BBC News, Azərbaycanca
Mətnə keçid

Qarabağ müharibəsi: 8 noyabr Azərbaycanda zəfər günüdür

Azərbaycan və Ermənistan arasında döyüşlər 27 sentyabrda başlayıb və 10 noyabrda dayandırılıb. 10 noyabr bəyannaməsinə əsasən, Ermənistan noyabrın 20-də Ağdam rayonunu, noyabrın 25-də Kəlbəcər rayonunu geri qaytarıb. 1 dekabrda Laçın rayonu Azərbaycana qaytarılıb.

Canlı reportaj

  1. Bərdə sakinləri: "Niyə bu müharibə cəbhədə yox, burada gedir, niyə mülkilər vurulur?!”

    Berde

    Şəklin mənbəyi, Azərbaycan FHN

    Bərdə sakini Ülviyyə Babayeva hadisə baş verəndə maşınla hərəkət edirmiş. O deyir ki, 3 güclü səs eşidiblər və maşınla hadisə yerinə yaxınlaşıblar.

    “Yanğın çıxdı, gəldik şəhərə ki, mərmilər düşüb. Biri bankın qabağında maşının içinə düşüb, qəlpələr ətrafı dağıdıb, şüşələr… Biri yanğınsöndürmənin qarşısına düşüb, ölən-yaralılar var, biri musiqi məktəbinə düşüb,” – sakin deyir.

    Onun sözlərinə görə, mərminin düşməsi qəflətən olub.

    “Hər kəz öz gündəlik həyatında idi, bank işləyirdi, mağazalar açıq idi normal qaydada. Qəflətən oldu,” – o deyir.

    Ülviyyə Babayeva təsvir edir ki, həmin anda insanlarda çaşğınlıq, qorxu var idi.

    “Çox adam partlayış olan yerə toplaşmışdı,amma polis onları ərazidən uzaqlaşdırdı, çünki çatlamış şüşələrin qırılıb-tökülmə ehtimalı var idi,” – o, gördüklərini BBC News Azərbaycancaya danışır.

    Bərdə sakini deyir ki, insanlar həm də əsəbidir.

    “İnsanlar deyirlər, niyə bu müharibə cəbhədə yox, burada gedir, niyə mülkilər vurulur?!”

    Ülviyyə Babayeva deyir ki, Bərdə sakinləri ölənlərə görə şoka düşüb və BBC News Azərbaycanca ilə danışan vaxt o, mərminin yaratdığı dağıntını görüb ah çəkir və “bura nə gündədir?!” deyir.

    Berde

    Şəklin mənbəyi, Azərbaycan FHN

  2. Hikmət Hacıyev Beynəlxalq təşkilatları Bərdəyə dəvət edib

    Azərbaycan Prezidentinin köməkçisi Hikmət Hacıyev Human Rights Watch və Amnesty təşkilatlarını Bərdəyə dəvət edib.

    O, bu barədə Twitter hesabında yazıb.

    "Ermənistanın Azərbaycanın Bərdə şəhərinə qarşı soyqırımı aktı: Ölənlərin sayı 20-yə çatıb, yaralıların sayı 40-dan çoxdur. Hamısı günahsız mülki şəxslərdir. Kasetli "Smerç" raketləri istifadə edilib. Ermənistanın bu cür cinayətlərinin yerində qiymətləndirilməsi üçün Human Rights Watch və Amnesty-ni dəvət edirik," - o yazıb.

    Paylaşımını ötürün X
    X məzmununa icazə varmı?

    Bu məqalədə X məzmunu mövcuddur. Nə isə yüklənməmişdən əvvəl icazənizi istəyirik, çünki onlar kukilərdən və digər texnologiyalardan istifadə edə bilərlər. Qəbul etməzdən əvvəl X kuki siyasəti və gizlilik siyasəti barədə oxumaq istəyə bilərsiniz. Bu məzmunu görmək üçün "qəbul edin və davam edin".

    Xəbərdarlıq : BBC kənar saytların məzmununa görə cavabdeh deyil.

    Paylaşımın sonu X

  3. Təcili xəbər, Bərdədə ölənlərin sayı 19-a çatıb

    Bərdədə son raket hücumunda ölənlərin sayı 19-a, yaralıların sayı 60-a çatıb. Bu barədə Baş Prokurorluq məlumat yayıb.

    Quurm bildirib ki, erməni silahlı birləşmələri Bərdə şəhərinin dinc sakinlərin sıx hərəkətdə olduğu və ticarət obyektlərinin yerləşdiyi əraziyə beynəlxalq hüquqla qadağan olunmuş kaset bombalarından istifadə edilməklə zərbələr endirib.

    Məlumatda şəhərdə yerləşən mülki infrastruktur obyektlərinə və nəqliyyat vasitələrinə külli miqdarda ziyan dəydiyi qeyd olunur.

    bərdə, 28 oktyabr

    Şəklin mənbəyi, Azərcaycan XİN

    bərdə, 28 oktyabr

    Şəklin mənbəyi, Azərcaycan XİN

    bərdə, 28 oktyabr

    Şəklin mənbəyi, Azərcaycan XİN

  4. Təcili xəbər, Azərbaycan MN: "Goranboy və Tərtər rayonları atəşə tutulur"

    Azərbaycan Müdafiə Nazirliyi açıqlayıb ki, Ermənistan silahlı qüvvələri oktyabrın 28-də saat 14.40-dan etibarən Azərbaycanın Goranboy və Tərtər rayonlarını atəşə tutur.

  5. Bərdədə son raket zərbəsindən 14 nəfər ölüb, Baş Prokurorluq bildirir

    berde

    Şəklin mənbəyi, Getty Images

    Azərbaycan Baş Prokurorluğu bildirib ki, oktyabrın 28-də Ermənistan silahlı birləşmələrinin Bərdə şəhərini atəşə tutması nəticəsində 14 mülki şəxs ölüb, 40-dan çox şəxs xəsarət alıb.

    Qurum şəhərin "kasetli bombalardan" atəşə tutulduğunu açıqlayıb.

    Məlumatda deyilir ki, şəhərdə mülki infrastruktur obyektlərinə və nəqliyyat vasitələrinə külli miqdarda ziyan dəyib.

    Erməni tərəfi Bərdəyə zərbə endirdikləri barədə ittihamları rədd ediblər.

  6. Təcili xəbər, "Maşınlar alışıb yanır, söndürməyə çalışırlar," Bərdə sakini deyir

    Berde

    Şəklin mənbəyi, Report.az

    Bərdə sakinlərinin sözlərinə görə, mərmi şəhərin mərkəzi ərazilərindən birinə düşüb.

    "Üç-dörd mərmi düşdü, maşınlar alışıb yanır. Söndürməyə çalışırlar. Bir maşını söndürməyə çalışırlar, o birilərini insanlar özləri söndürüb deyəsən. Oraya çox adam yığışmışdı. Qorxduq ki, yenidən atarlar," - sakin deyir.

    Bərdənin kəndlərindən birində yaşayan başqa bir sakin isə deyir ki, mərminin səsi orada belə möhkəm eşidilib.

    Berde

    Şəklin mənbəyi, Report.az

  7. Təcili xəbər, Hikmət Hacıyev: "Bərdə raket atəşinə məruz qalıb"

    Azərbaycan Prezidentinin köməkçisi Hikmət Hacıyev deyib ki, Bərdə raket atəşinə məruz qalıb.

    O, bu barədə Twitter səhifəsində yazıb.

    "Ermənistan silahlı qüvvələri Tərtərə raket hücumlarından sonra Bərdəyə raket atəşi edir. Dünən mülki şəxslərin kasetli silahlarla öldürülməsindən heç bir dərs alınmayıb. Ermənistan hərbi işğala və müharibə cinayətlərinə son qoymalıdır," - Hikmət Hacıyev yazıb.

    Paylaşımını ötürün X
    X məzmununa icazə varmı?

    Bu məqalədə X məzmunu mövcuddur. Nə isə yüklənməmişdən əvvəl icazənizi istəyirik, çünki onlar kukilərdən və digər texnologiyalardan istifadə edə bilərlər. Qəbul etməzdən əvvəl X kuki siyasəti və gizlilik siyasəti barədə oxumaq istəyə bilərsiniz. Bu məzmunu görmək üçün "qəbul edin və davam edin".

    Xəbərdarlıq : BBC kənar saytların məzmununa görə cavabdeh deyil.

    Paylaşımın sonu X

  8. Təcili xəbər, Azərbaycan MN: "Bərdə şəhəri yenidən atəşə tutulub, ölən və yaralananlar var"

    Azərbaycan Müdafiə Nazirliyi açıqlayıb ki, Ermənistan silahlı qüvvələri Bərdə şəhərini yenidən atəşə tutub.

    Nazirlik şəhərin "Smerç yaylım atəşli reaktiv sistemindən" atəşə tutulduğunu bildirib.

    Azərbaycan MN hadisə nəticəsində ölən və yaralananların olduğunu, mülki infrastruktura ziyan dəydiyini açıqlayıb.

  9. İlham Əliyevdən Erdoğana məktub var: "Azərbaycan da öz növbəsində bütün məsələlərdə qardaş Türkiyənin yanındadır”

    Erdoğan və Əliyev

    Şəklin mənbəyi, President.az

    Azərbaycan prezidenti İlham Əliyev Türkiyə prezidenti Recep Tayyip Erdoğana ünvanladığı məktubda Türkiyə Prezidentini və xalqını Respublika günü münasibətilə təbrik edib.

    Cənab Əliyev Erdoğanın Ermənistan-Azərbaycan münaqişəsi ilə bağlı ortaya qoyduğu qəti və birmənalı mövqe və dəstəkdən yazıb.

    “…haqq işimizə verdiyiniz tərəddüdsüz dəstək həmrəyliyimizin bariz nümunəsidir və xalqımız üçün olduqca dəyərlidir. Azərbaycan da öz növbəsində bütün məsələlərdə qardaş Türkiyənin yanındadır,” – İlham Əliyevin məktubunda deyilir.

    Bundan başqa İlham Əliyev Türkiyə və Azərbaycan arasındakı birlik və strateji müttəfiqliyin “bu gün ən yüksək səviyyədə” olduğunu bildirib.

    “Dünyada bənzəri olmayan bu dostluq və qardaşlıq münasibətləri regionda sülhə, təhlükəsizliyə və əməkdaşlığa xidmət edən, siyasi və iqtisadi proseslərə istiqamət verən mühüm amilə çevrilib,” – məktubda deyilir.

  10. "Ayaqyalın da olsa, qayıdarıq," - Azərbaycanlı qaçqınlar cəbhədən xəbər gözləyirlər

  11. Qarabağ münaqişəsi: İranın xüsusi elçisi Bakıya təkliflə gəlib

    Abbas Arakçı

    Şəklin mənbəyi, İRNA

    İran Prezidentinin Qarabağ münaqişəsinin nizamlanması üzrə xüsusi elçisi və İran Xarici İşlər nazirinin müavini Abbas Arakçı çərşənbə axşamı günü Bakıya səfərə gəlib.

    Abbas Arakçı bildirib ki, səfərin əsas məqsədi münaqişənin həlli təşəbbüsünü təqdim etmək və iki ölkə arasında davamlı sülhə nail olmaqdır, İRNA agentliyi yazır.

    Cənab Arakçının Azərbaycan rəsmiləri ilə danışıqlar aparacağı bildirilir.

    Məlumatda deyilir ki, Arakçı "İranın Azərbaycanın işğal olunmuş ərazilərini azad etmək səylərini dəstəklədiyini və İranın bütün ölkələrin ərazi bütövlüyünə hörmət etdiyini" söyləyib.

    O, "planın bir neçə mərhələdə davamlı sülhə səbəb ola biləcəyini və qarşıdurmalara və təbii ki, Azərbaycan Respublikası ərazilərinin işğalına son verə biləcəyini" deyib.

    İran elçisi əlavə edib ki, ölkəsinin təşəbbüsünün bir əsası da "azlıqların hüquqlarının qorunmasıdır".

  12. Azərbaycan MN Tərtərə "Smerç" raketi atıldığını deyir

    Azərbaycan Müdafiə Тazirliyi bəyan edib ki, bu gün Ermənistan silahlı qüvvələri Tərtər şəhərində yerləşən mülki obyekləri hədəf alıb və hücumda "Smerç" raketlərindən istifadə olunub.

    Məlumatda bildirilib ki, Tərtər şəhərinə və rayonun ərazisinə atılan raketlərdən xəsarət alan olmayıb.

    Ermənistan Tərtərə zərbə endirmədiyini deyir.

  13. Ermənistan Müdafiə Nazirliyinin sözçüsü Şuşan Stepanyan rəsmi Facebook səhifəsində yazıb ki, "Azərbaycan tərəfi dinc yaşayış məntəqələrini" atəşə tutub.

    "Çanaqçı (Avetaranots) dərəsində vəziyyət gərgin olaraq qalır. Azərbaycan qüvvələri Şuşanı hədəfə alıb. Xoşbəxtlikdən itki yoxdur," - Şuşan Stepanyan bildirib.

    Azərbaycan əks-hücum əməliyyatlarına başlayandan bəri elan edib ki, yaşayış məntəqələrini hədəfə almır, yalnız hərbi obyektlərə zərbə endirir.

  14. Naxçıvanla həmsərhəd erməni kəndində həyat: müharibə kölgəsində üzüm bağları

  15. Erdoğan və Putin Qarabağı müzakirə edib

    Erdoğan Putin

    Şəklin mənbəyi, Anadolu Agentliyi

    Kremlin mətbuat xidməti Türkiyə Prezidenti Recep Tayyip Erdoğanın Vladimir Putinlə “Türkiyə tərəfinin təşəbbüsü ilə” telefon danışığı haqqında xəbər verir.

    Məlumata görə, iki ölkə liderlərinin bir çox problem ətrafında, o cümlədən Suriya və Livandakı vəziyyət barədə müzakirələri olub.

    Qarabağ münaqişəsi də diqqətdən yayınmayıb:

    “Həmçinin Dağlıq Qarabağ münaqişə bölgəsində hadisələrin inkişafı müzakirə olunub. Rusiya tərəfi davam edən döyüş əməliyyatları, eləcə də döyüşlərə Yaxın Şərqdən terrorçuların daha geniş miqyasda cəlb olunması ilə bağlı narahat olduğunu bildirib”.

  16. Azərbaycan Baş Prokurorluğu: "İndiyədək 69 mülki şəxs öldürülüb, 322 nəfər yaralanıb"

    Azərbaycan Baş Prokurorluğu bildirib ki, Ermənistan silahlı qüvvələrinin hücumu nəticəsində indiyədək Azərbaycanda 69 mülki şəxs öldürülüb, 322 nəfər yaralanıb.

    Qurum açıqlayıb ki, 2338 yaşayış evi, 92 çoxmənzilli bina, 415 mülki obyekt yararsız vəziyyətə düşüb.

  17. Azərbaycan və Türkiyə XİN başçıları Qarabağı müzakirə edib

    Ceyhun Bayramov Mevlüt Çavuşoğlu

    Şəklin mənbəyi, Anadolu Agentliyi

    Azərbaycanın Xarici İşlər naziri Ceyhun Bayramov türkiyəli həmkarı Mevlüt Çavuşoğlu ilə danışıb.

    TRTHaber bildirir ki, müzakirələrin əsas mövzusu Dağlıq Qarabağdakı son vəziyyət olub.

    Məlumatda deyilir ki, nazirlər "Ermənistanın atəşkəsi pozması və mülki yaşayış məntəqələrinə hücumu" da müzakirə ediblər.

  18. Azərbaycan Müdafiə Nazirliyi bəyan edib ki, "ordumuza məxsus PUA vurulmayıb”.

    Ermənistan Müdafiə Nazirliyi Azərbaycana məxsus daha bir pilotsuz uçuş aparatı vurulduğunu iddia edib.

    Bu barədə Ermənistan MN-nin mətbuat katibi Şuşan Stepanyan öz rəsmi Facebook səhifəsində yazıb və vurulduğu iddia edilən PUA şəklini dərc edib.

    Amma PUA-nın hansı ərazidə, hansı istiqamətdə vurulduğu göstərilmir.

    "Azərbaycan Ordusuna məxsus PUA-nın cəbhə xəttində guya vurulması barədə Ermənistanın yaydığı məlumat yalandır," - Azərbaycan Müdafiə Nazirliyi çərşənbə günü açıqlayıb.

    Paylaşımını ötürün X
    X məzmununa icazə varmı?

    Bu məqalədə X məzmunu mövcuddur. Nə isə yüklənməmişdən əvvəl icazənizi istəyirik, çünki onlar kukilərdən və digər texnologiyalardan istifadə edə bilərlər. Qəbul etməzdən əvvəl X kuki siyasəti və gizlilik siyasəti barədə oxumaq istəyə bilərsiniz. Bu məzmunu görmək üçün "qəbul edin və davam edin".

    Xəbərdarlıq : BBC kənar saytların məzmununa görə cavabdeh deyil.

    Paylaşımın sonu X

  19. Azərbaycan Müdafiə Nazirliyi:"Ermənistan cəbhədən uzaq əraziləri atəşə tutur"

    Azərbaycan Müdafiə Nazirliyi cəbhə bölgəsindən uzaq və sərhəd ərazilərinin Ermənistan silahlı qüvvələri tərəfindən atəşə tutulduğunu bildirib.

    Çərşənbə günü nazirlik bəyan edib ki, “Ermənistanın Berd, Çəmbərək, Vardenis və Gorus rayonları ərazisindən Azərbaycanın Tovuz, Gədəbəy, Daşkəsən və Qubadlı rayonları atəşə tutulub”.

    Bundan başqa bu gün səhər cəbhə xəttindən uzaqda yerləşən Ağcabədi rayonu ərazisinin də atəşə məruz qalması barədə Azərbaycan Müdafiə Nazirliyi məlumat yayıb.

  20. Tanınmamış “DQR ordusu” bildirib ki, gecə ön xəttə vəziyyət “stabil gərgin” qalıb, Xocavənd (Martuni) şəhəri və Əsgəran rayonu kəndlərini atəş hədəfinə alınıb.

    “Hazırda Qarabağ münaqişə bölgəsinin bəzi istiqamətlərində lokal əhəmiyyətli döyüşlər gedir,”- tanınmamış qurum yaydığı son məlumatda bildirib.