BBC News, Ìgbò
Wụga n’ọdịnaya

You’re viewing a text-only version of this website that uses less data. View the main version of the website including all images and videos.

Take me to the main website

Ọ bụrụ na Putin bụ nwaanyị, ọ karịghị awakpo Ukraine - Boris Johnson

Boris Johnson ekwuola na ọ bụ ime odogwu nwoke enweghị isi mere Vladimir Putin ji wakpoo Ukraine.

Mkpuchi Na Eme Ozugbo

  1. Ụlọọrụ Macdonald's ekwuola na ha ga-emechi ọdọahịa 850 dị na Rọshia

    Ụlọọrụ na-ere nri Bekee bụ McDonald ekwuola na ha ga-emechi ma ree ụlọnri ha dị na mba Rọshia.

    N'ọnwa Maachị, ụlọọnri ahụ mechitụrụ ụlọnri ha 850 dị na Rọshịa maka mwakpo ha wakporo Yukren.

    Ụlọọrụ ahụ kwuru n'ozi ha wepụtara na, "ọnọdụ gbatagbata nke agha Yukren butere" nakwa a maghị ihe echi ga-efote so ya mere ka ịnọ na Rọshịa gaa n'ihụ ghara ịdaba.

    McDonald ekpebiela ipụ ma resị onye obodo ahụ ụlọọrụ ha.

    Ụlọnri McDonald dị na Yukren mechiri emechi mana ụlọọrụ ahụ ka na-akwụ ndị ọrụ ha ebe ahụ ụgwọ ọnwa ha.

  2. Etu ogige ụmụaka si ghọọ ebe a na-egbu mmadụ gba-yụụ

    Kemgbe e nupụrụ ndịagha Rọshịa na Kyiv, isiobodo Yukren, na ngwụcha ọnwa Maachị, a hụla ozu mmadụ 1000, na mpaghara Bucha, ọtụtụ n'ime ndị a bụ ndị e liri n'ini emighị emi.

    Onye ntaakụkọ BBC bụ Sarah Raisford mere nchọpụta ihe mere n'ogige ebe ụmụaka na-aga akwụkwọ n'oge ezumike bụ ebe a na-enyocha ugbua dịka ebe mpụ mere.

    O kwuru na e gburu ndị nkịtị karịrị 1000 n'otu ọnwa ndị agha Rọshia ji mpaghar ahụ mana ọ bụghị ogbunigwe maọbụ 'shelling' gburu ha, kama na ndị agha Rọshịa tụrụ ihe karịrị mmadụ 650 ndị nkịtị egbe ma gbagbuo ha n'anya ọcha.

    Otu nwoke gbara afọ 34 aha ya bụ Volodymyr Boichenko bi nso ọdọụgbọelu ebe ndịagha Rọshịa fe4turu ịbata kwatu gọọmentị Yukren so na ndị o metụtara.

    Nwanne ya nwaanyị bụ Aliona Mykytiuk gbara ọsọ ndụ rịọ nwanne ya nwoke ka ha gbapụ mana o kweghị.

    Volodymyr abụghị onye agha mana ọ gwara nwanne ya nwaanyị na ya chọrọ ịnọrọ nyere ndị nọ na mkpa aka; ndị agbataobi ọkachasị ụmụaka nri na mmiri.

    Nke a bụ oge ogbunigwe mere ka ọ hịa ahụ ndị mmadụ ịpụta na 'bunker' ebe ha zoro dịka ogbunigwe na-ada.

    Ikpeazụ Aliona nụrụ olu Volodymyr bụ n'abalị asatọ nke ọnwa Maachị oge ha kwuru , ya asị ya atụla uche 'mana egwu dị n'olu ya" dịka Aliona si kwuo.

    Ka ọ gachara abalị anọ, ndị agbataobi hụụ nso Promenystyi, a ma dịka " Camp Radiant", mana a hụkwaghị ya ọzọ.

    Na Maachị, ọgụ na Kyiv kara aka , n'obodo Bucha, ọ kpụ ọkụ n'ọnụ .

    Ka ndịagha Rọshịa pụchara na mbido Eprelụ, ọ tụụ ụwa n'anya dịka a hụụ ozu ndị bi na mpaghara ahụ ka ha tọgbọcha n'okporoụzọ.

    Ozu Volodymyr so na ọzụ ndị ahụrụ.

  3. Ndewoonụ,Igbo ndị ọma!

    Izu a mara ụnụ mma!

    Ihe onye tinyere aka bụ ihe ọma, ya gazie!

  4. Sweden a chọkwuru ịbanye Nato?

    A na-ele anya na mba Sweden ga-eso mba Finland na mbọ ịbanye Nato, mana kedụ ihe ịbanye otu ahụ ga-apụtara ha"

    Ị banye Nato ga-abụrụ ha nnukwu nzọpụ ụkwụ dịka Sweden enweghị ndịagha ha kwụnyere kemgbe afọ 200.

    Ndị isi otu pati Social Democrat party are the ones who will make a final decision on whether the party will support a policy shift in favour of joining Nato. nke mba Sweden na-adọrịta ụka ma ha aga-akwado isonye Nato ka ọ bụ na ha agaghị bụ okwu ga-ga-agba n'ụlọomeiwu ha ụbọchị Monde.

    Ọ bụrụ na ndị pati anọghị na gọọmentị kwado nke a ị mara na Sweden ga -esonye Finland n'ọcbhhịchọ ha ịbanye Nato.

    Ụdị ihe a enweghị ike imeli ọnwa isi gara aga mana ugbua Rọshịa wakporo Yukren, ọnụọgụgụ ndị na-achọzi ịbanye Nato agbaliela.

    Pasent mmadụ 50 bụ ndị chọziri ka Sweden banye Nato bụ nnukwu ndịiche site na pasent 30 ọ bụbụ mbụ n'afọ gara aga.

    Ndị na-akwadoo ka Sweden banye Nato na-eche na ọ ga-enyere ọnọdụ nchekwa n'Ugwu Yurop aka.

  5. Finland ekwuola na ha chọrọ ịbanye otu NATO

    Mba Finland ekwupụtala mmasị ha ibanye otu Nato.

    Otu Nato bụ otu nchekwa nke mba ndị mepere e mepe dị n'Ọdịda Anyanwu Yurope hiwere n'afọ 1949 ka a lụchara Agha Mbaụwa nke Abụọ, mbọ ha na-agba bụ ikpachie mba Rọshịa ịgbasa kọmụnizm na Yurop.

    Onyeisiala mba Finland bụ Sauli Niinisto gwara onyeisiala mba Rọshia Vladimir Putin ụbọchị Satọde na isonye Nato agaghị agbanwe ala Finland maọbụ okeala ha na Rọshịa nwekọrọ.

    Niinisto, onye jiri Norway maa atụ, kwuru na o nwere olile anya na Roshia nwere ebumnobi ịga n'ihu "n'ihe o ji mba Finland kwa ụbọchị" maka ọdịmma mba abụọ ahụ.

    N'otu aka ahụ Putin kwuru na ọ ga-abụ ndahịe ma Finland ịbanye otu Nato.

  6. Ndewonụ ndewoonụ!

    Izụụka ọhụụ a maara Igbo mma!

  7. Mkparịtaụka amalitela maka ịkpọpụta ndị agha Ukraine merụrụ ahụ na Mariupol

    Onyeisiala mba Ukraine bụ Volodymyr Zelensky ekwuola na ha na-agbasi mbọ ike ịkpọpụta ndị agha ha merụrụ ahụ na mpaghara Mariupol.

    Zelensky kwuru nke a na mgbasaozi ọ na-eme kwa abalị ọbụla kamgbe mba Russia wakporo mba ya.

    Cheta na Russia na-achọsi ike iweghara obodo Mariupol nke mere ha ji atụ ogbunigwe na mpaghara ahụ kamgbe ọtụtụ ọnwa.

    Ka ọ dị ugbua, ndị agha Ukraine fọrọ na Mariupol zoro ezo n'otu ụlọorụ na-emepụta igwe dịka ndị agha Russia na-akwa ha mgbọ.

    Ndị agha zoro ebe ahụ akpọọla oku ka a gbatara ha ọsọ enyemaka maka na ọtụtụ n'ime ha merụrụ nnukwu ahụ.

    Onweghị ebe ha ga-esi gbapụta maka na ndị agha Russia agbaala ebe niile okirikiri.

    N'okwu ya n'abalị Fraịde, Zelensky sị na ha amalitela mkparịtaụka ịma ma ndị agha Russia a ga-enye ohere ka ha kpọpụta ndị merụrụ ahụ.

    Mana Zelensky kwukwara na ya bụ mkparịtaụka ga-esi ezigbote ike.

    O kwughị ndị na-anọchite anya ha na mkparịtaụka ahụ, kama ọ sị na ha bụ ndị welitere isi.

  8. Ị saala chi

    Igbo ndị ọma, nke onye chiri ya zere.

    Daalụ maka isonye mgbasa ozi anyị n'ụtụtụ Satọde a.

    Ebe a ka ị ga-anụ akụkọ etu ihe si kwụrụ n'agha dị n'etiti Russia na Ukraine.

    Gaa n'ihu na-esonyere anyị.

  9. Rọshịa awakpoola ebe a na-agbanwe mmanụ agbidi mba Yukren

    Ndị agha Rọshịa ezigala ogbunigwe na ebe a na-agbanwe mmanụ agbịdị dị n'obodo Kremenchuk dị na mpaghara etiti Yukren.

    Mịnịsta nchekwa mba Yukren kwuru na ya bụ ogbunigwe mere ka ha kwụsị ịgbanwe mmanụ agbidi na ebe ha na-edowe ya bụ mmanụ agbidi.

    Nke a na-eme dịka mba Yukren na-ekwu na ha anahachila ụf odụ obodo dị na mpaghara ugwu na ebe ndị ọzọ na mba Yukren.

    Nke a pụtara na ndị agha Yukren achụpụla ndị agha Rọshịa nọ n'obodo ndị a.

  10. Unu abọọla chi!

    Soro anyị taa maka akụkọ niile ga-amasị gị maka agha na-ada na Yukren

  11. Ụfọdụ ụlọọrụ ntaakụkọ na Russia ji ọba ozi ha ebuso Ukraine agha, Akwụkwọ akụkọ Russia bipụtara na ndị agha ha na-azọpụta ụwa n'aka ndị Nazi nọ n'Ukraine

    Lee ihe akwụkwọ akụkọ na Russia na-ekwu dịka onyeisiala ha bụ Vladimir Putin zipụtachara ozi ‘Victory Day’ bụ ụbọchị ncheta mmeri ha nye ndị agha Nazi nke Germany.

    Otu akwụkwọ akwụkwọ akụkọ akpọrọ Komsomolskaya Pravda dere:

    “Ndị agha anyị na-azọpụta ụwa n’aka ndị agha Nazi na atụmatụ ha bụ Nazism dịka ndị anyị na nna nna anyị ha mere n’oge nke ha”

    Akwụkwọ akụkọ Komsomolskaya Pravda nke na-akwado ọchịchị Russia na-ezipụta akụkọ ụgha na-ekwu na ndị agha Russia na-awakpoo Ukraine maka ha chọrọ ibuso ndị Nazi nọ ebe ahụ agha ma na-ekwukwa na mba ofesi dịka Briten na Amerịka na-akwado ndị Nazi nọ n’Ukraine.

    Akwụkwọ a gara n’ihu dee:

    “Ndị nkwado Hilter n’oge gara aga, agaala n’ihu na-ebunye ndị Ukraine ngwa agha”

    “Mba ndị Europe nyere Hilter ngwa agha n’oge gara aga etu ha si enye Zelensky ngwa agha ugbua”

    “Ike na akụnụba ndị Europe nyere ndị Germany aka n’oge ahụ, ugbua ha ji ihe ndị a aklwado ndị Nazi nọ n’Ukraine”

    Atụmatụ edereded ndị a pụrụ iche ma ebumnobi ya doro anya.

    Ndị ọchịchị Russia chọrọ ka ọha ndị mba ha chee na Onyeisiala Zelensky mle Ukraine bụ onye Juu dịka onye yiri Hitler iji kwado ọrụ agha ha n’Ukraine.

  12. Russia ekwuola na ndị na-azụ mmanụ ha ka nkụ dịka ndị ofesi sị na ha agaghịzị azụ, Mba Russia na-ekwu nke a dịka ha so na ndị kacha mmepụta mmanụ ụgbọala na gassị n'ụwa

    Mịnịsta na-ahụ maka mmekọ mba na mba na Russia ekwuola na mba ahụ nwere ndị na-azụta mmanụ na gassị n’aka ha dịka ọtụtụ mba ndị ofesui nke gụnyere ndị nọ n’okpuru European Union (EU )na-agbalị ibelata ịdabere ha n’ebe mmanụ ụgbọala na gassị Russia nọ.

    Sergei Lavrov kwuru, sị: "Ka mba ndị ofesi kwụọ ụgwọ karịa ka ọ na-akwụ ndị Russia ka ha kọwaara ndị mba ha ihe mere ha ga-eji daa ogbenye."

    Lavrov kwuru nke a n’ọgbakọ ndị ntaakụkọ mgbe ya na ogbo ya kparịtachara na Muscat, Oman.

    Cheta na EU ewepụtala iwu mmachịrị mbubata mmanụ dịka aotu n’ime ụzọ inye Russia mmachi siri ike.

    EU kwekwara nkwa ibelata mbubata gassị ụzọ abụọ n’ime atọ n'ọgwụgwụ afọ a.

  13. Boris Johnson ekwuola na Briten ga-enyere Sweden, Finland aka ma a wakpoo ha, Boris Johnson efebala Sweden maka okwu nchekwa ha na Sweden dịka ha chọrọ isonye Nato

    Praịm minista mba Briten bụ Boris Johnson gara mba Sweden inwe mkparịtaụka dịka mba Sweden na Finland na-akwado ibanye otu jịkọrọ ụfọdụ mba n’Europe bụ Nato.

    Joshn kwuru na ya ga-akwado Sweden na Finland ma ọ bụrụ na awakpoo ha - n'okwu arụmụka nwereike ịdapụta ma mba abụọ ahụ ga-esonye na njikọta Nato.

    O kwuru: “Anyị kwụsiri ike na enweghị mgbagha dị na nkwado anyị ga-enye Sweden na Finland nke mere anyị ji ebinye aka n’akwụkwọ nchekwa nke naekwu ka obi sie ha ike dịka mmekọ anyị na mba ndị a bụ nke na-adịgide adịgide ruo ebịghị ebị”

    Njem Johnson a ga-abụ ruo awa 24 ebe ọ ga-ezute ndị isi ọchịchị mba Sweden na Finland iji kparịta maka mwakpo na-aga n'ihu na Ukraine.

  14. Russia na-akwado ịlụte ọgụ Ukraine aka- America

    Nchọpụta nke mba Amerịka mere na-ekwu na Onyeisiala Vladimir Putin nke Rọshịa na-akwado ịlụte agha ọ na-ebu megidde Yukren aka.

    Ha na-ekwu na ọbụladi na o merie na mpaghara Ọwụwa Anyanwụ Yukren, na ọ gaghị achịsa ọwa.

    Ịdọ aka na ntị a na-abịa dịka Rọshịa na-alụsi ọgụ ike iweghara mpaghara Ọwụwa Anyanwụ Yukren.

    Moscow tinyegarịrị ndịagha ha na imeri ma weghara mpaghara Donbas region dịka Yukren gbalịrị gbochie ha iwere isiobodo ha bụ Kyiv.

    Avril Haines bụ onyeisi nnyocha nke mba Amerịka gwara komiti Ụlọomeiwu Amerika ụbọchị Tuzde na Ptun' Na-achọ imejupụta ebumnobi ya gafee Donbas" mana obi na-agba ya abụọ n'etiti imezu ọchịchị ya na ka ike ndịagha Rọshịa kwụ ugbua.

  15. Ndị agha Yukren anapụla obodo dị na mpahara ugwu Kharkiv n'aka Rọshịa

    Mba Yukren ekwuola na ndị agha ha anapụla ndị agha Rọshịa ụfọdụ obodo dị mkpa nọ na mpaghara ugwu mba Yukren dịka ha na-agba mbọ ịchụpụ ndị agha Rọshịa na mba ha.

    Dịka ndị agha mba Yukren siri kwuo na obodo Cherkaski Tyshky, Ruski Tyshki, Borshchova and Slobozhanske anọghịzị n'aka ndị gha Rọshịa ọzọ.

  16. Unu eteela?

    Igbo, ndị nwe m na ndị m nwe!

    Taa mara ụnụ mma o!

  17. Onyeisiala North Korean ekelela Putin n'Ụbọchị Mmeri

    Onye ndu mba North Korean bụ Kim Jong-un ezigarala onyeisiala mba Rọshịa bụ Vladimir Putin ozi ekele n'ụbọchị mba Rọshịa na-eme ncheta Ụbọchị Mmeri.

    Dịka ụlọntaakụkọ KCNA si kwuo, Jong-un kwupụtara "ezi nkwado" ha na-enye Rọshịa ..

    N'akwụkwọ ozi nke o zigara ha n'abalị itolu nke ọnwa Mee, ọ sịrị, "a na-e zitere gị ozi ezi nkwado nye ndị Rọshịa ka ha kwụsị ike megide ndọrọndọọ ọchịchị na ike agha ndị iro na-abagide ha."

    Ọ ga na ihu kwuo na o nwere okwukwe na ezi ọọdịnamma dị n-etiti mba abụọ a ga-etowanye." develop".

    North Korea na nsonso a gosiri nkwado nye Rọshịa n'agha ha na-ebu na Yukren.

    N'Ọnwa Febụwarị, North Korea boro ihe na-eme na Yukren n'isi Amerịka na mba ndị ọzọ mepere emepe dị n' Ọdịda Anyanwụ Yurop.

  18. Ndị ndu G7 akatọọla Russia, kwee Ukraine nkwa nkwado

    Ndị ndu mba asaa kachasị mepee emepe n'ụwa a kpọrọ G7 ewepụtara ozi dịka ha mechara ọgbakọ n'ịntanet nke onyesisiala Yukren Bụ Volodymyr Zelensky soro gaa.

    Ha kwere ya nkwa inye ya nkwado.

    N'ozi ha wepụtara n'ịntanet, ha sịrị, "Anyị kwere ya nkwa ṅkwado anyị zuru oke."

    Ha kwuru na ha ga-aga n'ihu kwụsị ịzụ Rọshịa mmanụ agbịtị ma tinyekwuo mmachi ga-akpụbi ike Rọshia ị ga n'ihu na-emekpa Yukren ahụ.

    Ndị ndu ahụ kwekwara nkwa, " Ịga n'ihu na mbọ ha ịkpachi ego ndị nnukwu mmadụ nakwa ndị ọgaranya na ndị ezinaụlọ na-akwado Putin nọgụ ma na-ala ego ndị Rọshịa n'iyi."

    Na nke yiri ya, mba Amerika mara ọkwa mmachi ọhụrụ ha tinyere iji kpachie ike Putin nwere n'agha ọ na-ebuso Yukren.

    Amerịka machiri ụlọọrụntaakụkọ atọ ndị Rọshịa nwe, machie ndị Amerịka ịrụụ ndị Rụssịa ọrụ mgbakọ na mwepụ ma machikwa ndị isi ụlọakụ 'Gazprombank' bụ Ụlọakụ ha na ụlọọrụ gaasị mba Rọshịa na-emekọ ihe.

  19. Ụnụ asaala chi?

    Ndị be anyị, demee, demee!

    Ụbọchị taa mara ụnụ mma o!

  20. Ogbunigwe agbagbuola mmadụ 60 na Yukren

    A na-eche na ogbunigwe egbuola ihe ruru mmadụ iri isii tọọrọ n’okpuru otu ụlọakwụkwọ dị na Bilohorivka dị n’ọwụwa anyanwụ Yukren ụbọchị Satọde.

    A gbapụtara mmadụ 30, gụnyere mmadụ asaa merụụ arụ nakwa ozu mmadụ abụọ.

    O were ndị ụlọọrụ na-emenyụ ọkụ awa atọ ịgbanyụ ọkụ ogbuigwe ahụ kpalitere.

    Gọvanọ mpaghara Luhansk bụ Serhiy Haidai kọwara na ihe ruru mmadụ iri itoolu gbara ọsọ ndụ na-ezo onwe ha n’ụlọakwụkwọ ahụ mgbe odachi a mere