ဓာတ်ပုံ ရင်းမြစ်, MPA
ရန်ကုန်နဲ့
မန္တလေး မြို့တို့မှာ ရပ်ကွက်တွေထဲက လမ်းတွေပိတ်ထားတဲ့ အတားအဆီးတွေကို အာဏာသိမ်းစစ်ကောင်စီတပ်တွေက
အသံချဲ့စက်နဲ့ ဖယ်ရှားဖို့ လိုက်လံ သတိပေးနေတယ်လို့ ရန်ကုန်နဲ့ မန္တလေးက ဒေသခံတွေက
ဘီဘီစီကို ပြောပါတယ်။
လမ်းပေါ်က
အတားအဆီးတွေကို ဖယ်ရှားဖို့ နဲ့ မဖယ်ရှားရင် ပိတ်ထားတဲ့လမ်းထဲက တစ်ရပ်ကွက်လုံး အိမ်တွေကို
ဆိုင်ဆိုင် မဆိုင်ဆိုင် အကုန်သေနတ်နဲ့ ပစ်မယ် မြေလှန်မယ်လို့ အသံချဲ့စက်နဲ့ အော်သွားကြောင်းလည်းမြောက်ဒဂုံ ၃၇ ၇ပ်ကွက်နေသူတစ်ဦးက ပြောပါတယ်။
မြောက်ဒဂုံက
ရပ်ကွက်တွေထဲမှာ အာဏာသိမ်း စစ်ကောင်စီတပ်တွေ တပ်စွဲနေတယ်လို့ လည်း သူက ပြောပါတယ်။
လှိုင်သာယာမှာတော့ ဧရာဝတီတိုင်း ဘက်ကိုသွားတဲ့ ညောင်တုန်းတံတား မနက်ဖြန်ပိတ်မယ်လို့ သတင်းကြားတာကြောင့်
လှိုင်သာယာကနေ နယ်ပြန်တဲ့သူတွေများနေတယ်လို့ သိရပါတယ်။
ရန်ကုန်မြို့
လှည်းတန်းနဲ့ရန်ကင်း ဘက်တွေမှာတော့ ပြည်သူတွေကာရံထားတဲ့
သဲအိတ်နဲ့အခြားအကာအရံတွေကို ရဲတပ်ဖွဲ့နဲ့စည်ပင်က လာရောက်ဖယ်ရှားတာတွေလုပ်ခဲ့ပါတယ်။
အဲဒီမှာ
လမ်းသွားလမ်းလာ ရပ်ကွက်နေပြည်သူအချို့ကို ခေါ်ဆောင်တာ၊ အိမ်စီးကားအချို့ကို တားကာ
လူတွေကို
ဆင်းခိုင်းပြီးအမှိုက်တွေသိမ်းခိုင်းတာ၊သဲအိတ်တွေဖယ်ခိုင်းတာတွေလုပ်တယ်လို့
ကိုယ်တိုင်ကြုံတွေ့ခဲ့ရသူပြည်သူတွေနဲ့ မျက်မြင်တွေ့သူတွေက ဘီဘီစီကိုပြောပါတယ်။
မန္တလေးမှာလည်း မန္တလေး တက္ကသိုလ် အနီးမှာ အတားအဆီး တွေ ဖယ်ဖို့ မဖယ်ရင်ပစ်ခတ်မှုတွေလုပ်မယ်လို့ အခုလို သတိပေးတာတွေရှိကြောင်း မန္တလေး ဒေသခံတစ်ဦးက ဘီဘီစီကိုပြောပါတယ်။
