တရားမဝင်မြေရှားသတ္တုတူးဖော်ရေးလုပ်ငန်းတွေ အရှိန်အဟုန်မြှင့်ဆောင်ရွက်နေ

တိုက်ရိုက် ထုတ်လွှင့်ချက်

1. ၁ သြဂုတ် ၂၀၂၂အာဏာသိမ်း ၁၈လအတွင်း လူပေါင်း ၈သိန်းခြောက်သောင်းကျော် အိုးမဲ့အိမ်မဲ့ဖြစ်

   

   ဓာတ်ပုံ ရင်းမြစ်, Unicef Myanmar

   အာဏာသိမ်းထားတဲ့ ၁နှစ်‌ နဲ့ ‌၆ လအတွင်း လူပေါင်း ၈၆၆၄၀၀ ကျော် အိုးမဲ့အိမ်မဲ့ဖြစ်ခဲ့ရပြီး အရပ်သားပိုင်ဆိုင်မှု ၂၁၀၀၀ ကျော်မီးရှို့ဖျက်ဆီးခံထားရတယ်လို့ ကမ္ဘာ့ကုလသမဂ္ဂအဖွဲ့ရဲ့ ဇူလိုင် ၃၁ရက်ထုတ်၊ နောက်ဆုံးရစစ်တမ်းမှာဖော်ပြပါတယ်။

   ဒါ့အပြင် မြန်မာနိုင်ငံတဝှမ်းမှာ ပြည်တွင်း‌ရွှေ့ပြောင်းနေထိုင်ရသူ ၁ ဒသမ ၂သန်းထိလည်းရှိလာပြီလို့ ဆိုပါတယ်။

   ၂၀၂၂ခုနှစ် ဇူလိုင်လ ၂၇ရက်အထိ နှစ်ဝက်အတွင်း ပြည်တွင်းက လူသားချင်းစာနာ‌ထောက်ထားမှု အကူအညီတွေရဲ့ ၁၃ရာခိုင်နှုန်းကိုသာ ရန်ပုံငွေထောက်ပံ့နိုင်ခဲ့တာကြောင့် ကျန်တဲ့နှစ်ဝက်မှာ ထောက်ပံ့မှုတွေအတွက် ခက်ခဲတဲ့ဦးစားပေးဆုံးဖြတ်ချက်တွေချမှတ်ဖို့ရှိတယ်လို့ ပြောပါတယ်။

   အထူးသဖြင့်လူသားချင်းစာနာထောက်ထားမှုအကူအညီပေးနိုင်ဖို့အတွက် စားနပ်ရိက္ခာ၊ လောင်စာဆီ၊ အမိုးအကာပစ္စည်းအပါအဝင် ကုန်စည်စျေးနှုန်းဖောင်းပွလာမှုဟာလည်း ကူညီဆောင်ရွက်ရေးလုပ်ဆောင်ဖို့အတွက် အဓိကစိုးရိမ်စရာတစ်ခုဖြစ်လာတာကြောင့်ကြားဖြတ်အစီအမံတွေ လုပ်ဆောင်နေတယ်လို့ ပြောပါတယ်။

   ဒါပေမဲ့ မြန်မာ့လူ့အဖွဲ့အစည်း‌ကတော့ ကုန်ကျစရိတ်ကြီးမြင့်လာတာကို ဖိအားတစ်ခုအနေနဲ့ ရင်ဆိုင်နေရဆဲလို့ ထုတ်ပြန်ချက်က ဆိုပါတယ်။

2. ၁ သြဂုတ် ၂၀၂၂ဒီးမော့ဆိုမှာ လက်နက်ကြီးထိမှန်ပြီး စစ်ရှောင်အမျိုးသမီးငယ်တစ်ဦး သေဆုံးတယ်လို့ ပြည်သူ့ကာကွယ်ရေးတပ်ပြော

   

   ဓာတ်ပုံ ရင်းမြစ်, ဒီးမော့ဆို-ပီဒီအက်ဖ်

   ကယား(ကရင်နီ)ပြည်နယ်၊ ဒီးမော့ဆိုမြို့နယ်ထဲမှာ မနေ့ ဇူလိုင်လ ၃၁ ရက် ညနေပိုင်းတုန်းက စစ်ကောင်စီတပ်က ပစ်ခတ်လိုက်တဲ့ လက်နက်ကြီးတွေဟာ စစ်ရှောင်စခန်းဘက်ကို ကျခဲ့တာကြောင့် အသက် ၁၃ နှစ်အရွယ်စစ်ရှောင်အမျိုးသမီးငယ်တစ်ဦး သေဆုံးပြီး နောက်ထပ် ၄ ဦး ဒဏ်ရာရခဲ့တယ်လို့ ဒီးမော့ဆိုပြည်သူ့ကာကွယ်ရေးတပ်က သတင်းထုတ်ပြန်ပါတယ်။

   ထိတွေ့ တိုက်ပွဲမဖြစ်ဘဲ ငွေတောင်မှာရှိတဲ့ စစ်ကောင်စီရဲ့ (၁၀၂)တပ်ရင်းနဲ့ ဖရူဆိုအခြေစိုက် (၁၂၈)တပ်ရင်းတို့ကနေ လက်နက်ကြီးနဲ့ ၆ ကြိမ်ထက်မနည်း ပစ်ခတ်ခဲ့တာလို့လည်း ဆိုပါတယ်။

   အဲဒီပစ်ခတ်မှုမှာ စစ်ရှောင်တစ်ဦး သေဆုံးပြီး ဒဏ်ရာရသူတွေထဲက ဦးခေါင်းကို ထိမှန်သူ တစ်ဦးဟာ အသက်အန္တရာယ်စိုးရိမ်နေတဲ့အခြေအနေမှာရှိတယ်လို့လည်း ကာကွယ်ရေးတပ်ဘက်က သတင်းထုတ်ပါတယ်။

   တစ်ဖက်မှာလည်း ဒေသကာကွယ်ရေးတပ်ဟာ ဒဏ်ရာရစစ်ရှောင်တွေကို ဆေးဝါးကုသမှုအပိုင်းမှာ ဆေးပစ္စည်း မလုံလောက်တဲ့ အကန့်အသတ်တွေရှိနေတယ်လို့ဆိုပါတယ်။

   အခုဆို ဒီးမော့ဆို မြို့နယ်ထဲမှာ စစ်ကောင်စီပစ်ခတ်တဲ့ လက်နက်ကြီးကြောင့် သေဆုံးသူ ၂ ဦးနဲ့ ဒဏ်ရာရသူ ၁၂ ဦးအထိရှိလာပြီလို့လည်း ပြည်သူ့ကာကွယ်ရေးတပ်ဘက်က ပြောထားပါတယ်။

3. ၁ သြဂုတ် ၂၀၂၂မတည်ငြိမ်မှုတွေကိုကိုင်တွယ်နေရတာကြောင့် အာဆီယံသဘောတူညီချက်တွေ အကောင်အထည်မဖော်နိုင်ခဲ့တာလို့ စစ်ကောင်စီဝန်ခံ, ငြိမ်းချမ်းရေးတံခါးဖွင့်ထားတာကြောင့် ရဲရဲလျှောက်လှမ်းလာကြဖို့ပြော

   

   ဓာတ်ပုံ ရင်းမြစ်, စစ်ကောင်စီသတင်းထုတ်ပြန်ရေး

   အာဏာစသိမ်းခဲ့တဲ့ ၂၀၂၁ခုနှစ်အတွင်းမှာ မတည်ငြိမ်မှု၊ဆူပူမှုတွေနဲ့ ကပ်ရောဂါတွေဖြေရှင်းနေရတာ ကြောင့် စစ်ခေါင်း‌ဆောင်ကိုယ်တိုင်သဘောတူခဲ့တဲ့ အာဆီယံဘုံသဘောတူညီချက် ငါးချက်ကို အကောင်အထည်မဖော်နိုင်ခဲ့ဘူးလို့ စစ်ကောင်စီဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်က ဒီကနေ့ သြဂုတ် ၁ရက်နေ့မှာ ပြောပါတယ်။

   ဒါကြောင့်အခု ၂၀၂၂ခုနှစ်အတွင်းမှာတော့ ဒီငါးချက်ထဲက ဦးစားပေးဆောင်ရွက်နိုင်တာကို ဆောင်ရွက်မှာဖြစ်ပြီး ပြည်တွင်းရေး၊ တရားစီရင်ရေး၊ ဥ‌ပဒေပြုရေးနဲ့ နိုင်ငံတော်အချုပ်အခြာ အာဏာကို ထိပါးမှုမဖြစ်အောင် ဆောင်ရွက်နေတယ်လို့ ပြောလာပါတယ်။

   တဖက်မှာတော့ ဇူလိုင် ၂၅ရက်မှာ တကျော့ပြန်သေဒဏ်စီရင်မှုကို လုပ်ခဲ့ပြီးနောက် အာဆီယံအစည်းအဝေးတွေမှာ စစ်ကောင်စီရဲ့ နိုင်ငံရေးအရမသက်ဆိုင်သူ ကိုယ်စားလှယ်ကို ဖိတ်ကြားနေတာကိုပါ လုံးဝရပ်ဖို့ မလေးရှားနိုင်ငံခြားရေးဝန်ကြီးက တရားဝင် ထုတ်ဖော်ပြောထားသလို နိုင်ငံတကာရဲ့ ပြစ်တင်ရှုံချမှုတွေကိုပါ ရင်ဆိုင်နေရတာလည်း ဖြစ်ပါတယ်။

   ဒါ့အပြင်စစ်ကောင်စီနဲ့ ဆွေးနွေးထားတဲ့ တိုင်းရင်းသားလက်နက်ကိုင်အဖွဲ့တွေနဲ့ ဒုတိယအကျော့တွေ့ဆုံဖို့ ရှိနေသလို မဆွေးနွေးရသေးတဲ့အဖွဲ့တွေအနေနဲ့လည်း ပြည်သူအကျိုးကိုကြည့်ပြီး ငြိမ်းချမ်းရေးတံခါးဖွင့်ထားတာကြောင့် ရဲရဲလျှောက်လှမ်းလာကြဖို့၊ နိုင်ငံရေးအရတွေ့ဆုံဆွေးနွေးခြင်းကသာ ငြိမ်းချမ်းရေးအတွက်အဖြေဖြစ်တယ်လို့လည်း သူကဆက်ပြောပါတယ်။

   အာဏာသိမ်းပြီး‌နောက်ပိုင်း အရပ်သားဖမ်းဆီးသတ်ဖြတ်မှုတွေအပြင် နိုင်ငံရေးအတိုက်အခံတွေကိုပါ ဖမ်းဆီးစီရင်မှုတွေကြောင့် စစ်ကောင်စီရဲ့ ငြိမ်းချမ်းရေးလုပ်ငန်းစဉ်တွေကို အယုံအကြည်မရှိဘူးလို့ တိုင်းရင်းသားလက်နက်ကိုင်အဖွဲ့တချို့က တရားဝင်ထုတ်ဖော်ပြောထားပါတယ်။

4. ၃၁ ဇူလိုင် ၂၀၂၂သိန်းဂဏန်းနား တရွေ့ရွေ့ ကပ်လာတဲ့ ဆန်စျေး  

5. ၃၁ ဇူလိုင် ၂၀၂၂ကာလုံခေါ်ပြီး အရေးပေါ်ကာလ ၆ လ သက်တမ်းတိုးကြောင်း စစ်ကောင်စီမီဒီယာကြေညာ

   

   ဓာတ်ပုံ ရင်းမြစ်, Statement

   အမျိုးသားကာကွယ်ရေးနဲ့ လုံခြုံရေးကောင်စီကို ခေါ်ယူစည်းဝေးပြီး အရေးပေါ်ကာလကို ၆ လ သက်တမ်း တိုးတယ်လို့ စစ်ကောင်စီ မီဒီယာတွေက ကြေညာခဲ့ပါတယ်။

   အဲဒီအစည်းအဝေးကို နေပြည်တော်မှာ ဒီကနေ့ ဇူလိုင် ၃၁ ရက်မှာ ပြုလုပ်ခဲ့တာလို့ ဆိုပါတယ်။

   ဖွဲ့စည်းပုံအခြေခံဥပဒေအခန်း(၁၁) အရေးပေါ်ကာလဆိုင်ရာပြဋ္ဌာန်းချက်တွေအရ သမ္မတက တပ်ချုပ်ကို သက်တမ်း ၂ နှစ်အထိ အာဏာလွှဲပေးခွင့်ရှိပြီး တစ်နှစ် သက်တမ်းတစ်ခါနဲ့ ၆ လသက်တမ်းနှစ်ခါ ဖြစ်ပါတယ်။

   ဒုတိယသမ္မတ ဦးမြင့်ဆွေက ၂၀၂၁ ဖေဖော်ဝါရီ ၁ ရက်မှာ ကာလုံခေါ်ပြီး တပ်မတော်ကာကွယ်ရေးဦးစီးချုပ်ကို တစ်နှစ် အာဏာလွှဲပေးခဲ့ပါတယ်။

   ဒီနှစ်ဖေဖော်ဝါရီမှာ ၆ လ ထပ်တိုးထားတဲ့အတွက် ဇူလိုင်လကုန်မှာ သက်တမ်းပြည့်ပြီ ဖြစ်ပါတယ်။

   ဒီသက်တမ်းတိုးမှုက စစ်ကောင်စီအတွက် နောက်ဆုံး ၆ လ သက်တမ်းတိုးမှု ဖြစ်ပြီး ၂၀၂၃ ဖေဖော်ဝါရီ ၁ ရက်မှာ အဆုံးသတ်မှာဖြစ်ပါတယ်။

   အဲ့ဒီနောက် ကာလုံက ၆ လအတွင်း ရွေးကောက်ပွဲလုပ်ပေးရမှာ ဖြစ်ပါတယ်။

   စစ်ကောင်စီ သူတို့ရဲ့ လုပ်ငန်းစဥ်တွေထဲမှာ ရွေးကောက်ပွဲ ကျင်းပပြီး အနိုင်ရသူကို အာဏာလွှဲပေးမယ်လို့ ဆိုပေမဲ့ အမျိုးသားညီညွတ်ရေးအစိုးရနဲ့ နိုင်ငံရေးပါတီတချို့အပါအဝင် ဒေသတွင်း အာဆီယံ နိုင်ငံတချို့ကပါ စစ်ကောင်စီရဲ့ ရွေးကောက်ပွဲကို ဆန့်ကျင်ဖို့ ပြောဆိုထားကြပါတယ်။

   

   ဓာတ်ပုံ ရင်းမြစ်, Statement

   

   ဓာတ်ပုံ ရင်းမြစ်, statement

6. ၃၁ ဇူလိုင် ၂၀၂၂ဖမ်းဆီးခံဂျပန်မှတ်တမ်းရုပ်သံရိုက်ကူးသူနဲ့ ဆန္ဒပြလူငယ်တွေအရေး ဂျပန်ရောက် မြန်မာတွေ ဆန္ဒပြ

   

   ဓာတ်ပုံ ရင်းမြစ်, ဗမာ့လူငယ်ကွန်ရက်

   ရန်ကုန်မြို့၊ တောင်ဒဂုံမြို့နယ်ထဲမှာ မနေ့တုန်းက စစ်ကောင်စီတပ်ဖွဲ့ဝင်တွေရဲ့ ဖမ်းဆီးခံခဲ့ရ တဲ့ဂျပန်မှတ်တမ်းရုပ်သံရိုက်ကူးသူနဲ့ ဆန္ဒပြလူငယ်တွေအရေး ဂျပန်ရောက်မြန်မာတွေက တိုကျိုမြို့မှာ ဒီနေ့ ဇူလိုင်လ ၃၁ ရက်မှာ ဆန္ဒဖော်ထုတ်ခဲ့ကြပါတယ်။

   ဖမ်းဆီးခံရသူတွေအရေး အလေးထားကူညီဆောင်ရွက်ဖို့ ဂျပန်နိုင်ငံခြားရေးရုံးရှေ့မှာ ဆန္ဒပြခဲ့ကြတာဖြစ်ပါတယ်။

   မှတ်တမ်းရုပ်သံ ရိုက်ကူးသူ မစ္စတာတိုရုကူဘိုတာဟာ တောင်ဒဂုံမြို့နယ်အတွင်းမှာ လူငယ်တွေပြုလုပ်တဲ့စစ်အာဏာသိမ်းဆန့်ကျင်ရေးဆန္ဒပြပွဲမှာ ဆန္ဒပြလူငယ် ၂ ဦးနဲ့ အတူ စစ်ကောင်စီတပ်ဖွဲ့ဝင်တွေရဲ့ဖမ်းဆီးခံခဲ့ရတာဖြစ်ပါတယ်။

   မစ္စတာ ကူဘိုတာနဲ့အတူဖမ်းဆီးခံရသူတွေထဲမှာ မမျိုးမြတ်အိန္ဒြေဆိုသူ အမျိုးသမီးငယ်တစ်ဦးနဲ့ နောက်ထပ် လူငယ်တစ်ဦးပါဝင်ပြီး သူတို့ဟာ တောင်ဒဂုံရဲစခန်းမှာ ဖမ်းဆီးထိန်းသိမ်းခံထားရတယ်လို့ ဘီဘီစီက သိရှိရပါတယ်။

7. ၃၁ ဇူလိုင် ၂၀၂၂ကချင်ပြည်နယ် လီဆူတိုင်းရင်းသားရေးရာဝန်ကြီးဟောင်း ပစ်ခတ်ခံရ

   

   ဓာတ်ပုံ ရင်းမြစ်, လူမှုကွန်ရက်

   ကချင်ပြည်နယ်၊ မြစ်ကြီးနားမြို့မှာ ပြည်နယ် လီဆူတိုင်းရင်းသားရေးရာဝန်ကြီးဟောင်း ဦးအားဆီဟာ မနေ့ ဇူလိုင်လ ၃၀ ရက်တုန်းက သေနတ်နဲ့ ပစ်ခတ်ခံခဲ့ရတာကြောင့် ဆေးရုံတင်ထားရတယ်လို့ သိရပါတယ်။

   ဦးအားဆီဟာ မနေ့ညနေပိုင်းမှာ မြေမြင့်ရပ်ကွက်က သူ့ရဲ့နေအိမ်ခြံအဝမှာ ပစ်ခတ်ခံခဲ့ရတာလို့ ဒေသခံတွေဆီက သိရပါတယ်။

   ဒီဖြစ်စဥ်နဲ့ ပတ်သက်ပြီး ဦးအားဆီရဲ့ မိသားစုဝင်တွေနဲ့ အဆက်အသွယ်ရခဲ့ပေမဲ့ မှတ်ချက်တစုံတရာပေးဖို့ ငြင်းဆိုပါတယ်။

   ဦးအားဆီဟာ သမ္မတဦးသိန်းစိန်လက်ထက်မှာ ကချင်ပြည်နယ်၊ လီဆူတိုင်းရင်းသား‌ရေးရာဝန်ကြီးဖြစ်ခဲ့သူဖြစ်ပြီး မြန်မာနိုင်ငံလုံးဆိုင်ရာ လီဆူတိုင်းရင်းသားယဥ်ကျေးမှုဥက္ကဋ္ဌလည်းဖြစ်ပါတယ်။

   ပစ်ခတ်မှုကို ဘယ်အဖွဲ့က လုပ်တယ်ဆိုတာနဲ့ ဘာကြောင့် ပစ်ခတ်ခံရတယ်ဆိုတာ မသိရသေးပါဘူး။

8. ၃၁ ဇူလိုင် ၂၀၂၂စစ်ကောင်စီက လုံခြုံရေးအရင်ထက်တင်းကျပ်ထားတဲ့နေ့ ရန်ကုန်မြို့တွင်းမှာ ပေါက်ကွဲမှုတွေဖြစ်ပြီး သေဆုံးသူတွေရှိ

   ရန်ကုန်မြို့ ထဲက သင်္ဃန်းကျွန်းမြို့နယ်နဲ့ တောင်ဒဂုံမြို့နယ်တွေမှာ ဒီကနေ့ ဇူလိုင် ၃၁ ရက်နေ့တစ်ရက်တည်းမှာတင်ပေါက်ကွဲမှုနှစ်ခုဖြစ်ခဲ့တယ်လို့ ဒေသခံတွေကပြောပါတယ်။ဒီကနေ့ မနက်အစောပိုင်းမှာပဲ သင်္ဃန်းကျွန်းမြို့နယ်အတွင်းက သုဝဏ္ဏ ၂၉ရပ်ကွက်ထဲကနေအိမ်တစ်ခုမှာ ပေါက်ကွဲမှုတစ်ခုဖြစ်ခဲ့ပြီး အိမ်အတွင်းမှာရှိတဲ့ လူနှစ်ဦးသေဆုံးခဲ့တယ်လို့ဒေသခံတွေကပြောပါတယ်။

   ဒါ့အပြင် ဒီကနေ့ မနက်ပိုင်း ၉နာရီလောက် မှာပဲ တောင်ဒဂုံမြို့နယ် ၁၇ ရပ်ကွက်၊အမှတ် ၂ လမ်းမကြီးမှာရှိတဲ့ နတ်စင်ကားမှတ်တိုင်မှာ ဗုံးပေါက်ကွဲမှုတစ်ခုဖြစ်ခဲ့ပြီး မှတ်တိုင်မှာကားစောင့်နေတဲ့ အမျိုးသား ၃ ဦးနဲ့ အမျိုးသမီး ၁ ဦး ဒဏ်ရာရခဲ့တယ်လို့ အနီးအနားက ဒေသခံတွေကပြောပါတယ်။

   ဒီကနေ့မှာဆိုရင်လည်း စစ်ကောင်စီက ရန်ကုန်မြို့တွင်းမှာ အရင်နေ့တွေထက် လုံခြုံရေးတင်းကျပ်တာလမ်းမကြီးတွေအပြင် မြို့နယ်ရပ်ကွက်တွေထဲမှာ စစ်ကား၊ အိမ်စီးကားတွေနဲ့ လှည့်လှည်နေပြီးလမ်းသွားလမ်းလာတွေကို စစ်ဆေးတင်းကျပ်တာတွေလုပ်ဆောင်နေတယ်လို့လည်း ဒေသခံတွေကပြောပါတယ်။

   

   ဓာတ်ပုံ ရင်းမြစ်, CJ

   မနေ့ ဇူလိုင် ၃၀ ရက်မှာဆိုရင်လည်း ကျောက်တံတားမြို့နယ်မှာရှိတဲ့ မြို့တော်ခန်းမဘေးမှာ ပေါက်ကွဲမှုဖြစ်ခဲ့ပြီး လမ်းသွားလမ်းလာလူငယ် ၂ ဦးကို စစ်ကောင်စီကဖမ်းဆီးခဲ့တယ်လို့ဒေသခံတွေကပြောပါတယ်။

   ဒီဖြစ်စဥ်မှာတော့ လုံခြုံရေးယူနေတဲ့ စစ်ကောင်စီတပ်ဖွဲ့ဝင်အချို့နဲ့ စည်ပင်နေ့စားဝန်ထမ်း ၂ ဦး ထိခိုက်ဒဏ်ရာရတယ်လို့ စစ်ကောင်စီဘက်က ဒီကနေ့ ထုတ်ပြန်လာပါတယ်။

   ရန်ကုန်မြို့မှာတော့ ပေါက်ကွဲမှုတွေနဲ့ စစ်ကောင်စီရဲ့ လုံခြုံရေးတင်းကျပ်မှုတွေကြားကနေပဲစစ်အာဏာသိမ်းတာကိုဆန့်ကျင်တဲ့ တော်လှန်ရေးအင်အားစုတွေရဲ့ “လူထုသစ္စာအဓိဌာန်ပြုပွဲ’’လုပ်ဖို့ နှိုးဆော်မှုတွေဆက်ရှိနေပါတယ်။

   

   ဓာတ်ပုံ ရင်းမြစ်, CJ

9. ၃၁ ဇူလိုင် ၂၀၂၂စစ်တပ်ပြုလုပ်တဲ့ရွေးကောက်ပွဲမှန်သမျှကို ဆန့်ကျင်မယ်လို့ မလေးရှားပြော, အာဆီယံလည်း အလားတူလုပ်သင့်ကြောင်း မလေးရှားနိုင်ငံခြားရေးဝန်ကြီးတိုက်တွန်း

   

   ဓာတ်ပုံ ရင်းမြစ်, Saifuddin Abdullah

   မြန်မာစစ်တပ်ကပြုလုပ်တဲ့ရွေးကောက်ပွဲမှန်သမျှကို မလေးရှားက ဆန့်ကျင်သွားမှာဖြစ်သလို အာဆီယံအဖွဲ့ကြီးအနေနဲ့လည်း အလားတူလုပ်သင့်တဲ့အကြောင်း မလေးရှားနိုင်ငံခြားရေးဝန်ကြီး ဇူလိုင်လ ၃၀ ရက်မှာ ပြောဆိုလာပါတယ်။

   အသွင်ကူးပြောင်းရေးအစီအစဥ်၊ အပစ်ရပ်စဲမှု၊ နိုင်ငံတည်ငြိမ်ရေးအစီအစဥ်တို့အပြင် စစ်မှန်တဲ့အသွင်ကူးပြောင်းမှုနဲ့ ဖွဲ့စည်းပုံ ပြန်လည်ရေးဆွဲရေး၊ ပါဝင်ပတ်သက်သူတွေအားလုံး သဘောတူ လက်ခံတဲ့ လွတ်လပ်မျှတသောရွေးကောက်ပွဲတစ်ခု ရှိရမယ်လို့လည်း ဝန်ကြီးက ပြောပါတယ်။

   ဒါ့ပြင် အာဆီယံအနေနဲ့လည်း မြန်မာပြည်တွင်းမှာ အမှန်တကယ် ဘာတွေဖြစ်ပျက်နေလဲဆိုတာကို တကယ့်ဖြစ်စဥ်အမှန်သိရှိသူတွေဆီကနေ နောက်ဆုံးသတင်းအချက်အလက် ရဖို့ လိုအပ်တယ်လို့လည်း ဝန်ကြီးက ပြောပါတယ်။

   အာဆီယံဟာ မြန်မာလူထုအတွက် ဖြစ်နိုင်တဲ့နည်းနဲ့ ကူညီထောက်ပံ့ရာမှာ နိုင်ငံတကာအသိုင်းအဝိုင်း၊ အထူးသဖြင့် ကုလအထွေထွေအတွင်းရေးမှူးချုပ်နဲ့ အထူးကိုယ်စားလှယ်နဲ့ လက်တွဲလုပ်ဆောင်ဖို့ လိုအပ်တယ်လို့လည်း သူက ပြောထားပါတယ်။

   မလေးရှားနိုင်ငံခြားရေးဝန်ကြီးဟာ အာဆီယံအနေနဲ့ စစ်တပ်နဲ့တင်သာမက အမျိုးသားညီညွတ်ရေးအစိုးရ၊ ပြည်ထောင်စုလွှတ်တော်ကိုယ်စားပြုကော်မတီတို့နဲ့ တိုက်ရိုက်ထိတွေ့ ဆက်ဆံပြောဆိုဖို့ ပွင့်ပွင့်လင်းလင်းထုတ်ပြောနေသူဖြစ်လို သူကိုယ်တိုင်း အလွတ်သဘော တွေ့ဆုံဆွေးနွေးနေသူဖြစ်ပါတယ်။

10. ၃၁ ဇူလိုင် ၂၀၂၂တောင်ကိုရီးယားနိုင်ငံရောက်မြန်မာနိုင်ငံသားတွေ လူထုသစ္စာအဓိဋ္ဌာန်ပြုပွဲပြုလုပ်

    စစ်ကောင်စီက သေဒဏ်ချမှတ်လိုက်တဲ့ အထင်ကရနိုင်ငံရေးသမားနှစ်ဦးအပါအဝင်အရပ်သားနှစ်ဦးအတွက် တောင်ကိုရီးယားနိုင်ငံရောက် မြန်မာလူမျိုးတွေက ဒီကနေ့ ဇူလိုင် ၃၁ ရက်နေ့ ကိုရီးယားဒေသစံတော်ချိန် နေ့လယ် ၁နာရီမှာ လူထုသစ္စာအဓိဋ္ဌာန်ပြုပွဲတစ်ခုပြုလုပ်ခဲ့ကြပါတယ်။

    ဒီပွဲကိုတော့ စစ်အာဏာသိမ်းမှုဆန့်ကျင်ရေးကော်မတီ(ကိုရီးယား)ကဦးဆောင်ပြီး တောင်ကိုရီးယားရောက်မြန်မာနိုင်ငံသားတွေနဲ့ မြန်မာဒီမိုကရေစီအရေးကို‌ထောက်ခံအားပေးတဲ့ တောင်ကိုရီးယားနိုင်ငံက အစိုးရမဟုတ်တဲ့ NGOs အဖွဲ့အစည်းတွေလည်းတက်ရောက်ခဲ့ကြတယ်လို့ သိရပါတယ်။

    

    ဓာတ်ပုံ ရင်းမြစ်, Ko Kyaw Myint

    ဒါ့အပြင် အမျိုးသားညီညွတ်ရေးအစိုးရNUG ရဲ့ ကိုရီးယားနိုင်ငံသမ္မတနိုင်ငံဆိုင်ရာ ကိုယ်စားလှယ် ဦးရန်နိုင်ထွန်းလည်းဒီပွဲကိုတက်ရောက်ခဲ့ပြီး စစ်အာဏာသိမ်းတာကိုဆန့်ကျင်ရင်းကျဆုံးသူတွေအတွက် ဆုတောင်းဦးညွတ်ပွဲနဲ့ လူထုသစ္စာအဓိဋ္ဌာန်ပြုပွဲကို ပြုလုပ်ခဲ့တယ်လို့ ပွဲကိုဦးဆောင်သူတွေကပြောပါတယ်။

    

    ဓာတ်ပုံ ရင်းမြစ်, Ko Kyaw Myint

11. ၃၁ ဇူလိုင် ၂၀၂၂R2P အမြန်ဆောင်ရွက်ပေးဖို့ ကုလလုံခြုံရေးကောင်စီကို NUG တောင်းဆို

    ကုလသမဂ္ဂလုံခြုံ‌ရေးကောင်စီအနေနဲ့ လက်နက်နဲ့ တပ်ဖွဲ့ဝင်တွေပေးပို့ခြင်းဖြင့် အကာအကွယ်ပေးရန်တာဝန်ရှိမှု(R2P)ကို အမြန်ဆုံးဆောင်ရွက်ဖို့လိုအပ်နေပြီလို့ အမျိုးသားညီညွတ်ရေးအစိုးရရဲ့ နိုင်ငံခြားရေးဝန်ကြီး ဒေါ်ဇင်မာအောင်က တောင်းဆိုလိုက်ပါတယ်။

    ယူကရိန်းနိုင်ငံအတွက်လက်နက် ထောက်ပံ့ပေးပြီး အာဖဂန်နစ္စတန်နိုင်ငံကို လေကြောင်းကနေ အရေးပေါ်ရိက္ခာတွေ ပို့ပေးကြပေမဲ့ မြန်မာပြည်သူတွေအတွက်တော့ အသံတွေတိတ်ဆိတ်နေတယ်လို့လည်း ဒေါ်ဇင်မာအောင်က ပြောပါတယ်။

    ‘လူ့အသက်သေဆုံးမှုတွေ ဘယ်လောက်ထိ ပေးဆပ်ရပြီးမှသာ နိုင်ငံတကာအသိုင်းအဝိုင်းက စစ်အာဏာရှင်တွေကို ပြတ်ပြတ်သားသားအရေးယူဆောင်ရွက်ကြမှာလဲ’ လို့ သူက မေးခွန်းထုတ်ပါတယ်။

    R2P အမြန်ဆောင်ရွက်ပေးဖို့ အပါအဝင် စစ်တပ်နဲ့ စစ်ခေါင်းဆောင်ရဲ့ ဝင်ငွေရလမ်းတွေကို ထိထိရောက်ရောက် ဖြတ်တောက်ဖို့၊ စစ်ကောင်စီရဲ့ နိုင်ငံတကာ ကိုယ်စားပြုမှု အားလုံးကို ဆိုင်းငံ့ထားဖို့နဲ့ NUG ကို မြန်မာနိုင်ငံရဲ့အစိုးရအဖြစ် ချက်ချင်းအသိအမှတ်ပြုဖို့ အချက်လေးချက်ကို နိုင်ငံတကာအသိုင်းအဝိုင်းက ချက်ချင်းအကောင်အထည်ဖော်ဖို့ NUG က တောင်ခဲ့တာပါ။

    စစ်ကောင်စီရဲ့ သေဒဏ်စီရင်မှုကို တရုတ်နဲ့ ရုရှားအပါအဝင် လုံခြုံရေးကောင်စီအဖွဲ့ဝင်နိုင်ငံတွေ အားလုံးက ကန့်ကွက်ရှုတ်ချလိုက်ပြီးနောက် NUG နိုင်ငံခြားရေးဝန်ကြီးက နိုင်ငံတကာအသိုင်းအဝိုင်းကို အခုလို တောင်းဆိုလာတာဖြစ်ပါတယ်။

    ပြီးခဲ့တဲ့ ရက်ပိုင်းက NUG ယာယီသမ္မတ ဒူဝါလရှီးလရဲ့ မိန့်ခွန်းမှာလည်း နိုင်ငံတကာအနေနဲ့ NUGကို လက်နက်၊နည်းပညာနဲ့ ငွေကြေးကို ထိထိရောက်ရောက်ထောက်ပံ့ဖို့တောင်းဆိုခဲ့သေးတာပါ။

    

    ဓာတ်ပုံ ရင်းမြစ်, AFP

12. ၃၁ ဇူလိုင် ၂၀၂၂“လူထုသစ္စာအဓိဌာန်ပြုပွဲ’’ ခေါင်းစဥ်နဲ့ နိုင်ငံတဝန်းမှာ လုပ်ကြဖို့ တော်လှန်ရေးအင်အားစုတွေတိုက်တွန်း, အာဏာသိမ်းဆန့်ကျင်ရေး သပိတ်တွေလည်းဆက်ရှိနေ

    

    ဓာတ်ပုံ ရင်းမြစ်, လူမှုကွန်ရက်

    ဒီကနေ့ ဇူလိုင် ၃၁ ရက်နေ့ မနက် ၁၀နာရီနဲ့ ၃၇ မိနစ်မှာ နိုင်ငံတဝန်းကလူထုတွေအနေနဲ့ ရောက်ရာအရပ်မှာ စုဝေးပြီး စစ်အာဏာသိမ်းတာကိုဆန့်ကျင်ရင်း ကျဆုံးသူတွေအတွက် ဆုတောင်းတာတွေလုပ်ဖို့ နဲ့ စစ်အာဏာသိမ်းဆန့်ကျင်ရေးလှုပ်ရှားမှုအောင်မြင်ဖို့ “လူထုသစ္စာအဓိဌာန်ပြုပွဲ’’ တစ်ခုလုပ်ကြဖို့ ဆိုပြီး တော်လှန်ရေးအင်အားစုတွေက တိုက်တွန်းနှိုးဆော်ထားပါတယ်။

    

    ဓာတ်ပုံ ရင်းမြစ်, လူမှုကွန်ရက်

    ရန်ကုန်အပါအဝင်မြို့ကြီးအများစုမှာ ဒီလှုပ်ရှားမှုအတွက် နှိုးဆော်သပိတ်တွေလည်း ဒီကနေ့မနက်ပိုင်းကတည်းကဆက်ရှိနေတာပါ။

    ဒီအခြေအနေမှာ စစ်ကောင်စီကလည်း မြို့အများစုမှာ အင်အားအများအပြားနဲ့ လုံခြုံရေးတင်းတင်းကျပ်ကျပ်ချထားပြီးစစ်ကားတွေနဲ့ မြို့တွင်းရပ်ကွက်တွေမှာပါ လှည့်လှည်စစ်ဆေးတာတွေလုပ်နေတယ်လို့ ဒေသခံတွေကပြောပါတယ်။

13. ၃၁ ဇူလိုင် ၂၀၂၂ပြင်ဦးလွင်မြို့ပေါ်ရပ်ကွက်တွေမှာ ရေကြီးရေလျှံမှုဖြစ်

    မန္တလေးတိုင်း၊ ပြည်ဦးလွင်မြို့နယ်ထဲက မြို့ပေါ် ရပ်ကွက်တွေမှာ ဒီကနေ့ဇူလိုင် ၃၁ ရက် မနက်ပိုင်းကစပြီး မိုးအဆက်မပြတ်ရွာသွန်းမှုကြောင့် မြို့ပေါ် ရပ်ကွက်တွေမှာ ရေကြီးရေလျှံမှုတွေဖြစ်နေတယ်လို့ ဒေသခံတွေကပြောပါတယ်။

    မိုးရွာသွန်းမှုများတာကြောင့် မြို့အနီးက ချောင်းတွေမှာလည်း ရေကြီးရေလျှံမှုဖြစ်ပြီး မြို့တွင်းအနိမ့်ပိုင်းရပ်ကွက်တွေမှာတော့ရေမြုပ်တဲ့အထိဖြစ်နေတယ်လို့ ဒေသခံတွေကပြောပါတယ်။

    ဒီကနေ့ဇူလိုင် ၃၁ ရက်မနက်ပိုင်းအထိမိုးအဆက်မပြတ်ရွာသွန်းနေဆဲဖြစ်ပြီး မြို့ပေါ်ရပ်ကွက်တွေမှာလည်း နေအိမ်နဲ့ဆိုင်ခန်းတွေအားလုံးရေလျှံမှုကြောင့် ပိတ်ထားရတယ်လို့မြို့ခံတွေကပြောပါတယ်။

    မြို့ပေါ်မှာတော့ အခုလိုရေကြီးရေလျှံမှုဖြစ်တာဟာ နှစ်ပေါင်း ၂၀ အတွင်းပထမဆုံးဖြစ်တယ်လို့လည်း ဒေသခံတွေကဆိုကြပါတယ်။

    

    ဓာတ်ပုံ ရင်းမြစ်, CJ

14. ၃၁ ဇူလိုင် ၂၀၂၂“လူထုသစ္စာအဓိဌာန်ပြုပွဲ’’ ခေါင်းစဥ်နဲ့ နိုင်ငံတဝန်းမှာ လုပ်ကြဖို့ တော်လှန်ရေးအင်အားစုတွေတိုက်တွန်း ၊ အာဏာသိမ်းဆန့်ကျင်ရေး သပိတ်တွေလည်းဆက်ရှိနေ, စစ်ကောင်စီကလည်း မြို့အများစုမှာ လုံခြုံရေးတင်းကျပ်ထား

    ဒီကနေ့ ဇူလိုင် ၃၁ ရက်နေ့ မနက် ၁၀နာရီနဲ့ ၃၇ မိနစ်မှာ နိုင်ငံတဝန်းကလူထုတွေအနေနဲ့ ရောက်ရာအရပ်မှာ စုဝေးပြီး စစ်အာဏာသိမ်းတာကိုဆန့်ကျင်ရင်း ကျဆုံးသူတွေအတွက် ဆုတောင်းတာတွေလုပ်ဖို့ နဲ့ စစ်အာဏာသိမ်းဆန့်ကျင်ရေးလှုပ်ရှားမှုအောင်မြင်ဖို့ “လူထုသစ္စာအဓိဌာန်ပြုပွဲ’’ တစ်ခုလုပ်ကြဖို့ ဆိုပြီး တော်လှန်ရေးအင်အားစုတွေက တိုက်တွန်းနှိုးဆော်ထားပါတယ်။

    ရန်ကုန်အပါအဝင်မြို့ကြီးအများစုမှာ ဒီလှုပ်ရှားမှုအတွက် နှိုးဆော်သပိတ်တွေလည်း ဒီကနေ့မနက်ပိုင်းကတည်းကဆက်ရှိနေတာပါ။

    ဒီ အခြေအနေမှာ စစ်ကောင်စီကလည်း မြို့အများစုမှာ အင်အားအများအပြားနဲ့ လုံခြုံရေးတင်းတင်းကျပ်ကျပ်ချထားပြီးစစ်ကားတွေနဲ့ မြို့တွင်းရပ်ကွက်တွေမှာပါ လှည့်လှည်စစ်ဆေးတာတွေလုပ်နေတယ်လို့ ဒေသခံတွေကပြောပါတယ်။

    

    ဓာတ်ပုံ ရင်းမြစ်, CJ

    ရန်ကုန်အပါအဝင်မြို့ကြီးအများစုမှာ ဒီလှုပ်ရှားမှုအတွက် နှိုးဆော်သပိတ်တွေလည်း ဒီကနေ့မနက်ပိုင်းကတည်းကဆက်ရှိနေတာပါ။

    ဒီ အခြေအနေမှာ စစ်ကောင်စီကလည်း မြို့အများစုမှာ အင်အားအများအပြားနဲ့ လုံခြုံရေးတင်းတင်းကျပ်ကျပ်ချထားပြီးစစ်ကားတွေနဲ့ မြို့တွင်းရပ်ကွက်တွေမှာပါ လှည့်လှည်စစ်ဆေးတာတွေလုပ်နေတယ်လို့ ဒေသခံတွေကပြောပါတယ်။

    

    ဓာတ်ပုံ ရင်းမြစ်, cj

15. ၃၁ ဇူလိုင် ၂၀၂၂ပြင်ဦးလွင်မြို့ပေါ်ရပ်ကွက်တွေမှာ ရေကြီးရေလျှံမှုဖြစ်

    

    ဓာတ်ပုံ ရင်းမြစ်, လူမှုကွန်ရက်

    မန္တလေးတိုင်း၊ ပြည်ဦးလွင်မြို့နယ်ထဲက မြို့ပေါ် ရပ်ကွက်တွေမှာ ဒီကနေ့ဇူလိုင် ၃၁ ရက် မနက်ပိုင်းကစပြီး မိုးအဆက်မပြတ်ရွာသွန်းမှုကြောင့် မြို့ပေါ် ရပ်ကွက်တွေမှာ ရေကြီးရေလျှံမှုတွေဖြစ်နေတယ်လို့ ဒေသခံတွေကပြောပါတယ်။

    မိုးရွာသွန်းမှုများတာကြောင့် မြို့အနီးက ချောင်းတွေမှာလည်း ရေကြီးရေလျှံမှုဖြစ်ပြီး မြို့တွင်းအနိမ့်ပိုင်းရပ်ကွက်တွေမှာတော့ရေမြုပ်တဲ့အထိဖြစ်နေတယ်လို့ ဒေသခံတွေကပြောပါတယ်။

    ဒီကနေ့ဇူလိုင် ၃၁ ရက်မနက်ပိုင်းအထိမိုးအဆက်မပြတ်ရွာသွန်းနေဆဲဖြစ်ပြီး မြို့ပေါ်ရပ်ကွက်တွေမှာလည်း နေအိမ်နဲ့ဆိုင်ခန်းတွေအားလုံးရေလျှံမှုကြောင့် ပိတ်ထားရတယ်လို့မြို့ခံတွေကပြောပါတယ်။

    မြို့ပေါ်မှာတော့ အခုလိုရေကြီးရေလျှံမှုဖြစ်တာဟာ နှစ်ပေါင်း ၂၀ အတွင်းပထမဆုံးဖြစ်တယ်လို့လည်း ဒေသခံတွေကဆိုကြပါတယ်။

16. ၃၁ ဇူလိုင် ၂၀၂၂ဂျပန်လူမျိုး မှတ်တမ်းရုပ်ရှင် ဒါရိုက်တာ တစ်ဦး ဖမ်းဆီးခံရ

    

    ဓာတ်ပုံ ရင်းမြစ်, Toru Kubota

    ဂျပန်လူမျိုး မှတ်တမ်းရုပ်ရှင်ဒါရိုက်တာ မစ္စတာတိုရူ ကူဘိုတာဟာ မနေ့ ဇူလိုင်လ ၃၀ ရက်မွန်းလွဲပိုင်းမှာ တောင်ဒဂုံမြို့နယ်ထဲမှာ စစ်ကောင်စီတပ်တွေရဲ့ ဖမ်းဆီးတာခံခဲ့ရပါတယ်။

    တောင်ဒဂုံမြို့နယ်၊ ၁၉ ရပ်ကွက်ထဲမှာ ဆန္ဒပြမှုကို သတင်းယူရင် တခြားမြန်မာနိုင်ငံသားတွေနဲ့အတူ ဖမ်းဆီးခံခဲ့ရတယ်လို့ သူ့မိတ်ဆွေ သတင်းသမား မစ္စတာ ယူကီခီတာဇုမိက ပြောပါတယ်။

    ''တိုရူ ကူဘိုတာ အဖမ်းခံရတယ်ကြားလို့ သံရုံးနဲ့နိုင်ငံခြားရေးရုံးက မိတ်ဆွေတွေကို ကျွန်တော်လိုက်မေးကြည့်တော့ ဒီသတင်းက မှန်တယ်လို့ ဆိုပါတယ်။ တောင်ဒဂုံမှာ လျှပ်တစ်ပြက်ဆန္ဒပြပွဲကို သူသတင်းယူနေတုန်း ရဲက ဝင်စီးတဲ့အချိန်မှာ သူအဖမ်းခံလိုက်ရတာပါ။ သူ့ကို ဖမ်းတာ မှားပါတယ်။ သတင်းယူတာ ပြစ်မှုကျူးလွန်တာ မဟုတ်ပါဘူး။ ဒါကြောင့် သူ့ကို အမြန်ပြန်လွှတ်ပေးသင့်ပါတယ်။ ဂျပန်အစိုးရကို ကျွန်တော်တောင်းဆိုလိုတာက ဒီကိစ္စကို အမြန်အရေးယူဆောင်ရွက်ပေးပြီး ဂျပန်နိုင်ငံသားတစ်ယောက်ကို ကယ်ပါ။ သူ့ကို မြန်မာစစ်အစိုးရလက်ကနေ အမြန်ပြန်ကယ်ထုတ်ပေးပါ''လို့ မစ္စတာ ယူကီခီတာဇုမိက ပြောပါတယ်။

    အခုတော့ မစ္စတာကူဘိုတာကို တောင်ဒဂုံရဲစခန်းမှာ ဖမ်းချုပ်ထားတယ်လို့ သိရပြီး သူ့အတွက် မြန်မာနိုင်ငံဆိုင်ရာ ဂျပန်သံရုံးက လိုက်ပါကူညီဆောင်ရွက်ပေးနေပြီလို့လည်း သူက ပြောပါတယ်။

    အသက် ၂၀ ဝန်းကျင် မစ္စတာ ကူဘိုတာရိုက်ကူးခဲ့တဲ့ မြန်မာ့အရေးဆိုင်ရာမှတ်တမ်းရုပ်ရှင်အချို့ဟာ လူသိများ ထင်ရှားပါတယ်။

    စစ်ကောင်စီသတင်းတွေကို ဖော်ပြနေတဲ့ တယ်လီဂရမ်ချန်နယ်တွေမှာတော့ တောင်ဒဂုံ၊ ၁၉ ရပ်ကွက် ဆန္ဒပြပွဲမှာ မစ္စတာ ကူဘိုတာအပြင် အမျိုးသမီးတစ်ဦးနဲ့ အမျိုးသားတစ်ဦးတို့ကို ဖမ်းမိတယ်လို့ ရေးသားဖော်ပြနေကြပါတယ်။

17. ၃၀ ဇူလိုင် ၂၀၂၂သေဒဏ်စီရင်မှု ထောက်ခံဆန္ဒပြနေကြချိန် သေဒဏ်ကျသူတွေရဲ့ မိသားစုတွေ စိုးရိမ်

18. ၃၀ ဇူလိုင် ၂၀၂၂လေးကေ့ကော်၊ ဖလူး၊ ဝေါလေတစ်ဝိုက် တိုက်ပွဲ ရက်ဆက်

19. ၃၀ ဇူလိုင် ၂၀၂၂ရခိုင်မှာ မိုးခေါင်လို့ စပါးပင်တွေသေပြီး တောင်သူတွေအခက်ကြုံ

20. ၃၀ ဇူလိုင် ၂၀၂၂စခန်းရဲ့ လိုအပ်ချက်တွေဖြည့်တင်းဖို့ ကောက်စိုက်ပြီး ရှာဖွေကြတဲ့ ယောဒေသစစ်သမီးများ

    ယောဒေသကာကွယ်ရေးတပ်ကအမျိုးသမီးစစ်သမီးတွေ ကောက်စိုက်နေကြတဲ့မြင်ကွင်းပဲဖြစ်ပါတယ်။ ထောက်ပံ့မှုအင်အားတွေနဲ့ လိုအပ်ချက်တွေမမျှတတာ၊ အင်တာနက် အခက်အခဲတွေကြောင့် အလှူရှင်တွေဆီကအထောက်အပံ့တွေခက်ခဲတဲ့အခြေအနေကြောင့် တပ်ဖွဲ့အတွင်း လက်နက်ခဲယမ်းနဲ့ လိုအပ်ချက်တွေမြင့်တက်လာတဲ့အတွက် ဒေသကာကွယ်ရေးတပ်ဖွဲ့ဝင်အမျိုးသမီးတွေဟာအနီးအနားက ကျေးရွာတွေမှာ နေ့စားကောက်စိုက်ရင်း လိုအပ်ချက်တွေအတွက်ဖြည့်တင်းကြတယ်လို့ ယောဒေသကာကွယ်ရေးတပ်( ထီးလင်း) ကထုတ်ပြန်ထားပါတယ်။‌

    

    ဓာတ်ပုံ ရင်းမြစ်, ယောဒေသကာကွယ်ရေးတပ်(ထီးလင်း)

    ယောဒေသကာကွယ်ရေးတပ်မှာတော့ အမျိုးသမီးစစ်သမီး အယောက် ၄၀ လောက်ရှိနေပြီးဒေသခံတွေထဲကနေ စစ်သင်တန်းသွားရောက်သင်ယူပြီးနောက် ဒေသကာကွယ်ရေးတပ်မှာ ပြန်လည်ပူးပေါင်းကြတာဖြစ်တယ်လို့ ယောဒေသကာကွယ်ရေးတပ်က တာဝန်ရှိသူကပြောပါတယ်။

    

    ဓာတ်ပုံ ရင်းမြစ်, ယောဒေသကာကွယ်ရေးတပ်(ထီးလင်း)