စစ်အာဏာသိမ်းဆန့်ကျင်ရေးဆန္ဒပြပွဲတွေမှာ သေဆုံးရသူ ၅၂၁ ဦး ရှိလာ

တိုက်ရိုက် ထုတ်လွှင့်ချက်

1. ၂၁ မတ် ၂၀၂၁မန္တလေး အောင်ပင်လယ် ပစ်ခတ်မှု တစ်ဦးသေ

   မန္တလေးမြို့၊အောင်ပင်လယ်ရပ်ကွက်မှာ အာဏာသိမ်းစစ်ကောင်စီတပ်တွေ ပစ်ခတ်မှု​ကြောင့် ၁ ဦး ​သေဆုံးပြီး အနည်းဆုံး ၆ ဦးခန်ဒဏ်ရာ ရရှိခဲ့​တယ်လို့ဒေသခံတွေနဲ့ မန္တလေးအခြေစိုက်သတင်းဌာန အချို့က အတည်ပြုကြပါတယ်။

   လမ်းပေါ်ကလုံခြုံရေးအရ ပြည်သူတွေလုပ်ထားကြတဲ့ အကာ အကွယ်တွေကို စစ်တပ်နဲ့ရဲတို့က ရွှေ့ခိုင်းရာကစပြီး အချေအတင်ဖြစ်ခဲ့ရာကနေ အောင်ပင်လယ်ရပ်ကို ပိတ်ဆို့ပြီး ပစ်ခတ်ခဲ့တာလို့ ဒေသခံတစ်ဦး ဘီဘီစီကိုပြောပါတယ်။

   သေဆုံးသူ ဟာ အသက် ၄၀ ကျော်အရွှယ်ဖြစ်ပြီး သေနတ် ကျည် ခေါင်းကို ထိမှန်ပြီးသေဆုံးခဲ့တာဖြစ်တယ်လို့ လည်း ဘီဘီစီက သတင်းရရှိပါတယ်။

   

2. ၂၁ မတ် ၂၀၂၁CDM ဝန်ထမ်းတွေကို နေအိမ် ကနေ မတ် ၂၅ ရက်နေ့ နောက်ဆုံးထားဖယ်ခိုင်း

   

   ဓာတ်ပုံ ရင်းမြစ်, MPA

   

   ဓာတ်ပုံ ရင်းမြစ်, MPA

   

   ဓာတ်ပုံ ရင်းမြစ်, MPA

   မန္တလေးမြို့၊ ချမ်းအေးသာစံမြို့နယ် ဘူတာကြီးမီးရထားတိုက်ခန်းနေသူ မြန်မာ့မီးရထားဝန်ထမ်းများကို မတ် ၂၂ ရက်နေ့တွင် အလုပ်ခွင်သို့ ပြန်လည်ဝင်ရောက်လုပ်ကိုင်ဖို့ အာဏာသိမ်းစစ်ကောင်စီက အကြောင်းကြားစာထုတ် သတိပေးခဲ့တယ်လို့ သိရပါတယ်။

   လုပ်ငန်းခွင်ကို ဝင်ရောက်ခြင်းမရှိတဲ့ CDM မှာပါဝင်တဲ့ဝန်ထမ်းတွေကို နေအိမ်လိုင်းခန်းကနေ မတ် ၂၅ ရက်နေ့ နောက်ဆုံးထားပြောင်းဖို့ အာဏာသိမ်းစစ်ကောင်စီက ထုတ်ပြန်သတိပေးခဲ့တယ်လို့လည်းသူတို့က ပြောပါတယ်။

3. ၂၁ မတ် ၂၀၂၁နေပြည်တော်မှာ သတင်းထောက်တစ်ဦး ထပ်အဖမ်းခံရ

   

   ဓာတ်ပုံ ရင်းမြစ်, cj

   နေပြည်တော် မှ မတ်လ ၂၁ ရက် ဒီနေ့ သတင်းထောက်တစ်ဦး ထပ်ပြီးအဖမ်းခံရတယ်လို့ နေပြည်တော်က သတင်းထောက်အသိုင်းအဝိုင်းက သိရပါတယ်။

   အဖမ်းခံရ သူဟာ လက်ရှိ အလွတ်တန်းသတင်းထောက်တစ်ဦးဖြစ်သူ ကိုအောင်ကိုလတ်ဖြစ်ပြီးတော့ အရင်ကတော့ ဒီဗီဘီ ရုပ်သံမှာ လုပ်ကိုင်ခဲ့သူ သတင်းထောက်တစ်ဦးလည်းဖြစ်ပါတယ်။

   မတ်လ ၂၀ ရက်နေ့က နေပြည်တော် ပျဉ်းမနားဆန္ဒပြပွဲကို သွားရောက်ရိုက်ကူးစဥ်မှာ ဆန္ဒပြပွဲနဲ့ ခပ်လှမ်းလှမ်းမှာ ရပ်ထားတဲ့ ကားကို ရဲက သိမ်းသွားခဲ့ပြီး ဒီနေ့ မတ်လ ၂၁ ရက် ကားသွားပြန်ရွေးစဥ်မှာ လူနဲ့ ကွန်ပျူတာပါ အကုန်သိမ်းပြီးဖမ်းလိုက်တာဖြစ်တယ်လို့လည်း ဘီဘီစီက စုံစမ်းသိရပါတယ်။

   ဘီဘီစီ မြန်မာဌာန နေပြည်တော် အခြေစိုက် သတင်းထောက် ကိုအောင်သူရ နဲ့ စစ်ကောင်စီက လုပ်ကိုင်ခွင့် ရပ်ဆိုင်းထားခံရတဲ့ မဇ္စျိမ မီဒီယာရဲ့ သတင်းထောက်ဟောင်း ကိုသန်းထိုက်အောင်တို့ ပြီးခဲ့တဲ့ မတ်လ ၁၉ ရက်နေ့က နေပြည်တော်မှာ ဖမ်းဆီးခေါ်ဆောင်ခံရပါတယ်။

   ဘီဘီစီ သတင်းထောက် နဲ့ မဇ္စျိမ သတင်းထောက်ဟောင်း နေပြည်တော်မှာ ဖမ်းဆီးခေါ်ဆောင်ခံရ

4. ၂၁ မတ် ၂၀၂၁စစ်ကောင်စီတပ်တွေ ရုံးခန်းတစ်ခုကို စီးနင်းနေစဥ် အမျိုးသမီးတစ်ဦး ငါးလွှာက ပြုတ်ကျ သေဆုံး

   ရန်ကုန်မြို့ မင်္ဂလာတောင်ညွှန့်မြို့နယ် ၉၁ လမ်းက ပရဟိတ အသင်းရုံးခန်းတစ်ခုကို စစ်ကောင်စီတပ်တွေ ကသေနတ်တွေ ပစ်ဖောက်ကာ ဝင်ရောက်စီနင်းခဲ့ပြီး အဲ့ဒီရုံးခန်းအပေါ်ထပ် ၅ လွှာမှာနေထိုင်တဲ့ အမျိုးသမီးတစ်ဦး တိုက်ပေါ်က ပြုတ်ကျပြီးသေဆုံးခဲ့ပါတယ်။

   သူဟာ ကလေးမြို့ တာဟန်းရပ်ကွက်မှာနေထိုင်ပြီး ရန်ကုန်မြို့မှာ အလုပ်လုပ်ကိုင်နေသူ မဇွာလ်ငီး ဖြစ်တယ်လို့ လည်းကလေးမြို့ တာဟန်း ရပ်ကွက်နေထိုင်သူ တစ်ဦးကပြောပါတယ်။

   ဒီနေ့ မတ်လ ၂၁ ရက်‌နေ့ မနက် ၁၁ နာရီလောက်မှာ အာဏာသိမ်းစစ်ကောင်စီရဲ့ ရဲတပ်ဖွဲ့နဲ့ စစ်သားတွေဟာ we love Yangon အသင်း ရုံးခန်းကို လာရောက်ပြီး တံခါးတွေဖျက် သေနတ်ပစ်ဖောက်ဝင်ရောက်ခဲ့တာဖြစ်ပြီးတော့ အဲ့ဒီအချိန်မှာ ရုံး အပေါ်ထပ် ၅ လွှာမှာနေထိုင်သူ အမျိုးသမီးဟာ ပြုတ်ကျသေဆုံးခဲ့တာ ဖြစ်တယ်လို့လည်း သိရပါတယ်။

   သူဟာ ရန်ကုန်မြို့က ကုမ္ပဏီ တစ်ခုမှာ အလုပ်လုပ်နေသူဖြစ်ပြီးတော့ သူနေထိုင်တဲ့ အခန်းတံခါးကို စစ်ကောင်စီတပ်တွေ လာပြီးတံခါးလာခေါက်စဥ်မှာ အခန်းကနေ အနောက်ဘက် ပြေးထွက်စဥ် ပြုတ်ကျ သေဆုံ;ခဲ့တယ်လို့ တာဟန်းရပ်ကွက်က သူနဲ့ ဆွေနီးမျိုးစပ်တော်သူတွေက ပြောပါတယ်။

   

   ဓာတ်ပုံ ရင်းမြစ်, Social Media

5. ၂၁ မတ် ၂၀၂၁စစ်ကောင်စီတပ်တွေကို​ထောက်ပံ့မှု ကို KNU လက်မခံ

   ကေအန်ယူပိုင် နယ်မြေထဲရောက်နေတဲ့ အာဏာသိမ်း​စစ်ကောင်စီတပ်တွေကို ​ထောက်ပံ့ကူညီ​နေမှု ကိုလုံးဝသည်းခံမှာ မဟုတ်ဘူးလို့ KNUက ဒီနေ့ ​ကြေညာ ချက်ထုတ်ပြန်လိုက်ပါတယ်။

   တပ်မဟာ ၅ နယ်မြေ အတွင်း‌ရောက်နေတဲ့ စစ်ကောင်စီတပ်တွေ ကို ကူညီပံ့ပိုးပေးတဲ့လူပုဂ္ဂိုလ် အဖွဲ့အစည်းအပေါ်မှာတစ်စုံတစ်ရာဖြစ်ပေါ်ပါက ကေအန်ယူတပ်မဟာ ၅ က တာဝန်ယူမှာ မဟုတ်ဘူးလို့လည်း ထုတ်ပြန်ချက်မှာပါရှိပါတယ်။

   မြန်မာ အာဏာသိမ်း စစ်ကောင်စီဟာ သံလွင်မြစ်တလျှောက် လှုပ်ရှားနေတဲ့ သူတို့ရဲ့ တပ်တွေအတွက် စားနပ်ရိက္ခာတွေကို ကရင်အမျိုးသား အစည်းအရုံး KNU ထိန်းချုပ် နယ်မြေတွေကနေ ဖြတ်ပြီး သယ်လို့မရတဲ့အတွက် ထိုင်းနိုင်ငံဘက်ခြမ်းကနေ ကွေ့ပတ်ပြီး သယ်ခဲ့ရတယ်လို့ KNU သတင်းရင်းမြစ်တွေက ပြောပြီး ထိုင်းဘက်က တော့ဒါကို ငြင်းဆိုခဲ့ပါတယ်။

   KNU ပိတ်ဆို့မှုကြောင့် မြန်မာတပ်အတွက် ရိက္ခာတွေ ထိုင်းဘက်ကပတ်ပြီး သွင်းခဲ့တဲ့သတင်းတွေ ထွက်ပေါ်

   

6. ၂၁ မတ် ၂၀၂၁သာကေတက ကျည်မှန်တဲ့ နဝမတန်းကျောင်းသား စျာပန

   မတ်၂၀ ရက်နေ့ က ရန်ကုန်မြို့၊ သာကေတမြို့နယ် ၆ ရက်ကွက် ရွှေပြည်သာအရှေ့လမ်းထဲမှာ စစ်တပ်နဲ့ ရဲတပ်ဖွဲ့ဝင်တွေ ဝင်ရောက် ပစ်ခတ်ခဲ့လို့ အသက် ၁၅ နှစ်အရွယ် နဝမတန်း ကျောင်းသား မောင်အောင်ကောင်းထက်ရဲ့ မျက်နှာ ကျည်ထိမှန်ပြီး သေဆုံးခဲ့ရပြီး သူ့စျာပနာ ကို ဒီနေ့ မတ်လ ၂၁ ရက်နေ့မှာ ပြုလုပ်ခဲ့ပါတယ်။

   

   ဓာတ်ပုံ ရင်းမြစ်, MPA

   

   ဓာတ်ပုံ ရင်းမြစ်, MPA

   

   ဓာတ်ပုံ ရင်းမြစ်, MPA

7. ၂၁ မတ် ၂၀၂၁တိုင်ပေမှာ မြန်မာစစ်အာဏာသိမ်း ဆန့်ကျင်ရေး ဆန္ဒပြပွဲ ကျင်းပ

8. ၂၁ မတ် ၂၀၂၁မုံရွာမှာ ပစ်ခတ်ဖြိုခွင်းလို့ တစ်ဦးသေဆုံး

   

   ဓာတ်ပုံ ရင်းမြစ်, CJ

   မုံရွာမြို့မှာ မတ်လ ၂၁ ရက်နေ့က စစ်အာဏာသိမ်းမှုဆန့်ကျင်ရေးဆန္ဒပြသူအချို့ အာဏာသိမ်းစစ်ကောင်စီတပ်တွေ ပစ်ခတ်တာ ခံခဲ့ရပြီး လူတစ်ဦး သေဆုံးသွားခဲ့တယ်လို့ မုံရွာမြို့ခံတစ်ဦးက ဘီဘီစီကို ပြောပါတယ်။

   သေဆုံးသွားသူဟာ မုံရွာမြို့နန္ဒဝန် ရပ်ကွက်မှာ အပစ်ခံခဲ့ရတာဖြစ်ပြီးတော့ သူအပါအဝင် လူ၃ ဦး သေနတ်ထိမှန်ခဲ့တယ်လို့လည်း မုံရွာဒေသခံက ပြောပါတယ်။

   ကျန် ဒဏ်ရရှိသူတွေ အခြေအနေနဲ့ပတ်သက်လို့ မသိရှိရသေးကြောင်းနဲ့ ခုလို ပစ်ခတ်ဖြိုခွဲမှုတွေရှိခဲ့ပေမဲ့လည်း မုံရွှာမြို့ ပင်မသပိတ်စစ်ကြောင်းချီတက်ခဲ့တယ်လို့လည်း သူကပြောပါတယ်။

9. ၂၁ မတ် ၂၀၂၁မြန်မာစစ်ကောင်စီတပ်ဖွဲ့အတွက် ရိက္ခာတွေ သူတို့ မထောက်ပံ့ဘူးလို့ ထိုင်းစစ်တပ်ငြင်း

10. ၂၀ မတ် ၂၀၂၁, တိုကျို ကုလသမဂ္ဂ တက္ကသိုလ် ရုံးချုပ်ရှေ့ မြန်မာတွေ အစာငတ်ခံဆန္ဒပြ

    

    ဓာတ်ပုံ ရင်းမြစ်, Ma Thiri Thitsar

    မြန်မာနိုင်ငံမှာ လက်ရှိဖြစ်ပေါ်နေတဲ့ အခြေအနေတွေ အပေါ် ကုလသမဂ္ဂက အနေနဲ့ကြေညာချက်တွေပဲ ထုတ်နေမယ့်အစား လက်တွေ့ အမြန်ဆုံး အကောင်အထည်ဖော် ဆောင်ရွက်ပေးပါ ဆိုပြီး ဂျပန်နိုင်ငံရောက်မြန်မာ ၂၅ ယောက်က တိုကျိုမြို့၊ ကုလသမဂ္ဂ တက္ကသိုလ် ရုံးချုပ်ရှေ့မှာ၄၈ နာရီကြာ အစာငတ်ခံ ဆန္ဒပြနေ ကြပါတယ်။

    ကုလသမဂ္ဂ အတွက် ပညာရပ်ပိုင်းနဲ့ သုတေသန ဆိုင်ရာ လုပ်ငန်းတွေ လုပ်နေတဲ့ အဖွဲ့အစည်း ဌာနကြီးဟာ ကုလတက္ကသိုလ်လို့ မည်တွင်ပြီး ဌာနချုပ်က ဂျပန်နိုင်ငံ မြို့တော် တိုကျိုရဲ့ အထင်ကရ ရှီဘုယအရပ်မှာ ရှိတာ ဖြစ်ပါတယ်။

    ဒေသစံချိန် စနေ မနက် ၈ နာရီက စတင်တဲ့ အစာငတ်ခံ ဆန္ဒပြပွဲဟာ တနင်္လာနေ့ မနက် ၈ နာရီမှာ ပြီးဆုံးမှာပါ။

    အစာငတ်ခံ ဆန္ဒပြတာအပြင် မြန်မာ နိုင်ငံသား ၃၀၀ ကျော်က ကုလတက္ကသိုလ် ရုံးချုပ်ရှေ့မှာပဲ ဆန္ဒပြ တောင်းဆိုတာတွေ၊ ပရိတ်တရားတော် ရွတ်ဖတ် ပူဇော်တာတွေ ပြုလုပ်ခဲ့ကြသလို၊ ဗုဒ္ဒဘာသာ ဘုန်းတော်ကြီးတွေနဲ့ ခရစ်ယာန် ဘုန်းတော်ကြီးတွေကလည်း အန္တရာယ်ကင်း တရားတော်တွေ ရွတ်ဖတ်ပြီး ဆုတောင်းမေတ္တာ ပို့ခဲ့ကြတယ်လို့ ဆန္ဒပြပွဲမှာ ပါဝင်သူတွေက ပြောပါတယ်။ #ဘီဘီစီမြန်မာပိုင်း

    ဒီသတင်းအပါအ၀င် စစ်အာဏာသိမ်း နောက်ဆုံးရသတင်းတွေကို ဘီဘီစီမြန်မာပိုင်း လိုက်ဖ် စာမျက်နှာမှာ တိုက်ရိုက်တင်ဆက် ပေးနေပါတယ်။

    https://bbc.com.im/burmese/live/burma-56331237%3C/a%3E%3C/p%3E%3C/div%3E%3Cfigure class="mediaStyles css-1ckhn36">

    

    ဓာတ်ပုံ ရင်းမြစ်, Ma Thiri Thitsar

    

    ဓာတ်ပုံ ရင်းမြစ်, Ma Thiri Thitsar

    

    ဓာတ်ပုံ ရင်းမြစ်, Ma Thiri Thitsar

11. ၂၀ မတ် ၂၀၂၁ကျွန်းလှမြို့နယ် အထွေထွေသပိတ်

    စစ်အာဏာသိမ်းမှု ၄၈ ရက်မြောက်နေ့ ကျွန်းလှမြို့နယ်လုံးဆိုင်ရာ အထွေထွေသပိတ်ပြုလုပ်ခဲ့ပါတယ်။

    ကျွန်းလှမြို့နယ်အတွင်းက ရွာပေါင်းစုံ ပါဝင်ဆင်နွှဲကြပါတယ်။

    

    ဓာတ်ပုံ ရင်းမြစ်, CJ

12. ၂၀ မတ် ၂၀၂၁တပ်မတော်နေ့ ဖိတ်ကြားမှု ငြင်းဆန်မှုတွေရှိ

    လာမယ့် မတ်လ ၂၇ ရက် တပ်မတော်နေ့မှာ နေပြည်တော်မှာ စစ်ကြောင်းတွေချီတက်ကျင်းပဖို့ ပြင်ဆင်နေတာတွေကို တွေ့ရပါတယ်။

    ဒါနဲ့အတူ တပ်မတော်နေ့ကို အပစ်ရပ်လက်မှတ်ထိုးထားတဲ့ တိုင်းရင်းသားလက်နက်ကိုင် အဖွဲ့တချို့နဲ့ သံရုံးတချို့ မတက်ရောက်ဘူးလို့ ထုတ်ဖော်ပြောဆိုလာတာတွေ ရှိနေပါတယ်။

    ပအိုဝ်းလက်နက်ကိုင်အဖွဲ့ PNLO ကတော့ တက်ရောက်မှာ မဟုတ်ကြောင်း ပြောဆိုထားပြီး လက်ရှိ လုံခြုံရေး အခြေအနေကြောင့်လည်း ဖြစ်တယ်လို့ PNLO ရဲ့ ဦးဆောင်နာယက ဗိုလ်မှူးကြီး ခွန်ဥက္ကာက ဘီဘီစီကို ပြောပါတယ်။

    အပစ်ရပ်လက်နက်ကိုင်အဖွဲ့တချို့ဆီကို စစ်ကောင်စီဘက်က တပ်မတော်နေ့အတွက် ဖိတ်ကြားထားပေမယ့် အကြောင်းမပြန်ရသေးတဲ့ အဖွဲ့တချို့လည်း ရှိပါတယ်။

    လက်ရှိအခြေအနေမှာတော့ NCA လက်မှတ်ရေးထိုးထားတဲ့ တိုင်းရင်သားလက်နက်ကိုင် ၁၀ ဖွဲ့က စစ်အာဏာသိမ်းမှုကို ဆန့်ကျင် ကန့်ကွက်ထားပြီး ငြိမ်းချမ်းရေး လုပ်ငန်းစဉ် ဆွေးနွေးမှုတွေ ရပ်ဆိုင်းထားပါတယ်။

    နေပြည်တော်မှာ ကျင်းပမယ့် တပ်မတော်နေ့အခမ်းအနားကို ရန်ကုန်က ဂျပန်သံရုံးဝန်ထမ်းတွေနဲ့ စစ်သံမှူးတွေအပါအဝင် သံရုံးနဲ့ ပတ်သက်သူတွေကို လုံးဝစေလွှတ်မှာ မဟုတ်ဘူးလို့ ဂျပန်နိုင်ငံခြားရေးဝန်ကြီးက ပြောထားပါတယ်။

    

    ဓာတ်ပုံ ရင်းမြစ်, Getty Images

13. ၂၀ မတ် ၂၀၂၁သာကေတက ကျည်ထိလူငယ် သေဆုံး

    သာကေတမြို့နယ်မှာ နေ့လယ်ပိုင်းက လုံခြုံရေးတပ်ဖွဲ့တွေရဲ့ ပစ်ခတ်မှုကြောင့် ၆ ရပ်ကွက်မှာ ကျည်ထိမှန်ခဲ့တဲ့ လူငယ်တစ်ဦး သေဆုံးသွားတယ်လို့ ဒေသခံတွေက ပြောပါတယ်။

    အမျိုးသမီးတစ်ဦးလည်း ခြေထောက်ကို ကျည်ရှပ်ထိထားတယ်လို့ သိရပါတယ်။

    သာကေတ ၆ အနောက်ရပ်ကွက်ထဲကို ရဲနဲ့စစ်တပ် ဝင်လာတာကြောင့် ဓာတ်ဆီပုလင်းနဲ့ ပစ်ပေါက်တာကို ပြန်လည်ပစ်ခတ်ခံရရာက ကျည်ထိမှန်ခဲ့ပြီး ဆေးရုံပို့စဥ်မှာ သေဆုံးသွားတယ်ဆိုတဲ့ ပြောဆိုမှုတချို့လည်း ရှိပါတယ်။

    အဲဒီ သေဆုံးသူလူငယ်ဟာ ဒသမတန်းတက်ရောက်မယ့် ကျောင်းသား မောင်အောင်ကောင်းထက် ခေါ် ကောင်းကောင်းလို့ စုံစမ်းသိရှိရပါတယ်။

    ခြေထောက်ကျည်ထိမှန်သူ အမျိုးသမီးကိုတော့ ဆေးရုံတွေက လက်မခံတာကြောင့် လက်ခံကုသပေးမယ့်နေရာကို ရှာဖွေနေတယ်လို့ သိရပါတယ်။

    

    ဓာတ်ပုံ ရင်းမြစ်, CJ

14. ၂၀ မတ် ၂၀၂၁မိုးကုတ်မှာ ပစ်ခတ်ခံရပြီး သေဆုံးခဲ့တဲ့ ညကင်းသမားရဲ့ နာရေး ပြုလုပ်

    မိုးကုတ်မှာ မနေ့ မတ် ၁၉ ရက်ညပိုင်း လယ်ဦးရပ်ကွက်မှာ ညပိုင်းကင်းသမားသုံးဦး ပစ်ခတ်ခံရပြီး အဲဒီထဲက ကိုနိုင်လင်းအောင် အသက် ၃၀ နှစ်ကတော့ ရရှိထားတဲ့ ဦးခေါင်းကျည်ဆန်ထိမှန်ဒဏ်ရာနဲ့ သေဆုံးခဲ့ပါတယ်။

    သူ့ရဲ့နာရေးကို ဒီနေ့ မွန်းလွဲပိုင်းမှာ ဗမွန်သုသာန်မှာ ပြုလုပ်ခဲ့တာ ဖြစ်ပြီး မြို့ခံတွေ လိုက်ပါပို့ဆောင်ခဲ့ကြပါတယ်။

    သေနတ်ကျည်ဆန်ထိမှန်သူ ၃ ဦးအနက် ကိုနိုင်လင်းအောင် သေဆုံးခဲ့ပြီး ဝမ်းဗိုက်ထိမှန်ဒဏ်ရာရထားတဲ့ ဦးမြင့်နိုင်ကို မိုးကုတ်ဆေးရုံကနေ တခြားဆေးရုံတစ်ခုကို လွှဲပြောင်းပို့ဆောင်ထားပါတယ်။

    ကျန်ဒဏ်ရာရရှိသူတစ်ဦးကတော့ အခြေအနေ မစိုးရိမ်ရဘဲ မိုးကုတ်မြို့မှာပဲ ရှိနေတယ်လို့ ဒေသခံတွေကပြောပါတယ်။

    

    ဓာတ်ပုံ ရင်းမြစ်, CJ

15. ၂၀ မတ် ၂၀၂၁CRPH နိုင်ငံခြားရေးဝန်ကြီးနဲ့တောင်ကိုရီးယားလွှတ်တော်နိုင်ငံခြားရေးရာဥက္ကဋ္ဌတယ်လီဖုန်းကဆင့်ဆွေးနွေး

    ပြည်ထောင်စု လွတ်တော်ကိုယ်စားပြု ကော်မတီ CRPHရဲ့ နိုင်ငံခြားရေး ဝန်ကြီး ဒေါ်ဇင်မာအောင်နဲ့ တောင်ကိုရီးယားလွှတ်တော် နိုင်ငံခြားရေးရာနဲ့ တောင်မြောက်ကိုရီးယား ပေါင်းစည်းရေး ဥက္ကဋ္ဌ မစ္စတာ ဆုန်ယောင်ဂီလ်းတို့ ဒီကနေ့ တယ်လီဖုန်းနဲ့ ဆက်သွယ်ဆွေးနွေးခဲ့ကြတယ်လို့ ဒေါ်ဇင်မာအောင်က သူ့ရဲ့ ဖေ့စ်ဘွတ်ခ်မှာ ဖော်ပြထားပါတယ်။

    စစ်အာဏာသိမ်းမှု ဆန့်ကျင်ရေးကော်မတီ (ကိုရီးယား) ရဲ့ ဦးဆောင် အဖွဲ့ဝင်တွေဖြစ်တဲ့ အမျိုးသားဒီမိုကရေစီ အဖွဲ့ချုပ် နိုင်ငံတကာ စည်းရုံးရေးကော်မတီ ကိုရီးယား ဥက္ကဋ္ဌ ဦးရန်နိုင်ထွန်း ၊ မြန်မာ့ဒီမိုကရေစီ ကွန်ယက် ပူးတွဲဥက္ကဌ ဦးစိုးမိုးသူ၊ မြန်မာ့နွေဦးတော်လှန်ရေးထောက်ခံ သူများအဖွဲ့ (ကိုရီးယား) ဥက္ကဋ္ဌ ဦးစောလှိုင်မျိုးသိန်း တို့နဲ့ မစ္စတာ ဆုန်ယောင်ဂီလ်းတို့ တွေ့ဆုံပြီး မြန်မာ့နိုင်ငံ ဒီမိုကရေစီအရေးအတွက် လွှတ်တော်နိုင်ငံခြားရေးခန်းမမှာ တွေ့ဆုံစဥ်မှာ CRPH တာဝန်ရှိသူနဲ့တွေ့ဆုံဖို့ မစ္စတာဆုန်က ကမ်းလှမ်းခဲ့ရာက အခုလို တွေ့ဆုံခဲ့တာလို့ ဆိုပါတယ်။

    

    ဓာတ်ပုံ ရင်းမြစ်, Yan Naing Htun Thi

16. ၂၀ မတ် ၂၀၂၁ကျောက်မြောင်းသပိတ် ပြင်ဆင်နေစဥ် ပစ်ခတ်ဖြိုခွင်းခံရမှု တစ်ဦးသေဆုံး

    ဒီကနေ့ မွန်းလွဲ ၁၂ နာရီခွဲခန့်မှာ စစ်ကောင်စီလုံခြုံရေးတပ်တွေ ပစ်ခတ်မှုကြောင့် တာမွေ ကျောက်မြောင်းရပ်ကွက်၊ မြို့သစ် ၂လမ်းနဲ့ ကျောက်ရေတွင်းထောင့်မှာ ဆန္ဒပြအမျိုးသားတစ်ဦး မျက်လုံးကျည်ထိမှန်သေဆုံးခဲ့ပါတယ်။

    "သူထိတဲ့အချိန် အဲဒီနားမှာ ဆေးအဖွဲ့ရော လူနာတင်ကားရော အလွယ်တကူရှိမနေခဲ့ဘူး။ အဲ့ဒီအချိန် ခက်ခဲနေခဲ့တာ" လို့ ဒေသခံတဦးကပြောပြပါတယ်။

    သေဆုံးသူရဲ့ ရုပ်အလောင်းကို ပြည်သူတွေဘက်က အချိန်မီ ပြန်လည်ရရှိထိန်းသိမ်းနိုင်ခဲ့တယ်လို့ သိရပါတယ်။

    

    ဓာတ်ပုံ ရင်းမြစ်, CJ

17. ၂၀ မတ် ၂၀၂၁ပခုက္ကူမှာ ညက ဖမ်းဆီးသွားသူ အမျိုးသမီး သေဆုံးပြီလို့ မိသားစုကိုအကြောင်းကြား

    ပခုက္ကူမြို့၊ အမှတ်(၁)ရပ်ကွက်မှာ မနေ့ မတ်လ ၁၉ ရက်ညပိုင်းက စစ်တပ်နဲ့ရဲနဲ့ ပစ်ခတ်မှုကြောင့် ကျည်ထိမှန်ဒဏ်ရာရသွားသူ ဒေါ်မာလာဝင်းကို ညက ဖမ်းဆီးခေါ်ဆောင်သွားခဲ့တာပါ။

    ဒီကနေ့ မတ်၂၀ မနက်မှာတော့ ဒေါ်မာလာ၀င်း သေဆုံးပြီဖြစ်ကြောင်း မိသားစုကိုအကြောင်းကြားလာတယ်လို့ ပခုက္ကူမြို့ခံတစ်ဦးက ဘီဘီစီကိုပြောပါတယ်။

    ဒေါ်မာလာဝင်းဟာ ကလေး ၃ ဦးမိခင်ဖြစ်ပြီး မိသားစုတွေက ဒီကနေ့ ညနေ ၃နာရီမှာ သင်္ဂြိုဟ်ဖို့ ရုပ်အလောင်းကို ထုတ်ယူဖို့ဆေးရုံမှာ သွားစောင့်နေဆဲဖြစ်တယ်လို့ သိရပါတယ်။

    " မနေ့က ညသပိတ်ကို ဖြိုခွင်းရင်း စစ်သားတွေက အမှတ် ၁ ရပ်ကွက်ထဲကိုရောက်လာတာ။ လမ်းထဲကိုပါ ပစ်ရင်း မမာလာဝင်းက ပေါင်ကိုမှန်ပြီး လဲကျသွားတယ်လို့ ပြောတယ်။ သူနဲ့အတူ တချို့လည်းပါသွားတယ်လို့သိရတယ်။

    အခု သူ့နားက အိမ်တွေကိုလည်း လာရှာမယ် ဖမ်းမယ်ကြားကြလို့ အိမ်တွေသော့ခတ်ပြီးရှောင်နေကြတယ်။ အခု မြို့လမ်းမကြီးတလျှောက်မှာတော့ စစ်ကား ၃စီးလောက် ပတ်နေတာရှိတယ်"လို့ မြို့ခံအမျိုးသမီး တစ်ဦးကပြောပြပါတယ်။

    ဒေါ်မာလာဝင်းမှာ အသက် ၁၇ နှစ်နဲ့ ၁၅ နှစ် အရွယ် သမီး ၂ ဦး၊ ၁၀ နှစ် အရွယ် သားတစ်ဦး ကျန်ရစ်ခဲ့ပါတယ်။

18. ၂၀ မတ် ၂၀၂၁လှိုင်မှာ ညက ဖမ်းခံရသူရဲ့အလောင်းကို စစ်တပ်က လာထုတ်ခိုင်း

    လှိုင်မြို့နယ်၊ သုခလမ်းထိပ်မှာ မနေ့မတ်လ ၁၉ ရက်ည ၁၀ နာရီကျော်လောက်မှာ အိမ်စီးကားနှစ်စီးနဲ့ လက်နက်ကိုင်တချို့ ရောက်ရှိလာပြီး လှိုင်မြို့နယ်သပိတ်စစ်ကြောင်းခံတပ်မှာ ကာကွယ်ပေးတဲ့သူတွေကို လာရောက်ဖမ်းဆီးခဲ့ရာကနေ ဒေသခံတချို့ကို အသံဗုံး၊ ရာဘာကျည်နဲ့သာမက ကျည်အစစ်နဲ့ပါ ပစ်ခတ်ခဲ့တယ်လို့ မျက်မြင်တွေက ပြောပါတယ်။

    အဲဒီလို ပစ်ခတ်မှုမှာ ကျည်အစစ်ထိမှန်သူတစ်ဦး သေဆုံးခဲ့ပြီး လက်မှာ ကျည်ဆန်ထိမှန်ခံရသူကိုတော့ လက်နက်ကိုင်တွေက ဖမ်းဆီးခေါ်ဆောင်သွားတာဖြစ်ပါတယ်။

    အဲဒီဖမ်းဆီးခံလိုက်ရတဲ့ အင်ဂျင်နီယာကျောင်းသား ကိုမျိုးမြင့်အောင်ရဲ့ အလောင်းကို ဒီနေ့ မတ်လ ၂၀ ရက်မနက်ပိုင်းမှာ အလောင်းလာထုတ်ဖို့ စစ်တပ်က မိသားစုထံအကြောင်းကြားလာတယ်လို့ သိရပါတယ်။

    မိသားစုဝင်တွေကတော့ စစ်ဆေးရုံမှာအလောင်းသွားထုတ်နေဆဲဖြစ်တယ်လို့ သိရပါတယ်။

19. ၂၀ မတ် ၂၀၂၁လုံခြုံရေးကောင်စီကို အာခံနေတဲ့ မြန်မာစစ်တပ်ကို အရေးယူဖို့ ကုလအတွင်းရေးမှူးချုပ် ဆော်ဩ

    ကုလသမဂ္ဂ အတွင်းရေးမှူးချုပ် အန်ထော်ညူ ဂူထားရက်ရှ်ကလည်း မြန်မာပြည် စစ်အာဏာ သိမ်းခံထားရတဲ့ ဖြစ်ရပ်အပေါ် တစုတစည်းတည်း၊ ခိုင်ခိုင်မာမာနဲ့ တုံ့ပြန်ကြဖို့ ကမ္ဘာ့ နိုင်ငံတွေကို ထပ်မံ နှိုးဆော် ပါတယ်။

    နေ့စဥ် သတင်းစာ ရှင်းလင်းပွဲမှာ ပြောခွင့်ရ စတယ်ဖန် ဒူဂျာရစ်က အတွင်းရေးမှူးချုပ်ရဲ့ ထုတ်ပြန်ချက်ကို ဖတ်ပြပါတယ်။

    “မြန်မာပြည်မှာ စစ်တပ်က ကြမ်းကြုတ်ရက်စက်တာတွေ ဆက်ပြီးကျူးလွန်နေတဲ့အပေါ် အတွင်းရေးမှူးချုပ်က ပြင်းပြင်းထန်ထန် ရှုတ်ချပါတယ်။

    သတင်းသမားတွေ အပါအ၀င် လူတွေကို ဥပဒေမဲ့ ဖမ်းဆီးနေတာ၊ ငြိမ်းချမ်းစွာ ဆန္ဒပြသူတွေကို သတ်ဖြတ်နေတာတွေဟာ ဘယ်လိုမှ လက်သင့်ခံဖွယ်ရာ မရှိပါဘူး။

    မြန်မာပြည်မှာ အခြေခံ လူ့အခွင့်အရေးတွေအပေါ် ချိုးဖောက်နေတာတွေကို ရပ်တန့်ပြီး၊ ဒီမိုကရေစီ လမ်းကြောင်းပေါ် ပြန်သွားဖို့ လုံခြုံရေးကောင်စီ အပါအ၀င် အားလုံးက တောင်းဆိုနေတာတွေကို မြန်မာ စစ်တပ်က အာခံနေဆဲ ဖြစ်ပါတယ်။

    ဒါ့ကြောင့် ကမ္ဘာ့ နိုင်ငံတွေဘက်က တစုတစည်းတည်း၊ ခိုင်ခိုင်မာမာ တုံ့ပြန်ဖို့ အရေးတကြီးလိုအပ်နေပါပြီ။

    အတွင်းရေးမှူးချုပ်က မြန်မာပြည်သူတွေနဲ့ အတူ သူတို့လိုချင်တဲ့ မြန်မာပြည်ကြီး ငြိမ်းချမ်း တည်ငြိမ် သာယာ၀ပြောရေး အတွက် ဆက်လက် ရပ်တည် သွားပါမယ်” ဆိုပြီး ကုလသမဂ္ဂ အတွင်းရေးမှူးချုပ် ကိုယ်စား ပြောခွင့်ရ မစ္စတာ ဒူဂျာရစ်က ထုတ်ပြန် သွားပါတယ်။

    

    ဓာတ်ပုံ ရင်းမြစ်, Getty Images

20. ၂၀ မတ် ၂၀၂၁လူကိုလမ်းပေါ် လေးဘက်ထောက်သွားစေတာမျိုး စစ်ကောင်စီတပ်ဖွဲ့ ပြုမူ

    ဆန္ဒပြ ပြည်သူတွေကို လမ်းပေါ်တင် ပစ်သတ်တဲ့ ကြမ်းကြုတ် ရက်စက်မှုတွေကိုလည်း နိုင်ငံတကာရဲ့ ၀ေဖန်သံတွေကြားမှာပဲ အာဏာသိမ်း စစ်ကောင်စီက ဆက်ပြီး ကျုးလွန်နေဆဲ ဖြစ်ပါတယ်။

    ရန်ကုန်မှာလည်း မြို့အနှံ့ စစ်ကောင်စီရဲ့ပစ်ခတ်မှု၊ မီးရှို့မှု၊ အနိုင်ကျင့် ရက်စက် ရမ်းကားမှုတွေဆက်လက် မြင်တွေ့ နေခဲ့ရပါတယ်။

    ရပ်ကွက်တွေ လမ်းတွေထဲထိ ၀င်ပြီး၊ ကြုံရာကို ပစ်ခတ်၊ အော်ဟစ်ဆဲဆို ကြိမ်းမောင်း၊ တွေ့ရာလူကို ရိုက်နှက် ဖမ်းဆီးပြီး လမ်းပိတ်ထားတဲ့ သဲအိတ်တွေလို အတားအဆီး အကာအရံတွေကို အဓမ္မ ဖယ်ရှားခိုင်းတာမျိုးတွေ ဆက်ရှိ နေပါတယ်။

    ပတ်၀န်းကျင်မှာ ရှိနေခဲ့ပြီး ကိုယ်တွေ့ မျက်မြင် ကြုံခဲ့ရသူတစ်ဦး လျှို့၀ှက် ရိုက်ကူးထားတဲ့ ဗီဒီယို တစ်ခုထဲမှာ ဆိုရင် စစ်ကောင်စီရဲ့ အာဏာပါးကွက်သားဟာ ပြည်သူတစ်ယောက်ကို လမ်းပေါ် လေးဘက်ထောက် သွားခိုင်းတာမျိုးလို လူ့ဂုဏ်သိက္ခာ ညှိုးနွမ်းအောင် ပြုမူ ဆက်ဆံခဲ့ပါတယ်။

    ဗီဒီယို ရိုက်ကူးခဲ့သူက “ဒီလို စော်ကားဗိုလ်ကျတာမျိုး၊ တစ်သက်နဲ့တစ်ကိုယ် ပထမဆုံး တွေ့ဖူးတာပဲ၊ အရမ်းဒေါသထွက်ပြီး ဘာလုပ်လို့ဘာကိုင်ရမှန်း မသိ ဖြစ်ရတယ်လို့ နောက်ပိုင်း ပြန်ပြောပြပါတယ်။

    နောက်ဗီဒီယို တစ်ခုထဲမှာဆိုရင်လည်း စစ်အာဏာရှင် ဆန့်ကျင်ရေး ပြည်သူ့ကြွေးကြော်သံ ထွက်လာတဲ့အတွက်၊ စစ်ကောင်စီတပ်ဖွဲ့က နည်းနည်းမှ သည်းမခံတဲ့ဟန်နဲ့ သေနတ်နဲ့ အချက်များစွာ ပစ်ဖောက် ခြိမ်းခြောက်ရုံတင်မက ရပ်ကွက်ကို ပြာချပစ်မယ် ဆိုပြီး အသံချဲ့စက်နဲ့ပါ အော်ဟစ်နေတာ တွေ့ရပါတယ်။

    စစ်ကောင်စီရဲ့ အဲံဒီလို လူသားမဆန် ရက်စက်ကြမ်းကြုတ်မှုတွေ အပေါ် ရန်ကုန် အခြေစိုက် နိုင်ငံတကာ သံတမန်တွေက စုပေါင်းပြီး ကန့်ကွက်စာ ထုတ်ခဲ့ပါတယ်။

    စစ်ကောင်စီရဲ့ လုပ်ရပ်ဟာ သူရဲဘောကြောင်တယ်၊ လူ့ကျင့်၀တ်နဲ့ မညီဘူးလို့ ရှုတ်ချကြပါတယ်။

    အင်တာနက် ဖြတ်တာတို့၊ မီဒီယာကို နှိပ်ကွပ်တာတွေ လုပ်ပြီးတော့လည်း စစ်တပ်ရဲ့ စပ်ဆုပ်ဖွယ်လုပ်ရပ်တွေကို ဖုံးထားနိုင်မှာ မဟုတ်ဘူးလို့လည်း သံတမန်တွေက ပြောပါတယ်။

    

    ဓာတ်ပုံ ရင်းမြစ်, Getty Images