lakkoofsi namoota Covid-19'n qabamanii olaanaan Itoophiyaatti galmaa’e

Haguuggii Tamsaasa Kallattii

1. 1 Waxabajjii 2020Kooriyaan Kaabaa Waxabajjiirraa jalqaba manneen barnootaa deebistee banuuf

   

   Madda suuraa, Getty Images

   Kooriyaan Kaabaa jalqaba Waxabajjii kanarraa kaastee manneen barnootaa deebistee banuuf akka jirtu Yonhap miidiyaa biyyatti wabeeffate gabaase.

   Biyyattiin nama koronaavaayirasiin qabame hin qabnu jetti, ogeeyyiin garuu kun dhugaa hin fakkaatu jedhuun.

   Manneen barnoota biyyattii walakkeessa ji’a Caamsaarraa eegalanii ni banamu jedhamaa ture. Guyyaan ayyaanaa irra deddeebiin dheereffameef cufamanii turan.

   Manneen barnoota sadarkaa 1ffaa, oolmaa daa’immaniifi sadarkaa lammaaffaan ofeggannoo barbaachisu taasifamee jalqaba ji’a kanaarraa kaasee hojii idileesaanii eegaluuf jiru, akka raadiyoon biyyatti himuttti.

   Alkooliin harka ittiin qulqulleeffataniifi daree barnoota hundaaf akka qoodamu gabaasichi kan agarsiisu.

2. 1 Waxabajjii 2020Daqiiqaawwan dhumaa 30 Joorji Filooyid maal fakkaata ture?

3. 1 Waxabajjii 2020Lammileen US lama xiyyaar-samii dhuunfaan hawaarra qubachuun seenaa galmeessan

4. 1 Waxabajjii 2020Ilmi mootii Beeljiyeem uggura cabsuun shubbisa dhaquusaaf dhiifama gaafate

5. 1 Waxabajjii 2020Oduu gaariidhaan ammoo, maanguddoon ganna 100 Covid-19 irraa fayyan

   

   Madda suuraa, AFP/Getty Images

   Indoneshiyaatti maanguddoon umurii waggaa 100 tokkoo koronaavaayirasii irraa fayyan.

   Kunis seenaa biyyattii keessaatti maanguddoo umurii guddaa vaayirasicharraa fayyan kan jalqabaa ta'u midiyaaleen biyya keessaa gabaasan.

   Maanguddoon Kaamtim jedhaman kunis magaalaa Surabayaatti ji’a tokkoof erga yaalamaa turaniin booda torban kana keessa fayyanii hospitaalaa bahan.

   '‘Fayyuun maanguddoo kanaas namoota umuriin jaaraniif dammaqinsa uuma jedheen abdadha'' jedhan Bulchaan Baha Jaavaa.

   Haati warraan ilma maanguddoo kanaa AFP'tti akka himtetti, sababiin fayyinashee inni tokkoo naamusaa fi cimina qabaachuu isaaniitiif jettee jirti.

   ''Guyyaa guyyaan haala ishee wayitan hordofuutti, narsoonni yeroo hunda baayyee cimtuufi qoricha kennamuufis haalaa fudhataa akka turte natti himaa turan,'' jetti Sitii Amiinaah.

   Biyyatti keessatti namoonni 26,000 vaayirasichaan wayita qabaman, 1,613 kan ta'an ammoo du’uusaanii ragaan yuunvarsiitii Joons Hoopkiins irraa agrame ni agarsiisu.

6. 1 Waxabajjii 2020Jappaan daawwattoota biyyoota muraasaatiif karra banuuf

   Jappaan daawwattotoa biyyoota kamirraayyu akka hin seenne dhorkitee turte laaffisuun biyyoota akka Taahilaand, Veetinaam, Awustiraaliyaafi Niiwuu Ziilaand irraa ta'aniif karra banuuf akka yaada qabdu gabaasni agarsiise.

   Aanga'aan biyyatti maqaan hin eeramiin tokko Kiyodaa Niiwusitti akka himanitti, biyyoonni kunneen afran tatamsa'ina koronaavaayirasii gad-aanaa kan qaban yoo ta'an, Jappaan waliin ammoo hariiroo daldalaa guddaa qabu.

   Haata'u malee, ministeera dhimma alaa biyyattiirraa ammoo wanti mirkanaa'eeru hin jitu.

   Jappaan daawwattoota US fi biyyoota Awurooppaarraa ta'an dabalataa tatamsa'ina koronaavaayirasii ittisuuf jecha namoota biyyoota addunyaa 111 irraa ta'an akka hin seenne dhorkaa keessee turte.

   Jappaan hanga ammaatti namoota koronaavaayirasiin irratti argame 17,000tti siqu kan qabdu yoo ta'u, dhibee kanaan ammoo 898 dhabdeetti akka gabaasa Yunvarsiitii Joon Hopkiinsitti.

7. 1 Waxabajjii 2020Awustiraaliyaatti namoota Covid-19 qaban keessa 21 qofatu hospitaaltti hafe

   Awustiraaliyaatti namoota Covid-19 qaban keessa 21 qofatu hospitaaltti hafe.

   Biyyattii keessatti namoota koronaavaayirasiin irratti argamuun mirkanaa’e %92 kan ta’an fayyaniiru. Kunis lakkoofsaan 7,200 ta’a.

   Milkaa’ina fayyaa agarsiisaa jirtu kanaan biyyattiin dhorkaawwan kaawwamanii turan laaffisaa jirti.

   Tarkaanfiiwwan of eeggannoof fudhataman kutaa biyyaan addaa adda ta’anilleen akka Sidiniifaatti bakkawwan akka gola miidhaginaa, muuziyeemawwan, manneen kitaabaafi bakkawwan hawaasni bishaan daakan banamaniiru.

   Walirraa fageenya eeggatameennaan namoonni bashannannaaf kutaa bulchiinsa tokkorraa gara kutaa biraatti imaluu ni danda’au.

   Kutaawwan akka Viktooriyaa, Qiwiinlaandiifi Awustiraaliyaan Kibbaa walgahiiwwan namootaa hanga digdamaa hayyamaniiru.

   

   Madda suuraa, EPA

8. 1 Waxabajjii 2020Waa'ee Covid-19 ammallee hakiimotaaf hibboo ta'an

9. 1 Waxabajjii 2020Kun 'jireenya sirrii' Covid-19 boodaa ta'ee hafuu malaa?

10. 1 Waxabajjii 2020Tamsaasa kallattii Waxabajji 01, 2020 keenya eegallerra.

    Akkam jirtu hordoftoota BBC Afaan Oromoo? Tamsaasa keenya kallattii kan Waxabajjii 01, 2020 kunoo amma jalqabneerra.

    Oduu ho'aa biyya keessaafi addunyaa mara irraa gaggabaabsinee ulaa kanaan isin biraan geenya.

    Dhiyaadhaa.

    Aaga Dhaga'aa!

    

    Madda suuraa, Getty Images