Commonwealth games 2022 open for Birmingham with style

Live Coverage

1. 19 July 2022Man wey shoot and kill pipo for im former high school face death penalty

   

   Wia dis foto come from, Getty Images

   One gunman wey kill 17 pipo for im former high school don go on trial for Florida.

   Court dey set to decide whether im go face di death penalty or life in prison.

   Nikolas Cruz, 23, plead guilty last year to 17 counts of first-degree murder ontop di 2018 Parkland shooting.

   As prosecutors seek di death penalty, defence lawyers dey push for life in prison without parole.

   Di trial dey expected to last four to six months and dem go show am for TV.

   Dis na rare case of one mass shooter wey appear before a jury for di US.

   Di shooting for Marjory Stoneman Douglas High School on Valentine's Day 2018 na also di deadliest to go before a jury for di kontri.

2. 19 July 2022How former Oyo attorney general become deputy govnor afta lawmakers impeach di sitting one

3. 19 July 2022Ghana discharge 31 out of 98 pipo under surveillance for Marburg virus

   

   Wia dis foto come from, Getty Images

   Ghana Health Services discharge 31 out of 98 pipo wey dey under surveillance for de Marburg virus.

   Dis be afta de individuals no show any sign of de Marburg virus afta 21 days.

   Authorities discharge dem sake of de incubation period for Marburg virus be between 2 to 21 days.

   Meanwhile, Ghana Medical Association (GMA) dey urge de general public to follow safety protocols wey go stop possible infection and spread of de virus.

   Ghana Medical Association General Secretary, Titus Beyuo “we for be careful sake of dis disease get very high fatality.

   Covid-19 no dey come close to am.” De association say people in Ghana for be vigilant as dis virus get very high fatality rate.

4. 19 July 2022Morocco defeat na my ‘worst match’ -Nigeria goalkeeper

5. 19 July 2022Mali dey 'open for tok-tok' ontop di arrest of Ivorian troops

   

   Wia dis foto come from, AFP

   Mali’s military ruler don tok say im dey open to dialogue to do tok-tok and resolve di issue of di 49 Ivorian sojas wey dem arrest for di airport for Bamako earlier dis month.

   Col Assimi Goïta say im dey willing, in di spirit of good relations between Mali and Ivory Coast, to work to settle di mata, including through diplomatic means.

   E say dis one go strictly follow Mali sovereignty.

   One official statement on Monday say Col Goïta bin want Togo to lead one mission between di two kontris to help settle di situation.

   Ivory Coast bin don dey call for di immediate release of im sojas, say dia arrest no follow law but Mali say dem see dem as mercenaries.

   Ivory Coast say im sojas bin go Mali to support di UN mission, wey dem sabi as Minusma, under one agreed contract between di two kontris.

6. 19 July 2022Good morning!

   Welcome to our live updates of tori from across Nigeria, Africa and di world today.

7. 18 July 2022Una bye bye!

   Na here we go end our live coverage of all di top tori dem from across Nigeria, Africa and di world today.

   Join us again tomorrow by 9:00am!

8. 18 July 2022IGP order police to investigate Portable for ‘One Million Boys’ statement

   

   Wia dis foto come from, PORTABLE/INSTAGRAM

   Nigeria Inspector General of Police, Usman Alkali Baba don ordermake dem investigate musician Portable onto accuse say e claim to be di founder of one notorious cult group - One Million Boys wey terrorize some parts of Lagos state few years ago.

   Oga Usman order di Commissioner of Police for Lagos state to investigate di indicting statement and take necessary legal action.

   Singer Portable bin post for social media wey im brag say na im be di founder of Ajah Boys and One Million Boys gangs.

   Skip X post

   Allow X content?

   Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.

   Accept and kontinu

   Warning: Di BBC no dey responsible for di content of external sites.

   End of X post

9. 18 July 2022Morocco defeat defending champions Nigeria on penalties to book Wafcon 2022 final place

10. 18 July 2022Kenya presidential candidate criticise di timing of 'food subsidy'

    Skip X post

    Allow X content?

    Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.

    Accept and kontinu

    Warning: Di BBC no dey responsible for di content of external sites.

    End of X post

    One of di main candidates for Kenya 9 August elections don criticise di timing of a subsidy to reduce di cost of maize flour wey dem dey use to make di kontri staple food - ugali.

    William Ruto, wey be di kontri deputy president, accuse di president, wey e don fall out with, of using lower food price to influence di election.

    "Di goment want to reduce di price of unga (maize flour) becos elections dey near. Di same goment initially blame high prices on di Ukraine-Russia war, and di war still dey go on, so why you leave Kenyans to suffer?" Dem quote Mr Ruto say e tok so.

11. 18 July 2022Wetin you need to know about Leptospirosis - Unknown disease dem identify for South of Tanzania

12. 18 July 2022'Na enjoyment galore I dey' - Ada Ameh last post and interviews before her death

13. 18 July 2022Kano goment ban tricyle afta 10pm

    

    Wia dis foto come from, Abdullateef Abu

    Kano state goment for north west Nigeria say dem don ban tricycle popularly called Adaidata Sahu for di state from 10pm everyday.

    For statement wey Commissioner of information Muhammad Garba release, e tok say dem take di decision afta security meeting on Monday.

    E also add say di measure dey aimed at boosting security across di northwest state.

    Di announcement go surely affect millions of pipo as tricycle na di major form of transport for Kano.

14. 18 July 2022Abba Kyari bail application hearing go happun on Wednesday

    Article Information

    • • 
      • Author, Tamara Ebiwei
      • Role, BBC News Pidgin

    

    Wia dis foto come from, NDLEA

    Di Federal High Court for Abuja don adjourn di bail application hearing of suspended Super Cop , DCP Abba Kyari to Wednesday July 20, 2022.

    Justiice Emeka Nwite adjourn di hearing to give di prosecution and defence counsel enough time to put dia arguments and responses togeda before di hearing go happun on Wednesday.

    Some witnesses show face for court to testify on di main issue wey be di 8 count charges on drug trafficking.

    Authorities arrest Kyari wit four oda pipo for February over allegations say im be part of one international drug cartel.

    

    Wia dis foto come from, NDLEA

15. 18 July 2022Ukraine war: Six die inside shelling as Russia plan new attack

    

    Wia dis foto come from, DSNS.GOV.UA

    Six pipo don die inside shelling for one eastern Ukrainian town as Russia dey eye im next major offensive.

    Authorities find five bodies inside di remains of one house for Toretsk, di Donetsk region, while anoda pesin die for hospital, emergency services tok.

    Di Ukrainian military say Russia appear to dey regroup for one offensive towards nearby Sloviansk.

    Pro-Russian separatists capture di city for 2014 and dem hold am for nearly three months.

    Now once again, e dey set to become a key battleground.

    Since Russian troops begin dia invasion for February, President Vladimir Putin original war aims don dey reduced well-well.

    Di military abandon dia efforts to take di capital, Kyiv, and focus instead on di eastern Donbas region.

16. 18 July 2022Black soot don resurface for Port Harcourt?

    Article Information

    • • 
      • Author, Karina Igonikon
      • Role, BBC Pidgin, Port Harcourt

    

    Wia dis foto come from, Monica Ogwa

    Pipo for Port Harcourt, Rivers state dey ask di state goment to continue di fight against illegal oil bunkering as di black soot pollution don begin resurface again for di oil rich city for Southern Nigeria.

    Dis dey follow a few months of relief afta local goment council chairmen bin dey destroy illegal oil bunkering sites across di state afta Rivers State Governor Nyesom Wike read di riot act against bunkering activities and e reduce di soot pollution.

    Pipo don begin notice di soot for New Road axis of Borokiri, Choba, Eleme and parts of Oyigbo local goment areas.

    Environmental justice activist Fyneface Dumnamene blame di return of soot to di process wey some security personnel dey take destroy illegally refined products wey dem arrest.

    "I see di smoke and soot wey dey enta di environment and na security operatives wey set fire to facilities and stolen crude oil wey allegedly belong to artisan crude oil refiners for Port Harcourt.

    Dis security operatives don refuse to listen to advice from environmental experts say wen dem arrest products wey belong to illegal refiners, make dem carefully dispose am and no burn am." E tok.

    Na for January 2022 Govnor Wike direct local goment chairmen across di state to arrest and destroy illegal oil bunkering sites for Rivers State.

17. 18 July 2022Two pipo die for Kano landslide as dem dey pack sand

    Article Information

    • • 
      • Author, Mansur Abubakar
      • Role, BBC Pidgin, Kano

    

    Wia dis foto come from, Umar Bichi

    Two pipo don die for landslide inside Bichi local goment area of Kano state for northwest Nigeria as dem dey pack sand on Monday.

    According to eyewitness for Sabiu Bichi, e happun as as di pipo dey inside hole dey pack and dig stone, di land wey dey on top dem collapse wey lead to dia death.

    Police officers don carry di victims to Bichi General hospital.

    For March, similar incident happun for Bichi as four friends die wen dem go pack sand to helep dia friend wey dey build house to marry.

18. 18 July 2022Wafcon semi-final fixtures date, time and team news

19. 18 July 2022SpongeBob SquarePants speak Zulu under di sea

    Skip X post

    Allow X content?

    Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.

    Accept and kontinu

    Warning: Di BBC no dey responsible for di content of external sites.

    End of X post

    South Africans go fit now enjoy di ogbonge children animation series SpongeBob SquarePants for local language.

    Di energetic and ever excitable main character and im sea crew go take on new adventures as dem speak in Zulu, wey be South Africa most widely spoken language.

    “Dis na first in Africa. E provide audiences di opportunity to fully put demsef for di iconic world of Bikini Bottom like neva before," Dillon Khan, senior vice-president Nickelodeon Africa tok.

    E add say dis na di first step for di company commitment to dey "more inclusive and more localised, as dem dey celebrate Africa rich and colourful heritage and local languages."

    Di American animation go celebrate dia 36th birthday dis month.

    Di broadcast don be hit for some South Africans.

20. 18 July 2022Wetin be Nelson Mandela day and why e dey important