Commonwealth games 2022 open for Birmingham with style

Live Coverage

1. 25 July 2022Langley shootings: Police confam death of multiple victims for British Columbia

   

   Wia dis foto come from, Reuters

   Police don confam multiple victims for di early morning shooting spree wey happun for Canada province of British Columbia.

   Authorities issue emergency alerts few minutes pass 06:00 local time (13:00 GMT) to warn pipo of "multiple shooting scenes" for downtown Langley, one city wey dey about 25 miles east of Vancouver.

   Police don carry one lone suspect enta custody.

   Police no identify any motive for wetin now be active investigation.

   One Royal Canadian Mounted Police (RCMP) tok tok pesin no immediately confam any deaths for di Monday attack, but say e get "several victims and several different scenes throughout di City of Langley, and one scene for di Township of Langley".

   Di victims bin be homeless pipo and police believe say di attack dey targeted.

2. 25 July 2022Japanese police don dey use tranquiliser guns in attempt to control wild monkey attacks wey dey terrorise pipo.

   

   Wia dis foto come from, Getty Images

   In recent weeks, 42 pipo don wunjure for Yamaguchi city - including children and elderly.

   Dem dey blame di attacks on Japanese macaques.

   However, although e dey common to see dem for some parts of di kontri, dis kain incidents no common.

   "E rare to see dis kain plenty attacks for short period of time," one city official tok, but e no greegive im name. "Initially na only children and women dem dey attack. But recently elderly pipo and adult men don turn target too."

   Attempts to capture di animals wit traps fail and police patrols wey dem begin since early July don fail to stop dem.

3. 25 July 2022SA go begin process to extradite Gupta brodas

   

   Wia dis foto come from, South African Government

   Authorities for South Africa don begin di formal process of extraditing di Gupta brothers from di United Arab Emirates (UAE), afta dem don serve a formal extradition request to prosecutors for Dubai.

   Dem arrest Atul and Rajesh Gupta last month after Interpol bin issue a red notice for dem.

   Dem dey wanted for South Africa on charges of fraud and money laundering amounting to just over $1.2m (£1m).

   Di Gupta family dem don deny wrongdoing.

   Dem don dey stay for di UAE since dem japa comot South Africa four years ago - after one anti-corruption inquiry, wey dey known as Zondo Commission, begin dey investigate dia alleged involvement in massive state corruption.

   Ajay Gupta, di third Gupta brother, no dey custody as dem don already revoke an arrest warrant for am. Dem accuse am of attempting to bribe a public servant by offering am di post of finance minister, in return for state tenders.

   Di family get close ties to former President Jacob Zuma.

   Dem accuse dem of paying financial bribes in order to win lucrative state contracts and influence powerful government appointments - a process known as state capture.

   Di South African Department of Justice dey hope to charge dem wit further crimes related to state capture.

4. 25 July 2022‘Dem accuse my husband of blasphemy, kill am despite say e sabi Koran wella’

5. 25 July 2022Experts tok wetin dey cause infertility for men and how dem fit tackle am

6. 25 July 2022'Okada ban no be di way to go' - ACOMORAN, Okada na one of di major means of transportation for Nigeria, especially for urban and rural areas

   Article Information

   • • 
     • Author, Tamara Ebiwei
     • Role, BBC News Pidgin

   

   Di Amalgamated Commercial Tricycle and Motorcycle Riders Association of Nigeria (ACOMORON) don tell Federal govment say to ban Okada for di kontri no be di solution to insecurity.

   President of di commercial Okada Union, Adebayo Samsuden tell tori pipo for Abuja today say regulation of Okada na di way go.

   "No be only Okada dem dey use commit crime, jaguda pipo dey use cars and buses too, why e be say na only Okada dem wan ban?

   E explain say" about 12 million pipo na im dey ride commercial Okada and if govment ban am di hardships wey e go cause go worse pass di problem dem wan try to solve" e tok

   E say dia union get Application (APP) database wia dem dey register dia members since 2017 and about 6 million don register.

   Oga Adebayo say one of di solution na for govment to tell all transporters to register, make dia details dey for di database and anyone wey no register make dem arrest am destroy him Motorcycle, car or bus.

   Federal goment dey plan to ban Okada totally nationwide afta dem hold National Security meeting last week.

   

7. 25 July 2022Japan confam first Monkeypox case

   

   Wia dis foto come from, Getty Images

   Japan issue level-one alert against monkeypox virus on Monday, as di kontri detect im first case for di capital, Tokyo.

   Tokyo govnor, Yuriko Koike, confam dis to tori pipo Reuters.

   Authorities issue level one alert wey be di lowest for di kontri, before dem do di announcement.

   On Saturday, di World Health Organisation declare global health emergency on Monkeypox virus.

   Di goment don form task force to deal wit di outbreak of monkeypox, wey be tropical disease wit symptoms similar to smallpox.

   Deputy Chief Cabinet Secretary for Crisis Management, Takashi Murata, na im dey head di task force.

8. 25 July 2022At least 34 pipo don die afta bus fall enta river for Kenya

   

   Wia dis foto come from, gett

   At least 34 pipo dey confam dead afta one passenger bus wey dey go Mombasa land inside River Nithi along Meru-Nairobi highway on Sunday evening.

   Tharaka Nithi County Commissioner Nobert Komora bin confam for morning say 11 pipo bin survive di crash.

   But im warn say number of pipo wey die fit rise since dem dey seriously injured.

   County police commander, Madam Donatha Chali, say dem don move di deadi bodies go mortuaries in Chuka County Referral and Chogoria PCEA hospitals.

   Di accident happun around 6.40pm afta di bus, wey dey ravel from Maua, fell from bridge enta river about 40 metres below.

9. 25 July 2022Goment order closure of Federal Government College Kwali sake of insecurity

   

   Wia dis foto come from, Federal Ministry of Education

   Nigeria Ministry of Education don order di immediate closure of Federal Government College Kwali, Abuja, Nigeria capital.

   Di Education Minister, Adamu Adamu wey give dis directive say di closure don become necessary sake of di security breach for Sheda and Lambata Villages.

   Di villages dey close to Kwali Area Council and any security breach for dis areas go affect FGC Kwali.

   According to di Minister, na di timely intervention of security agencies save di situation.

   He also order proper arrangements for final year students wey dey write NECO examinations to fit conclude am.

   E direct principals of Unity Colleges for di kontri to collabo wit security agencies for dia areas so dem fit stop any security breach for di schools before e happun.

10. 25 July 2022From ex-Miss Nigeria to pharmacist and hype-woman - meet Big Brother Naija level-up housemates

11. 25 July 2022South Africa don appoint im first woman deputy chief justice

    

    Wia dis foto come from, Cyril Ramaphosa/Twitter

    South African President Cyril Ramaphosa don appoint Mandisa Maya as di kontri deputy chief of Justice.

    Mandisa wey be di fist woman to occupy di position na di current head of di Appeals court.

    Her appointment dey effective from 1 September.

    Di presidency tweet di announcement.

    Justice Maya accept di president nomination for di position for March afta dem interview her for di chief justice position.

    Raymond Zondo wey be di deputy chief justice then don become di chief justice while dem nominate her for di deputy chief’s justice position pending wen dem go interview her for di position later.

    She be di only candidate dem interview for di position last month afta di kontri Judicial Service Commission announce say dem go advise di president to appoint her.

    Skip X post

    Allow X content?

    Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.

    Accept and kontinu

    Warning: Di BBC no dey responsible for di content of external sites.

    End of X post

12. 25 July 2022Meet di Indian woman wey dey flaunt her moustache

13. 25 July 2022Sergei Lavrov Africa visit - Wetin e mean inside Russia Ukraine war

14. 25 July 2022Lagos police arrest four fake soldiers, Dem include one female and three men

    Article Information

    • • 
      • Author, Andrew Gift
      • Role, BBC Pidgin, Lagos

    Police say dem arrest four fake soldiers for for Lagos, Nigeria commercial capital.

    Di arrest happun wen di fake soldiers wear military camouflage carri Mazda car dey run tins for di Iju area of di city.

    Dem include one female and three men.

    Police tok tok pesin for Lagos Benjamin Hundeyin say di suspects names na 28 years old, 35 years old, 43 years old and 30 years old.

    Police say dem don move di case to di criminal investigation unit of di command.

    Operations of fake security operatives no dey new for Nigeria.

    Recently police parade fake police officers wey dey run operations for various parts of di kontri.

    

    Wia dis foto come from, Lagos police

15. 25 July 2022‘I bin reason to take my life as full-time care giver for my pikin wey get cerebral palsy'

16. 25 July 2022Elon Musk don deny affair with Google co-founder wife

    

    Wia dis foto come from, Getty Images

    Elon Musk don deny one tori wey dey go round say im bin dey sleep wit Google co-founder Sergey Brin wife.

    According to di tori, na dis affair lead to di end in friendship between di two billionaires as well as make oga Brin file for divorce earlier dis year.

    Howeva, oga Musk enta Twitter to call di tori say na lie.

    Di world richest man say e don see oga Brin wife, Nicole Shanahan twice in three years and dem no dey romantic.

    E also add say im still be friends with oga Brin as dem bin attend di same party, di night before.

    

    Wia dis foto come from, @ELONMUSK/TWITTER

17. 25 July 2022Marburg virus take one more life for Ghana

    Article Information

    • • 
      • Author, Favour Nunoo
      • Role, BBC Pidgin

    

    Wia dis foto come from, EPA

    One more person die for Ghana from de new Marburg virus according to de Ghana Health Service.

    De victim who be relative of one of de first two cases die after testing positive during de incubation period of 21 days.

    Ghana Health Service say although dem confirm de case locally, Institut Pastuer for Dakar inside Senegal no confirm yet.

    Officials say dem track additional 40 contacts who dem dey monitor for de Savannah Region out of which 11 be Health workers.

    De latest death dey bring de number of people Marburg virus kill to three for Ghana.

    WHO say dem reach out t neighbouring countries to dey on high alert as dem dey at risk.

    Countries wey dey share order plus Ghana like Togo, Cote D'Ivoire, Burkina Faso dey at risk of infection.

    Meanwhile, other West African neighbours like Nigeria who get trade activities with Ghana also dey exposed to de virus.

18. 25 July 2022Ghana don get one more Marburg virus death

    

    Wia dis foto come from, Getty Images

    Ghana don record one more death from di Marburg virus for di kontri.

    Dis don put di total number of pipo wey don die from di virus to three.

    Dis latest victim na relative of one of id first twi cases wey go test positive afta dem show symptoms.

    Dem don identify anoda 40 contacts wey e for don get.

    Read more...

19. 25 July 2022Tears flow as mama see pikin for video of Abuja train captors

20. 25 July 2022Why Abuja-Kaduna train victims families block Transport Ministry HQ

    

    Families of Abuja-Kaduna train attack victims on Monday block di Ministry of Transportation Headquarters for Abuja.

    Dem wedge di office complex as dem dey beg goment to help release dia loved ones.

    On Saturday di attackers release video threatening to kill di victims wey dem seize since March.

    Some of di protesters siddon for di entrance of di ministry dey shout for help.

    Some of dem don dey dia since 6am on Monday 25 July, 2022.

    Dem dey ask make goment work to rescue dia loved ones from di kidnappers.

    One of di family members hala say, "na nightmare for us, we no dey sleep well.

    "We wan make goment help us, we no get any pesin to turn to".

    Anoda family member ask say, "two hour journey don turn four months. When dem go come back house?"

    

    

    

    

    Na for weekend, gunmen release ten minute video wia dem dey flog di unarmed hostages wey be mostly men, wey dey ground.

    Di victims don dey captive since di 28th of March.

    Dem release 11 last month, and e dey believed say 40 dey captivity.

    Di gunmen dey ask goment for ransom of (4.3 billion Naira) 10 million US dollars or else dem go kill all dihostages.

    Dem don also threaten to kill top goment officials including di President.

    Di gang leader warn sat dem go destroy di kontri if dem no get wetin dem dey ask for.