تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
د امریکا ولسمشر ډونلډ ټرمپ د (نیویارک پوسټ) ورځپاڼې خبریال ته ویلي چې ښه ده په اسلام اباد کې پاتې شي ځکه چې په وینا یې، ښايي د امریکا او ایران ترمنځ خبرې "په دوو ورځو کې" بېرته پیل شي. ښاغلي ټرمپ تر دې مخکې له فاکس نيوز سره په مرکه کې ويلي چې له ایران سره جګړه 'پای ته نږدې شوې ده'. بل پلو د ایران دننه، رسنیو په تهران کې د یوې چاودنې رپوټ ورکړی او ویلي یې دي چې درې کسان پکې ټپیان شوي دي.
د اسرائیلو په ديمونا کې مرستندويه ډلې دلته پر استوګنيزو سيمو د تېرې شپې د ایران له بريد وروسته د زیانونو پلټنه کوي.
دا ښارګوټی د نيګيو په دښته کې پروت دی چې د اسرائیلو له اټومي تاسيساتو ۱۳ کيلومتره واټن لري. د اسرائیلو د بېړنيو خدمتونو ډله وايي له برید وروسته لسګونه کسان روغتون ته لېږدول شوی دي.
د اسرائیلو د پوځ ویاند وايي له ایران او په لبنان کې له حزب الله سره د څو نورو اونیو جګړه په مخکې لري.
د اسرائيلو د پوځ ویاند برید جنرال ایفي ډفرین وړاندوینه کړې چې د ایران او حزب الله سره جګړه به د څو نورو اونیو لپاره دوام وکړي.
نوموړي ويلي، "د هرې ورځې په تېرېدو سره، موږ دا ترهګر رژیم نور هم کمزوری کوو. موږ به اجازه ورنکړو چې دا رژیم او د هغې نیابتي ډلې د اسرائیلو دولت ته ګواښ رامنځته کړي".
ايرانیانو ډونلډ ټرمپ تورن کړی چې د "اور بلولو" هڅه کوي، ځکه هغه ګواښ کړی چې که د هرمز تنګی بېرته خلاص نه شي، د ايران پر برېښناکوټونو به بریدونه وکړي.
په تهران کې یوې ۴۰ کلنې ښځې بي بي سي فارسي ته ویلي چې که ټرمپ برید وکړي "د اوبو، برېښنا او ګازو ټولې سرچینې به پرې شي."
په تهران کې یو بل ۲۰ کلن ځوان زیاتوي، وېره لري چې که بریدونه زیات شي، برېښنا به لاړه شي او بانکي سیسټم به له منځه لاړ شي. هغه وايي: "دوی اور ته دومره لمن وهي چې له سرو کرښو او محدودیتونو اوړي."
په پلازمېنه تهران کې یوې بلې ۲۰ کلنې ښځې وویل: "تېر کال د ۱۲ ورځنۍ جګړې پر مهال، موږ تر دریو اونیو اوبه نه لرلې. زما لپاره دا تر جګړې هم ډېره بده وه."
د ایران په شمال، رشت کې یو بل ۲۰ کلن ځوان وايي: "یوازینۍ لار چې ملایان به لاړ شي دا ده چې موږ په اتومي بم وویشتل شو."
هغه وايي "دا په رښتیا د درک وړ نه ده" چې ټرمپ به پر برېښناکوټونو برید وکړي، خو فکر کوي دا بعیده ده چې امریکا به "موږ ته سخت زیان ورسوي."
د اسرائیلو دفاع وزارت د ټیلیګرام تازه معلومات وايي، چې له ایرانه د اسرائیلو پر لور نور توغندي توغول شوي دي.
د اسرائیلو پوځ وايي، د ګواښ مخنیوي لپاره کار کوي او په اړوندو سیمو کې ګرځنده تلیفونونو ته د احتیاط خبرتیا لېږل شوې ده.
د ایران دولتي خبري شبکې ای ار ای بي هم راپور ورکړ، چې د توغندیو د بریدونو نوې څپه پیل شوې ده.
په جلا توګه، د متحده عربي اماراتو د دفاع وزارت وايي چې دوی د یکشنبې پر ورځ له ایرانه توغول شوي څلور بالستیک توغندي او ۲۵ډرونونه شنډ کړي دي.
په ټولیز ډول، د متحده عربي اماراتو هوايي دفاع پر اېکس یوه پیغام کې وايي، اوس "د ایران د ښکاره یرغل له پیل راهیسې" ۳۴۵بالستیک توغندي، ۱۵ کروز توغندي او ۱،۷۷۳ ډرونونه شنډ کړي دي.
د اسرائیلو دفاعي ځواکونه وايي،د لبنان په سویليبرخه کې یې د حزب الله په نښه کولو لپاره تازه بریدونه کړي دي.
پرټیلیګرام شریک شوي پیغام کې ویل شوي چې ځمکني او هوايي ځواکونه په دې عملیاتو کې ښکېل وو.
بل لور د یکشنبې پر ورځ په یوه جلا پیغامکې، د اسرائیل دفاع وزارت وویل،د شنبې په ماښام یې د ایران ملاتړې ډلې نهه غړي ووژل.
لبنان د ایران پروړاندې د امریکا او اسرائیلو په جګړه کې له هغه وروسته ښکېل شو،چې د ایران ملاتړې حزب الله په اسرائیلو توغنديز بریدونه وکړل، اسرائیلو په هوایي بریدونو سره ځواب ورکړ او وروسته یې د دېهېواد سویلته ځمکني ځواکونه واستول.
]په ورته مهال د اسرائیلو دفاع وزیر اسراییل کاتز خپلو ځواکونو ته ویلي چې د لیتاني سیند پر سر پلونه ویجاړ کړي، چې د حزب الله لخوا کارول کېږي او په وینا یې دی غواړي سرتېري په نښه شويوکلیو کې د کورونو ویجاړول زیات کړي.
د اسرائیلو دفاعي ځواکونو ویليچې د دې اونۍ په پیل کې د سیند پر سر هغه دوه پلونه ویجاړ شول چې سویلي لبنان د هېواد له نورو برخو سره نښلوي.
د ایران سرې میاشتې ټولنې ویلي، د ۲۰۲۵ کال په مارچ میاشت کې د جګړې له پیل راهیسې، "له ۸۱۰۰۰ ډېر ملکي ځایونه" د امریکا او اسرائیلو په بریدونو کې په نښه شوي دي.
د ایران سرې میاشتې ټولنې مشر پیر حسین کولیوند وايي، دې بریدونو کې "طبي مرکزونه، ښوونځي، امبولانسونه او مرستندویه کارکوونکي" په نښه شوي دي.
ښاغلي کولیوند دغه راز دا بریدونه "له نړیوال بشري قانون او د جینیوا له کنوانسیونونو د سرغړونې څرګند ثبوت" وبلل.
د سرې میاشتې ټولنې په وینا، "۴۹۸ ښوونځي، د سرې میاشتې ۱۷مرکزونه، ۳چورلکې او ۴۸ عملیاتي وسایط" تر اوسه په بریدونو کې په نښه شوي دي.
یادې ادارې ویلي، ۲۱ طبي پرسونل وژل شوي او ۱۰۳ ټپیان شوي دي.
د اسرائیلو لومړی وزیر وايي، دوی به د ایران سپاه پاسداران ځواک لوړ پوړي قوماندانان، تاسیسات او شتمنۍ په نښه کړي.
بنیامین نتنیاهو د اسرائیلو اراد ښار ته د سفر په ترڅ کې، چې تېره شپه د ایران لخوا په نښه شو، وویل: "موږ به د (ایران) رژیم او سپاه پاسداران، دا جنایتکاره ډله تعقیب کړو. موږ به د دوی هر یو، د دوی مشران، د دوی تاسیسات، د دوی اقتصادي شتمنۍ تعقیب کړو. موږ به دوی هر یو تعقیب کړو."
د اسرائیلو د روغتیايي چارواکو په وینا، تېره شپه د ایران په بریدونو کې په اراد او دیمونا ښارونو کې د ټپي شویو کسانو شمېر ۱۷۵ته رسیدلی دی.
تر اوسه پورې په بریدونو کې د چا د وژل کېدو راپور نه دی ورکړل شوی.
د ایران د پارلمان رئیس محمد باقر قالیباف ګواښ کړی چې که امریکا او اسرائیل د دغه هېواد د برېښناکوټونه په نښه کړي، د خلیج په سیمه کې به حیاتي اډانه یا تاسیسات په "نه بدلیدونکي ډول" ویجاړ کړي.
پر اېکس یوه پیغام کې قالیباف وايي چې په ټوله سیمه کې به حیاتي زیربناوې، د انرژۍ او د تېلو تاسیسات"مشروع هدفونه" وګڼل شي.
د پارلمان رئیس خبرداری ورکوي چې د تېلو بیې به "د اوږدې مودې لپاره" لوړې شي.
نوي انځورونه د اسرائیلو په دیمونا او اراد ښارونو کې د شپې له خوا د ایران د توغندیز برید له کبله اوښتی زیان ښيي، چې زموږ په مخکینیو رپوټونو کې یې یادونه شوې.
په اراد کې دې برید څو ودانۍ سختې زیانمنې کړې، چې ژور کندې یې پریښودې.
دیمونا کې د توغندي ورته برید شوی، چې د اسرائیلو د پرمختللي هوايي دفاع سیسټم څخه تېر شوی و. هلته هم یو شمیر خلک ټپیان شول. دغه ښار له نیګیف اتومي څیړنې مرکز څخه شاوخوا ۱۳ کیلومتره لرې دی.
د اسرائیلو د بېړنیو چارو چارواکي وايي، د اسرائیل په دوو سویلي ښارونو کې د ایران توغندیزو په بریدونو کې له ۱۶۰ ډېر کسان ټپیان شوي دي، چې په وینا یې ځینې یې جدي دي.
دوی وايي، د شنبې په ماښام د بالسټیک توغندیو له لګېدو وروسته، په اراد کې ۸۴ کسان او په دیمونا کې د ۷۸ نورو کسانو درملنه کېږي.
د اتومي انرژۍ نړیواله اداره (ای اې اي اې) وايي، دوی له دیمونا شاوخوا ۱۳ کیلومتره لېرې د اتومي څېړنې تاسیساتو ته د کوم زیان په هکله معلومات نه لري.
د ایران دولتي تلویزیون له دې مخکې ویلي و، بریدونه د شنبې په ورځ د ایران پر نتانز اتومي تاسیساتو د برید په ځواب کې وو. (ای اې اي اې) مسوولین وايي، هلته "له ساحې بهر د وړانګو په کچه کې هیڅ زیاتوالی نه دی راغلی".
تفصیل په دې ځانکړي مطلب کې لوستلای شئ.
د ایران د پلازمېنې تهران په شهرک غرب سيمه کې د شنبې په ورځ اخيستل شویو عکسونو کې د استوګنې او سوداګريزې ودانۍ ليدل کېږي چې د مارچ ۱۶مې بریدونو له کبله زيانمنې شوې دي.
د ایران پلازمېنه د فبرورۍ پر ۲۸ د جګړې له پيل راهيسې په دوامداره توګه تر بریدونو لاندې ده.
د اسرائیلو پوځ ويلي چې د شنبې ورځ په سهار یې په تهران تازه بریدونه پيل کړي دي.
د شنبې ناوخته د ایران توغندی د اسرائیلو له دفاعي سيستم څخه تېر او پر جنوبي ښار عراد کې ولګېد.
په اسرائيلو کې د بېړنيو خدمتونو اداره وايي، له دې برید وروسته ۸۸ کسان روغتون ته وړل شوي چې د لس تنو حالت نازک ښودل شوی دی.
د اسرائيلو په بل ښار ديمونا کې له اتومي تاسيیساتو ۱۳ کیلومتره لرې هم د ایراني توغندي لګېدو له کبله ګڼ کسان ټپيان شوي دي.
د اسرائیلو لومړي وزير دا د خپل هېواد لپاره "ډېر سخت ماښام" بللی دی.
ایران د اسرائیلو په ديمونا ښار چې ويل کېږي د دغه هېواد له سترو اتومي تاسيساتو ۱۳ کیلومتره په واټن پروت دی توغنديز برید کړی دی.
اسرائیل وايي د دې توغنديز برید پلټنه کوي چې څه ډول د دغه هېواد له دفاعي سيستم څخه تېر شوی او په جنوبي ديمونا ښار کې لګېدلی دی.
د راپورونو له مخې په دغه توغنديز برید کې لږترلږه ۴۷ تنه ټپيان شوي دي.
ويل کېږي اسرائیل دلته خپلې اتومي وسلې ساتي خو اسرائیل له دې انکار کوي او وايي دا ځای یوازې د څېړنو لپاره کارول کېږي خو په پراخه کچه باور کېږي چې اسرائیلو هلته اتومې وسلې جوړې کړې چې دوی یې پخلی نه دی کړی.
د اسرائیلو له جنوبي ښار عراد څخه د ایران وروستي برید ځینې عکسونه ترلاسه شوي دي.
د بېړنيو چوپړونو ډلې وايي په برید کې ټول ۸۸ کسان ټپیان شوي چې له ډلې یې لس تنه سخت ټپیان دي.
د امریکا ولسمشر ډونلډ ټرمپ وايي که ایران په راتلونکو ۴۸ ساعتونو کې د هرمز تنګی په بشپړه توګه او پرته له کوم ګواښ څخه خلاص نه کړي، امریکا به د دوی د انرژۍ ډېری فابریکې په نښه او ویجاړې کړي.
نوموړي د نیویارک ټایمز د وروستي تحلیل په ځواب کې دا هم ويلي چې امریکا "ایران د نړۍ له نقشې څخه پاک کړی دی."
ښاغلي ټرمپ یو ځل بیا ټینګار کړی چې د ایران مشرتابه، سمندري او هوايي ځواک له منځه وړل شوی او دوی په بشپړ ډول هېڅ دفاع نلري او غواړي چې معامله وکړي، خو ويلې يې دي چې دې کار ته چمتو نه دی.
د اسرائیلو په دیمونا ښار کې د ایران لخوا د توغندیو د برید د ځای ځینې عکسونه خپاره شوي دي.
اسرائیلي چارواکي وايي د هغه توغنديز برید پلټنه کوي چې د دغه هېواد له دفاعي سيستم څخه تېر شوی او په جنوبي ديمونا ښار کې لګېدلی دی.
د راپورونو له مخې په دغه توغنديز برید کې لږترلږه ۴۷ تنه ټپيان شوي دي.
له دیمونا شاوخوا ۱۳ کیلومتره لرې د اسرائیلو ستر اتومي تاسيسات موقعيت لري.
ويل کېږي اسرائیل دلته خپلې اتومي وسلې ساتي خو اسرائیل له دې انکار کوي او وايي دا ځای یوازې د څېړنو لپاره کارول کېږي خو په پراخه کچه باور کېږي چې اسرائیلو هلته اتومې وسلې جوړې کړې چې دوی یې پخلی نه دی کړی.
د ایران پر پلازمېنه تهران د اسرائیلو هوایي بریدونه دوام لري. د شنبې سهار د اسرائيلو د فاع وزارت وويل چې په تهران کې یې پراخ بریدونه ترسره کړي او لسګونه هدفونه یې په نښه کړي دي.
په لاندې عکسونو کې زیانمنې شوې ودانۍ او کنډوالې ليدل کېږي.
اسرائیلي چارواکي وايي د هغه توغنديز برید پلټنه کوي چې د دغه هېواد له دفاعي سيستم څخه تېر شوی او په جنوبي ديمونا ښار کې لګېدلی دی.
د راپورونو له مخې په دغه توغنديز برید کې لږترلږه ۴۷ تنه ټپيان شوي دي.
له دیمونا شاوخوا ۱۳ کیلومتره لرې د اسرائیلو ستر اتومي تاسيسات موقعيت لري.
ويل کېږي اسرائیل دلته خپلې اتومي وسلې ساتي خو اسرائیل له دې انکار کوي او وايي دا ځای یوازې د څېړنو لپاره کارول کېږي خو په پراخه کچه باور کېږي چې اسرائیلو هلته اتومې وسلې جوړې کړې چې دوی یې پخلی نه دی کړی.
ایران بيا وايي، دیمونا یې د نانتز پر اتومي تاسيساتو د برید په ځواب کې په نښه کړی.
د اسرائیلو د بېړنيو روغتیايي خدمتونو اداره وايي، د دغه هېواد په جنوبي ښار عراد د ایران تازه توغنديز برید یو شمېر کسان ټپيان کړي دي.
یادې ادارې ويلي، ۶۴ تنه روغتون ته لېږدول شوي چې د اوو تنو حالت نازک ښودل شوی دی. ۱۵ تنه په منځنۍ کچه او پاتې نور لږ ټپيان دي.
د بېړنيو خدمتونو ادارې دا هم ويلي چې د مرستندويه ډلې د نورو احتمالي ټپيانو لټون کوي. نور معلومات د
اسراییلو ویلي دي چې راتلونکې اونۍ کې به پرایران د دوی بریدونه سختیږي.
د اسراییلو د دفاع وزارت یوې اعلامیې کې د دفاع د وزیر اسراییل کاتس له خلې ویل شوی دی چې دا تېزي به د یکشنبې له ورخې پیلیږي.
ده وویل چې په هغو زېربناوو به د اسراییلو او امریکا بریدېونو کې دده په ټکو د پام وړ زیاتوالی راځي چې د ایران حکومت پرې تکیه لري.
ددې نه وړاندې د امریکا ولسمشر ویلي و چې ایران کې د خپلو عملیاتو پر راغونډولو غور کوي.