBC News Pidgin platforms.

    Make you join us on Facebook, Twitter, Instagram to continue di conversation.

    We go begin wit dis proverb of di day. How you see am. Oya go drop your own for we comment section.

    

16. 29 May 2020Una goodnight!

    Na here we go march break ontop our live coverage of di coronavirus and how e dey affect di world.

    Abeg join us again tommorrow.

    No forget to scroll down for Friday tori dem.

    Goodnight!

17. 29 May 2020Wetin dey happun for di world of sports?

    

    Wia dis foto come from, Getty Images

    Di sporting world, like many odas, dey come out slowly from di pandemic.

    See di latest headlines:

    • Football:Di game for wia Liverpool fit win di English Premier League title fit happun for neutral ground.
    • Football:Spain La Liga go resume on June 11

    • Tennis:Former world number one Andy Murray go play inside one tournament wey im brother Jamie organise to raise money for NHS Charities.
    • Formula 1:Renault say dem go stay for di sport beyond di end of di season despite say di French car manufacturer cutt 15,000 jobs because of di coronavirus pandemic

18. 29 May 2020Breaking, Trump: 'We dey terminate relationship with WHO'

    President Donald Trump don announce measures wey be like say e dey target to punish China.

    "We go today terminate our relationship with di World Health Organization and direct those funds" to oda global public health charities, Trump tok.

    "Di world now dey suffer as a result of di wrongdoing of di Chinese government," he tok, he also add say China "instigate global pandemic wey cost over 100,000 American lives".

    China, he tok, "pressure di World Health Organization to mislead di world" about di virus.

    "Countless lives don go and ogbonge economic hardship naim di whole world don take eye see," he add.

19. 29 May 2020Mauritius wan end lockdown but beaches go remain closed

    

    Wia dis foto come from, Getty Images

    Di prime minister of Mauritius don announce di lifting of di strict coronavirus lockdown from Sunday.

    Since 20 March di Indian Ocean island nation, wey be popular tourist destination, dey only allow pipo to leave dia house if dem get work permit.

    Dem dey also allow residents to go to supermarkets on some days depending on di first letter of dia surname.

    But Prime Minister Pravind Jugnauth tok say supermarkets and shops go dey allowed to operate normally from 31 May.

    Dem go also open restaurants, cafes and markets if dem follow certain conditions to prevent di spread of coronavirus. Dem fit also open place or worship.

    However, beaches, nightclubs and cinemas go dey closed and di kontri border.

    Mauritius don record 335 cases of Covid-19, including 10 deaths.

20. 29 May 2020Wike threaten anoda lockdown if pipo no comply

    Article Information

    • • Author, Karina Igonikan
      • Role, BBC Pidgin

    Rivers State Govnor, Nyeson Wike don threaten anoda lockdown for di state if pipo no comply with di coronavirus measures for di state.

    Di govnor para sat pipo no dey observe di rules.

    Govnor Wike tok dis one for state broadcast to mark di first year of im second tenure for office wia im say

    dem observe say many residents and business pipo for di state no day gree wear dia facemask or observe physical distancing and dis na irresponsible and risky behaviour.

    Di Govnor wey warn di full weight of di law on any person or business way continue to disobey add say dem fit even bring back di lockdown sooner or later if di public continue to dey disobey.

    For di one year anniversary of im second tenure, di govnor say im happy say im don try to fulfill most of di promises im make during im inauguration.

    Im say pipo must not forget say coronavirus dey real and 12 persons don die for di state so make dem dey responsible, stay safe and be alive to fulfill God promise for dia lives.