اقوامِ متحدہ کی شام کی خاطر ’سیاست ایک طرف رکھنے‘ کی اپیل، ہلاکتیں 28 ہزار سے زیادہ

ترکی اور شام میں پیر کو آنے والے زلزلے میں اب تک 28 ہزار سے زائد افراد ہلاک ہو چکے ہیں۔ اقوامِ متحدہ نے کہا ہے کہ اب تک شام میں صرف دو امدادی قافلے پہنچ پائے ہیں اور اس نے کہا ہے کہ شام کی مدد کرنے کے لیے سب فریقوں کو ’سیاست ایک طرف رکھنی‘ ہو گی۔

لائیو کوریج

بلال کریم مغل

6 فروری 2023یورپی رہنماؤں کا ترکی اور شام کو امداد پہنچانے کا وعدہ
X پوسٹ نظرانداز کریں
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام
نیدر لینڈز کے وزیر اعظم مارک روتہ نے اعلان کیا ہے کہ ڈچ امدادی ٹیمیں ترکی اور شام میں متاثرین کی مدد کے لیے جلد پہنچ جائیں گی۔
انھوں نے ٹوئٹر پر پیغام میں ترک صدر سے ہمدردی ظاہر کی اور کہا کہ ’ہم اس سنگین قدرتی آفت کے تمام متاثرین کے ساتھ کھڑے ہیں۔‘
ادھر یونان کے وزیر اعظم نے کہا ہے کہ وہ بھی متاثرین کے لیے فوراً وسائل روانہ کر رہے ہیں۔
سربیا اور سویڈن کے رہنماؤں نے بھی زلزلے سے تباہ ہونے والے علاقوں تک مدد اور امدادی سامان بھیجنے کا وعدہ کیا ہے۔
برطانوی وزیر اعظم رشی سونک کہتے ہیں کہ ’برطانیہ ہر طرح سے مدد فراہم کرنے کو تیار ہے۔‘
فرانسیسی صدر ایمانویل میکخواں نے کہا کہ ان کا ملک ’ہنگامی بنیادوں پر متاثرہ علاقوں تک امداد پہنچائے گا۔‘
6 فروری 2023زلزلے کے بعد ملبے تلے دبے افراد کو نکالنے کی کوشش
،ویڈیو کیپشندیار بکر میں زلزلے کے بعد ایک تباہ شدہ رہائشی عمارت سے متاثرین کو نکالنے کی کوشش کی جا رہی ہے
ترکی میں صبح کے اندھیرے میں زلزلہ اس وقت آیا جب اکثریت اپنے گھروں میں سو رہی تھی۔ مختلف شہروں میں کئی رہائشی عمارتیں تباہ ہوئی ہیں اور امدادی کارکنان ملبے تلے دبے لوگوں کو نکالنے کی کوشش کر رہے ہیں۔
دیار بکر میں بھی ایسے ہی مناظر دیکھنے میں آئے۔۔۔
6 فروری 2023ترکی اور شام میں زلزلہ: ہمیں اب تک کیا معلوم ہے؟
،تصویر کا ذریعہReuters
- دونوں ملکوں میں مجموعی طور پر 500 سے زیادہ ہلاکتیں ہوئی ہیں
- یہ ممکنہ طور پر ترکی کا سب سے بڑا زلزلہ ہے جس کے بعد 40 سے زیادہ جھٹکے بھی محسوس کیے گئے ہیں
- زلزلے کے مقام کے قریب شامی پناہ گزین کی بڑی تعداد مقیم ہے۔ ترکی نے عالمی سطح پر سب سے زیادہ شامی پناہ گزین کو اپنے ملک میں پناہ دی۔ ایک اندازے کے مطابق یہ تعداد 37 لاکھ ہے
- کئی لوگ ملبے تلے دبے ہوئے ہیں جبکہ خراب موسم کی وجہ سے بھی امدادی سرگرمیاں متاثر ہوئی ہیں
6 فروری 2023ترک علاقے ملاطیہ میں زلزلے سے تباہی
،ویڈیو کیپشنترک علاقے ملاطیہ میں زلزلے سے تباہی
6 فروری 2023’مجھے ایسا لگا جیسے میں بچے کے جھولے میں ہوں‘
،تصویر کا ذریعہGetty Images
ترکی اور شام میں آنے والے تباہ کن زلزلے کے بعد جہاں امدادی کارروائیاں جاری ہیں وہیں اب اس کی شدت کے بارے میں عینی شاہدین کے بیانات بھی سامنے آ رہے ہیں۔
زلزلے کے وقت کیا ماحول تھا جاننے کے لیے کلک کریں
6 فروری 2023زلزلے کی شدت سی سی ٹی وی فوٹیج میں ریکارڈ
ترکی میں ایک سی سی ٹی وی کیمرے کی فوٹیج سے پیر کی صبح آنے والے زلزلے کی شدت کو محسوس کیا جا سکتا ہے۔
،ویڈیو کیپشنترکی میں زلزلے کے وقت سی سی ٹی وی کیمرے کی فوٹیج
6 فروری 2023بریکنگ, ترکی میں زلزلے سے 284 ہلاکتوں کی تصدیق
ترک نائب صدر نے کہا ہے کہ ملک میں زلزلے کی تباہی سے اب تک 284 ہلاکتوں کی تصدیق ہوئی ہے جبکہ 2323 افراد زخمی ہوئے ہیں۔
یوں جنوبی ترکی اور شمالی شام میں اموات کی مجموعی تعداد 500 سے بڑھ گئی ہے۔
6 فروری 2023جنوبی اٹلی میں سونامی کی وارننگ ختم
اٹلی کے حکام کا کہنا ہے کہ خطے میں زلزلے کے بعد ملک کے جنوبی علاقوں میں سونامی کی تنبیہ جاری کی گئی تھی جسے اب واپس لے لیا گیا ہے۔
گذشتہ رات لوگوں سے مطالبہ کیا گیا تھا کہ ساحلی علاقوں سے دور رہیں اور انھیں متنبہ کیا گیا تھا کہ سونامی کی لہروں کا خطرہ موجود ہے۔
پیر کی صبح اٹلی کے جنوبی و ساحلی علاقوں میں ٹرینوں کی سروس ایک گھنٹے کے لیے معطل کی گئی تھی جو اب بحال ہوچکی ہے۔
6 فروری 2023ترکی میں ایمرجنسی نافذ، شہریوں سے موبائل فونز استعمال نہ کرنے کا مطالبہ
،تصویر کا ذریعہGetty Images
ترکی نے زلزلے کی تباہی کے پیش نظر ریاستی سطح پر ایمرجنسی (یعنی ہنگامی صورتحال) نافذ کر دی ہے۔
شہریوں سے مطالبہ کیا گیا ہے کہ وہ اپنے موبائل فونز استعمال نہ کریں تاکہ امدادی رضاکار آپس میں رابطہ قائم کر سکیں۔
6 فروری 2023ترکی میں گذشتہ 80 سال کا سب سے بڑا زلزلہ
بعض ماہرین کا کہنا ہے کہ یہ ترکی اور شام میں حالیہ تاریخ کا سب سے بڑا زلزلہ ہے۔
امپیریکل کالج لندن کے ماہر سٹیفن ہِکس نے بتایا کہ اس سے قبل ترکی میں دسمبر 1939 کے دوران 7.8 شدت کا زلزلہ آیا تھا جس میں 30 ہزار سے زیادہ لوگ ہلاک ہوئے تھے۔
حال ہی میں جنوری 2020 کے دوران مشرقی شہر العزیز میں 6.7 کی شدت کے زلزلے میں 41 افراد ہلاک اور 1600 سے زیادہ زخمی ہوئے تھے۔
شام میں زلزلوں پر نظر رکھنے والے قومی مرکز کے سربراہ رئیس احمد نے سرکاری ریڈیو کو بتایا کہ ’یہ ہمارے مرکز کی تاریخ میں ریکارڈ کیا گیا سب سے بڑا زلزلہ ہے۔‘
یہ مرکز 1995 میں قائم کیا گیا تھا۔
X پوسٹ نظرانداز کریں
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام
6 فروری 2023ترکی اور شام میں آنے والے تباہ کن زلزلے کے بارے میں تازہ ترین صورتحال
- شام اور ترکی میں پیر کی صبح آنے والے زلزلے سے ہلاکتوں کی تعداد اب تک 500 سے بڑھ چکی ہے
- ترکی میں 284 جبکہ شام میں 237 سے زیادہ لوگ مارے گئے ہیں
- یہ ممکنہ طور پر ترکی کی تاریخ کا شدید ترین زلزلہ تھا
- حکام کے مطابق اب بھی بڑی تعداد میں لوگ ملبے تلے دبے ہوئے ہیں اور خراب موسم کی وجہ سے امدادی سرگرمیوں میں مشکلات درپیش ہیں
- ترکی میں آفات سے نمٹنے کے قومی ادارے کا کہنا ہے کہ زلزلے کے مرکزی جھٹکے کے بعد اب تک کم اور زیادہ شدت کے 40 جھٹکے ریکارڈ کیے جا چکے ہیں
- ترکی میں جس مقام پر زلزلہ آیا اس کے گردونواح میں لاکھوں شامی پناہ گزین مقیم ہیں
6 فروری 2023اسرائیل کی ترکی کو امدادی سرگرمیوں میں مدد کی پیشکش
،تصویر کا ذریعہGetty Images
خبر رساں ادارے روئٹرز کے مطابق اسرائیل نے پیر کو ترکی میں زلزلہ متاثرین کی مدد کی پیشکش کی ہے۔
اسرائیلی وزیر دفاع نے کہا ہے کہ ملک کی سکیورٹی فورسز ہر قسم کی مدد فراہم کرنے کو تیار ہے جبکہ وزیر خارجہ کا کہنا ہے کہ ایک مؤثر امدادی منصوبہ تیار کیا جا رہا ہے۔
6 فروری 2023بریکنگ, شام میں زلزلے سے 200 سے زیادہ ہلاکتیں: وزارت صحت
،تصویر کا ذریعہGetty Images
شام کی وزارت صحت نے زلزلے سے ہونے والی ہلاکتوں پر ایک اپ ڈیٹ دی ہے۔
اس کے مطابق ملک بھر میں 237 افراد ہلاک ہوئے ہیں۔ شام کے متاثرہ علاقوں میں حلب، لاذقیہ، حماہ اور طرطوس شامل ہیں۔
شام کی وزارت صحت کے مطابق 600 سے زیادہ لوگ زخمی بھی ہوئے ہیں۔
6 فروری 2023شام اور ترکی میں زلزلے سے کم از کم 195 افراد ہلاک
،تصویر کا ذریعہGetty Images
شام اور ترکی میں زلزلے کے بعد امدادی کارکنان ملبے تلے دبے لوگوں کو بچانے کی کوشش کر رہے ہیں۔ خبر رساں ادارے اے ایف پی کے مطابق ترکی اور شام میں زلزلے سے کم از کم 195 افراد ہلاک ہوئے ہیں۔
ہلاک ہونے والوں میں نصف کی تعداد شام سے ہے جو کہ پہلے ہی جنگ سے متاثرہ ملک ہے۔ ادھر ترکی نے متاثرین کی مدد کرنے کے لیے عالمی مدد کی اپیل کی ہے۔
وزارت صحت اور ایک مقامی ہسپتال نے بتایا ہے کہ شام میں حکومت کے زیر انتظام خطے اور ترک حمایتی گروہوں کے زیر کنٹرول علاقوں میں مجموعی طور پر کم از کم 119 افراد کی ہلاکت ہوئی ہے۔
ادھر ترکی میں قدرتی آفات سے نمٹنے والے ادارے نے ابتدائی طور پر 76 ہلاکتوں کے اعداد و شمار دیے مگر ساتھ یہ خدشہ بھی ظاہر کیا کہ تعداد بڑھ سکتی ہے۔
ترکی میں اموات کی تعداد اس لیے بھی بڑھ سکتی ہے کیونکہ وہاں موسم سرد ہے اور کئی رہائشی عمارتوں میں لوگ پھنسے ہوئے ہیں۔
یہ زلزلہ پیر کی صبح اندھیرے میں آیا جس کے بعد امدادی کارکنان متاثرہ علاقوں میں پہنچنے لگے۔
6 فروری 2023شام میں ہلاکتوں کی تعداد 100 سے بڑھ گئی: سرکاری میڈیا
،تصویر کا ذریعہGetty Images
شام کے سرکاری میڈیا کا کہنا ہے کہ ملک میں زلزلے سے 100 سے زیادہ لوگوں کی ہلاکت ہوئی ہے جبکہ سینکڑوں افراد زخمی ہیں۔
شام کے مغربی ساحل سے لے کر دارالحکومت دمشق تک جھٹکے محسوس کیے گئے تھے۔
اس سے ترک-شام سرحد پر واقع علاقوں میں بھی نقصان ہوا ہے جو اپوزیشن کے زیر کنٹرول ہیں۔ یہاں صحت کی محدود سہولیات ہیں اور اکثر لوگ خراب حالات میں زندگی بسر کرنے پر مجبور ہیں۔
،تصویر کا ذریعہGetty Images
شام کے فلاحی ادارے وائٹ ہیلمٹس کی جانب سے شیئر کی گئی ایک ویڈیو میں امدادی کارروائیاں دیکھی جاسکتی ہیں جبکہ حلب میں صبح کے اندھیرے میں ہی ریسکیو اہلکار متاثرہ علاقوں میں پہنچنا شروع ہوگئے تھے۔
مقامی ذرائع ابلاغ نے بتایا ہے کہ کئی رہائشی ملبے تلے دبے ہوئے ہیں۔ شہریوں سے اپیل کی جا رہی ہے کہ لوگوں کو ہسپتال پہنچانے میں مدد کریں۔
6 فروری 2023ترکی میں 7.8 شدت کے زلزلے سے کئی شہروں میں تباہی
،ویڈیو کیپشنترکی میں 7.8 شدت کے زلزلے سے کئی شہروں میں تباہی
6 فروری 2023مشکل کی اس گھڑی میں برادر ترکیہ کی حکومت اور عوام کے ساتھ ہیں: وزیر اعظم پاکستان
X پوسٹ نظرانداز کریں
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام
وزیراعظم شہباز شریف نے کہا ہے کہ پاکستان مشکل کی اس گھڑی میں برادر ترکیہ کی حکومت اور عوام کے ساتھ ہے۔
’ترکیہ نے ہر مشکل میں ہمیشہ پاکستان کا ساتھ دیا ہے۔ قدرتی آفات اور موسمیاتی تبدیلیوں سے تباہی کے بڑھتے واقعات پوری دنیا کے لیے خطرے کی گھنٹی ہے۔ یہ انسانیت اور کرہ ارض کی بقا کا معاملہ ہے۔ قدرتی آفات اور موسمیاتی تبدیلیوں سے تباہی کسی ایک ملک یا خطے تک محدود نہیں رہی۔‘
6 فروری 2023’امریکہ امدادی سامان پہنچانے کے لیے تیار‘
امریکی قومی سلامتی کے مشیر جیک سلوون نے کہا ہے کہ امریکہ نے زلزلے سے ہونے والی تباہی پر ’گہری تشویش‘ ظاہر کی ہے۔ ’امریکہ ہر قسم کی مدد اور امدادی سامان پہنچانے کے لیے تیار ہے۔‘
امریکی صدر جو بائیڈن نے اپنے ملک کے بین الاقوامی ترقیاتی ادارے کو ہدایت دی ہے کہ اس بات کا تعین کیا جائے کہ کیسے متاثرین کی مدد کی جاسکتی ہے۔
X پوسٹ نظرانداز کریں
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام
6 فروری 2023قریبی ملکوں میں بھی زلزلے کے جھٹکے محسوس کیے گئے
،تصویر کا ذریعہGetty Images
،تصویر کا کیپشنشام میں زلزلے کے بعد امدادی کارروائیاں
شدید نوعیت کے اس زلزلے سے نہ صرف ترکی اور شام میں نقصان ہوا ہے بلکہ اس کے جھٹکے قریب ہی لبنان، غزہ اور قبرص میں بھی محسوس کیے گئے ہیں۔
زلزلے کے مقام سے قریب 450 کلو میٹر دور لبنان کے دارالحکومت بیروت کے ایک طالبعلم نے بتایا کہ ’میں کچھ لکھ جا رہا تھا کہ اچانک پوری عمارت کانپ اُٹھی۔
’مجھے لگا کہ پھر کوئی دھماکہ ہوا ہے۔ میں کھڑکی کے قریب کھڑا تھا اور مجھے ڈر تھا کہ یہ ٹوٹ جائے گی۔ زلزلے کے چھٹکے چار سے پانچ منٹ تک جاری رہے اور یہ خوفناک منظر تھا۔‘
غزہ کی پٹی میں بی بی سی کے پروڈیوسر رشدی ابو العوف کہتے ہیں کہ جس گھر میں وہ رہ رہے تھے وہ 45 سیکنڈز تک ہلتا رہا۔
6 فروری 2023بریکنگ, ’ترکی میں زلزلے سے 76 ہلاک، 440 زخمی‘
ترکی میں قدرتی آفات سے نمٹنے والے ادارے اے ایف اے ڈی کا کہنا ہے کہ زلزلے میں 76 افراد ہلاک جبکہ 440 زخمی ہوئے ہیں۔