د ایران ولسمشر: راځئ یو موټی او اختلافونه پرېږدو
د ایران ولسمشر مسعود پزشکیان په یوه لنډ پیغام کې د "وحدت" او "ملي یووالي"غوښتنه کړې ده.
ده پر ټولنیزې رسنۍ اېکس لیکلي: "راځئ هڅه وکړود نوي کال له رارسېدو سره کینې، او اختلافونه پرېږدو".
ښاغلي پزشکیان زیاته کړې: "موږ تر بل هر وخت زیات سږکال نوروز ته اړتیا لرو، یو داسې نوي کال ته چې زموږ په کلتور کې د وحدت او ملي یووالي ښکارندوي کوي."
د ایران ولسمشر لیکلي: "راځئ لاسونه سره ورکړو او خپل ایران له هغو توپانونو په بریالیتوب سره راوباسو چې اوس ورسره مخامخ یوو."
ده تېره ورځ د نوروز په مناسبت هم یوه ویډیويي پیغام کې ویلي و چې نه غواړي له ګاونډیو هېوادونو سره په تاوتریخوالي اخته شي او دا چې د ستونزو د حل لپاره چمتو دی.
ښاغلي پزشکیان وویل هیله لري هغه "ستونزې" چې د ایران او ګاونډیو هېوادو ترمنځ اړیکو کې رامنځ ته شوې دي له منځه لاړې شي.