کورونا وائرس: اتوار کو دنیا بھر میں متاثرین کی تعداد میں ریکارڈ اضافہ

لائیو کوریج

1. 9 جولائی 2020امریکہ ویزے کے حکم پہ نظر ثانی کرے، انڈیا کا مطالبہ

   

   ،تصویر کا ذریعہGetty Images

   انڈیا نے امریکہ سے کہا ہے کہ وہ ویزے کے اس حکم نامے پر دوبارہ غور کرے جس کے تحت انڈین طالب علموں کی ایک بڑی تعداد کو امریکہ چھوڑ کر انڈیا واپس آنا پڑے گا۔

   امریکی امیگریشن سروسز نے اس ہفتے کہا ہے کہ اگر یونیورسٹیاں اس موسمِ خزاں میں اپنی کلاسز آن لائن لیتی ہیں تو غیر ملکی طالب علموں کو ملک میں رہنے کی اجازت نہیں دی جائے گی۔ انھیں صرف رہنے کی اس وقت اجازت ہو گی کہ اگر وہ بذات خود ٹیوشن والا کوئی کورس لیں۔

   انڈیا کی وزارتِ خارجہ کے ایک ترجمان انوراگ سرواستوا نے جمعرات کو کہا کہ ٹرمپ انتظامیہ کو یہ ذہن میں رکھنے کی ضرورت ہے کہ تعلیمی تبادلے اور لوگوں کے لوگوں سے رشتوں نے ہمارے تعلقات کی ترقی میں اہم کردار ادا کیا ہے۔

   آن لائن کلاسیں لینے والے طلبہ امریکہ میں نہیں رہ سکیں گے

2. 9 جولائی 2020کورونا وائرس: بخار، کھانسی اور سانس میں دشواری، اس بیماری کی علامات کیا ہیں اور اس سے کیسے محفوظ رہا جائے؟

   

   دنیا بھر میں کورونا وائرس کا پھیلاؤ جاری ہے اور اب تک مصدقہ متاثرین کی تعداد ایک کروڑ اور ہلاکتوں کی تعداد پانچ لاکھ سے زیادہ ہے۔ پاکستان پر نظر ڈالیں تو وہاں کورونا سے متاثر ہونے والے افراد کی تعداد دو لاکھ سے زیادہ ہے جبکہ چار ہزار سے زیادہ افراد اس وبا کے نتیجے میں ہلاک ہوئے ہیں۔

   محققین کے مطابق دنیا میں کورونا سے متاثر ہونے والے 80 فیصد افراد میں اس کی معمولی علامات ہی دکھائی دی ہیں اور ایسے لوگ جن میں یہ علامات شدت سے پائی گئیں اقلیت میں ہیں۔

   سو سوال یہ ہے آپ اسے کیسے شناخت کر سکتے ہیں۔ مزید جانیے نامہ نگار برائے سائنس اور صحت جیمز گیلیگر کی اس تحریر میں۔

3. 9 جولائی 2020برطانیہ: کووڈ 19 کے ٹیسٹوں کے نمونے سڑک پر پڑے ملے

   

   ،تصویر کا ذریعہGOOGLE

   این ایچ ایس ہائی لینڈ نے ٹین شہر کے نزدیک ہائی وے اے 9 پر کووڈ۔19 کے ٹیسٹوں کے نمونوں کا ایک بیگ پڑا ملنے کے بعد تحقیقات شروع کر دی ہیں۔

   صحت کے حکام کے مطابق یہ نمونے وک شہر میں واقع کیتھنس جنرل ہسپتال سے انورنیس میں واقع ریئگمور ہسپتال میں ٹرانسپورٹ کیے جا رہے تھے۔

   ان نمونوں کو پولیس کے حوالے کر دیا گیا ہے جس کے بعد انھیں رائگمور کی لیبارٹری ٹیم کے حوالے کیا جائے گا۔

   ٹرسٹ کے ایک ترجمان نے کہا کہ یہ نمونے کسی وقت بھی پبلک کے لیے خطرہ نہیں بنے تھے۔

   انھوں نے کہا: ’وہ مناسب طریقے سے پیک تھے اور اسی طرح ہی رہے۔ ہم اس شخص کے بہت شکرگزار ہیں جس نے پولیس کو یہ باکس لا کے دیا۔‘

4. 9 جولائی 2020کورونا وائرس سے متعلق اپنے سوالات کے جوابات جانیے ڈاکٹر فہیم یونس سے

   YouTube پوسٹ نظرانداز کریں

   Google YouTube کا مواد دکھانے کی اجازت دی جائے؟?

   اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

   Accept and continue

   تنبیہ: بی بی سی دیگر ویب سائٹس کے مواد کی ذمہ دار نہیں ہے۔ YouTube کے مواد میں اشتہارات ہو سکتے ہیں۔

   YouTube پوسٹ کا اختتام

   کورونا کو لے کر ہم سب کے ذہن میں بہت سے سوالات ہیں۔ خاص طور پر پاکستان میں ٹائیفائیڈ اور کورونا کے بیچ تشخیص کرنے کے حولے سے کیا اقدام لیے جانے چاہئے؟

   ایسے ہی کئی سوال ہم نے وبائی امراض کے ماہر ڈاکٹر فہیم یونس سے پوچھے۔

   ان کے جواب جاننے کے لیے محمد ابراہیم کی یہ ویڈیو ملاحظہ کریں۔۔۔

5. 9 جولائی 2020وبا سے نمٹنے میں ’عالمی ادارہ صحت سمیت دیگر ممالک کے ردِ عمل‘ کا جائزہ لینے کے لیے پینل تشکیل

   

   ،تصویر کا ذریعہGetty Images

   عالمی ادرارہ صحت نے جمعرات کے روز ایک پینل تشکیل دینے کا اعلان کیا ہے جو کورونا وائرس کے خلاف اس کے عالمی ردِ عمل کا جائزہ لے گا۔

   جینیوا میں عالمی ادارہ صحت کے رکن ممالک سے خطاب کرتے ہوئے عالمی ادارہ صحت کے سربراہ ڈاکٹر ٹیڈراس ادھانوم غیبریسس کا کہنا تھا کہ نیوزی لینڈ کی سابق وزیرِ اعظم ہیلن کلارک اور لائبیریا کے سابق صدر ایلن جانسن سرلیف اس پینل کے مشترکہ سربراہ ہوں گے۔

   ڈاکٹر ٹیڈراس کا کہنا تھا کہ یہ ’خود احتسابی‘ کا وقت ہے تاکہ اس حوالے سے دنیا بھر میں رابطے مضبوط کیے جا سکیں اور عالمی وبا پر قابو پایا جا سکے۔

   عالمی ادارہ صحت پر اس سے قبل بھی عالمی وبا سے نمٹنے کے لیے اپنی کارکردگی کا جائزہ لینے کے حوالے سے زور ڈالا جاتا رہا ہے، خاص طور پر امریکہ کی جانب سے۔

   امریکہ کا مؤقف یہ رہا ہے کہ عالمی ادارہ صحت چین میں وبا کے پھیلاؤ کو آغاز میں روکنے میں ناکام رہا اور یہ کہ ادارہ چین کے زیادہ قریب ہے۔

   یہ جائزہ پینل نہ صرف عالمی ادارہ صحت کے ردِ عمل کی جانچ کرے گا بلکہ تمام ممالک کی کارکردگی کی بھی۔

   رواں ہفتے امریکہ نے عالمی ادارہ صحت سے دستبردار ہونے کے فیصلے کے بارے میں اقوام متحدہ کو مطلع کر دیا تھا۔

6. 9 جولائی 2020جنوبی افریقہ کی ملکہ کی کووڈ۔19 سے موت

   جنوبی افریقہ کے ایک شاہی خاندان نے ملکہ نولوئیسیو سینڈیل کی کووڈ۔19 کو وجہ سے موت کی تصدیق کی ہے۔

   زولو بادشاہ گوڈول زویلیتھنی کی 56 سالہ بہن ملکہ نولوئیسیو امارارہابے شاہی خاندان کی نائب تھیں۔

   صدر سیرل راماپھوسا نے انھیں راویتی اقدار کا ایک قلع اور اپنے عوام کے لیے ایک متاثر کن اور اصول پرست رہنما کہا ہے۔ انھوں نے کہا کہ ملکہ نے اپنی مشرقی کیپ میں واقع سلطنت کی ترقی میں اہم کردار ادا کیا ہے۔

   جنوبی افریقہ میں سرکاری طور پر سات بادشاہ تسلیم کیے جاتے ہیں جو مختلف نسلی گروہ اور قبیلوں کی نمائندگی کرتے ہیں۔

   X پوسٹ نظرانداز کریں

   X کا مواد دکھانے کی اجازت دی جائے؟?

   اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

   Accept and continue

   تنبیہ: بی بی سی دیگر ویب سائٹس کے مواد کی ذمہ دار نہیں ہے۔

   X پوسٹ کا اختتام

7. 9 جولائی 2020’مریض کی جگہ آپ کے رشتہ دار بھی ہو سکتے ہیں‘

   YouTube پوسٹ نظرانداز کریں

   Google YouTube کا مواد دکھانے کی اجازت دی جائے؟?

   اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

   Accept and continue

   تنبیہ: بی بی سی دیگر ویب سائٹس کے مواد کی ذمہ دار نہیں ہے۔ YouTube کے مواد میں اشتہارات ہو سکتے ہیں۔

   YouTube پوسٹ کا اختتام

   کورونا وائرس کی وجہ سے تقریبا تمام ہسپتالوں پر بہت زیادہ بوجھ بڑھا گیا ہے ایسے میں ہسپتالوں میں موجود ڈاکٹرز اور نرسز کو مریضوں کا کس طرح خیال رکھنا چاہیے اور مریضوں کے لواحقین کو ڈاکٹرز اور نرسز کے ساتھ کس طرح کا رویہ رکھنا چاہیے۔

   بتا رہی ہیں ڈاکٹر تمکنت منصور اپنے اس وی لاگ میں۔

8. 9 جولائی 2020انگلینڈ: ٹیسٹ اینڈ ٹریس نے 1 لاکھ 40 ہزار افراد کو خود ساختہ تنہائی کے لیے کہا

   

   ،تصویر کا ذریعہGetty Images

   نئے اعداد و شمار کے مطابق انگلینڈ میں ٹیسٹ اینڈ ٹریس نظام کے آنے کے پہلے پانچ ہفتوں میں 1 لاکھ 44 ہزار 501 افراد کو خود ساختہ تنہائی اختیار کرنے کا کہا گیا ہے۔

   یہ کل 1 لاکھ 69 ہزار 863 شناخت ہونے والے قریبی رابطوں کا 85 فیصد بنتا ہے۔

   باقی 15 فیصد، 25 ہزار 362 افراد، کو قریبی کانٹیکٹس شناخت تو کیا گیا، لیکن روابط ٹریس کرنے والے ان تک نہیں پہنچ سکے۔

   ان میں سے کچھ لوگوں تک اس لیے بھی نہیں پہنچا جا سکا کیونکہ ان کے متعلق کوئی تفصیل نہیں دی گئی تھی۔

9. 9 جولائی 2020کورونا وائرس: کیا لاک ڈاؤن میں پھنسے سائنسدانوں کی جگہ ربورٹس لے لیں گے؟

   

   برطانیہ کی یونیورسٹی آف لیورپول کے سائنسدانوں نے اپنے ایک روبوٹ ساتھی کی رونمائی کی ہے جو لاک ڈاؤن کے دوران اُن کی لیبارٹری میں کوئی وقفہ لیے بغیر تحقیق کرنے کے کام میں مصروف ہے۔

   اس محقق روبوٹ کی مالیت ایک لاکھ پاؤنڈ ہے اور یہ بذاتِ خود حاصل کردہ نتائج سے سیکھتا ہے تاکہ آئندہ تجربوں کو مزید بہتر بنا سکے۔

   اس روبوٹ کو بنانے والوں میں سے ایک بینجامن برگر نے اس حوالے سے تفصیلات بتاتے ہوئے کہا کہ ’اس روبوٹ میں آزادی کے ساتھ کام کرنے کی صلاحیت ہے جس کے باعث میں گھر سے کام کرنے کے قابل ہو جاتا ہوں۔‘

   سائنسدانوں کا کہنا ہے کہ اس طرح کی ٹیکنالوجی کے ذریعے سائنسی دریافتیں ’ہزار گنا تیز‘ ہو سکتی ہیں۔

   مزید جانیے بی بی سی نیوز کی سائنس نامہ نگار وکٹوریہ گِل کی اس تحریر میں

10. 9 جولائی 2020بلوچستان میں کورونا وائرس کیسز کی تعداد میں کمی ہو رہی ہے: لیاقت شاہوانی

    

    بلوچستان حکومت کے ترجمان لیاقت شاہوانی نے کہا ہے کہ بلوچستان میں کورونا کے کیسز میں مسلسل کمی آ رہی ہے۔

    کوئٹہ میں کورونا کے حوالے سے میڈیا کو بریفنگ کے دوران انہوں نے بتایا کہ بلوچستان میں کورونا کو چار مہینے ہو گئے۔

    جولائی کے مہینے کے آٹھ دنوں کے دوران ٹیسٹ کی مجموعی تعداد کے بارے میں بتاتے ہوئے انھوں نے کہا کہ یکم سے 8 جولائی تک 3331 ٹیسٹ کیے گئے جن میں سے 576 مثبت کیس رپورٹ ہوئے۔

    حکومت کے ترجمان نے بتایا کہ اس ہفتے میں مجموعی 33 اضلاع میں سے 16 میں سے کوئی مثبت کیس رپورٹ نہیں ہوا جبکہ پہلے کے مقابلے میں کورونا کے کیسز کی تعداد میں مسلسل کمی آ رہی ہے۔

    انھوں نے کہا کہ اس کا کریڈٹ بلوچستان باالخصوص کوئٹہ کے عوام کو جاتا ہے کیونکہ انھوں نے احتیاطی تدابیر کا خیال رکھا اور یہ عوام کے تعاون کے بغیر ممکن نہیں تھا۔ انھوں نے لوگوں پر زور دیا کہ عید کے دنوں میں ایس اوپیز پر مکمل عمل درآمد کریں تاکہ کیسز کی تعداد میں اضافہ نہ ہو۔

    اگرچہ بلوچستان سے کورونا کے کم کیس رپورٹ ہو رہے ہیں لیکن اس کے ساتھ ساتھ ٹیسٹ کی تعداد میں بھی کمی آئی ہے۔

    لیاقت شاہوانی نے کہا کہ پہلے کے مقابلے میں کورونا وائرس میں مبتلا مریضوں کی صحت یابی کی شرح میں 20 فیصد اضافے کے بعد صحتیابی کی شرح 60 فیصد ہو گئی ہے۔

    ان کا کہنا تھا کہ بلوچستان میں کورونا سے مصدقہ تعداد 124 ہے جن میں سے 80 کا تعلق کوئٹہ سے ہے۔

11. 9 جولائی 2020ایران میں ایک دن میں سب سے زیادہ اموات، نو صوبے ریڈ زون قرار

    

    ،تصویر کا ذریعہWANNA VIA REUTERS

    ایران کے وزیرِ صحت نے کہا ہے کہ کووڈ۔19 کی انفیکشن میں مبتلا مزید 221 افراد ہلاک ہو گئے ہیں۔ یہ فروری میں وبا پھیلنے کے بعد سے اب تک ایک دن میں سب سے زیادہ ہلاکتیں ہیں۔

    سرکاری طور پر اموات کی تعداد اب 12 ہزار 305 ہو چکی ہے جبکہ جمعرات کو تصدیق شدہ متاثرین میں 2 ہزار 79 کا اضافہ اور اب ان کی کل تعداد 2 لاکھ 50 ہزار 458 تک پہنچ گئی ہے۔

    ایران کے 31 میں سے نو صوبوں کو وہاں ہونے والی اموات اورانفیکشنز کی تعداد کی وجہ سے حکومت نے ’ریڈ‘ زونز قرار دیا ہوا ہے۔ تہران سمیت 10 دوسرے ’پیلے‘ زونز میں ہیں۔

    تہران کے وائرس ٹاسک فورس کے سربراہ علی رضا ذالی نے بدھ کو بتایا کہ ’تہران کو بہت نازک صورتِ حال کا سامنا ہے۔ گذشتہ دس روز سے انفیکشنز، اموات اور لوگوں کے ہسپتالوں میں داخل ہونے کی تعداد میں بہت تیزی سے اضافہ دیکھنے میں آیا ہے۔‘

    اپریل سے حکومت پوری کوشش کر رہی ہے کہ کاروبار کھولے جائیں اور معیشت کو بحال کیا جائے جو کہ پہلے ہی امریکی اقتصادی پابندیوں کی وجہ سے بہت بری حالت میں ہے۔

12. 9 جولائی 2020پاکستان کی کورونا وائرس کے خلاف جنگ میں صفِ اول پر چار اہم خواتین

    YouTube پوسٹ نظرانداز کریں

    Google YouTube کا مواد دکھانے کی اجازت دی جائے؟?

    اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

    Accept and continue

    تنبیہ: بی بی سی دیگر ویب سائٹس کے مواد کی ذمہ دار نہیں ہے۔ YouTube کے مواد میں اشتہارات ہو سکتے ہیں۔

    YouTube پوسٹ کا اختتام

    پاکستان میں حالات چاہے جیسے بھی ہو خواتین ہمیشہ سے اپنا کردار ادا کرنے میں پیش پیش رہیں ہے۔ کورونا وائرس پھیلنے کے بعد بھی حکومتی اداروں میں کام کرنے والی خواتین صفِ اول میں اپنا کردار ادا کر رہی ہے۔

    مگر یہ خواتین صرف آج سے ہی نہیں بلکہ بہت عرصے سے مختلف شعبہ جات زندگی میں اپنا لوہا منوا چکی ہے۔ ان کی زندگی کے اتار چڑھاو کے بارے میں مزید دیکھیے ہمارے نمائندے موسیٰ یاوری کی اس ویڈیو میں۔

13. 9 جولائی 2020انڈین وزارت صحت: کورونا ویکسینز کے جانوروں پر کیے جانے والے تجربے مکمل

    

    ،تصویر کا ذریعہGetty Images

    انڈیا میں وزارتِ صحت کی جانب سے سے جمعرات کے روز میڈیا بریفنگ میں بتایا گیا کہ انڈیا میں کورونا ویکسینز کے جانوروں پر کیے جانے والے تجربے مکمل ہو چکے ہیں۔

    وزارت صحت کے اہلکار راجیش بھوشان کے مطابق انڈیا میں اس وقت دو کورونا ویکسینز پر کام جاری ہے۔

    انھوں نے بتایا کہ انڈین کونسل آف میڈیکل ریسرچ، بھارت بائیو ٹیک انٹرنیشنل لمیٹڈ اور کڈیلا ہیلتھ کیئر دو دیسی ساختہ ویکسینز بنا رہے ہیں جن کے جانوروں پر کیے جانے والے تجربے مکمل ہو چکے ہیں جبکہ انسانوں پر کیے جانے والے تجربوں کی تیاریاں جاری ہیں۔

    حال ہی میں اس بات کا بھی امکان ظاہر کیا جا رہا تھا کہ انڈیا اگست 15 تک ویکسین تیار کر لے گا لیکن ماہرین نے اس دعوے پر شکوک کا اظہار کیا تھا۔

14. 9 جولائی 2020’دنیا کے پانچ سب سے زیادہ متاثرہ ممالک میں انڈیا میں فی دس لاکھ اموات سب سے کم‘

    

    ،تصویر کا ذریعہSanjay Das

    انڈیا میں وزارتِ صحت و خاندانی بہبود کے مطبق دنیا میں پانچ سب سے زیادہ متاثرہ ممالک میں سے انڈیا میں فی 10 لاکھ اموات سب سے کم ہیں۔

    وزارت کی جانب سے جاری کردہ اعداد و شمار کے مطابق فی 10 لاکھ متاثرین 538 ہیں جبکہ اموات صرف 15۔

    دنیا بھر میں متاثرین کی اوسط 1453 ہے جبکہ اموات 68 اعشاریہ سات۔

    اس کے علاوہ انڈیا میں کورونا وائرس ٹیسٹ کی تعداد میں بھی کمی ہوئی ہے۔ گذشتہ ہفتے انڈیا ٹیسٹوں کی تعداد ایک کروڑ سے بڑھ گئی۔

    اس کے علاوہ انڈیا کی آبادی 130 کروڑ سے زیادہ ہے اور اب تک صرف 75 لاکھ افراد افراد اس وائرس سے متاثر ہوئے ہیں تاہم 21 ہزار سے زیادہ ہلاک بھی ہوئے ہیں۔

15. 9 جولائی 2020دنیا میں کہاں کووڈ 19 کا مرض پھیل رہا ہے اور کہاں کم ہو رہا ہے؟

    

    ،تصویر کا ذریعہGetty Images

    جون کی 28 تاریخ کو دنیا بھر میں کورونا وائرس سے متاثرہ افراد کی تعداد ایک کروڑ سے بڑھ گئی جس کے بعد عالمی ادارہ صحت کے سربراہ نے کہا ہے کہ وائرس سے مقابلے کا اب ایک نیا اور خطرناک مرحلہ شروع ہو گیا ہے۔

    مغربی یورپ اور ایشیا کے کئی ممالک میں وائرس کے پھیلاؤ پر بڑی حد تک قابو پا لیا گیا ہے لیکن دوسری جانب دنیا کے دیگر کئی علاقوں میں یہ وائرس بہت تیزی سے پھیل رہا ہے۔

    جب کورونا وائرس پھیلنا شروع ہوا تو دس لاکھ افراد کو متاثر ہوتے ہوتے نوے دن لگ گئے لیکن نوے لاکھ سے ایک کروڑ کی تعداد صرف آٹھ روز میں بڑھی گئی جس سے اس وائرس کے پھیلاؤ کی تیزی کا اندازہ ہو سکتا ہے۔

    مزید جانیے مدیر برائے سائنس ڈیوڈ شوکمین کی اس تحریر میں۔

16. 9 جولائی 2020عالمی ادارہ صحت: ایسا ممکن ہے کہ کورونا وائرس ہوا میں موجود چھوٹے چھوٹے زرات کے ذریعے پھیلے

    

    ،تصویر کا ذریعہReuters

    عالمی ادارہ صحت کا کہنا ہے کہ ایسا ممکن ہے کہ کورونا وائرس ہوا میں موجود چھوٹے چھوٹے زرات کے ذریعے بھی پھیل سکتا ہے۔

    عالمی ادارہ صحت کے ایک اہلکار کا کہنا ہے کہ تنگ اور رش والوں کی جہگوں پر ہوا سے اس وائرس کی منتقلی کو نظر انداز نہیں کیا جا سکتا ہے۔

    اگر اس کی تصدیق ہوجاتی ہے تو پھر ایسی صورت میں گھر، دفاتر اور ایسی دوسری اندرونی جگہوں سے متعلق بھی گائیڈ لائن متاثر ہو سکتی ہے۔

    خیال رہے کہ 200 سے زائد سائنسدانوں نے عالمی ادارہ صحت کے نام ایک کھلا خط لکھا تھا جس میں انھوں نے یہ الزام بھی عائد کیا کہ یہ ادارہ ہوا سے اس وائرس کے پھیلاؤ کے امکان کو رد کر رہا ہے۔

    ابھی تک عالمی ادارہ صحت کا کہنا تھا کہ یہ وائرس لوگوں کے کھانسنے اور چھینکنے سے پھیلتا ہے۔

17. 9 جولائی 2020انڈیا میں کورونا وائرس متاثرین کی تعداد ساڑھے سات لاکھ سے تجاوز کر گئی

    

    ،تصویر کا ذریعہGetty Images

    انڈیا میں ایک دن میں سب سے زیادہ متاثرین سامنے آنے کے بعد اس وائرس کے کل متاثرہ افراد کی تعداد 750،000 بنتی ہے۔

    خیال رہے کہ انڈیا میں گذشتہ 24 گھنٹوں میں 25 ہزار کے قریب متاثرین کی تشخیص ہوئی ہے۔ دلی کے علاوہ مہاراشٹر اور تامل ناڈو انڈیا کی سب سے متاثرہ ریاستیں ہیں۔

    اگرچہ انڈیا نے حالیہ چند ہفتوں میں اس وائرس کی تشخص کے لیے ٹیسٹنگ کی تعداد میں اضافہ کیا ہے مگر اس کے باوجود کئی ریاستوں سے یہ تعداد نسبتاً کم بنتی ہے جس کی وجہ سے یہ خدشہ ہے کہ اس وائرس کے متاثرین کی صیحح تعداد کہیں زیادہ ہو سکتی ہے۔

    انڈیا دنیا کا دوسرا بڑا گنجان آباد ملک ہے۔ حکومتی حکام کا کہنا ہے کہ آبادی کے تناسب سے اس وائرس کے متاثرین کی تعداد بہت کم بنتی ہے۔

18. 9 جولائی 2020’جاپان میں ایمرجنسی کی کوئی ضرورت نہیں ہے‘

    

    ،تصویر کا ذریعہGetty Images

    دارالحکومت ٹوکیو میں ایک دن میں ریکارڈ نئے متاثرین کے سامنے آنے کے باوجود جاپانی حکومت کے ترجمان کا کہنا ہے کہ ملک میں دوبارہ ایمرجنسی عائد کرنے کی کوئی ضرورت نہیں ہے۔

    مقامی اخبار جاپان فارورڈ کی ایک رپورٹ کے مطابق چیف کیبیٹ سکیریٹری یوشیہدی سوگا نے صحافیوں سے بات کرتے ہوئے کہا ہے کہ حکومت اس وائرس کے مقامی سطح پر پھیلاؤ کی کڑی نگرانی کر رہی ہے اور اس حوالے سے ماہرین سے بھی مشاورت کی جائے گی۔

    حکومتی ترجمان کے مطابق ٹوکیو میں منگل کو 224 افراد میں کورونا وائرس کی تشخیص ہوئی ہے۔ تقریباً 80 فیصد ایسے افراد متاثر ہوئے ہیں۔

    خیال رہے کہ جاپان نے اپریل میں اس وقت ایمرجنسی کا اعلان کیا تھا جب ٹوکیو اور اوساکا میں کورونا وائرس کے متاثرین کی تعداد میں اضافہ دیکھنے میں آیا تھا۔ تاہم یہ ایمرجنسی مئی میں ہٹا دی گئی تھی۔ اس کے بعد جاپان میں متاثرین کی تعداد میں مسلسل کمی دیکھنے میں آئی۔

    جاپان میں اس وائرس سے متاثر ہونے والوں کی تعداد 20،100 ہے جبکہ اس وبا سے کل 980 ہلاکتیں ہوئی ہیں۔

19. 9 جولائی 2020امریکہ میں غیر ملکی طلبہ کے لیے نئی ویزا پالیسی پر ہارورڈ یونیورسٹی اور ایم آئی ٹی کا محکمہِ امیگریشن کے خلاف مقدمہ

    

    ،تصویر کا ذریعہEPA

    امریکہ کی دو معروف یونیورسٹیوں نے غیر ملکی طلبا کے ویزے کی معیاد ختم کرنے پر امریکی امیگریشن سروسز کے خلاف مقدمہ دائر کر دیا ہے۔

    امریکی حکام نے ایسے غیر ملکی طلبا کے ویزے کی معیاد ختم کرنے کا فیصلہ کیا جو کورونا وائرس کی وبا کے دنوں میں صرف آن لائن کلاسز لے رہے ہیں۔

    نئی ویزا پالیسی کے اعلان کے بعد ہاروڈ اور میساچوسٹس انسٹیٹیوٹ آف ٹیکنالوجی نے ہوم لینڈ سکیورٹی، امیگریشن اور کسٹم انفورسمنٹ یعنی آئی سی ای کے خلاف مقدمہ دائر کیا ہے۔

    اس مقدمے کے مطابق آئی سی ای نے طلبا کی صحت، تعلیم اور یونیورسٹی عملے کو بغیر کسی خاطر میں لائے ہزاروں غیر ملکی طلبا کے لیے امریکہ کے اندر تعلیم کے امکانات مسدود کر دیے ہیں۔

    ہاروڈ کے صدر لارنس بیکو کا کہنا ہے کہ آئی سی ای کا نیا حکم نامہ بری پبلک پالیسی ہے اور ہمارے خیال میں یہ غیر قانونی بھی ہے۔

20. 9 جولائی 2020انڈیا کی مغربی بنگال ریاست نے لاک ڈاؤن میں مزید سختی کر دی

    

    ،تصویر کا ذریعہGetty Images

    کورونا وائرس کے متاثرین کی تعداد میں ایک مرتبہ پھر تیزی سے اضافے کے بعد انڈیا میں ریاست مغربی بنگال نے زیادہ متاثرہ علاقوں میں سخت لاک ڈاؤن نافذ کرنا شروع کر دیا ہے۔

    علاقے میں تمام دفاتر بند کر دیے گئے ہیں، ٹرانسپورٹ کا نظام عارضی طور پر معطل کر دیا گیا ہے اور کسی قسم کی کوئی کاروباری سرگرمی جاری رکھنے کی اجازت نہیں ہے۔

    بنگلہ دیش کی سرحد سے متصل اس ریاست کی کل آبادی 90 ملین ہے۔ آج سے لاگو ہونے والے نئی پابندیاں ایک ہفتے تک برقرار رکھی جائیں گی۔

    مغربی بنگال 24،823 متاثرین کے ساتھ انڈیا کی سب سے متاثرہ ریاست بن چکی ہے۔ صرف منگل کو ہی اس ریاست میں 800 سے زائد متاثرین کی تصدیق ہوئی ہے۔