Commonwealth games 2022 open for Birmingham with style
Live updates from Nigeria, Africa and across di world.
Live Coverage
Migrants chop prison sentence for Morocco for illegal entry
Wia dis foto come from, Reuters
One court for Morocco don sentence 33 migrants to 11 months in jail for illegal
entr.
Dis na afta
one deadly mass border-crossing attempt into di Spanish enclave of Melilla last
month.
Na di worst death toll for years since nigrants don dey try cross into di Spanish enclaves of Ceuta and Melilla - di European Union's only land borders wit Africa.
Di UN, African Union and human rights groups condemn di use of excessive force by di Moroccan and Spanish security services.
Good morning!
Welcome to our live coverage of tori from across Nigeria, Africa and di world dis Wednesday.
Buhari don give 2 week deadline to end ASUU Strike
Wia dis foto come from, Muhammadu Buhari
Nigerian President Muhammadu Buhari don give di education minister, Malam Adamu Adamu to solve di kasala wey don lead to di long strike by di Academic Staff Union of Universities (ASUU).
Buhari tok dis one for meeting today wia im bin get all di informate into why di strike don take dis long to end.
ASUU don dey run dis particular strike since February 14th wen dem bin announce one month warning strike.
Recently, di president tell state govnors to follow lecturers tok say "Enough is Enough".
2023 Election: INEC promise to deliver Best poll Ever
Wetin we call dis foto, MAHMOOD YAKUBU
Chairman of di Independent National Electoral Commission (INEC), Professor Mahmood Yakubu, don tok say di 2023 general elections go be di best ever for di kontri.
Oga Mahmood tok dis one on Tuesday for one meeting wit delegates from International Republican Institute and National Democratic Institute.
E say “We bin assure una say we go kontinu to work not only hard but harder to deliver di 2023 general elections.
“As for preparation for di 2023 general elections, I wan assure una say we bin promise Nigerians say Ekiti go dey good and Ekiti be good election.
“We bin promise say Osun go dey beta, and Osun election beta. We dey promise say 2023 general elections go be our best election ever and we dey committed to deliver di best election ever,’’ Yakubu tok.
Di meeting be di first wey go shelle afta di Osun state governorship election wey happun last weekend.
DR Congo to auction oil rights in parts of rainforest
Wia dis foto come from, Getty Images
Di Democratic Republic of Congo say dem go auction rights to drill for oil for areas wey include one rainforest wey environmentalists say need protecting.
Di Hydrocarbons Minister Didier Budimbu announce say 27 blocks go dey auctioned off for di end of di month for oil exploration.
Nine of dem dey di central basin rainforest region.
Environmental campaigners don protest against plans to drill there.
Dem say to hope for oil go involve make dem cut big corridors through di forest to transport equipment, wey fit cause serious gbege for rare species and open carbon wey dey there undisturbed for thousands of years.
One Kafanchan catholic priest die, di oda escape from hands of kidnappers
One of di recently kidnapped catholic priests from Kafanchan
Diocese don return while di second one die for di hands of im abductors.
Inside statement di Catholic Diocese of Kafanchan say Rev.
Fr. Donatus Cleophas return to dem afta im bin escape fromim kidnappers.
E add say, di kidnappers murder di oda fada, Very Rev. Fr.
John Mark Cheitnum.
“Fr. John Mark wey dem kidnap from di parish house of Christ
di King Parish, Yadin Garu, Lere local goment for Kaduna state, die brutally
for di hands of im kidnappers on di same day dem kidnap am; Friday 15 July
2022. We later find im deadi bodi as e don dey rotten on Tuesday 19 July,” di
statement tok.
Wia dis foto come from, Catholic Diocese of Kafanchan
143 Nigeria returnees don arrive from Libya
Wia dis foto come from, NEMA
National Emergency Management Agency (NEMA) don receive new
batch of 143 stranded Nigerian Returnees from Libya
Coordinator of di Lagos Territorial Office of di agency n aim
receive di returnees as dem land Nigeria, on behalf of di Director General of
NEMA, Mustapha Habib Ahmed.
Di returnees include 96 men, 8 boys and one boy pikin. For women
na 36 women, one girl and one girl pikin.
One man and one woman come back wit serious medical issues.
Di returnees come back Nigeria through di Cargo Wing of di Murtala
Muhammad International Airport, Ikeja, inside Al Buraq Air Boeing 737-800 flight.
Wia dis foto come from, NEMA
Wia dis foto come from, NEMA
South Africa bank to rehire workers wey dem fire sake of Covid vaccination
Wia dis foto come from, Getty Images
South Africa companies wey bin fire dia workers sake of dem refuse
to take Covid-19 vaccines, don dey bow to pressure from union to rehire dem.
Several companies don open dia door to rehire staff wey di workplace
health and safety regime policy affect as dem don scrape di mandatory Covid
vaccination.
For di financial sector, Standard Bank bin fire at least 40
workers wey refuse to comply wit di bank policy wey require all staff to
collect di vaccine by 4 April 2022.
Dem bin also place some oda workers on special leave, wit mind say
dem fit discipline dem.
However, Standard Bank don di u-turn nd now want to rehire all di
staff wey dem bin fire afta dem scrap di mandatory Covid vaccination policy on
11 July 2022.
Dis na afta one trade union for di financial sector, Sasbo,
threaten to drag di bank go court if e no scrap am.
Sasbo also threaten court action if Standard Bank no rehire di
workers wey dem sack.
EFCC extradite Nigerian suspected fraudster go US for $3.5m fraud
Wia dis foto come from, EFCC/Facebook
Nigeria corruption police don extradite one wanted FBI fraud suspect go United states.
Di Economic and Financial Crimes Commission (EFCC) send Fatade Idowu Olamilekan wey di US Federal Bureau of Investigation (FBI) want as suspect for internet fraud, go America to face charges.
Dem extradite Olamilekan on 14 July, 2022, say e allegedly steal ova three million, five hundred thousand US dollars ($3.5M) worth of equipment for different cities across di US.
E dey also face accuse sake e do impersonation (take up different identities) for different cities, state and academic institutions.
Inside statement wey EFCC post for dia Facebook page, dem arrange di extradition afta one notice from FBI for New York, through di US Legal Attaché.
Singer Portable do U-turn on 'One Million Boys' video
Wia dis foto come from, Portable
Wetin we call dis foto, Singer Portable
Singer Habeeb Okikiola aka Portable don tok say na 'One Million Fans' im dey yarn about for inside one video.
Na based on dis video, dem bin pass police order for im arrest.
Nigeria Inspector General of Police Usman Alkali Baba bin order make dem arrest Portable sake of claim say na im be founder of 'One Million Boys' gang wey bin terrorize some parts of Lagos some years ago.
Di gang bin dey popular during lockdown months for Lagos wne di coronavirus pandemic bin hold pipo bodi full ground.
Dis article contain content wey Instagram provide. We ask for una permission before anytin dey loaded, as dem fit dey use cookies and oda technologies. You fit wan read di Instagram cookie policy and privacy policy before accepting. To view dis content choose 'accept and continue'.
Warning: Di BBC no dey responsible for di content of external sites.
End of Instagram post
Di singer for inside anoda video tok say im no be tiff and im no sabi wetin be di gang be about.
E add say based on di mata, e don dey receive death threats.
Wetin kill di 21 teenagers for South Africa? Toxicology reports don comot
Wia dis foto come from, Reuters
Di first toxicology report into wetin kill pass 20 young pipo inside one bar for South Africa don comot as inconclusive.
Dis na as provincial department for health say dem do test for laboratory for Cape Town wey show say alcohol and carbon monoxide bin dey for di victims blood, but e bin no reach di level to kill dem.
De say dem also find methanol for inside dia blood but go do more tests to find di level.
Last month, dem find di dead bodi of twenty one young pipo, wey most of dem be teenagers for di coastal city of East London.
Dem don charge di owner of di bar and two of im workers say dem go against di rules on how to sell alcohol.
CBN don raise Monetary Policy Rate to 14%
Di Monetary Policy Committee (MPC) of di Central Bank of Nigeria (CBN) don raise di Monetary Policy Rate (MPR) to 14%.
Chair of di Committee and Governor of CBN, Godwin Emefiele, tok dis one during one for briefing for Lagos on Tuesday, 19 July.
MPR na di interest rate wey di CBN dey borrow money give commercial banks, and e be di benchmark against for oda lending rates for di economy.
Before now, di rate be 11.5% for over two years, and den dem raise am to 13% for May to manage di rise of inflation, according to Emefiele.
How di CBN rate fit affect you.
Wia dis foto come from, Getty Images
Tribute dey pour out for Veteran Nollywood actress, Sola Onayiga wey die
Wia dis foto come from, Facebook/Ireti sola Onayiga
Tribute don begin dey pour out for Veteran Nollywood actress, Sola Onayiga wey die.
Di National President of Actors
Guild of Nigeria, Emeka Rollers confam give BBC Pidgin say Sola Onayiga don
pass on.
Oga Rollers also give small background of who sola Oniyiga be:
"Sola na di pesin wey play Ireti for di series, Fuji house of commotion wey late Amaka Igwe produce and direct."
Di AGN president also confam di death of anoda actress, Adah Ameh on Monday.
Zambian president question Wafcon penalty decision
Wia dis foto come from, AFP
Zambia President Hakainde Hichilema don protest against di late penalty wey cost im kontri ticket to di final of di Women Africa Cup of Nations (Wafcon).
South Africa secure a 1-0 victory over Zambia on Monday wit a stoppage time penalty.
Referee rule say Martha Tembo foul Jermaine Seoposenwe on di edge of di penalty box. But some say e be like Tembo bin don block one attempted pass before di movement of di Banyana Banyana forward take her into di Zambia defender.
Zambia go now face Nigeria in the battle for third place.
President Hichilema call di team afta dia loss to South Africa and encourage dem to work hard.
“Dat na contestable penalty, di goal na questionable penalty, and I tink we should really look into am carefully.
"Na outside di box but you do a fantastic job, you don do a good run up to now, semi-final dey good, you qualify to di World Cup (and) we dey proud of you and on behalf of all Zambians we dey proud of you, feel happy don’t be depressed,” Mr Hichilema tok.
Angry Ghana youth chase lawmaker, throw am sachet water over failed promises
Caroline Danjuma emerge as AAC deputy govnorship Candidate for Akwa Ibom State
Article Information
Author, Princess Igho Williams
Role, BBC Pidgin
Wia dis foto come from, Instagram/carolynahutchings
Nollywood actress, Caroline Hutchins Danjuma don announce say she be di African Action Congress (AAC) deputy govnorship candidate for Akwa Ibom State.
Caroline Danjuma na di third actress to run for a pollical office for di 2023 elections.
Dis dey come few weeks afta actors, Funke Akindele and Tonto Dikeh announce say dem be deputy governorship candidates of different political parties.
Funke Akindele come out as deputy govnorship candidate for di Peoples Democratic Party, PDP for Lagos State for di 2023 general elections.
While Tonto Dikeh come out as di deputy govnorship candidate of di African Democratic Congress (ADC) for di 2023 general election for Rivers State.
Caroline Hutchins Danjuma write for her official Instagram page as she share di news with her followers;
"To serve and to honour in loyalty and in truth to Akwa Ibom and Nigeria. So help me God."
Also, Omoyele Sowore wey be AAC presidential candidate post photo of Caroline as e announce di party deputy govnorship candidate for Akwa Ibom state and write say;
"Women no need to request for a particular percentage in governance, our party AAC believe in equal rights between women & men. Wetin man fit do, a woman fit do am beta..."
Di Govnorship candidate for AAC inside Akwa Ibonm state na Iboro Otu.
Wia dis foto come from, Facebook/Iboro Otu instagram/carolynahutchings
Iboro Otu also make di announcement of im running mate for im facebook page.
"Today I introduce my running mate and deputy govnorship candidate to Akwa Ibom state and indeed di world... I found dis candidate in Chief Mrs. Caroline Uduak Danjuma wey be Eket business woman and philanthropist wey don win di world over through her line of endeavour," Iboro Otu tok.
'Di way I dey handle tools dey make some men fear'
Putin dey go Iran
Wia dis foto come from, Getty Images
Wetin we call dis foto, Vladimir Putin don mostly contain imsef for Russia since di war for Ukraine begin
Russian President Vladimir Putin go visit Iran on Tuesday for just im second foreign trip since e launch di invasion of Ukraine for February.
Mr Putin go meet Iranian Supreme Leader Ayatollah Ali Khamenei and Turkish President Recep Tayyip Erdogan.
Grain exports, Syria and Ukraine na wetin dem go discuss for Tehran, one Turkish official tok.
Di Russian leader don limit im international visits to former Soviet states since war break out for Ukraine.
For June, Mr Putin make im first international trip since February wen e visit Tajikistan and Turkmenistan, both former members of di USSR now wey dey led by authoritarian rulers and Russian allies.
Tuesday visit g offer Mr Putin di opportunity to deepen ties with Iran, one of Moscow few remaining international allies and anoda kontri wey be di target of Western economic sanctions.
Atletico contact Ronaldo over move - Tuesday football tori
