BBC News, Ìgbò
Wụga n’ọdịnaya

You’re viewing a text-only version of this website that uses less data. View the main version of the website including all images and videos.

Take me to the main website

Ọ bụrụ na Putin bụ nwaanyị, ọ karịghị awakpo Ukraine - Boris Johnson

Boris Johnson ekwuola na ọ bụ ime odogwu nwoke enweghị isi mere Vladimir Putin ji wakpoo Ukraine.

Mkpuchi Na Eme Ozugbo

  1. Joe Biden afebatala mba Poland maka atụmatụ inyere Ukraine aka, Mba Amerịka na-agba mbọ inyere mba Ukraine aka dịka Russia na-awakpo ha

    Onyeisiala mba Amerịka bụ Joe Biden agaala mba Poland dịka ya na onyeisiala mba ahụ bụ Andrzej Duda ga-enwe mkparịtaụka banyere etu ha ga-esi nyere mba Ukraine aka.

    E kwuru na Biden ga-aga leta mmadụ nde abụọ gbara ọsọ ndụ ha gbaba mba Poland na njem a.

    Ugbua Biden na ndị minista mba Ukraine abụọ na-enwe mkparịtaụka.

    Ọ febatara mba Poland bụ mba agbataobi Ukraine n'ụbọchị Fraịdee.

  2. Nke a bụ nchịkọta okwu gbasara agha Russia nke Frịade, Nkwọ

    • Onyeisiala mba Amerịka bụ Joe Biden sị na ọnwebeghị mgbe ndị Natọ dị n'otu karịa ugbua. Ọ rịọrọ ha ka ha jisike na mkpachapụ ha na-akpachapụ Russia ka ọ nwere baa ha n'ọkpụkpụ.
    • Biden, Macron nke France, na Johnson nke UK, ha niile jụrụ ikwu ihe ha ga-eme ma Putin kachie ntị nwere ogbunigwe kemikalu lụọ agha Ukraine.
    • Nato ekwuputala na ha ga-emeghe ihuagha (battleground) anọ nke ndị agha mmadụ 40,000 ga-eso na ya na mba Slovakia, Hungary, Bulgaria nakwaRomania.
    • Otu onye ọchịchị na Germany nakwa EU bụ von der Leyen sị na ha enweghị ike iji ego ndị Russia bụ roubles kwuo ụgwọ gasị ha na-ego ha. Ọ sị na "oge mgbe Russia na-eji orure gasị ha amaja ndị mmadụ agaala".
    • Johnson gwara BBC na nke bụ eziokwu bụ na Ukraine nwereike imeri agha a, maka na ya hụrụ na Putin achọghị udo obula.
    • Ike Russia agaghịzị eru ka mgbe ha mailitere ya bụ agha, dịka otu onyeisi agha mba Amerịka kwuru.
    • Mba Amerịka amalitela itinya anya n'ebubo gbasara mmadụ anọ ndị Russia ha sị na ya chọrọ iji ụzọ aghụghọ banye intaneti ahịa mmanụ ndị ụwa.
    • Ndị agha Ukraine sị na ha agbariela ụgbọmmiri agha ndị Russia mebikwa abụọ ndị ọzọ n'ọdọụgbọmmiri dị na Berdyansk nke ndị Russia kpachiri.
    • Ukraine sị na ha na Russia emeela mgbanwe ndị agha ha ji eji nke eziogbo mbụ. Ha sị na ha nyere ndị Russia ndị agha mmadụ iri ha ji ebe Russia nyekwara ha mmadụ iri ndị Ukriane ha ji.
    • N'aka ọzọ, ha nyekwere Russia mmadụ iri na otu bụ ndị ntịkị ha ji ebe Russia nyere ha ndị nkịtị mmadụ iri na itoolu ndị nke ha.
    • WHO si na ha enwebeghị ike ịbuga akụrụngwa ụlọọgwụ bụ nke kọrọ ụkọ na Mariupol na Mykolaiv.

  3. Unu asaala Chi ee! Taa bụ Nkwọ. Nkwọ biko kwọtara anyị ihe ọma ooo!

  4. Zelensky akpọọla oku ka e jiri ngaghariwe mee ncheta otu ọnwa agha darala na Ukraine

    Onyeisiala Ukraine bụ Volodymyr Zelensky arịọla mmadụ niile bi n’akụkụ ụwa dị iche iche ka ha pụta n’igwe ma mee ngaghariwe iji gosi nkwado ha nye mba Ukraine dịka agha na-ada ebe ahụ banyerela otu ọnwa.

    Zelensky ziputere ozi a n’abali ụnyahụ kwuru na agha mba Russia abụghị naanị Ukraine ka o megidere kama o megidere nwereonwe mmadụ ọbụla bi n’ụwa.

  5. Ndewonu ndị Igbo

    Ụbọchị taa maranụ mma!!

    Sonyere anyị dịka anyị ga na-ewetere unu akụkọ gbara ọkpụrụkpụ gbasara agha dị n'etiti Ukraine na Russia.

  6. Nke a bụ nchịkọta okwu gbasara agha Russia nke Wenezde

    • Ọnụ na-ekwuru onyeisiala Russia ekwuola na ha nwereike itinye ogbunigwe nuklịa n'ọrụ ma ọbụrụ na ya bụ agha na ebuso Ukraine chọwa iri isi ha. O kwuru nke a na mkparịtaụka ha CNN ụbọchị Tuzde.
    • Pentagon egwuola na ya bụ okwu Russia kwuru abụghị okwụ ndị ma ihe, ndị atụkwasara obi na ha nwere ezigbo akọ na uche ha ga-eji jikwaa akụrụngwa nukịa.
    • Ndị ọrụ mgbaama ndị Ọdịda anyanwụ ekwuola na ọ dịka ndị Russia adawala mba dịka ha nọ otu ebe na-agba obodo ndị ọzọ mepere emepe n'Ukraine gburugburu na nkwado ibuso ha agha.
    • Ihe ruru otu narị puku mmadụ ka tọrọ atọ na Mariupol dịka Russia jụrụ na ha agaghị aṅụ mmiri tọgbọ iko ebe ha na-esi ọnwụ ịnapụ Ukriane obodo ahụ dịka ha oke mkpa.
    • A zọpụtara ihe ruru mmadụ puku asaa (7000) na Mariupol ụbọchị Tuzde dịka Onyeisiala mba Ukraine kwuru ụbọchị Tuzde n'ozi ya na Facebook.
    • A tụrụ anya na Joe Biden nke Amerịka ga-ekwuputakwa mkpachị ndị ọzọ a ga-enye Russia mgbe ọ ga-ekwu okwu n'ọgbakọ ndị Nato na G7 nke a ga-eme echi bụ Tọzde na Brussels.
    • Onyeisiala mba Ukraine bụ Volodymyr Zelensky ga-agwa ha okwu site na ihe onyonyo.
    • Ndị ọrụ n'Ukraine sị na ọ ga-eji ohere ahụ rịọ ka e nye ha oji isi aghọ mgbọ n'ikuku Bekee kpọrọ "Air defence system".
    • A na-atụ anya na ndị G20 nwereike ịchụpụ Russia n'otu ha, dịka Reuters dere.

  7. Umuibe, unu asaala chi ee! Ụbọchị Orie ga-enwetere anyị ihe ọma. Iseee

  8. Putin na Macron akpaala nkata n'ekwenti, Ntaaụkkọ mba Rọshịa

    Ndị ntaakụkọ mba Rọshịa ekwuola na onyeisi mba Rọshịa bụ Vladimir Putin na Onyeisiala mba Fransị bụ Emmanuel Macron nwere mkparịtaụka n'ekwe ntị.

    Ha kwuru na ọ bụ mba Fransi bidoro ya bụ mkparịtaụka nke bụ maka ịweta udo na mba Yukren.

  9. Nwata akwụkwọ Naijirịa si Yukren lọta anwụọla na Sokoto steeti

    Otu n'ime ụmụ akwụkwọ ndị si mba Yukren lọta Naijirịa maka agha na-ada na mba ahụ anwụọla na Sokoto Steeti.

    Amabeghị ihe gburu nwata akwụkwọ a aha ya bụ Huzaifa Habibu kama nna ya bụ Habibu Halilu Modaci na ha kpọrọ ya gbaga ụlọọgwụ dịka o kwuru maka ahụ mmekasị na enweghịike iri nri.

    Huzaifa onye dị afọ iri abụọ na abụọ na-agụ akwụkwọ ọ ga-eji bụrụ dọkịnta na mba Yukren.

    Nkea bụ mbụ ọ na-alọta ụlọ kamgbe afọ atọ.

    Modaci kwuru na nwa ya kọorọ ya etu ọ si gbaa ọsọ agha na etu o si gbapụ mba Yukren.

    Naijirịa akpọpụtala akpọlatala ndị mba ha karịrị mmadụ 1,500 kamgbe Rọshịa wakporo Yukren, kama ihe ruru mmadụ 100 ka fọrọ ebe ahụ.

  10. Nke a bụ nchịkọta okwu gbasara agha Russia nke Tuzde

    • Onyeisi mba Amerịka bụ Joe Biden adọọla ndị mbaụwa ka na ntị na Onyeisiala mba Russia bụ Vladimir Putin nwekwereike iji ngwagha kemikalụ lụọ agha n'Ukraine. Biden n'akọwa na agha ahụ na-ahịa Putin ahụ nke ukwuu nke bụ na ọ nwereike iji ya bụ ngwagha ogbunigwe gbara isi onwe ya.
    • Onyeisiala mba Ukraine bụ Volodymyr Zelensky ekwuola na mba ya enweghịike ichiliri Russia aka elu na Mariupol, ihe ọ sọrọ ya mee. Ọ na-akpọ oku ka ehiwe ọgbakọ ga-enyeaka ịkwụsị ya bụ agha.
    • Ndị agha Ukraine sị na ndị Russia eweliela aka n'ụgbọelụ agha ha ji alụ ya bụ ọgụ na be ha kemgbe ụnyaahụ bụ Mọnde.
    • Ụlọọrụ ntaakụkọ na Russia ekwuola ihe ha hụrụ dịka ọnụokwu ndị gọomentị mba ahụ mgbasara mmadụ ole ha che ya bụ agha metutara n'ụzọ dị ọjọọ.
    • Ya bụ akụkọ kwuru na ihe ruru ndị mmadụ puku iri (10,000) bụ ndị agha a nwụrụ anwụ ebe mmadụ puku iri na isii (16,000) meruru ahụ, na-ekwukwa na-awakporo intaneti ha.

  11. Unu asaala chi ee. Ụbọchị Eke waara unu ọjị. Isee!

  12. Nke a bụ nchịkọta okwu ihe mere n'Ukraine kemgbe ụnyaahụ i kwesiri ịma.

    • Ukraine ajụla ịchirili Russia aka elu n'obodo Mariupol dịka Russia gwara ha ha mee tupu elekere ise nke mgbede ụnyaahụ, yaabụ elekere abụọ nke be anyị agaa.
    • Russia kwuru na ha ga-ahapụ ndị mmadụ ka ha pụọ n'obodo ahụ ma ọ bụru na ha ahapụrụ ha Mariupol.
    • Ihe karịrị mmadụ narị atọ (300,000) tọrọ atọ ebe ahụ kemgbe izuụka abụọ Russia malitere ịlị agha ebe ahụ nke bụ na ha ahụghị nri maọbụ mmiri ma ya fọdụzịa ọkụ na ihe ndị ọzọ e ji enyere ndụ aka.
    • Russia agbariela ọtụtụ ihe ebe ahụ dịka ụlọakwụkwọ, ebe obidi ndị mmadụ, ụlọọgwụ, nakwa ebe nkiri anya bụ "theatre". Ukraine sị na Russia da iwu agha ma gbutekwa ọchị nke ụwa agaghị echefu.
    • A turu ọtụtụ ogbunigwe ebe ahụ nkemgbe Sọnde, n'isiobodo ha bụ Kyiv, a kwakwara mgbọ ebe ahụ nke gburu mmadụ isii.
    • Ukraine katọkwara Isreal maka na ha eziteghiri ha oji-isi-aghọ mgbọ ha bụ "missile defence technology ha kpọrọ iron dome".
    • N'ozi onyeisiala ha bụ Volodymyr Zelensky zigaara ndị omeiwu mba abụ na ihe onyonyo, ọ sị, "ụwa niile ma na oji-isi-aghọ mgbo unu bụ ọkaibe n'ụwa.. unu nwereike iji ya nyere anyị aka".

  13. Unu asaala chi e! Ndewo nụ na BBC Igbo. Taa bụ Nkwo. Nkwo biko kwotara anyi ihe ọma oo!

  14. Ka chi foo nu

    Daalụ maka ịnọnyere anyị taa, ka ọ dị echi

  15. Maka ngaghariiwe na mpaghara Yukren ndị agha Rọshịa jichiri.

    Akụkọ kwuru na a na-eme ngagharịiwe dị ịcheịche na ọtụtụ obodo ebe mba Russia jibidorola na mba Ukraine.

    E kwuru na ngagharịiwe a so usoro udo mana e nwere ụfọdụ foto na-egosi ndị asị bụ ndị na-eme ngaghariiwe ndị mba Rọshịa nwuchiri n'obodo Enerhodar.

    Ngagharịiwe a malitere n’ebe ahụ mgbe onye obodo ahụ bụ Dmytro Orlov kwuru na ndị agha mba Russia tọọrọ osote ya bụ Ivan Samoydyuk.

    N’ozi o zitere site n’akara Telegram ya, ọ dere “Anyị amaghị etu ọnọdụ ya dị ugbua, o nwebeghị onye ọbụla nụrụ olu ya maọbụ ozi ya kamgbe ụnyaahụ”.

    Otu ihe onyonyo ọzọ a sị e sere n’obodo Berdyansk boro ebubo na ndị agha Rọshịa jichịrị ma tie ụfọdụ ndị mba Ukraine ihe.

    BBC enwebeghị ike nnyochapụta ma akụkọ ndị a bụ eziokwu kpọm kwem.

  16. Ukraine egbuola otu onyeisi ndị agha mba Russia n’agha nke mpaghara Mariupol

    Gọọmentị mba Russia ekwuola na otu onyeisi ndị agha ha nke na-achị ngalaba ‘Black sea fleet’ bụ Rank Andrei Paly nwụrụ n’ihu agha na mpaghara Mariupol.

    Akụkọ ekwubuola na ọ bụ ndị agha mba Ukraine bụ ihe gburu ya.

    Agha ka na-adasi ike na mpaghara Mariupol.

    Onye odeakwụkwọ ngalaba ụlọakwụkwọ ndị agha mmiri mba Ukraine dị na Nakhimov bụ Konstantin Tsarenko bụ onye zipụtara ozi a na soshal midia.

    Ndị agha mba Russia agbala ama ya bụ ọnwụ ma too ya maka etu o si nwere ndụ ya chụọ aja maka ịkwado agha Russia na-ebuso Ukraine.

    Ozi si Ukraine ekwuola n’oge gara aga na ha egbuola ndị isi agha mba Russia mmadụ ise kamgbe a malitere wakpowe mba ha n’ụbọchị 24 nke ọnwa Febụwarị, 2022 mana nke a bụ izizi Russia na-ekwete na egburu onyeisi agha ha bụ Andrei Sukhovetsky.

  17. Foto na-egosi ọnọdụ Kyiv dịka ọgụ na-ada ebe ahụ

    Agha ka na-ada na mba Ukraine dịka Russia na-awakposi ha ike.

    Otu onye na-esi ofo aha ya bụ Gleb Garanich nọ n’ihu ọgbọ agha nke mpaghara Kyiv zipụtara ọtụtụ foto na-eso ndị agha ụmụnwoke na ụmụnwaanyị mba Ukraine dịka ha na-echekwa obodo ha.

    Otu n’ime ha gosiri Tetiana Chornovol bụbu onye ụlọ ọmeiwu mba Ukraine bụ onye ọkwọ ụgbọala pụrụiche eji ebu agha.

  18. Onyeisiala Volodymyr Zelensky agwaala mba Izrel ka ha gbatara ha ọsọ enyemaka

    Onyeisiala mba Ukraine bụ Volodymyr Zelenskyy akpọkụọla mba Israel ka ha zitere ha akụrụngwa agha.

    Ọ jụkwara ha ihe mere ha achọghị isonye mba ndị ọzọ n’imachị mba Russia.

    O kwupụtara na ọ ma na Israel bụ mba kacha nwee akụrụngwa na ụgbọelu agha pụrụiche ma kwuo “Unu nwere ikike iji nyere ndị mba anyị aka, bịanụ tinye aka gbapụta ndị Ukraine”.

    Ọ gara n'ihu sị, “Nke a bụ atụmatụ unu ga-eji aka unu họrọ mana marakwa na ihe ọbụla unu họrọ ga-anọ n’isi unu”.

  19. Mwakpo Russia na-eme aghara aghara na Mariupol emeela ka ịgbatara ha ọsọ enyemaka raa ahụ - Unicef

    Unicef ekwuola na mwakpo Russia na-eme aghara aghara n’obodo Mariupol nke mba Ukraine emeela ka ọ raa ahụ ịgbatara ndị mmadụ ọsọ enyemaka ebe ahụ.

    Joe English bụ otu onye ọrụ ha gwara BBC na okwu agaghị ezu iji kọwaa ọnọdụ obodo ahụ nọ n’ime ya, ma kwuo na ọtụtụ ndị ọrụ enyemaka na-abanye n’ọnọdụ ize ndụ ma ha na-eweta enyemaka.

  20. Ị bọọla chi?

    Ụbọchị taa ga-amara gị mma.