BBC News, Afaan Oromoo
Qabiyyeetti darbi

UN'tti ambaasaaddarri Israa'el Gutareez aangoo akka gadhiisan gaafatan

Dhaabbata Biyyoota Gamtoomaniitti ambaasaaddara Israa'el kan ta’an, Gilaad Erdaan, dureen UN akka aangoo gadhiisan gaafatan. Kunis, erga Gutareez haleellaan Hamaas ‘’lafaa ka’ee hin raawwanne’’ jedhan boodadha.

Haguuggii Tamsaasa Kallattii

  1. ‘Taateen hospitaalatti mudate kan ibsamuu hin dandeenye' - Ministeera Fayyaa Filisxeem

    Hakiimoonni namoota mada'aan lafaa fi kooridarratti yaalaa turan

    Madda suuraa, Rooyitars

    Ibsa waa'ee suuraa, Hakiimoonni namoota mada'aan lafaa fi kooridarratti yaalaa turan

    Ministeerri Fayyaa Filisxeem haalli hospitaala Al Ahli keessatti mudate ''kan gita hinqabnee fi ibsamuu hindandeenyedha '' jedhe.

    Dubbi himaan Ministeerichaa Dr Ashraaf Al-Qudraa ibsa Roobii ganama Feesbuukiirratti maxxansaniin, ''Doktooronni lafaa fi koridooriirratti baqaqsanii wal‘aanaa jiru, isaan keessaa gariin isaanii qoricha dhukkubbiin akka namatti hin dhagamne taasisu (anesthesia )malee wal'aanamaa jiru,'' jedhan.

    "Namoonni baay'een ammallee baqaqsanii wal’aanu argachuuf dabaree eegaa jiru, gareewwan wal'aansa kennan lubbuu isaanii baraaruuf yaalaa jiru" jedhan.

    Itti dabaluudhaanis, namoonni miidhaman hedduun isaanii daa'immanii fi dubartoota ''bifa isaanii dhaban'' ta'uu ibsuun, miidhaan irra gahe hedduun ''dandeettii gareewwan yaalaa keenyaa oli''jechuun ibsan.

  2. Haleellaa hospitaala Gazaa booda hiriirri mormii eegale

    hiriira mormii

    Madda suuraa, EPA

    Ibsa waa'ee suuraa, Beerut, Lebanoon

    Hospitaalli Gazaa namootni haleellaa biroon madaa’an itti wal’aanamaa turan erga haleelamee booda magaalota hedduu keessatti hiriirri mormii eegalame.

    • Magaalota West Baank hedduu keessatti lammileen Filisxeem Kibxata galgala hiriira ba’uun pirezdaantii Filisxeem Mahmuud Abbas mormaa fi dhakaa darbachaa turaniiru. Qamooleen nageenya gaazii nama boochisuu fi waan biroo fayyadamuun hiriiricha diiguuf yaalaniiru.
    • Magaalaa gudditti Lebaanoon Beerutitti mormitoonni haleellaa hospitaalicha mormuun imbaasii US duratti walitti qabamuun ibidda guddaa qabsiisaniiru. Mormitoonni kaan ammoo imbaasii Faransaay fulduratti walitti qabamuun kanneen dhagaa itti darbachaa turan jiraachuu himameera. Gartuun hidhatootaa Hizbollaah “aarii isaanii guddaa ibsachuus Musliimonni fi Araboonni hunda akka hiriira ba’aniif” waamicha dhiyeesseera.
    • Tirippoolii fi magaalota Libiyaa hedduu keessattis namoonni dhibbaan lakkaa’aman alabaa Filisxeem qabatanii hiriira ba’uun deeggarsa isaanii Gaazaaf ibsaniiru.
    • Magaalaa gudditti Iraan, Tehraan keessatti mormitoonni imbaasii Biriteen fi Fransaay duratti yoo walitti qabaman, Tarkii fi Jordaan keessatti ammoo mormitoonni imbaasii Israa’eel duratti walitti qabamaniiru.
    West Baank

    Madda suuraa, Getty Images

    Ibsa waa'ee suuraa, Ramallaa, Weest Baank
    Libya, hiriira mormii

    Madda suuraa, Getty Images

    Ibsa waa'ee suuraa, Tirippooli, Libya

  3. 'Gargaarsa namoomaa dhiyeessuuf dhukaasni saffisaan dhaabbachuu qaba- Guutereez

    Antooniyoo Gutereez

    Madda suuraa, Getty Images

    Ibsa waa'ee suuraa, Antooniyoo Gutereez

    Barreessaan Olaanaa Dhaabbata Biyyoota Gamtoomanii (UN) Antooniyoo Gutereez waraana Israa'eel fi Gaazaa giddutti hammaate ''gargaarsa namoomaa dhiyeessuuf atattamaan dhukaasni akka dhaabbatu'' gaafatan.

    Waltajjii prezidaantiin Chaayinaa Shii fi Pirezidaantiin Raashiyaa Putiin irratti argamanirratti Beejiingitti haasaa kan taasisan yoo ta’u, gara xumura haasaa isaaniitti waan Baha Giddugaleessaa keessatti ta’aa jiru kaasuu akkan qabutu natti dhaga’ama jedhan.

    "Dhukaasa namoomaaf atattamaan akka dhaabbatu nan gaafadha... gidiraa dhala namaarra gahu argaa jirru salphisuuf," jedhan.

    "Lubbuun namoota baay'ee, hireen naannichaa guutuun yaaddoo keessa jira," jedhan.

  4. Akkam jirtu?

    Tamsaasa kallattii dhimma waraana Israa'el-Filisxeem jalqabneerra.

    Odeeffannoo akkuma raawwatameen ammaafi ammatti argachuudhaaf toora kanaan nu hordofaa.

    Dhohinsa guddaa hospitaala magalaa Gaazaa keessatti argamu mudateen Filisxeemonni dhibbaan lakkaa'aman du'uu hin oolle. Gareen Hamaas dhohinsa mudate kana haleellaa qilleensaa Israa'el gaggeesistedha jedhe. Israa'el ammoo dhohinsichi kan mudate rookkewettii gareen biraa Islaamiik Jihaad Filisxeem kallattii dogoggoraan dhukaasanidha jetti.