ترکی اور شام میں پیر کو آنے والے زلزلے میں اب تک 28 ہزار سے زائد افراد ہلاک ہو چکے ہیں۔ اقوامِ متحدہ نے کہا ہے کہ اب تک شام میں صرف دو امدادی قافلے پہنچ پائے ہیں اور اس نے کہا ہے کہ شام کی مدد کرنے کے لیے سب فریقوں کو ’سیاست ایک طرف رکھنی‘ ہو گی۔
بلال کریم مغل
،تصویر کا ذریعہGetty Images
شام کی سرکاری خبر رساں ایجنسی کے مطابق ملک میں زلزلے سے 42 افراد ہلاک جبکہ 200 سے زیادہ زخمی ہوئے ہیں۔
اس نے بتایا ہے کہ شمال مغربی شہر حلب میں متعدد عمارتوں کے گِرنے کی اطلاعات موصول ہوئی ہیں۔
ترک وزیر داخلہ سليمان صويلو نے کہا ہے کہ زلزلے سے 10 شہروں میں تباہی ہوئی ہے جن میں غازی انتیپ، قہرمان مرعش، حطائے، عثمانیہ، آدیامان، مالاطیہ، شانلیعرفا، آدانا، دیار بکر اور کیلیس شامل ہیں۔
مالاطیہ کے گورنر کے مطابق وہاں 23 افراد ہلاک، 42 زخمی اور 140 عمارتیں زمین بوس ہوگئی ہیں۔
ترک صدر طیب اردوغان نے زلزلے کے متاثرین کے لیے ہمدردی ظاہر کی ہے۔
ان کا کہنا ہے کہ ’امید ہے ہم اس تباہی سے ایک ساتھ جلد از جلد اور کم نقصان کے ساتھ نکل سکیں گے۔‘
وہ کہتے ہیں کہ امدادی ٹیموں کو متاثرہ علاقوں میں بھیج دیا گیا ہے جبکہ دیگر یونٹ بھی الرٹ پر ہیں۔
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام
،تصویر کا ذریعہEPA
ترکی اور شام کے حکام کے ابتدائی بیانات کے مطابق اب تک 90 ہلاکتیں ہوچکی ہیں مگر مزید اموات کا خدشہ ظاہر کیا جا رہا ہے۔
ترکی کے شہر مالاطیہ میں 23، شانلیعرفا میں 17، دیار بکر میں چھ اور عثمانیہ میں پانچ ہلاکتوں کی تصدیق کی گئی ہے۔
سرحد پار شام میں سرکاری خبر رساں ادارے کے مطابق ملک میں تاحال 42 ہلاکتوں کی تصدیق ہوئی ہے۔
،تصویر کا ذریعہGetty Images
