Kana amfani da shafin BBC mai bayyana rubutu kawai (babu hoto) domin rage cin data. Idan ana so a ga hotuna da bidiyo sai a koma babban shafinmu.
Muna kawo maku sharhi da bayanai ka-tsaye game da wasannin Premier mako na 18.
Buhari Muhammad Fagge and Umar Mikail
Arsenal ta fi yin nasara a kan Everton a Premier League sama da kowacce kungiya (ta ci wasa 33) sannan ta fi zira kwallo a wasanninta da Everton din (kwallo107) sama da yadda ta zira wa kowacce kungiya.
To ba mu san dai abin da zai faru ba a yu, sai bayan minti 90.
An bai wa Davies na Everton katin gargadi.
Wayyooo! Martinelli ya buga kwallo waje dagfa yadi na 14. Ya kamata kwallon nan ta fi hakja kyau gaskiya.
A iya dan lokacin da Duncan Ferguson ya rike Everton ya nuna alamun zai iya kai kungiyar ga nasara, sai dai hakan bai sa masu kungiyar sauya matakin da suka dauki aniya ba na samar mata kocin dindindin.
Tun a minti na 11 da take wasa Alex Iwobi ya fita daga fili, inda Cenk ya maye gurbinsa.
Masu horarwar rikon kwarya Freddie Ljunberg da kuma Duncan Ferguson ne ke jagorantar wasannin yau.
Sai dai daga yau ba za su ci gaba ba a matsayin kociyoyi, domin kuwa tuni Carlo Ancelotti da Mikel Arteta suka maye gurabensu a kungioyin.
Ko wane ne zai tafi da maki uku a cikinsu? Nan da minti 60 za mu sani.
Masu tsaron raga Bernd Leno da Jordan Pickford har yanzu ba su san abin da ake yi ba a wannan wasa domin kuwa babu hari na-ci da aka kai.
Matsalar da Leno kadai yake fuskanta ita ce ta kare idonsa daga haslken rana.
An bai wa Saka katin gargadi.
Masu bibiyarmu barkanku da wannan lokaci. Arsenal na barje gumi da Everton a filin wasa na Goodison Park.