Qarabağ müharibəsi: 8 noyabr Azərbaycanda zəfər günüdür
Azərbaycan və Ermənistan arasında döyüşlər 27 sentyabrda başlayıb və 10 noyabrda dayandırılıb. 10 noyabr bəyannaməsinə əsasən, Ermənistan noyabrın 20-də Ağdam rayonunu, noyabrın 25-də Kəlbəcər rayonunu geri qaytarıb. 1 dekabrda Laçın rayonu Azərbaycana qaytarılıb.
Canlı reportaj
Cəbhədə döyüşlər: "Ağdərə, Xocavənd, Füzuli, Zəngilan, Qubadlı əsas istiqamətlərdir"
Şəklin mənbəyi, Getty Images
Şəklin alt yazısı, Azərbaycanın artileriya qurğuları atəş açarkən
Azərbaycan Müdafiə Nazirliyi ötən gün və bu
gecə cəbhədə döyüş əməliyyatlarının əsasən Ağdərə, Xocavənd, Füzuli, Zəngilan
və Qubadlı istiqamətlərində davam etdiyini bildirib.
Nazirliyin məlumatına görə, Ermənistan silahlı qüvvələri Azərbaycan
ordusunun mövqelərini və cəbhəyə yaxın ərazilərdə yerləşən yaşayış yerlərini
müxtəlif silahlardan atəşə tutub.
Ermənistan tərəfindən hələ ki, atəşkəsin pozulması məsələsində
şərh yoxdur.
“Ermənistan tərəfinin hücum etmək cəhdlərinin
qarşısı qətiyyətlə alınıb, o, itki verərək geri çəkilib. Onların bir neçə döyüş texnikası məhv
edilib”, - Azərbaycan Müdafiə
Nazirliyi bəyan edib.
Müdafiə Nazirliyi iddia edib ki, Ermənistan tərəfinin
avtomobil texnikalarının sayı azaldığından onların “ön
xətdəki bölmələrində ərzaq, silah və sursatla təminatında problemlər yaranıb”.
Ermənistan tərəfindən bu haqda heç bir məlumat yoxdur. Bir
gün əvvəl Ermənistan tərəfindən əsgərlərin təminatında problemlərin olduğu barədə
video yayılıb və təsvirlərdə əsgərlərin şikayətləri səsləndirilib.
Bundan sonra Ermənistan polisi araşdırma apardığını və
videoda səslənən bütün problemlərin öz əhllini tapdığını bəyan edib.
Azərbaycan Müdafiə Nazirliyi bildirib ki, qarşı tərəf
döyüşlərdə iştirak üçün 2000 nəfərdən ibarət heyət toplamaq istəsə də 300 nəfər
cəlb edə bilib. Nazirlik iddia edir ki, Ermənistan tərəfin heyət çatışmazlığı
var.
Ermənistan döyüşlər başlayandan bir müddət sonra ölkədə səfərbərlik
elan edib.
Azərbaycan Müdafiə Nazirliyi: "Tərtər rayonu atəşə tutulur"
Çərşənbə günü səhər
Azərbaycan Müdafiə Nazirliyi bəyan edib ki, Tərtər rayonunun ərazisi atəşə
tutulub.
Nazirliyin məlumatına
görə, Ermənistan silahlı qüvvələri artileriya atəşlərinə səhər saat yeddi radələrində
başlayıb.
Ermənistan tərəfindən bu barədə hələ ki şərh
yoxdur.
Sentyabrın 27-dən
başlayaraq Azərbaycan Ermənistan tərəfinin hücum etdiyini bildirərək işğal
olunmuş torpaqları uğrunda əks hücum əməliyyatları keçirdiyini bəyan edib.
İndiyə kimi tərəflər
üç dəfə humanitar atəşkəs elan etsələr də bu baş tutmayıb.
Bir gün əvvəl cəhbədə
hərbi əməliyyatların aparılmasının bir ayı tamam olub.
Hikmət Hacıyev: "Azərbaycan Human Rights Watch və Amnesty İnternational-a müraciət edib"
Şəklin mənbəyi, Azertag
Prezident köməkçisi Hikmət
Hacıyev deyib ki, Azərbaycan Human Rights
Watch və Amnesty İnternational kimi beynəlxalq təşkilatlara
müraciət edib.
“Biz gözləyirik ki, onlar obyektiv şəkildə Ermənistanın
bu cinayət əməllərini, xüsusilə də mülki insanlara qarşı ballistik raketlərdən,
kasetli bombalardan istifadə edilməsi hallarını yerindəcə araşdırsınlar. Biz gözləyirik
ki, onlar tərəfindən obyektiv və səhih hesabatlar hazırlanaraq beynəlxalq
ictimaiyyətin diqqətinə çatdırılacaq,” – oktyabrın 27-də keçirilən brifinqdə
cənab Hacıyev deyib.
Bundan əvvəl Human Rights Watch təşkilatı bildirib ki, Azərbaycan hökuməti təşkilata Azərbaycanın cəbhə zonasından kənarda yerləşən ərazilərinə hücumlarla bağlı araşdırma aparmaq üçün ölkəyə gəlməsinə icazə verməyib.
Qurumun Cənubi Qafqaz məsələləri üzrə direktoru Georgi Qoqia BBC News Azərbaycanca deyib ki, bunun üçün Azərbaycan Xarici İşlər Nazirliyinə və müxtəlif ölkələrdəki səfirliklərə bir neçə məktub ünvanlayıblar, lakin hələ icazə verilməyib.
Şəklin mənbəyi, Anna Hakobyan
Ermənistanın Baş naziri Nikol Paşinyanın xanımı hərbi təlim keçəcəyini və cəbhəyə yollanacağını bildirib.
42 yaşlı Anna Hakobyan bu barədə özünün Facebok səhifəsində yazıb.
O, "Ermənistanın sərhədlərini qorumaq üçün” 13 qadınla birlikdə hərbi təlimlərə başlayacağını açıqlayıb.
Ermənistan 30 ilə yaxındır ki, Azərbaycan torpaqlarının bir hissəsini işğal altında saxlayır və bu il sentyabrın 27-də tərəflər arasında ağır döyüşlər başlayıb.
Hər iki tərəfdə həm hərbçilər, həm də dinc sakinlər arasında ölənlər var.
Ermənistan Baş naziri Nikol Paşinyan erməniləri bütün güclərini səfərbər etməyə çağırır.
O, xalqa televiziya ilə müraciətində deyib ki, Qarabağda döyüşmək üçün kifayət qədər silah və ehtiyat var, amma "məğlub olmamaq üçün bütün erməni xalqı tam gücünü səfərbər" etməlidir, eyni zamanda "ən sərt nizam-intizama və əmrlərin sözsüz yerinə yetirilməsinə ehtiyac var".
Paşinyan deyib ki, bir aydır müharibə davam edir: "Lakin Artsax (Dağlıq Qarabağ-red.) yaralı da olsa, hələ ki, ayaq üstədir və ilk növbədə qəhrəman ordumuz, qəhrəman xalqımızın sayəsində. Bu dəhşətli, lakin qəhrəmanlıq prosesi bizə ümid verir. Artsax davam gətirəcək, çünki ruhumuz sarsılmazdır, iradəmiz sarsılmazdı. Müharibə o mərhələyə qədəm qoyub ki, onun davam etməsinin hər saniyəsi hər dəfə xaincəsinə pozan düşmənin xülyalarını iflasa uğradır,"- o, çıxışında bildirib.
"Heç bir çətinlik Ermənistan hökumətinin Dağlıq Qarabağ məsələsinə dair strategiyasını dəyişməz. Ümummilli vəzifəmizi yerinə yetirmək üçün millətin və cəmiyyətin müstəsna birliyi gərəkdir,"- Paşinyan deyib.
Baş nazirin sözlərinə görə, bütün dövlət idarəçilik sistemi təşkilati nöqsanların aradan qaldırılması" üzərində çalışır.
O deyib ki, qarşıya qoyulan tapşırıqları həll etmək üçün "Qarabağ müdafiə ordusunun şəxsi heyəti və silahı" kifayət edər.
"Biz heç bir daxili və xarici qüvvəyə bizim azad və xoşbəxt gələcəyimizə dair şübhə toxumunu səpməyə qoymarıq,"- Nikol Paşinyan deyib.
O əlavə edib ki, dünənki çıxışının ziddiyyətli reaksiyalar doğurduğunu bilir, amma bu çıxışı "iki məqsəd güdüb: beynəlxalq aləmə erməni tərəfin konstruktivliyi və erməni xalqın Artsaxın hüquqları uğrunda mübarizə etmək əzmində olduğunu göstərmək".
Nikol Paşinyan bazar ertəsi Facebookda canlı yayımda çıxışında demişdi ki, Ermənistan "böyük və hətta ağrılı güzəştlərə getməyə hazırdır".
Ermənistan 30 ilə yaxındır ki, Azərbaycan ərazisinin bir hissəsini işğal edib.
Birləşmiş Millətlər Təşkilatı (BMT) 1993-cü ildə erməni qoşunlarının Azərbaycan ərazilərindən çıxmasını tələb edən 4 qətnamə qəbul etsə də, bu qətnamələr indiyə kimi icra olunmayıb.
Bu il sentyabrın 27-də Azərbaycan Ermənistanın təmas xəttindəki mülki əhalini davamlı atəş təzyiqi altında saxladığını əsas gətirərək, bütün cəbhə boyu əks hücum əməliyyatlarına başlayıb.
1 aydır davam edən döyüşlər ərzində Azərbaycan Füzuli, Cəbrayıl, Zəngilan və Qubadlının bir çox ərazisini, bəzi kəndləri və strateji yüksəklikləri azad etdiyini açıqlayıb.
Hər iki tərəf hərbi və mülki itki verib.
İlham Əliyev: "Axı, biz demirik ki, Ermənistan ərazisində Rusiyanın neçə MiQ-29, Su-30 təyyarəsi var"
Şəklin mənbəyi, Azertag
Şəklin alt yazısı, "Nə Rusiya, nə də Fransa rəsmiləri idia etdikləri “suriyalı döyüşçülər” barədə sübutlar təqdim etməyiblər"
Azərbaycan Prezidenti İlham Əliyev İtaliyanın Rai-1 televiziyasına müsahibəsində deyib ki, nə Rusiya, nə də Fransa rəsmiləri iddia etdikləri "suriyalı döyüşçülər" barədə sübutlar təqdim etməyiblər.
İlham Əliyev bildirib ki, əsasız ittihamları Fransa və Rusiyadan eşidib.
"Fransa Prezidentin şəxsində, Rusiya isə Xarici Kəşfiyyat İdarəsinin rəhbərinin şəxsində. Hərbi əməliyyatlar başlanandan dərhal sonra bizə bu cür ittihamlar təqdim edilib. Lakin artıq bir aya yaxın vaxt keçib, bizə heç bir dəlil, heç bir sübut təqdim edilməyib",- İlham Əliyev bildirib.
Prezident bəyan edib ki, o, Fransa tərəfinə müraciət edib ki, onların və Azərbaycanın nümayəndələri görüşsünlər və sübutlar təqdim olunsun, amma heç bir sübut təqdim olunmayıb.
İlham Əliyev bildirib ki, bu addımlar Azərbaycana qara yaxmaq cəhdidir və bu cür əsassız ittihamların həmsədr ölkələrdən səsləndirilməsinə təəssüflənir.
"Onlar obyektiv olmalıdırlar. Axı, biz Rusiyadan Ermənistana nə qədər silah göndərilməsi barədə hər gün danışmırıq. Axı, biz demirik ki, bu gün kənardan kömək olmasa Ermənistan işğal edilmiş ərazilərdə bircə gün də dayana bilməzdi. Həm siyasi dəstək, həm hərbi, həm də mənəvi dəstək, özü də bunlar bitərəfliyə riayət etməli olan ölkələr tərəfindən gəlir. Buna görə biz bu insunasiyaları (uydurmaları-red.) qətiyyətlə rədd edirik, buna ehtiyac yoxdur," - İlham Əliyev deyib.
Onun sözlərinə görə, Azərbaycanın nizami ordusunun 100 min döyüşçüsü var və zərurət yaranarsa, səfərbərlik elan edə bilər.
İlham Əliyev döyüşlərdə Türkiyə qoşunlarının iştirakı iddialarını da yalan adlandırıb.
Prezident bildirib ki, bu barədə heç bir sübut yoxdur və Türkiyənin F-16 təyyarəsi Azərbaycanda birgə təlimlər vaxtından qalıb.
"Axı, biz demirik ki, Ermənistan ərazisində Rusiyanın neçə MiQ-29, Su-30 təyyarəsi var. Axı, biz demirik ki, Ermənistanda, Gümrüdəki bazada Rusiyanın 5 minlik qoşunu var və bizdə olan məlumata görə, oradan vaxtaşırı olaraq Ermənistan silahlı qüvvələrinə təchizat göndərilir və bizim barəmizdə deyilənlərdən fərqli olaraq, bunlar faktdır. Ona görə də bizi ittiham etmək istəyənlərə təklif edirəm ki, yalan informasiyaya əsaslanan bu cür tez-tələsik nəticələr çıxarmazdan əvvəl özlərinə baxsınlar," - İlham Əliyev İtaliyanın Rai-1 televiziyasının sualını cavablandırarkən deyib.
Prezident bildirib ki, münaqişənin sülh yolu ilə həlli üçün bir neçə beynəlxalq model öyrənilib, amma təklif olunan özünüidarə forması Ermənistan tərəfindən "rədd edilib".
"Onlar hesab edirdilər ki, dünyanın aparıcı ölkələrinin hərbi, siyasi, iqtisadi dəstəyinə güvənərək bizim əraziləri əbədi işğal edə biləcəklər, lakin onlar kobud səhv edirdilər. Bu gün biz özümüzün haqlı olmağımızı döyüş meydanında sübut edirik. Biz BMT Təhlükəsizlik Şurasının qətnamələrini həyata keçiririk və beynəlxalq hüququ bərpa edirik," - İlham Əliyev deyib.
Azərbaycan Prezidenti onu da bildirib ki, o, gələcəkdə Qarabağı dağlıq və aran hissələrində azərbaycanlıların və ermənilərin birgə dinc yaşadığı firavanlaşan ərazi kimi görür.
O deyib ki, Ermənistan rəhbərliyi işğalçı siyasətdən imtina etsə, Azərbaycan öz investisiyası və ölkənin yenidən qurulması üzrə təcrübəsi ilə regionu dünyanın ən firavan regionlarından birinə çevirə bilər.
Cənab Əliyev barışığın mümkün olduğunu bildirib və deyib ki, azərbaycanlılar o torpaqlara qayıtmalı və ermənilərlə qonşuluqda, razılıq şəraitində yaşamalıdırlar.
"Avropa ölkələrinin vuruşduğu İkinci Dünya müharibəsindən sonra ölkələrin necə barışdığını bilirik - bugünkü qonşular o vaxt çox insanı qətlə yetiriblər. Lakin bu, daim yaddaşda yer tutmamalı, nifrət doğurmamalıdır. Erməni ideoloqları bu gün bununla məşğuldurlar. Xoş məram göstərilməlidir. Əgər belə olsa, mənim dediyim olacaq"- İlham Əliyev deyib.
Prezident əlavə edib ki, Qarabağı ya dinc, ya da müharibə yolu ilə qaytaracaqlar.
Azərbaycan MN: "Zəngilan istiqamətində ərazilər atəşə tutulur"
Şəklin mənbəyi, APA
Müdafiə Nazirliyi Zəngilan istiqamətində ərazilərin
atəşə tutulduğunu bildirir.
Mətbuat katibliyinin nümayəndəsi Anar Eyvazov bildirib ki, cəbhə boyunca zərbələrə məruz qalan yaşayış məntəqələrinə qarşı yaylım atəş və artilleriya sistemlərindən istifadə olunub.
“Xocavənd, Qubadlı və Füzuli istiqamətlərində hücum etməyə cəhd edən düşmən itki verərək, geri çəkilməyə məcbur edilib," - Bakıda
keçirilən brifinqdə Azərbaycan MN-nin nümayəndəsi bildirib.
Anar Eyvazovun sözlərinə görə, cavab tədbirləri nəticəsində
qarşı tərəfin diviziya qərargah rəisi daxil olmaqla, “xeyli sayda canlı qüvvə” itirib.
Bununla yanaşı qarşı tərəfin texnikası, hərbi
qurğuları və diviziyanın əsas komanda məntəqəsi “məhv edilib”.
Anar Eyvazov Ermənistan ərazisinin atəşə
tutulması barədə qarşı tərəfin iddialarını “növbəti dezinformasiya” adlandırıb.
Erməni tərəfi 3 mülki şəxsin yaralandığını deyir
Tanınmamış
“DQR-in Ombudsmanı” bildirib ki, Xankəndindən bir neçə kilometr şərqdə dağlıq
bir kənd olan Nıngi kəndinin atəşə tutulması nəticəsində üç qadın yaralanıb.
Qurum oktyabrın 27-də kəndə kaset başlıqlı raketlərin atıldığını iddia edib.
Məlumatı
müstəqil mənbələrdən təsdiq və ya inkar etmək mümkün olmayıb.
Azərbaycan müharibə başlayandan bəri bəyan edir ki, yalnız hərbi hədəflərə zərbə endirir və dəfələrlə münaqişə bölgəsindəki mülki əhalini hərbi infrastrukturdan kənar durmağa çağırıb.
Azərbaycan FHN: "Bərdədə 5 evə ziyan dəyib"
Şəklin mənbəyi, Azərbaycan FHN
Azərbaycan Fövqəladə Hallar Nazirliyi bildirib ki, bu gün Ermənistan silahlı qüvvələrinin ağır artilleriya zərbələri nəticəsində Bərdə rayonunun Qarayusifli kəndində 5 fərdi yaşayış evinə ciddi ziyan dəyib.
"Əraziyə Fövqəladə Hallar Nazirliyinin müvafiq qüvvələri cəlb edilib. Düşmən tərəfinin atəşləri nəticəsində 13 nəfər mülki şəxs xəsarət alıb, 4 nəfər həlak olub," - qurumun məlumatında deyilir.
Şəklin mənbəyi, Azərbaycan FHN
Azərbaycan XİN: "Bu, Ermənistanın münaqişənin siyasi həllində maraqlı olmadığının bariz göstəricisidir”
Azərbaycan
Xarici İşlər Nazirliyi oktyabrın 27-də Bərdəyə edilən raket zərbəsilə bağlı
açıqlama yayıb.
Azərbaycan
tərəfi bildirir ki, Bərdə rayonuna “Smerç” yaylım atəşli reaktiv sistemdən atılan
raket atəşləri nəticəsində 4 nəfər mülki şəxs, o cümlədən azyaşlı uşaq həyatını
itirib və aralarında uşaqlar və qadınlar olmaqla 13 nəfər ciddi xəsarət alıb.
“Bu, son
günlər ərzində beynəlxalq vasitəçilərin davamlı səyləri ilə üçüncü dəfə
razılaşdırılmış humanitar atəşkəs rejimini kobud şəkildə pozan Ermənistanın
beynəlxalq humanitar hüquq öhdəliklərini heçə sayaraq törətdiyi növbəti
müharibə cinayətidir,” – Azərbaycan XİN bildirib.
Qurum qeyd
edib ki, iki ölkənin XİN rəhbərlərinin Cenevrədə ATƏT-in Minsk Qrupunun
həmsədrləri ilə keçirəcəyi görüşü ərəfəsində Ermənistan silahlı qüvvələri
tərəfindən "növbəti qanlı cinayətin törədilməsi" Ermənistanın münaqişənin siyasi
həllində maraqlı olmadığının və hər vəchlə danışıqlara maneə törətmək məqsədi
güddüyünün bariz göstəricisidir.
“Azərbaycanın
dinc əhalisinə qarşı insanlıq əleyhinə cinayətin törədilməsinə görə
Ermənistanın siyasi-hərbi rəhbərliyi tam məsuliyyət daşıyır. Cinayətkarların
ədalət məhkəməsi qarşısında cavab verməsini təmin etmək üçün beynəlxalq
ictimaiyyəti qəti mövqe sərgiləməyə çağırırıq,” – qurumun məlumatında deyilir.
Ermənistan Bərdəni atəşə tutmadığını bildirib.
"Uşaqlar artıq müharibəni çəkirlər" - BBC News Ruscanın Bərdədən hazırladığı video-reportajda
Qarabağda baş verən döyüşlər yeni qaçqın və köçkün dalğası yaradıb, Bərdədə olan BBC News Rusca xidmətinin müxbirləri deyirlər.
Onlar bildirirlər ki, ilkin məlumatlara görə, bu müharibə başlayandan bəri hər iki tərəfdən təxminən 200 min insan evlərini tərk etmək məcburiyyətində qalıb.
İntensiv mərmi atəşinə məruz qalan Tərtər sakinləri Bərdə şəhərindəki məktəb binasında yaşayırlar.
BBC News Rusca xidməti həm indi, həm də 30 il əvvəl - birinci Qarabağ müharibəsi zamanı müharibədən qaçanlarla görüşüb.
30 günlük döyüşlərdə Azərbaycan 69, Ermənistan 37 mülki şəxsin öldüyünü açıqlayıb
Sentyabrın 27-dən başlayan döyüşlərdə Azərbaycan tərəfindən ölən mülki şəxslərin sayı artıb.
Bundan əvvəl bu rəqəm 65 idi, amma Azərbaycan Baş Prokurorluğun oktyabrın 27-də Bərdəyə atılan mərmi nəticəsində 4 mülki şəxsin öldüyünü xəbər etməsi ilə, say 69-a yüksəlib.
30 günlük döyüşlərdə 300-dən çox mülki şəxsin xəsarət aldığı bildirilib.
Ermənistan tərəfi isə bu günə qədər 37 mülki şəxsin, 974 əsgərin öldüyünü açıqlayıb.
Azərbaycan tərəfi hərbi itkilər barədə açıqlama vermir.
ABŞ dövlət katibi Pompeo Əliyev və Paşinyanı atəşkəsə riayət etməyə çağırır
Şəklin mənbəyi, Getty Images
ABŞ Dövlət katibi Mike
Pompeo ayrılıqda Ermənistanın Baş naziri Nikol Paşinyan və Azərbaycan Prezidenti
İlham Əliyevlə telefonla danışıb və onları atəşkəsə əməl etməyə çağırıb.
ABŞ Dövlət Departamentinin mətbuat xidmətindən verilən məlumata görə, PompeoƏliyev və Paşinyanla danışıqlarında onların öz vədlərini yerinə yetirmələrində və həqiqi bir atəşkəs təşkil etmələrində israr edib.
O, eyni zamanda
Qarabağ probleminin hərbi yolla həllinin olmadığını təkrarlayıb.
Azərbaycan Prezidenti yeni
müharibə zamanı artıq bir neçə dəfə “hərbi həll yolu yoxdur” tezisiylə
razılaşmadığını söyləyib.
Ermənistan Prezidenti də "münaqişənin diplomatik həlli yoxdur" deyib.
Ermənistan,
Azərbaycan, Rusiya, Fransa və ABŞ-ın təzyiqi altında üç dəfə - oktyabrın 10, 17
və 25-də humanitar atəşkəs elan etsələr də, reallıqda bu hələ də başlamayıb,
döyüşlər və atəş davam edir.
Bu məqalədə X məzmunu mövcuddur. Nə isə yüklənməmişdən əvvəl icazənizi istəyirik, çünki onlar kukilərdən və digər texnologiyalardan istifadə edə bilərlər. Qəbul etməzdən əvvəl X kuki siyasəti və gizlilik siyasəti barədə oxumaq istəyə bilərsiniz. Bu məzmunu görmək üçün "qəbul edin və davam edin".
Xəbərdarlıq : BBC kənar saytların məzmununa görə cavabdeh deyil.
Paylaşımın sonu X
“Qarabağlılar barışığa razılaşmadı” - Ermənistanın keçmiş prezidenti Levon Ter-Petrosyanın 2011-ci ildə BBC-yə verdiyi müsahibədən
Hikmət Hacıyev: "ANAMA bildirib ki, Bərdəyə "Smerç" raketi atılıb"
Şəklin mənbəyi, Twitter/Hikmət Hacıyev
Azərbaycan Prezidentinin köməkçisi Hikmət Hacıyev Ərazilərin Minalardan Təmizlənməsi üzrə Milli Agentliyə (ANAMA) istinad edərək bildirib ki, Bərdədə mülki şəxslərə qarşı kassetli "Smerç" raketindən istifadə edilib.
O, bu barədə Twitter hesabında yazıb.
"Mülki insanlara qarşı kasetli silahların istifadəsi qadağandır. 2 yaşındakı körpə qız da daxil olmaqla 4 mülki öldürülüb, 13 mülki şəxs yaralanıb. Kasetli bombalar səbəbiylə çox sayda ziyan var," - o yazıb.
Bu məqalədə X məzmunu mövcuddur. Nə isə yüklənməmişdən əvvəl icazənizi istəyirik, çünki onlar kukilərdən və digər texnologiyalardan istifadə edə bilərlər. Qəbul etməzdən əvvəl X kuki siyasəti və gizlilik siyasəti barədə oxumaq istəyə bilərsiniz. Bu məzmunu görmək üçün "qəbul edin və davam edin".
Xəbərdarlıq : BBC kənar saytların məzmununa görə cavabdeh deyil.
Paylaşımın sonu X
Baş Prokururluq Bərdədə ölənlərin adlarını açıqlayıb
Azərbaycan Baş Prokurorluğu bildirib ki, erməni silahlıları oktyabrın 27-də günorta saatlarından başlayaraq, Goranboy və Bərdə rayonlarını müxtəlif istiqamətlərdən intensiv raket və ağır artilleriyadan atəşə tutub.
"Erməni silahlı qüvvələri tərəfindən saat 16 radələrində Bərdə rayonunun Qarayusifli kəndinin müxtəlif istiqamətlərdən ağır artilleriyadan atəşə tutulması nəticəsində dinc sakinlər Cəfərova Ofeliya, Əhmədova Aybəniz, Ismayılov Ehtiram və 2013-cü il təvəllüdlü İsgəndərova Aysu həlak olub, 7 nəfər isə xəsarət alıb," - qurumun məlumatında bildirib.
Daha əvvəl Azərbaycan prezidentinin köməkçisi Hikmət Hacıyev öz Twitter hesabında hadisə zamanı ölənlərin sayının 4-ə yüksəldiyini yazıb.
"Hazırda prokurorluq əməkdaşları tərəfindən mövcud şəraitdə mümkün olan bütün istintaq tədbirləri həyata keçirilməklə zərərçəkmiş şəxslərin siyahısının dəqiqləşdirilməsi üzrə işlər aparılır," - Baş Prokurorluq bildirib.
Hikmət Hacıyev Bərdədə ölənlərin sayının 4-ə yüksəldiyini deyib
Azərbaycan Prezidentinin köməkçisi Hikmət Hacıyev bildirib ki, Bərdəyə atılan mərmi nəticəsində ölənlərin sayı 4-ə çatıb.
O, bu barədə Twitter hesabında yazıb.
"Ermənistanın raket hücumu nəticəsində Bərdədə ölənlərin sayı 4-ə yüksəldi. Mülki insanlara qarşı fərq qoyulmadan və hədəfli hücum davam edir," - o yazıb.
Bu məqalədə X məzmunu mövcuddur. Nə isə yüklənməmişdən əvvəl icazənizi istəyirik, çünki onlar kukilərdən və digər texnologiyalardan istifadə edə bilərlər. Qəbul etməzdən əvvəl X kuki siyasəti və gizlilik siyasəti barədə oxumaq istəyə bilərsiniz. Bu məzmunu görmək üçün "qəbul edin və davam edin".
Xəbərdarlıq : BBC kənar saytların məzmununa görə cavabdeh deyil.
Paylaşımın sonu X
Təcili xəbər, Bərdə sakini: "Kənddə təlaş oldu, uşaqlar bərk qorxdular"
Bərdənin Qarayusifli kəndinə mərmi düşüb, sakinlər deyir.
"Mərmini göydə vurdular, göydə partlayış oldu, qəlpələri töküldü. Kənddən qışqırıq gəldi, getdik. 4 nəfərin öldüyünü deyirlər, biri uşaqdır," kənd sakini BBC News Azərbaycancaya deyib.
Onun sözlərinə görə, partlayış səsi çox möhkəm olub.
"Kənddə təlaş oldu, uşaqlar bərk qorxdular," deyən sakin bu kəndə heç vaxt mərmi düşmədiyini bildirib.
Hikmət Hacıyev: "Bərdədə ölənlər arasında bir azyaşlı var"
Azərbaycan Prezidentinin köməkçisi Hikmət Hacıyev bildirib ki, Bərdəyə atılan mərmi nəticəsində ölənlər arasında bir azyaşlı var.
O, bu barədə Twitter hesabında yazıb.
"Uşaq öldürmə siyasəti və Ermənistanın siyasi-hərbi rəhbərliyinin müharibə cinayətləri davam edir. Yanğın təcili yardım xidmətləri tərəfindən söndürülür," - o yazıb.
Bu məqalədə X məzmunu mövcuddur. Nə isə yüklənməmişdən əvvəl icazənizi istəyirik, çünki onlar kukilərdən və digər texnologiyalardan istifadə edə bilərlər. Qəbul etməzdən əvvəl X kuki siyasəti və gizlilik siyasəti barədə oxumaq istəyə bilərsiniz. Bu məzmunu görmək üçün "qəbul edin və davam edin".
Xəbərdarlıq : BBC kənar saytların məzmununa görə cavabdeh deyil.
Paylaşımın sonu X
Hikmət Hacıyev: "Bərdəyə atılan mərmi nəticəsində azı 3 mülki şəxs ölüb"
Azərbaycan Prezidentinin köməkçisi Hikmət Hacıyev bildirib ki, Bərdəyə atılan mərmi nəticəsində azı 3 mülki şəxs ölüb, 10 nəfər ağır yaralanıb.
O, bu barədə Twitter hesabında yazıb.
"Ermənistanın müharibə cinayətləri davam edir. Bu gün Ermənistan Müdafiə Nazirliyi sərt vuracaqlarına dair açıqlama verib. Bununla onlar mülki şəxsləri, uşaqları və qadınları nəzərdə tuturlar," - Hikmət Hacıyev yazıb.
Bu məqalədə X məzmunu mövcuddur. Nə isə yüklənməmişdən əvvəl icazənizi istəyirik, çünki onlar kukilərdən və digər texnologiyalardan istifadə edə bilərlər. Qəbul etməzdən əvvəl X kuki siyasəti və gizlilik siyasəti barədə oxumaq istəyə bilərsiniz. Bu məzmunu görmək üçün "qəbul edin və davam edin".
Xəbərdarlıq : BBC kənar saytların məzmununa görə cavabdeh deyil.
