Ọ bụrụ na Putin bụ nwaanyị, ọ karịghị awakpo Ukraine - Boris Johnson

Mkpuchi Na Eme Ozugbo

1. 25 Febụwarị 2022Ndị Rọshịa agaghịzị enweta Facebook n'uju ya

   Rọshịa ekwuola na ndị be ha agaghịzị etinye Facebook n'ọrụ n'uju na be ha maka otu o sị akpachi ọrụ mgbasaozi na be ha.

   Ndị ọrụ nchekwa ndị mgbasaozi na Rọshịa bụ Roskomnadzor sị na Facebook ajụla iweli mmachị ha machiri ụlọọrụ ntaakụkọ ndị be ha bụ RIA news agency, defence ministry's Zvezda TV, na akara nwaududo gazeta.ru na lenta.ru.

   Nick Clegg bụ osote onyeisi ndị ọrụ Meta nwe Facebook sị na ha agaghị akwụsị inyocha ụlọọrụ mgbasaozi anọ ahụ.

   Ọ bụghị taa ka Mosco malitere ikechi ọnụ ụlọọrụ mgbasaozi.

   O dobeghị anya ihe mkpachịa Rọshịa kpachiri Facebook ga-apụta.

   Ha emebuola ka Twitter na-akpu akpu.

2. 25 Febụwarị 2022Ghana ekwuola na ha na-akwado mba Ukrainde dịka Russia wakporo ha

   Gọọmentị mba Ghana ekwuola na ha kwụ mba Ukraine n'azụ dịka ha na-agabiga mwakpo n'aka mba Roshịa.

   Nke a si n'ọnụ Harold Agyeman bụ onye na-anọchite anya mba Ghana n'ọgbakọ nchekwa mba ụwa a kpọrọ 'UN Security Council'.

   Agyeman kwuru nke a n'ọgbakọ nchekwa a nke e nwere n'ụbọchị Fraịde, Februwarị 25.

   "Ọnọdụ a agaghị emetụta naanị mba Ukraine, kama ọ ga-emetụtakwa mba ndị gbara ya gburugburu," Agyeman kwuru.

   "Mba Ghana kwụsiri ike n'ịkwado nnwereonwe nakwa ikike dịịrị mba Ukraine dịka mba nọọrọ onwe ya."

   "Ọnọdụ dị ugbua na mba Ukraine na-emetụ anyị n'obi."

   Agyeman kwuru na ọ bụ ihe ekwesịghị ekweị etu Russia si wakpo Ukraine, nakwa etu ha si nabata mpaghara nnupuisi mba Ukraine dịka mpaghara nọọrọ onwe ha."

   Ọ gwakwara ụmụ akwụkwọ mba Ghana nọ na Ukraine ka ha chọọ ụzọ chekwaa onwe ha maọbụ gbaga ebe gọọmentị Ukraine debere maka nchekwa.

3. 25 Febụwarị 2022Atụmatụ ndị Rọshịa gbasara agha a anaghị gacha ka a tụrụ anya

   Anyị akọọla ka agha sị abata n'imi na ọnụ gburugburu Kyiv.

   Lee ihe onye ọrụ anyị bụ Frank Gardner dere maka ihe na-eme ebe ahụ.

   Nke bụ eziokwu bụ na agha a na-ada n'Ukraine anaghị aga ka Rọshịa si chọọ mana Ukraine na-anụ ụfụ ya.

   Ndị agha Rọshịa ka nke ndị Ukraine ugboro gboro.

   Ihe Onyeisiala mba Rọshịa na Minista na-ahụ maka agha bụ Sergei Shoigu bụ ka ha buso ha agha site ụzọ atọ, ịgbarị ndị ọbụla chọrọ ibuso ha agha nakwa ịchụda gọomentị nọ n'ọchịchị, tinye onye ọzọ ga-akwado ọchịchị ndị Rọshịa.

   Nke a ga-eme ka ha kpochita Ukraine n'okpuru ndị Rọshịa.

   Mana agha ndị Ukraine na ebuso ha ataala isi ndị Rọshịa 450 ugbua dịka ndị ọrụ ndị Defence Intelligence ndị Uk siri dee.

   Ka ọ na-ete aka imeri Ukraine bụ ka isi ndị mmadụ na-ala n'ime ya bụ agha.

   Ugbua Ukraine amalitela ibunye ndị nkiti egbe.

   Ọ bụ eziokwu na Putin ahụla ka ogbo ya nke Belarus si pịnyụọ ọkụ ndị nkiti pụtara ibuso gọọmentị ha agha site na ịnwụchi ha na ịta ha oke ahụhụ.

   Nato na onwe ha nwereike ha agaghị esonye agha a mana ha nwereike ịkwado ha site na ibunye Ukraine ngwaagha.

4. 25 Febụwarị 2022Ụbọchị Ash Wenezde ga-abụ ụbọchị ebumonụ maka agha Ukraine na Russia - Pope Francis

   Onyeisi ụka Katọlik n'ụwa niile bụ Pope Francis egosila nnukwu mwute maka agha dị n'etiti Russia na Ukraine.

   N'akwụkwọ ozi o zipụrụ n'ụbọchị Tọzde, Pope Francis kpọrọ oku ka ndị otu Kristi kpee ekpere ka udo wee lọghachi.

   "Ana m akpọku ndị otu Christ niile ka ha were ụbọchị Wenezde, abalị abụọ nke ọnwa Maachị, nke bụ ụbọchị 'Ash Wenezde', dịka ụbọchị ekpere na ibu ọnụ maka ọnọdụ a," Pope Francis kwuru.

   Ọ kpọkukwara ndị ọchịchị mba abụọ ahụ na-alụ ọgụ ka ha tulee mmụọ ha n'egwu nke Chukwu, ma wepụ aka n'ihe ọbụla nwereike ibutere ndị mmadụ ntaramahụhụ na ọnwụ.

5. 25 Febụwarị 2022Zelensky na Biden akpaala maka otu a ga-esi nyere ha aka

   Onyeisiala mba Ameríka na ogbo ya nke Ukraine bụ Volodymyr Zelensky enweela mkparịtaụka ruru nkeji iri anọ taa bụ Fraịde n'ekwentị gbasara otu a ga-esi nyere ha aka maka agha ndị Rọshịa na-ebuso ha.

   Ihe abụọ ha kpara bụ maka atụmaatụ ịkpachapụ ndị Rọshịa nakwa ịnyekwa nkwado maka agha na-ada be ha.

   Zelensky dere nke a n'akara Twitter ya ebe ọ sị na isiokwu ha gbadoro ukwu na " ụzọ mkpachapụ ga-eru Rọshịa n'ahụ, enyeaka doroanya maka agha a nakwa ihibe otu ga-egbochi agha a".

   Onye nweghịzị ihe ọzọ ama maka nkata a.

6. 25 Febụwarị 2022Putin si ndí agha Ukraine chutuo gọọmenti mba ha

   Vladimir Putin bụ onyeisiala Russia akpokuola ndị agha mba Ukraine ka ha chuto gọọmentị ha n'ọchịchị.

   N'ozi ọ gbasara n'ihe onynoyo TV, Putin onye kpọrọ ndị na-achị Ukraine "ndị oyinduegwu" na "ndị ọgwụike" gwara ha sị, " Were nụ ike n'aka onwe ụnụ."

   "Ọ dịka ọ ga-aka mfe anyị na ụnụ inwe nkwekọrịta karịa otu ndị ọgwụike na ndị Nazi."

   O boro ebubo na Ndị Agah Ukraine na-eziga ngwaọgụ n'ebe ndị nkịtị bi ,ma sị, "na-eme ka ndị oyindụegwu n'ụwa nile, ha na-ezo na azụ ndị mmadụ ka ha were boo Russia ebubo igbu ndị nkịtị."

   Putin kwere nkwa na ya na mba Ukraine ga-ekpe udo ma o buru na Ukraine chilie aka ha elu.

7. 25 Febụwarị 2022Mụ na nwa m nwoke agbaala ọsọ ndụ - Onyeisi BBC Ukraine

   Onyeisi ụlọọrụ BBC na mba Ukraine bụ Marta Shokalo akọọla etu ya na ezinụlọ ya si gbaa ọsọ ndị si na mba ahụ pụọ dịka ndị agha Rọshịa wakporo ha.

   O kwuru na ha biliri ụra n'elekere atọ nke isi ụtụtụ dịka mgbọ na ogbunigwe na-ada aghara aghara.

   "Onweghịzị ebe ị ga-aga zere ndụ na Ukraine," Shokalo kwuru.

   "Ihe jacha eche ndị mmadụ uche bụ ọkụ latrik nakwa ịntanetị ịkwụsị ịrụ ọrụ. Nke ahụ ga-aka njọ maka na ọ ga-eme ka anyị ghara inwe ụzọ nzikọrịta ozi."

   "Ọzọkwa ga-adị njọ bụ ma ha were ogbunigwe gbarie akwammiri Dnieper, bụ nke jikọrọ mpaghara Ọwụwa Anyanwụ na mpaghara Ọdịda Anyanwụ mba anyị."

   Shokalo kwuru na ogbunigwe ahụ dagidere ruo nke iri atọ, nke mere ka o yinye nwa ya akwa kwadoo ya ka ha gbapụ.

   "Nnukwu kpachikpachi dị n'okporoụzọ dịka ọtụtụ mmadụ na-achọ ịgbapụ n'otu oge," Shokalo na-ekwu.

   "Ọ bụghị naanị ụlọọrụ ndị agha ka ha na-agbatu - anyị ahụla onyonyo ebe ogbunigwe tụrụ ụlọ ebe ndị nkịtị bi."

8. 25 Febụwarị 2022Ebunyela ndị nkịtị na Ukraine egbe ka ha sonye na chekwaa mba ha n'aka Russia

   Gọọmentị Mba Ukraine akpọkuola ndị mba ha niile ka ha pụta buru egbe sonye na nchekwa mba ha.

   Ihe karịrị mmadụ 18,000 ewepụtala onwe ha ma buru egbe iji nyere ndị agha aka ichekwa mba Ukraine.

   N'otu aka ahụ kwa, gọọmentị Ukraine akụzierela ndị mba etu e si emepụta obere ogbunigwe iji chekwaa onwe ha ma ndị agha Rọshịa bata.

9. 25 Febụwarị 2022Gọọmentị mba Guinea ewepụla onye nnọchite anya mba Yukren nwa mgbe nta

   Gọọmentị mba Guinea akpọpụla onye nnọchiteanya mba Yukren na mba ha dịka ha kwuru na o zipụrụ ozi na soshial Midịa na-ekwu ka ndị mba Guinea dọnyere ha ukwu dịka ha na Rọshịa na-alụ agha.

   Ọ bụ na nzụkọ gọọmentị mba Guinea nwere ka ha kwuru na agwa onye nnọchiteanya a kpara ezịghị ezi.

   Mịnịsta na-ahụ maka mmekọrịta mba Guinea na mba ndị ọzọ kwuru na onyeisiala mba ha bụ Mamadi Doumbouya enyela ya ikike ka o bido atụmatụ ịkwado ndị mba ha tọrọ na mba Yukren.

10. 25 Febụwarị 2022Otu AU ekwuola ka-akwụsị agha na mba Yukren tupu ozuo ụwa niile ọnụ

    Otu jịkọrọ mba ndị nọ n'Afrịka ekwuola ka-akwụsị agha a na-alụ na mba Yukren dịka Rọshịa wakporo ha tupu ọ bụrụ agha zuru mba ụwa niile.

    Onyeisi oche otu a bụ Onyeisiala Senegal Macky Sall na onyeisoche nzụkọ EU bụ Faki Mahamat kwuru na mwakpo na-eme na Yukren na-echu ha ụra.

    Akwụkwọ ozi ha kwuru sị, "Ha na-akpọ ndị mba Rọshịa na ndị ọzọ ka ha kwanyere iwu jịkọrọ mba ụwa niile ugwu, ma sọpụrụ ọnọdụ Yukren dịka mba nwere onwe ha".

    Dịka ọ dị ugbua, mba Rọshịa si mpaghara ole na ole awakpo obodo Yukren.

    Gọọmentị Yuikren ekwuokwala na ọtụtụ ndị mmadụ anwụọla ebe pụku pụrụ pụku ndị mmadụ agbapụla mba ahụ.

11. 25 Febụwarị 2022Ndị nkịtị 137 na ndị agha nwụrụ n'ụbọchi Tọzde - Gọọmentị mba Yukren

    Na nchikọta, lee ihe merela n'agha Rọshịa na Yukren kamgbe o bidoro

    • Onyeisiala mba Yukren bụ Volodymyr Zelensky eziola ozi were klwuoa na ọtụtụ ogbunigwe si n'aka ndị mba Rọshịa adaala n'isi obodo Kyiv na mpaghara ndị ọzọ.
    • Ọ bụ ụda ogbunigwe ka ndị obodo jiri teta n'ụra taa.
    • Agha na-ada ebe niile na mba Yukren, ọkachasị na mpaghara ọwụwa anyanwụ na n'obodo Kharkiv.
    • Mmadụ 137 bụ ndị nkịtị na ndị agha anwụọla ụnyia.
    • N'ime ndị a bụ ndị agha Yukren mmadụ 13 na-echekwa Sanke Island, dịka ha kwechiri tupu ụgbọagha mba Rọshịa egbuo ha.
    • Rọshịa wakpoola ma were ọnọdụ na ebe Chernobyl Nuclear nọ, ma jichie ndị agha Yukren nọ ebe ahụ.
    • Otu EU, Australia na Japan ewepụtala ntaramahụhụ ọzọ nye ụloakụ, ụloọrụ na ndị Eze mba Rọshịa.
    • Onyeisiala mba Fransị bụ Emmanuel Macron kwuru na ọ kpọrọ onyeisiala mba Rọshịa na-ekwe ntị ma gwa ya ka ọ kwụsị ọgụ Rọshịa na-aluso mba Yukren.

12. 25 Febụwarị 2022Enweghị onye na-enyere anyị aka n'ọgụ mba anyị - Volodymyr Zelensky

    Volodymyr Zelensky bụ onyeisiala mba Yukren na-arịọ ka mba ndị ọzọ gbatara ha ọsọ enyem aka.

    Zelensky kwuru sị, " Enweghị onye na-enyere anyị aka dịka anyị na-alụ ọgụ mba anyị n'ọtụtụ taa. Mba ụwa ndị ji ike anaghị abịa anyị nso ugbua".

    Ọ gara n'ihu kwuo, " Echeghị m na mkpachi akunụba a metụtara mba Rọshịa, maka anyị na-ahụ aka Rọshịa n'igwe anyị ma n'ala anyị".

13. 25 Febụwarị 2022Zelensky ekwuola na ogbunigwe bidoro dawa na Yukren n'elekere anọ nke ụtụtụ taa.

    Onyeisiala mba Yukren bụ Volodymyr Zelensky ekwuola na ogbunigwe ndị mba Rọshịa bidoro dawa tupu chi efoo n'isi obodo Kyiv n'ihe dịka elekere anọ nke ụtụ ta bụ Frịde.

    O kwuiru na ya bụ ogbunigwe dara n'ebe ndị agha na ndị nkịrị nọ.

14. 25 Febụwarị 2022Ihe onyonyo na-egosi agha n'ime obodo dị na Yukren

    Ndị agha Yukren ewepụtala ihe onyonyo na-egosi ọgụ n'ime obodo dị na Yukren.

    Ọ na-egosi ka ndị agha Yukren na nke ndị mba Rọshịa na-agbarịta egbe n'obodo Sumy.

    Sumy nwere ihe dịka mmadụ 260,000 bi n'ime ya ma jiri 30km nọrọ n'okeala Yukren na Rọshịa nso.

    Onye ọchịchị obodo Sumy bụ Dmytro Zhyvytsky kwuru na ndị agha mba Rọshịa buru ibu si Sumy agafe abanye mpaghara ọdịdị anyanwụ na-aga Kyiv.

    O kwukwara na ndị agha Rọshịa agbaala obodo Konotop gburugburu.

15. 25 Febụwarị 2022Ụbọchị abụọ agha na-ada na mba Yukren dịka Rọshịa wakporo ha

    Ịbọọla Chi, soro anyị maka akụkọ niile gbasara agha na-ada na mba Yukren.

16. 24 Febụwarị 2022Kedụ ihe ndị isi mba ụwa nwere ikwu maka nwakpo Yukren

    Lee ihe ndị isi mba ụwa nwere ikwu maka nwakpo Yukren

    • Onyeisiala mba Yukren ekwuola na RRọshịa hiri asaa na-abọ n'anya ịwakpọ ha ma kpọọkwa oku ka ndị mba United Nations gbatara ha ọsọ enyemaka.
    • Onyeisiala mba Amerịka akatọọla mwakpo Rọshịa mere Yukren ma sịkwa na ha ga-ata ahụhụ maka ya,
    • Ndị isi mba Britain, EU, UN na NATO ataala aka n'eze gbasa agwa ndị Rọshịa ma sị kwa na ha ga-ata ahụhụ maka ya.

    • Ọnụ na-ekwuru onyeisi mba Jamani bụ Olaf Scholz na onyeisi mba Yukren bụ Volodymyr Zelenskiy enweela mkparịta ụka.

    • Onyeisi mba Briten bụ Boris Johnson sị na ya bụ mwakpo a wutere ya nke ukwuu.

    • Onyeisi otu mba ndị Yurope bụ Ursula von der Leyen, eboola Rọshịa ebubo iịkpa nkata iziga ndị Yurope.

    • Oneyisiala ndị mba Ịtali bụ Mario Draghi sị na ihe a Rọshịa mere adịghị n'iwu, na ya ekweteghị na ọ mere.

17. 24 Febụwarị 2022Nghọta etu agha Rọshịa na Yukren si bido, Nke nke nkọwa etu agha Rọshịa na Yukren si bido

    Lee ya bụ nke nke nkọwa maka etu ogbunigwe na mbọ kpotere ndị Kyiv ụra.

    Cheta na mba Yukren na Rọshịa socha na na mpaghara mba so na Soviet Union.

    Mana mba abụọ ndịa mechara bụrụ mba nwereonwe ha. N'afọ 2013 ruo 214 ka ndị mba Yukren mere ihe ha kpọrọ 'Revolution of Dignity' nke ha jiri wee chụpụ onyeisiala ha bụ Viktor Yanukovych n'ihi na o ekweghị ikwado NATO na atụmatụ 'free trade' ha.

    Vladimir Putin ekwuola na ha ma ihe ga-eme ma Yukren soro NATO? Mpaghara Luhansk na Donetsk na-achọ nnwereonwe ha kemgbe afọ 2014 mgbe ha jiri wee chụọ onyeisiala Viktor Yanukovych.

    Rọshịa na-akwado mba ndị a ma na nsonso a ka ha nabatara ha dịka mba kwụrụ nke ha ma na-ebusoro ndị Yukren agha site na mba ndị a.

    Ọtụtụ mba ukwu dịka Briten, Amerịka na Japan enyela Rọshịa ntaramahụhụ maka nkwado ha. O nwebeghị onye ma etu udo ga-esi chịa n'etiti mba Rọshịa na Yukrene.

    N'aka ọzọ mba Amerịka akagbuola ụzọ ikpe udo n'etiti ha na mdị Rọshịa.

    Cheta na NATO bụ 'North Atlantic Treaty Organisation' .ọ bụ mbịakọta ọnụ ndị agha si na mba 28 dị na Yurop nakwa mba abụọ dị na Nọt Amerika. Otiu a na-ahụ na ha mejupụtara nkwekọrịta Nọt Atlantic Treaty ha niile binyere aka na Epreelụ 4 1949.

18. 24 Febụwarị 2022Ihe bụ iwe Russia jiri wakpoo Ukraine

    Mba Russia wakporo Ukraine, mba nwere mmadụ dị otu nde n'ọnụọgụgụ n'ụtụtụ Tozde.

    Nke a na-abịa dịka ọ gaarala ọnwa ole na ole Onyeisiala mba Russia bụ Vladimir Putin gọrọ agụgọ na ya achọghị ịwakpo Ukraine dịka mba ụwa na-atụ uche na ọ bụ ebunuche ya ime nke a n'ihi ndị agha o zigara n'agbata ha na Ukraine.

    Mba Russsia tụụ ogbunigwe n'ọdọụgbọelu na ogige ndị agha Ukraine dị iche iche ka ha malitere mwakpo ahụ.

    Tupu nke a mee, Putin gbasara ozi n'onyonyo TV were kwuo ihe bụ iwe ya o kji azọpụ ụkwụ ọgụ.

    • Ọ sịrị na Russia anaghịkwa ekute ume n'ihi ihe mmaja si Ukraine abịara ha kwa mgbe.
    • Putin kwuru ha ihe kachasị eri Russia nri n'afọ bụ mbọ ụfọdụ ndị ndọrọndọọ ọchịchị si Odịda-Anyanwụ si agba mbọ ịgbasa alaka otu NATO rute Ọwụwa Anyanwụ Yurope site na ibute ngwa agha ha nso okeala Russia.
    • Putin bokwara ebubo na ndị mba si Odi Anyanwụ Yurop ịgbasa otu NATO rụe Ọwụwa-Anyanwụ Yurop bụ nzọụkwụ o kwuru megidere nkwekọrịta ha na Russia nweburu mbụ.
    • Ọ gara n'ihu katọọ etu mpaghara ụwa ọkachị mba Amerịka si wụbanye n'Iraq, Libya na Syria, ma hapụ ha n'ọnọdụ kacha njọ, na-agbasonyeghị ntuziaka otu Unlimited Nation Security Council.

19. 24 Febụwarị 2022Ụlọomeiwu Nta akpọọla oku ka e dulata ụmụ Naijiria tọọrọ n' Ukraine.

    Nke a na-abịa dịka Onyeisiala Mba Ukraine bụ Vladimir Putin nyere iwu n’ụtụtụ Tọzde ka ndị agha ya wakpọọ mba Ukraine.

    Onyeisi ụlọomeiwu bụ Femi Gbajabiamila kwetara n’alo omeiwu Leke Abejide, tụtara ka arịọ onye nwe ụlọọrụ ụgbọelu Airpeace bụ Allen Onyema ka ọ ga Ụkraine ga kwọlata ụmụ Naijiria malite n’abalị 28 nke ọnwa Febụwarị. afọ 2022.

20. 24 Febụwarị 2022Mba Briten ga-eji mmachi kara aka sochi Russia - Boris Johnson

    Onyeisiala mba Briten bụ Boris Johnson ekwuola na mba ahụ ga-adọnyere mba Ukraine ukwu iji merie ihe ọ kpọrọ mkpagbu megide ọchịchị onyekwuoucheya nke mba Russia.

    N'ozi o ziri n'ehihie Tọzde, Johnson kwuru na Briten ga-apịa Russia mmachi dị icheiche ma nyekwa.

    Johnson sịrị na "mwakpo Ukraine abughị nanị Ukraine ka a wakporo, ọ bụ mwakpo megide ọchịchị onyekwuoucheya nke bụ ikike Briten ga-akwadosi ike."

    Ozi Johnson na-abịa dịka onyeisiala mba Russia bụ Vladimir Putin nyere ndị agha mba ya iwu ka ha wakpoo mba Ukraine n'ụzọ ụtụtụ Tozde, abalị 24 nke ọnwa Febuwarị afọ 2021.