Ọ bụrụ na Putin bụ nwaanyị, ọ karịghị awakpo Ukraine - Boris Johnson

Mkpuchi Na Eme Ozugbo

1. 8 Mee 2022Ukraine war: Ndị nkịtị tọburu n' ụlọọrụ igwe Azovstal apụtachaala, apụchaala

   A zọpụtala ndị nkịtị nile gụnyere ndị okenye, ụmụnwaanyị na ụmụaka tọburu n' ụlọọrụ mmepụta igwe bụ Azovstal nke dị na Mariupol, Yukren dịka mba ahụ na Rọshịa si maa n'ọkwa.

   Mgbapụta ahụ bụ otu United Nation na Red Cross haziri ya mana ha ewepụtabeghị ozi nke ha banyere ya.

   Ndị agha Yukren ka kwechiri na ebe ahụ , ha ekweghị enye ohere ka ndị Rọshịa weghara ya.

   Rọshịa wakporo ụlọọrụ ahụ kemgbe izuụka ole na ole gara aga, na-achọ ka ndị agha Yukren chiliere ha aka elu.

   A mabeghị ebe a kpọgara ndị azọpụtara mana osote onye Praiminista mba Yukren bụ Iryna Vereshchuk kwuru na e mechala ọrụ ịzọpụta ndị mmadụ .

   N'oge gara aga, ọ na-ewe abalị ole na ole tupu ndị a gbapụtara erute ebe ndị agha Yukren ji.

   Onyeisiala mba Yukren bụ Volodymyr Zelensky sịrị na ihe karịrị ndị nkịtị dị 300 ka a zọpụtara n'ụlọọrụ mmepụta igwe ahụ mana Mịnịstrị nchekwa mba Rọshịa kwuru na ọ bụ mmadụ 51 ka a kpọpụtara n'abalị atọ.

   Zelensky kwuru na a na-agba mbọ ịkpọpụta ndịagha na Mariupol.

2. 8 Mee 2022Ndewoonụ , ụmụ Igbo!

   Ụnụ apụtala ụra?

   Ka izuụka ọhụrụ mara anyị nile mma.

3. 7 Mee 2022Antony Blinken eboola Putin ebubo ịtụgharị eziokwu

   Odeeakwụkọ mba Amerịka bụ Antony Blinken ebola onyeisiala Rọshịa bụ Vladmir Putin ebubo ịtụgharị eziokwu iji kwado agha ọ na-alụ na Yukren.

   O kwuru na Rọshịa na-atụgharị eziokwu dị n'akụkọ oge gboo iji nye ya ikike ịme ihe sọrọ ya na mba ahụ.

   Mana Rọshịa n'onwe ya na-ekwusi ike na ọ na-achọ ịchụpụ ndị 'Nazi' bi na mba ahụ, ihe o malitere ikwu kemgbe afọ 2014 mgbe o weghara mpaghara Crimea.

4. 7 Mee 2022Ọgbakọ Yurop ekwuola na mpụ na-eme na mba Yukrane

   Kọmịshọna nke ikike ruuru mmadụ n'ebe a kpọrọ "Council of Europe" ekwuola na ndị agha mba Rọshịa emegidela ikike ruuru mmadụ na mba Yukrane.

   Dunja Mijatovic bụ aha nwaanyị ahụ kwuru nke a na ngwụcha njem nleta abalị anọ nke o mere na Kyiv nakwa gburugburu ya.

   O kwuru na e nwere ihe aka ebe gosiri na mmegbu, ntọ nakwa mmetọ ụmụ nwaanyị si n'aka ndị agha mba Rọshịa na-arị ibe ya elu.

   Mijatovic kwuru na ọ dị mkpa inye ndị ihe a metụtara ikpe nkwụmọtọ ma kwuo na okwu a rara ahụ.

5. 4 Mee 2022Kedụ ka njọahịa ahịa mmanụ EU na-achọ ịme Russia ga-esi metụte ha?

   Europa na-ego Russia mmanụ ruru ọkara ijeri dọla kwa ụbọchị nke na-enyere ha aka ibuso Ukraine agha.

   Kedụ ka ọ ga-esi metuta Russia ma ọ bụrụ na-akwụsị igo ha ya bụ ahịa?

   Ọnụahịa mmanụ na-arị elụ kwa ụbọchị emeela ka ego ruru ijeri dọla 180 na-aba n'akpa Russia bụ nke zuru ịgbo mkpa ha otu afọ maọbụ karịa.

   Mana ọ bụ mba ndị Europe na-ego mmanụ karịrị pasenti iri isii (60%) ndị a.

   Ọ gaghị adịcha nfe ịmechi ohere ha ga-enye maọbụrụ na ha kwusị igo Russia mmanụ, mana China bụ ndị ọzọ na-ego ha mmanụ bụ naanị pasentị ise (5%).

   Ụfọdụ na-ekwu na India na China kacha ego Russia mmanụ mana ha abụọ ezughị imeche oghere EU ga-emeghe ma ha kwụsị ịgo ha mmanụ.

   Ọbụrụ na Europe akwụsịlata igo Russia mmanụ, ọnụahịa mmanụ ga-arị elu.

   Russia nwereike ịnwetakwụ ego na ahịa mmanụ ka ọ dị ugbua.

6. 4 Mee 2022"Europe ga-esi ụzọ nzụzọ ego anyị mmanụ" - Russia

   Otu onye welitara isi na ndị omeiwu mba Russia bụ Vladimir Dzhabarov ekwụọla site n'ọnụ ndị ntaakụkọ RIA Novosti na mba EU "apụọla ara".

   "Ha sị na ha agaghị azụ anyị mmanụ ọzọ. Anyị agaghị amanye ha. Anyị agaghị atụkwọ ya ha".

   "Unu ga-emecha si n'azụ goro ya ndị anyị resiri ya. Mmanụ anyị ka bụ ihe ọ bụ, agbanyeghị na ọ dara ọnụ ahịa karịa ka ọ dị mbụ".

   Ndị otu European Union ekwuola na ha ga-eji nwaanyọ sepụaka n'igo Russia mmanụ nakwa wepụ ụlọakụ ukwu ha na ọwara nzikọta ozi SWIFT nakwa ịmachị ụlọọrụ ntaakụkọ ha.

7. 4 Mee 2022Fofo gosiri mkpamkpa Russia kpara na Lviv mgbe ha tụrụ ogbunigwe n'okporoigwe ọkụ latirik

   Russia tụrụ ogbunigwe mebiri ịgwe ọkụ latrik na mpaghara ndịda Lviv n'uhuruchi Tuuzde.

   Ebum n'obi Russia bụ imebi okporo ụgbọoloko ndị mba ọzọ si ebubatara Ukraine ngwaagha.

   Ọtụtụ ebe na Lviv enweghị ọkụ na mmiri kemgbe ahụ.

8. 4 Mee 2022EU ekwuputala ahụhụ ndị ọzọ ha ga-ata Russia

   Onysisi ndị European Commission bụ Ursula von der Leyen ekwuputala ahụhị isii ọzọ ha nwereike ịta Russia abalị ọle maọbụ ole na-abịanụ. Onyeisi a kpọpụtara ahụhụ anọ ha ga-etinye ọnụ n'ọgbakọ ha ịkwekọrịta maka Russia.

   Anya ha dị na ndị isi agha Russia aka ha dị na ịgbu ọchụ na Bucha na Mariupol.

   Ọ sị, "Anyị ma ndị unu bụ, ụnụ agaghị agbalahụ ya".

   A ga-ekewapụ ụlọakụ kacha elu na Russia bụ Sberbank n'usoro nzịkọrịta ozi "SWIFT bank Transfer".

   A ga-amachị ụlọọrụ ntaakụkọ atọ ndị Russia n'okporo nzipu ozi "Cable, satellite" na intaneti maka ihe ha hụrụ dịka ịbụ ọnụ na-ekwuru Putin n'asị ọ na-asị.

   Von der Leyen ji ohere ahụ agbasa ozi maka ịkwụsị kpamkpam ịzụ Russia mmanụ. Ọ sị, "ọ gaghị adị nfe, mana anyị ga-eme ya"." Anyị ga-eji nwayọọ ewepụ mmanụ Russia niile. Anyị ga-akwụsị ịgo ha mmanụ agbidi n'ọnwa isii na-abịa, kwusizia igo ha mmanụ ndị ọzọ na ngwụcha afọ 2022".

9. 4 Mee 2022EU apịkọwala ahụhụ ọzọ ha ga-ata Russia nke mmachị ịzụ ha mmanụ ga-eso na ya.

   Onyeisi ndị European Commission bụ Ursula von der Leyen ekwuputala ahụhị isii ọzọ ha nwereike ịta Russia abalị ọle maọbụ ole na-abịanụ. Onyeisi a kpọpụtara ahụhụ anọ ha ga-etinye ọnụ n'ọgbakọ ha ịkwekọrịta maka Russia.

   Anya ha dị na ndị isi agha Russia aka ha dị na ịgbu ọchụ na Bucha na Mariupol.

   Ọ sị, "Anyị ma ndị unu bụ, ụnụ agaghị agbalahụ ya".

   Aga ekewapụ ụlọakụ kacha enu na Russia bụ Sberbank n'usoro nzịkọrịta ozi "SWIFT bank Transfer".

10. 4 Mee 2022Ụnụ asaala chí?

    Ndeewoonụ, ndí ọma na-eso anyị!

11. 3 Mee 2022O doghi m anya na ndị na-alụ agha a chọrọ udo - Pope Francis

    Pope Francis agwaala ụlọ ntaakụọ Corriere della Sera na o dochaghị ya anya na ndị na-alụ agha Yukrane na Rọshịa chọrọ ikpe udo.

    O kwukwara na mgbe o zutere Praịm Minista mba Hungary bụ Victor Orban na ndị Rọshịa nwere atụmatụ nakwa agha ga-ebi n'ụbọchị itoolu nke ọnwa Mee.

    Mana Minista mmekọ mba Rọshịa na mba ndị ọzọ kwuru na ndị agha agaghị agbanwe ihe ọbụla ha kwadoro ime n'ụbọchị ọbụla.

12. 3 Mee 2022Ụlọnnochiteanya mba ndị ọzọ emepewela ọzọ na Yukren

    Ụlọnnochiteanya mba dị iche iche amalitela ịgbape na Kyiv,isiobodo Yukren kemgbe ọnọdụm nchekwa malitere dịtụ mma..

    Onye nnochiteanya mba Briten bụ Melinda Simmons laghachiri ebe ahụ na ngwucha izu a.

    Mana ụlọnochiteanya Briten ebe ahụ ebidobeghị ọrụ kama ha kwuru na ha ga-amalite ọrụ n'oge na adịghị anaya.

    Denmark kwuru na ha emepela nke ha.

    Ụlọnnochiteanya Amerịka dị na Kyiv kwuru na ha ga-amalite ọrụ nma ọnwa gwụ(Mee)

    Rọshịa maburu ọkwa na ha ga-agba ogbunigwe n'isiobodo Yukren maa dọọ aka na ntị na ọnụnọ ndị nnọchiteanya nọ ebe ahụ "agaghị eme ka Rọshịa hapụ ịbọ ọbọ ọbụla."

13. 3 Mee 2022Africa Eye: Ihe ndị Africa bi n' Ukraine gabigara n'ịgba ọsọ ndụ

14. 3 Mee 2022Ike agha mba Russia adakpọwala kemgbe ha wakporo Ukraine- UK

    Mịnịstrị na-ahụ maka nchekwa nke mba Briten ekwuola na ike agha mba Rọshịa adawala mba n'ụzọ were anya kemgbe ha wakporo Yukren.

    Mịnịstrị ahụ kwuru na ịmachi ndị etinyerela megide Rọshịa ga-eme ka nsogbu ndị agha ha kawanye njọ, ma mee ka o siere ha ike iziga ndị agha ha ebe ọzọ n'ọdịnihu.

    Ha kwuru na ego Rọshịa na-etinye na nchekwa gbaliri mmaji abụọ bido n'afọ 2005 rue 2018 dịka ha tinyere ego n'izụ agha agha elu ala na mmiri.

    Mana iwebata ngwaagha ọhụrụ enyeghịrị Rọshịa aka ịchị ọgbọ n'aka Yukren n'ihi enweghị ezi atụmatụ.

15. 3 Mee 2022Ndewoonụ, ụmụ Igbo!

    Ndị ọma anyị ji biri, ụnụ asaala chi?

16. 2 Mee 2022Ndị a gbapụtara na Mariupol akọọla ajọ ọnọdụ ha gabigara

    A gbapụtala ọtụtụ ndị nkịtị na ndịda Maripol bụ ebe ọha tọrọ na nnukwu ụlọọrụ a na-eme igwe a kpọrọ 'Azovstal steelworks plant'.

    Otu nwaanyị kwuru na ya ahụbeghị ọcha anwụ kemgbe ọnwa abụọ, ma kwụkkwa na ya amaghị na ya ga-eji isi ya pụta.

    Mba Rọshịa kwuru na ọtụtụ ndị nkịtị erutela nobodo ebe ha ji aka.

    Onyeisisala mba Yukren bụ Volodymyr Zelensky kwuru na igwe mmadụ agbabatala ebe ha n'obodo

    N'ozi o wepụtara na Twitter, Zelensky sịrị, "Mmadụ otu narị anọrọ n'ụzọ ịga-ebe e ji.

    Ụbọchị MOnde, anyị ga-ezute ha na Zaporizhzhia."

    "Ekele kelle ndị otu anyị. Ugbua, ha na UN gbakọrọ aka na-arụ ọrụ ịgbapụta ndị nkịtị nọ n'ụlọrụ igwe ahụ."

17. 2 Mee 2022Ụnụ asaala chi?

    Ndewoonụ! Ndewoonụ!

    Ndụ mmiri ndụ azụ! Nke onnye chiri, ya zere. Ka izụka mara Igbo nile mma!

    Iseeee!

18. 1 Mee 2022Nancy Pelosi agaala Ukraine

    Onyeisi Ụlọomeiwu mba Amerịka Nancy Pelosi gaga njem ntụmadị na Yukren ebe o zutere onyeisiala ha bụ Volodymyr Zelensky.

    N'ihe onyonyo nke Zelensky wepụtara n'akara Twitter ya na nsonso a, ọ kwuru na " Amerịka bụ onye ndu na nkwado ha na-ensweta n'ọgụ megide agha Rọshịa na-ebu ha.

    “Daalụ maka ịkwado nchekwa nye ala anyị ịkwụrụ onwe ya"

    N'aka nke ọzọ Pelosi kelere ụmụafọ Yukren maka 'ịlụ ọgụ ịkwụrụ onwe ha"

    Adam Schiff bụ onye welitere isi n'otu Democrat na ndị ommeiwu Amerịka mmadụ atọ ndị ọzọ so Pelosi gaa ije ahụ.

    Ihe ndị ọzọ merela n'ọgụ a na nsonso a gụnyere:

    • Mbọ ịgbapụta ndị nkịtị ka tọrọ n'ụlọrụ Iigwe na Mariupol ka na-aga n'ihu.
    • O pekata mpe, mmadụ 20 siri na ụlọọrụ Azovstal ebe a tụpuru ogbunigwe pụta n'abalị Satọde mana a maghị ebe a kpọgara ha.
    • Ogbunigwe gbara n' Odesa,emebiela ebe ụgbọelu si efepụ n'ọdọụgbọelu dị n'obodo ahụ n' abalị Satọde.
    • Mịnịsta mba Rọshịa na-ahụ maka ihe na-eme na mba ndị ọzọ bụ Sergei Lavrov kwuru na ha azọpụtala ihe karịrị mmadụ otu nde si Yukren kpọga ha Rọshịa kemgbe agha ahụ bidoro.

19. 1 Mee 2022Ndewoonụ, Igbo ndị ọma!

    Ụbọchị taa mara ụnụ mma!

20. 28 Eprel 2022Mba ọbụla kwadoro Ukraine ga-ezute amụma ozugbo ozugbo- Putin

    Onyeisiala Rọshịa bụ Vladimir Putin adọọla aka na ntị ka mba ndị ọzọ ghara itinye aka n'ọgụ ha na Ukraine.

    Putin kwuru sị, "Anyị nwere ngwa ọgụ nke o nweghị onye nwere ya ... Anyị ga-etinye ya n'ọrụ ma ọ dị na mkpa."

    A na-eche na ihe ọ na-ekwu bụ ngwa agha nuklia nakwa igwe ọ-dị-na-mba-ejere-mba-ozi Bekee kpọrọ 'ballistic missiles'.

    Nke a na-abịa dịka mba ndị kwụnyere Yukren zigara ha ngwaọgụ, ebe mba Amerịka ṅụọọla iyi na ha ga-enye Yukren nkwado iji hụ na ha meriri Rọshịa.