Kana amfani da shafin BBC mai bayyana rubutu kawai (babu hoto) domin rage cin data. Idan ana so a ga hotuna da bidiyo sai a koma babban shafinmu.
Muna kawo maku sharhi da bayanai ka-tsaye game da wasannin Premier mako na 18.
Buhari Muhammad Fagge and Umar Mikail
Har da wadannan kwallo biyu da Sheffield United ta ci Brighton a yau, kungiyar ta ci kwallo hudu a wannan Premier bayan alkalin wasa ya bayar sai na'urar VAR ta hana, sama da kowanne kulob a kakar ta bana.
Patrick van Aanholt ne tauraron Palace a yau din nan. Dan kasar Netherlands din ya bugo wata kwana mai hadarin gaske amma sai dai ta yi kadan, da tuni ya ciu kwallo da kansa daga bugun kwana.
Oliver McBurnie ya fita Lys Mousset ya shigo a madadinsa.
Romain Saiss ya rama wa Wolves kwallonta.
Sheffield United ta zira kwallo a raga amma na'urar VAR ta hana. Ina ganin da tuni Brighton ta jiyo kanshin shan kashi duk da cewa a gidantra ake wannan wasa.
Shikenan!
Danny Ings ya kara kwallo ta uku.
Brighton ta yi sauyi a hutun rabin lokaci - an sako Aaron Connolly da Glenn Murray kuma aka cire Leandro Trossard da Pascal Gross.
Kwallon da Cantwell na Norwich ya ci ita ce ta 5 da ya zira a raga a bana.
Matashin dan wasan Ingilan ya bayar da gudummawa wurin cin kwallo 7 a kakar bana (ya ci 5, ya bayar an ci 2) jumulla.
Danny Ings na Southampton ya ci kwallo 6 a cikin wasa 7 na Premier da ya buga.
Pukki ya samu kwallo mai kyau amma ya zubar, wannan abu ne da ba kasafai ake ganin shi ba. Yana buga kwallo sai ga ta caraf a kirjin golan Wolves Rui Patricio.
Luka Milivojevic ya buga kwallon amma ta tashi sama, a wani bugan tazara da Crystal Palace ta samu.
Wasan da alamu karfi ya zo daya.
Har yanzu Ryan Fraser na kwance bayan doke shi da James Tarkowski ya yi, da kyar zai iya ci gaba da wasan
Jack Stephens ya kara ta biyu a ragar Aston Villa.
Todd Cantwell ya taimaka wa kungiyarsa kai tsaye wurin cin kwallo 7 a wannan kakar, ya ci 5 ya bada biyu anci, sama da yadda ya yi a gasar Championship a bara, inda ya ci 1 ya 2 aka ci.