Yadda aka fafata a wasannin mako na 18 a Premier

Rahoto kai-tsaye

Buhari Muhammad Fagge and Umar Mikail

1. 22 Disamba 2019, Watford 0-0 Man United

   Man United ta fara kai kora amma 'yan bayan Watforrd suna ci gaba da tsare gida.

   Babu wani tabbas ko Man United za ta guje wa rashin nasara a karo na biyar bayan ta sha kashi sau hudu a wannan kakar.

   Amma na tabbata tawagar za ta yi bakin kokarinta.

2. 22 Disamba 2019Ole Gunnar Solskjae, Watford 0-0 Man Utd

   Kocin Manchester United Ole Gunnar Solskjae" yana da matukar muhimmanci dawowar kowa daga ciwo"

   Pogba na daya daga cikin manyan 'yan wasanmu kwararru, yau yana cikin tawagarmu."

3. 22 Disamba 2019, Watford 0-0 Man United

   Watford ce ta fara bugo kwana a wasan sai dai kwallon da Will Hughes ya bugo ba ta da wani hadari ga United.

4. 22 Disamba 2019Rawar da kungiyoyin suke takawa, Watford 0-0 Man United

5. 22 Disamba 2019Barka, Watford 0-0 Man United

   Jama'a barkanku da shigowa ci gaban wasannin mako na 18 a Premier Ingila.

6. 21 Disamba 2019Man City ta gwada wa Leicester kwanji, Man City 3-1 Leicester

   Manchester City ta lallasa Leicester City da ci 3-1 ta kuma rage maki uku da ke tsakaninsu yayin suke rububin zama a cikin 'yan hudun saman teburi.

   Tun daga farko har karshe City ce ta rike kwallon da kaso mai yawa.

   Leicester ce ta fara jefa kwallo a wasan ta kafar dan wasanta Jamie Vardy a minti na 22 da fara wasan.

   Wannan ce dai kwallo ta 17 ga dan wasan da ke kan gaba a yawan kwallaye a gasar Premier, kuma yana cikin wadanda suka fi yawan cin Mancester City a gasar shi da Sadio Mane.

   Bayan minti takwas da cin kwallon sai tsohon dan wasan kungiyar ta Leicester Riyad Mahrez ya farke wa City a minti na 30.

   Manchester City ta ci gaba da kai hare-hare ta ko'ina, abin da yasa ta samu finareti ta kafar dan wasan gabanta Raheem Sterling.

   Ilkay Gundogan ne ya buga finaretin kuma kafin hutun rabin lokaci wasa ya zama 2-1.

   A minti na 69 da dawowa De Bruyne ya tayar da kayar baya, ya kai wata kwallo cikin yadi na 18 inda Gabriel Jesus ya samu damar kara ta uku a ragar Leicester kuma nan take wasa ya koma 3-1.

   Kwallon da ya ci ita ce ta farko da ya ci wa Manchester City a wasa 12 na gida a duka gasar da take bugawa, tun wacce ya ci a wasan Schalke 04 a watan Maris - duk 14 da ya ci wa kungiyar kafin yau ya ci ne a wasan City na waje.

   Yanzu dai maki daya ne kacal ya rage tsakanin Leicester City da Manchester City a teburin Premier, inda Liverpool ta ba su tazarar maki 10.

7. 21 Disamba 2019Wasa ya kare, Man City 3-1 Leicester

8. 21 Disamba 2019Man City ta yi canji, Man City 3-1 Leicester

   De Bruyne ya fita ya bai wa Aguero ya dana.

9. 21 Disamba 2019Man City ta yi canji, Man City 3-1 Leicester

   An cire Sterling an sako Foden.

10. 21 Disamba 2019Man City ta yi canji, Man City 3-1 Leicester

    Ikay Gundogan ya fita an sako Rodrigo

11. 21 Disamba 2019Gabriel Jesus, Man City 3-1 Leicester

    Kwallo ta farko kenan da Gabriel Jesus ya ci wa Manchester City a wasa 12 na gida a duka gasar da take buga wa, tun wacce ya ci a wasan Schalke a watan Maris. Ko wacce cikin 14 da ya ci wa kungiyar kafin yau, ya ci ne a wasan da City ke zuwa bakunci.

12. 21 Disamba 2019Leicester ta yi canji, Man City 3-1 Leicester

    Praet ya shigo a madadin Tielemans.

13. 21 Disamba 2019Katin gargadi, Man City 3-1 Leicester

    Gundogan ya karbi katin gargadi, bayan doke Vardy yayin kai wata kora.

14. 21 Disamba 2019Kwana, Man City 3-1 Leicester

    Kwana biyar City ta dakko Leicester kuma na da daya.

15. 21 Disamba 2019GOAL '68, Man City 3-1 Leicester

    Gabriel Jesus ne ya kara ta uku.

    Wake ne kawai ke tashi a Etihad.

    Da alamu wasa ya kare domin Leicester ba ta muga kwallon da za ta iya farkewa.

16. 21 Disamba 2019Leicester na ganin ta kanta, Man City 2-1 Leicester

    Hari kawai ake kai wa Leicester, kalli yadda ake buga kwalon a bangarenta.

17. 21 Disamba 2019Leicester ta yi canji, Man City 2-1 Leicester

    Barnes ya fice Albrighton ya shiga.

18. 21 Disamba 2019Barnes na bukatar canji, Man City 2-1 Leicester

    Bayan wani hari da aka kai Barnes ya hade da golan City Ederson ya kuma sau rauni.

19. 21 Disamba 2019Katin gargadi, Man City 2-1 Leicester

    De Bruyne ya karbi katin gargadi saboda rashin da'a.

20. 21 Disamba 2019Mahrez ya kai hari, Man City 2-1 Leicester

    Daga Mendy zuwa De Bruyne da nan kuma zuwa Mahrez ganin birgewa kwallon.