ፖምፔዎ ቫይረሱ ከቻይና ቤተ ሙከራ ስለመምጣቱ 'በርካታ ማስረጃዎች' አሉን አሉ

የቀጥታ ሽፋን

1. 4 ግንቦት 2020በሩሲያ ለሁለተኛ ቀን ከ10ሺህ በላይ ሰዎች በቫይረሱ መያዛቸው ተረጋገጠ

   

   የፎቶው ባለመብት, Getty Images

   በሩሲያ ተጨማሪ 10ሺህ 581 ሰዎች በቫይረሱ መያዛቸው መረጋገጡን የአገሪቷ ባለሥልጣናት አስታወቁ፡፡ ይህም አጠቃላይ በቫይረሱ የተያዙ ሰዎችን ቁጥር 145ሺህ 268 አድርሶታል፡፡

   አገሪቷ ከ10ሺህ ሰዎች በላይ በቫይረሱ መያዛቸውን ስታረጋግጥ ይህ ሁለተኛ ቀኗ ነው፡፡ በቫይረሱ የተያዙ ሰዎች ቁጥርም ከቻይና፣ ቱርክ እና ኢራን በልጧል፡፡

   ባለፈው ሳምንት ጠቅላይ ሚኒስትር ሚካሃይል ሚሽስቲን በኮሮናቫይረስ መያዛቸው ተረጋግጧል፡፡

   ይህንንም ተከትሎ ፕሬዚደንት ፑቲን በአገር አቀፍ ደረጃ ሥራ ዝግ ሆኖ የሚቆይበትን ጊዜ እስከ ፈረንጆቹ ግንቦት 11 ድረስ አራዝመዋል፡፡ በዋና መዲናዋ ሞስኮም የእንቅስቃሴ ገደቡ ባለበት ይቆያል ብለዋል፡፡

   ባለሥልጣናት ሕዝቡ በየቤቱ እንዲቀመጥ እያሳሰቡ ነው፡፡ በሩሲያ በተያዘው ወር የሚከበሩ ሕዝባዊ በዓላትን ለማክበርም የተጣሉትን የእንቅስቃሴ ገደቦች ለመጣስ መሞከርም እንደማይቻል ባለሥልጣናቱ አስጠንቅቀዋል፡፡

2. 4 ግንቦት 2020ፖሊስ በመምሰል በፈረንሳይ ሲያጭበረብሩ የነበሩ ኢራናውያን ተያዙ

3. 4 ግንቦት 2020ኮሮናቫይረስ፡ "ሁኔታዎች በዚህ ከቀጠሉ በርሃብ ልናልቅ ነው"

4. 4 ግንቦት 2020ባለፉት 24 ሰዓታት ተጨማሪ 5 ሰዎች በቫይረሱ መያዛቸው ተነገረ

   

   የፎቶው ባለመብት, Getty Images

   በኢትዮጵያ ባለፉት 24 ሰዓታት ተጨማሪ 5 ሰዎች በቫይረሱ መያዛቸው ተነገረ።

   የጤና ሚንስቴር እና የኢትዮጵያ ህብረተሰብ ጤና ኢንስቲትዩት በሚያወጡት ዕለታዊ መግለጫ ላይ እንዳስታወቁት ባለፉት 24 ሰዓታት ለ1758 ሰዎች ምርመራ ተደርጎ 5 ሰዎች በቫይረሱ መያዛቸው ተረጋግጧል።

   ይህም በአገሪቱ በቫይረሱ ተይዘው የተገኙ ሰዎችን ቁጥር 140 አደርሶታል።

   ከአምስቱ ሰዎች መካከል 3ቱ ከፑንትላንድ የተመለሱ እና በጅግጅጋ ለይቶ ማቆያ የነበሩ ናቸው ተብሏል።

   አንዱ ደግሞ የባህር ዳር ነዋሪ እና በበሽታው መያዙ ከተረጋገጠ ሰው ጋር ግንኙነት የነበረው ነው ተብሏል። የመጨረሻው ግለሰብ ደግሞ ትውልደ ኢትዮጵያዊ የስዊድን ዜጋ እንደሆነ እና ከስዊድን ተመልሶ በአዲስ አበባ በአስገዳጅ ለይቶ ማቆያ የነበረ ነው ተብሏል።

5. 4 ግንቦት 2020በላባደሮች ቀን በሚሊዮኖች የሚቆጠሩ ቻይናውያን ለጉብኝት ተጉዘዋል ተባለ

   

   የፎቶው ባለመብት, Getty Images

   በቻይና የላባደሮችን ቀን ተከትሎ የአምስት ቀናት እረፍት ይሰጣል። ይህንንም አስታከው በሚሊዮኖች የሚቆጠሩ ቻይናውያን ከአንዱ የአገሪቱ ክፍል ወደ ሌላኛው ተጉዘዋል ተብሏል።

   ይህም በቻይና ኑሮ በፍጥነት ወደ ቀደመ መልኩ ለመመለሱ ከዚህ የተሻለ ማሳያ አያስፈልግም አስብሏል።

   የቻይና ብሔራዊ የቴሌቪዥን ጣቢያ የአገሪቱን የባህል እና ቱሪዝም ሚንስትር ጠቅሶ እንደዘገበው በቻይና ባለፉት ሶስት ቀናት ብቻ 85 ሚሊዮን ዜጎች ከአንዱ ወደ ሌላኛው ግዛት ተንቀሳቅሰዋል።

   1.67 ሚሊዮን የሚሆኑ ቻይናውያን በዋና መዲናዋ ቤጂንግ የሚገኙ 1030 ፓርኮችን መጎብኘታቸውን የሲጂቲኤን ዘገባ ጠቁሟል።

6. 4 ግንቦት 2020በጂቡቲ የኮቪድ-19 መጨመር ለአፋር ክልል ስጋት መሆኑ ተነገረ

7. 4 ግንቦት 2020''ቻይና ወረርሽኙን በመደበቅ ለራሷ መድሃኒቶችን ስትገዛ ነበር'' የሚል መረጃ ወጣ

   

   የፎቶው ባለመብት, AFP

   የአሜሪካ ባለስልጣናት ቻይና የወረርሽኙነን አስከፊነት ሆን ብላ መደበቋን የሚያመላክት መረጃ ከአገር ውስጥ ደህንነት ክፍል ማግኘቱን ኤፒ የዜና ወኪል ዘግቧል።

   የትራምፕ አስተዳደር ከቅርብ ጊዜያት ወዲህ በቻይና ላይ ከፍተኛ ትችቶችን ሲሰነዝር ቆይቷል።

   ከአሜሪካው አገር ውስጥ ደህንነት ክፍል ተገኘ የተባለው መረጃ ቻይና ወደ አገር ውስጥ የምታስገባቸውን መድሃኒቶች በከፍተኛ ሁኔታ በመጨመር ኤክስፖርት የምታደርጋቸውን ቀንሳለች።

   ወረርሽኙን ለመከላከልም ስትዘጋጅ ነበር፤ መረጃውም የሚያሳየው ይህንኑ ነው ብለዋል ባለስልጣናቱ።

   አክለውም ቻይና ቀደም ብላ የዓለም ጤና ድርጅትን አላስጠነቀቀችም ብለዋል።

   በዚህም ምክንያት ከድርጅቱ በመቅደም ከተለያዩ አገራት መድሃኒቶችን እንድትገዛ አግዟታል ብለው ያምናሉ የአሜሪካ ባለስልጣናት።

8. 4 ግንቦት 2020የአውሮፕላን ጉዞ በቀጠዮቹ ወራት የተለየ ይሆናል

9. 4 ግንቦት 2020አገራት ለኮሮናቫይረስ ክትባት ለማግኘት በህብረት ገንዘብ እያሰባሰቡ ነው

   

   የፎቶው ባለመብት, AFP

   የአውሮፓ አገራትና የሌሎች አገራት መሪዎች ለኮሮናቫይረስ ክትባት ለማግኘት የሚረዳ 8.3 ቢልየን ዶላር ለማሰባሰብ ቃል ገብተዋል።

   በዚሁ ቫይረስ ምክንያት ለሶስተ ቀናት ከፍተኛ ክትትል ክፍል ውስጥ የቆዩት የዩኬው ጠቅላይ ሚኒስትር ቦሪስ ጆንሰን የምርምር ስራውን ለመደገፍ 388 ሚሊየን ዩሮ ቃል እንደሚገቡ ይጠበቃል።

   መሪዎች ከያሉበት አገር ሆነው ለዚሁ ጉዳይ ላይ ውይይት የሚያደርጉ ሲሆን ዩናይትድ ኪንግደም፣ ካናዳ፣ፈረንሳይ፣ ጀርመን፣ ጣልያን፣ ጃፓን፣ ኖርዌይ፣ ሳኡዲ አረቢያና የአውሮፓ ኮሚሽን እንደሚሳተፉ ይጠበቃል።

10. 4 ግንቦት 2020የኮሮናቫይረስ ክትባት መቼ ዝግጁ ይሆናል?

    

    የፎቶው ባለመብት, Getty Images

    የአሜሪካው ፕሬዝዳንት ዶናልድ ትራምፕ ለቫይረሱ የሚሆን ክትባት በያዝነው የፈረንጆቹ ዓመት መጨረሻ ይደርሳል ብለዋል። ነገር ግን ይህ ምን ያክል እርግጥ ነው?

    በአሜሪካዋ ሲያትል ከተማ በሰዎች ላይ የክትባት ሙከራው መደረግ ከተጀመረ አንድ ወር አልፎታል።

    አሁንም ቢሆን ግን ገና የሚቀሩ በርካታ ነገሮች አሉ። ምንም እንኳን የመጀመሪያ ዙር የሙከራ ክትባቱ በጥሩ ሁኔታ ቢጠናቀቅም በሰዎች ላይ በአግባቡ መሞከር አለበት፣ የመድሃኒት ተቆጣጣሪዎች ደህንነቱን ማረጋገጥ አለባቸው፣ እንዲሁም መድሃኒት አምራቾች እንዴት በብዛት ማከፋፈል እንደሚችሉ ማወቅ አለባቸው።

    እነዚህ ነገሮች በሙሉ ቀላል የማይባል ጊዜ ይፈጃሉ። ለዚህም ነው ክትባቶችን ለመስራትና ለማዘጋጀት በርካታ ዓመታት የሚወስደው።

    በርካታ የዘርፉ ባለሙያዎች እንደሚሉት የኮሮናቫይረስ ክትባት በፈረንጆቹ 2021 አጋማሽ ወይም መጨረሻ አካባቢ ዝግጁ ሊሆን እንደሚችል ተንብየዋል።

11. 4 ግንቦት 2020ሕንዳውያን የጽዳት ሠራተኞች እና አብሳዮች ወደ ሥራ እየተመለሱ ነው

    

    የፎቶው ባለመብት, Getty Images

    ሕንድ ሶስተኛ ደረጃ ነው የተባለለትን የእንቅስቃሴ ገደብ ማላላት ጀምራለች።

    ከዛሬ ጀምሮ የግል ቢሮዎች 33 በመቶ ሠራተኞችን ይዘው በሮቻቸውን መክፈት ይችላሉ ተብሏል። አንድ ሻጭ ብቻ ያላቸው ሱቆችም ደንበኞቻቸውን ማስተናገድ ይችላሉ ተብሏል።

    የገበያ ማዕከላት እና የገበያ ስፍራዎች ግን አሁንም ዝግ ሆነው ይቀጥላሉ።

    በግላቸው የጽዳት ሥራ የሚሰሩ፣ አብሳዮች እና የቧንቧ ሠራተኞችም ከዛሬ ጀምሮ ወደ ሥራ መመለስ ይችላሉ።

    የቫይረሱ ስርጭት በተስፋፋባቸው አከባቢዎች የእንቅስቃሴ ገደቡ ተጠብቆ ይቆያል ተብሏል። ከዚህ በተጨማሪም የህዝብ ትራንስፖርት አግልግሎት አይኖርም።

12. 4 ግንቦት 2020በአሜሪካ 100 ሺህ ሰው በቫይረሱ ሊሞት ይችላሉ ሲሉ ትራምፕ አስጠነቀቁ

13. 4 ግንቦት 2020ኬንያውያን ለኮሮናቫይረስ ምርመራ አንወጣም አሉ

    

    የፎቶው ባለመብት, AFP

    የኬንያ ጤና ሚኒስቴር ዜጎች የኮሮናቫይረስ ምርመራ እንዲያደርጉ ጥሪ ቢያቀርብም እጅግ አነስተኛ ቁጥር ያላቸው ሰዎች ብቻ መገኘታቸው ተዘግቧል።

    መንግሥት በአንዴ በሺዎች የሚቆጠሩ ዜጎቼ ላይ ምርመራ አደርጋለሁ ብሎ ሲሰራ ቢቆይም ለምርመራው የመጡት ግን በመቶዎች ብቻ የሚቆጠሩ ነበሩ።

    ለአገር ውስጥ መገናኛ ብዙሀን ሀሳባቸውን የሰጡ አንዳንድ ዜጎች እንዳሉት ምናልባት በምርመራው ቦታ ላይ ምልክቶችን ቢያሳዩ በራሳቸው ወጪ ወደሚቆዩባቸው ለይቶ ማቆያዎች መወሰድ አይፈልጉም።

    በዚህም ምክንያት ነው የመንግስትን ጥሪ ችላ ብለው የቀሩት።

    የጤና ሚኒስትሩ በበኩላቸው ምርመራው በነጻ ነው የሚካሄደው፤ ምልክት ያሳዩ ሰዎችም ቫይረሱ አለባቸው ማለት አይደለም ብለዋል።

14. 4 ግንቦት 2020ፈረንሳይ፣ ስፔን እና ጣሊያን ከሳምንታት በኋላ ዝቅተኛ የሞተ መጠን አስመዘገቡ

    

    የፎቶው ባለመብት, AFP

    ተጥሎ የሚገኘውን የእንቅስቃሴ ገደብ ለማላላት የተለያዩ እርምጃዎችን እየወሰዱ የሚገኙት ፈረንሳይ፣ ስፔን እና ጣሊያን፤ ከሳምንታት በኋላ ዝቅተኛውን የሞት መጠን አስመዝግበዋል።

    ባለፉት 24 ሰዓታት ፈረንሳይ 135፣ ስፔን ደግሞ 164 ሟቾችን ያስመዘገቡ ሲሆን ይህም ከ7 ሳምንታት በኋላ ዝቅተኛው ነው ተብሏል።

    ጣሊያን በበኩሏ 174 ሞት በማስተናገድ ለሁለት ተከታታይ ወራት ዝቅተኛ የሟቾች ቁጥር ሆኖ ተመዝግቦላታል።

15. 4 ግንቦት 2020በታንዛኒያ በጨለማ ቀብር ሲፈጸም የሚያሳየው ምስል ውዝግብ አስነሳ

    

    የፎቶው ባለመብት, AFP

    በታንዛኒያ በርካታ ሰዎች በድቅድቅ ጨለማ ሲቀበሩ የሚያሳዩ ተንቀሳቃሽ ምስሎች በአገሪቱ መንግሥት ላይ ጥያቄዎችን እያስነሱ ነው።

    ምንም እንኳን መንግሥት በቫይረሱ የሚያዙና ሕይወታቸው የሚያልፍ ሰዎች ቁጥር ዝቅተኛ ነው ቢልም በድብቅ ሲቀበሩ የሚታዩት ሰዎች ተንቀሳቃሽ ምስል ግን ቁጥሩ ከሚባለው በላይ ከፍተኛ መሆኑን ማሳያ ነው ተብሏል።

    የተቃዋሚ ፖለቲከኞች እንደሚሉት ደግሞ መንግሥት ሆን ብሎ በየዕለቱ መረጃ ባለመስጠት የቫይረሱን ስርጭት መጠን እየደበቀ ነው።

    ከሌሎች የአፍሪካ አገራት በተለየ መልኩ ታንዛኒያ የቫይረሱን ስርጭት ለመግታት ጠበቅ ያለ እርምጃ ከመውሰድ ተቆጥባለች።

    ምንም እንኳን ሰዎች ለሰርግም ሆነ ለቀብር እንዳይሰባቡ ብታግድም ፕሬዝዳንቱ ዜጎች በቤተ እምነቶች በመሄድ ጸሎት እንዲያደርጉ ጠይቀው ነበር።

16. 4 ግንቦት 2020በኮሮናቫይረስ ከተቀጠፉ ኢትዮጵያውያን መካከል ጥቂቶቹ

17. 4 ግንቦት 2020ትራምፕ በዚህ ዓመት ክትባት ዝግጁ ይደረጋል አሉ

    

    የፎቶው ባለመብት, EPA

    የአሜሪካው ፕሬዝዳንት ዶናልድ ትራምፕ አሜሪካ ይህ የፈረንጆቹ ዓመት ከመጠናቀቁ በፊት ለኮቪድ-19 ክትባት ዝግጁ ታደርጋለች አሉ።

    "በዚህ ዓመት መጨረሻ ላይ ክትባት እንደሚኖረን እርግጠኛ ነን" ሲሉ ትራምፕ ለፎክስ ኒውስ ተናግረዋል።

    ምንም እንኳ በመላው ዓለም የሚገኙ ተመራማሪዎች ለኮቪድ-19 የሚሆን ክትባት ለማግኘት ከፍተኛ ጥረት እያደረጉ ቢሆንም፤ የዘርፉ ባለሙያዎች ግን ክትባቱን ለሰፊው ህዝብ ማቅረብ የሚቻለው በቀጣዩ የፈረንጆቹ ዓመት ሊሆን እንደሚችል ግምታቸውን አስቀምጠዋል።

    የአውሮፓውያን ዓመት ሊጠናቀቅ ገና 7 ወራት ይቀሩታል።

18. 4 ግንቦት 2020በዓለማችን በቫይረሱ የተያዙ ሰዎች ቁጥር 3.5 ሚሊዮን ተሻገረ

    

    የፎቶው ባለመብት, Reuters

    ዛሬ ላይ በመላው ዓለም በቫይረሱ የተያዙ ሰዎች ቁጥር 3,505,761 ላይ ደርሷል።

    ከእነዚህም መካከል 2.4 ሚሊዮን የሚሆኑት በቫይረሱ እየተሰቃዩ ይገኛሉ።

    በርካታ ዜጎቻቸው በኮቪድ-19 የተያዙባቸው አራት አገራት የሚከተሉት ናቸው፡

    • አሜሪካ፡ በጠቅላላው በቫይረሱ የተያዙ ሰዎች ቁጥር 1,157,945፤ በአሁን ወቅት በቫይረሱ እየማቀቁ ያሉ 939,758 እንዲሁም 67,680 ደግሞ ህይወታቸውን አጥተዋል።
    • ስፔን፡ 217,466 በቫይረሱ ተይዘዋል። 73,300 አሁን በበሽታው እየተሰቃዩ ነው። 25,264 ደግሞ ህይወታቸውን አጥተዋል።
    • ጣሊያን፡ 210,717 በአጠቃላይ ቫይረሱ የተያዙ ሰዎች ናቸው። 100,179 አሁንም ኮቪድ-19 በውስጣቸው የሚገኝባቸው ናቸው። 28,884 በቫይረሱ ህይወታቸውን አጥተዋል።
    • ዩናትድ ኪንግድም፡ 187,842 ሰዎች በቫይረሱ ተይዘዋል። 158,421 አሁንም በቫይረሱ የሚሰቃዩ ናቸው። 28,520 ደግሞ ህይወታቸውን አጥተዋል።

19. 4 ግንቦት 2020ተጓዦች ማስክ እንዲያደርጉ በአየር መንገዶች ታዘዙ

    

    የፎቶው ባለመብት, Getty Images

    ከዚህ ሳምንት ጀምሮ ግዙፍ አየር መንገዶች የቫይረሱን ስርጭት ለመቆጣጠር ተጓዦች የፊት እና አፍ መሸፈኛ ማስክ እንዲያደርጉ ማስገደድ ይጀምራሉ ተባለ።

    በርካታ የአሜሪካ አየር መንገዶች በበኩላቸው ከተሳፋሪዎች በተጨማሪ የበረራ አስተናጋጆች እና አብራሪዎች የአፍ እና አፍንጫ መሸፈኛ እንዲያደርጉ አዘዋል።

    ከበረራ በፊት አውሮፕላኖች በጸረ-ተዋሲያን የሚጸዱ ሲሆን ተጉዦችም ወደ አየር ማረፊያ ሲሄዱ የሚኖራቸውን ንክኪ እንዲቀንሱ ምክረ ሃሳብ ተለግሷል።

20. 4 ግንቦት 2020የታንዛኒያው ፕሬዝዳንት የማደጋስካሩን ባህላዊ መድሃኒት ወደ አገራቸው ሊያስገቡ ነው

    

    የፎቶው ባለመብት, AFP

    የታንዛኒያው ፕሬዝዳንት ጆን ማጉፉሊ ማደጋስካር እጸዋትን በመጠቀም አግንቼዋለሁ ያለችውን የኮሮናቫይረስ ባህላዊ መድሃኒት ወደ አገራቸው ለማስገባት አውሮፕላን ሊልኩ መሆኑን ገልጸዋል።

    ምንም እንኳን የዓለም ጤና ድርጅት መድሃኒቱ ሙሉ በሙሉ ከቫይረሱ ስለማዳኑ ምንም ማረጋጋጫ የለም ቢልም ፕሬዝዳንቱ ግን መልእክቱን ችላ ያሉት ይመስላል።

    በተመሳሳይ የኮንጎ ብራዛቪል ፕሬዝዳንትም በፈሳሽ መልክ የተሰራውን የማደጋስካር ባህላዊ መድሃኒት ወደ አገራቸው ማስገባት እንደሚፈልጉ አስታውቀዋል።

    የወባ መድሃኒት ለመስራት ጥቅም ላይ ከሚውለው ‘አርትሚዝያ’ ተክል የተሰራው ይህ ባህላዊ መድሃኒትን ጨምሮ ሌሎችም ባህላዊ መድሃኒቶች ምን አይነት ጥቅምና ጉዳት እንዳላቸው ባለመረጋገጡ የዓለም ጤና ድርጅት ሰዎች እንዳይጠቀሟቸው በተደጋጋሚ ሲያሳስብ ነበር።