وروستی, د فرانسې لوی درستیز: د امریکا نه اټکلېدونکې کړنې زموږ پر ګټو اغېز کوي
د فرانسې د پوځ لوی درستیز فابیان ماندو د سېشنبې په ورځ وویل چې متحده ایالات داسې یو متحد ګرځېدلی چې چلن یې اټکل کېدونکی نه دی او دا موضوع د فرانسې پر ګټو او امنیت اغېز کوي.
ماندو په پاریس کې د امنیت او دفاع په یوه فورم کې زیاته کړه: "زموږ امریکایي متحد موږ حیران کړي یو. که څه هم لا هم متحد دی، خو ورځ تر بلې یې کړنې نه اټکلېدونکې کېږي او کله چې پوځي عملیات پیلوي، موږ ته خبر هم نه راکوي."
هغه وویل: "دا زموږ پر امنیت او ګټو اغېز لري."
ماندو زیاته کړه: "موږ د امریکایانو په غوښتنه افغانستان ته ولاړو، هغوی د ناټو د منشور پنځمه ماده فعاله کړه، خو وروسته یې د وتلو پرېکړه وکړه پرته له دې چې موږ خبر کړي."
هغه وویل: "اوس هم دوی پرېکړه کوي چې په منځني ختیځ کې مداخله وکړي، پرته له دې چې موږ ته خبر راکړي. خو سره له دې، د فرانسوي وسلهوالو ځواکونو لپاره د هغو فرانسوي وګړو د ساتنې لار موندل مهم دي چې له دې سیمې تېرېږي."