کورونا وائرس: اتوار کو دنیا بھر میں متاثرین کی تعداد میں ریکارڈ اضافہ
دنیا میں کورونا کے مریضوں کی تعداد ایک کروڑ 26 لاکھ سے تجاوز کر چکی ہے۔ پاکستان میں اب تک دو لاکھ 51 ہزار سے زیادہ افراد میں اس مرض کی تصدیق جبکہ 5265 ہلاکتیں ہوئی ہیں۔ عالمی ادارہ صحت کے مطابق اتوار کو دنیا بھر میں کورونا کے ریکارڈ دو لاکھ 30 ہزار سے زائد نئے مریض سامنے آئے۔
لائیو کوریج
کیا پاکستان میں کورونا وائرس کے اعداد و شمار قابل بھروسہ ہیں؟
انڈیا: کورونا وائرس کے مریضوں کو زندہ رکھنے کی جدوجہد
بریکنگ, پاکستان: 74 اموات، کورونا کے 25,21 نئے مریض
پاکستان میں نیشنل کمانڈ اینڈ کنٹرول سینٹر جانب سے جاری تازہ ترین اعداد و شمار کے مطابق ملک میں کورونا وائرس کے مزید 74 مریض ہلاک ہو گئے ہیں اور 25,21 مریضوں میں اضافہ ہوا ہے۔
اس کے بعد ملک میں مجموعی ہلاکتوں کی تعداد 5,197 ہو گئی ہے۔
اتوار کی صبح جاری تحریری بیان میں ادارے کا کہنا ہے کہ ملک بھر میں کل 1820 وینٹیلیٹرز میں سے 393 پر کورونا کے مریض موجود ہیں۔
11 جولائی کو کورونا کی تشخیص کے لیے کل 24211 ٹیسٹ کیے گئے جبکہ اس وقت ملک بھر میں مصدقہ قعال مریضوں کی تعداد 86975 ہے۔
اب تک 156,700 مریض صحتیاب ہو چکے ہیں۔
حکام کا کہنا ہے کہ گذشتہ 24 گھنٹوں میں ہلاک ہونے والے 74 افراد میں سے 70 مختلف ہسپتالوں جبکہ چار کی ہلاکت گھر میں ہوئی۔
رپورٹ کے مطابق اب تک سامنے آنے والے کیسز کی تعداد 248,872 ہے۔
دارالحکومت اور صوبوں سمیت پاکستان بھر میں کورونا کی تشخیص کے لیے مجموعی طور پر 1,562,638 ٹیسٹ کیے جا چکے ہیں اور 733 ہسپتالوں میں 4,152 مریض موجود ہیں۔
کیا کورونا وائرس کی دوسرے لہر آنے کو ہے؟
YouTube پوسٹ نظرانداز کریںGoogle YouTube کا مواد دکھانے کی اجازت دی جائے؟?تنبیہ: بی بی سی دیگر ویب سائٹس کے مواد کی ذمہ دار نہیں ہے۔ YouTube کے مواد میں اشتہارات ہو سکتے ہیں۔اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
YouTube پوسٹ کا اختتام
جہاں دنیا کے متعدد ممالک میں کورونا وائرس کی روک تھام کے لیے عائد پابندیوں میں نرمی ہو رہی ہے وہیں اس امر پر بھی توجہ مرکوز ہے کہ اس وبا کی دوسری لہر سے کیسے بچا جا سکتا ہے۔
مزید جانیے اس ویڈیو میں۔
آپ کے سوالات اور ڈاکٹر فہیم یونس کے جوابات
YouTube پوسٹ نظرانداز کریںGoogle YouTube کا مواد دکھانے کی اجازت دی جائے؟?تنبیہ: بی بی سی دیگر ویب سائٹس کے مواد کی ذمہ دار نہیں ہے۔ YouTube کے مواد میں اشتہارات ہو سکتے ہیں۔اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
YouTube پوسٹ کا اختتام
کورونا کو لے کر ہم سب کے ذہن میں بہت سے سوالات ہیں۔ خاص طور پر پاکستان میں ٹائیفائیڈ اور کورونا کے بیچ تشخیص کرنے کے حولے سے کیا اقدام لیے جانے چاہئے؟
ایسے ہی کئی سوال ہم نے وبائی امراض کے ماہر ڈاکٹر فہیم یونس سے پوچھے۔ ان کے جواب جاننے کے لیے محمد ابراہیم کی یہ ویڈیو ملاحظہ کریں۔۔۔
امیتابھ میں کورونا کی تشخیص:’آپ جلدی ٹھیک ہو جائیں، مجھے آپ سے ملنا ہے‘
بریکنگ, پاکستان: پنجاب میں کورونا کے 565 نئے مریض، مزید 21 افراد دم توڑ گئے
پاکستان کے صوبہ پنجاب میں کورونا کے 565 نئے مریض سامنے آئے ہیں جس کے بعد صوبے میں متاثرین کی کل تعداد 86556 ہو گئی ہے۔
گذشتہ 24 گھنٹوں میں مزید 21 اموات کے ساتھ صوبے میں وائرس سے مرنے والوں کی تعداد 2006 ہو گئی ہے۔
پنجاب میں اب تک 55175 افراد کورونا وائرس سے صحت یاب بھی ہو چکے ہیں۔
X پوسٹ نظرانداز کریںX کا مواد دکھانے کی اجازت دی جائے؟?تنبیہ: بی بی سی دیگر ویب سائٹس کے مواد کی ذمہ دار نہیں ہے۔اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام
کیا لاک ڈاؤن میں پھنسے سائنسدانوں کی جگہ ربورٹس لے لیں گے؟
برطانیہ کی یونیورسٹی آف لیورپول کے سائنسدانوں نے اپنے ایک روبوٹ ساتھی کی رونمائی کی ہے جو لاک ڈاؤن کے دوران اُن کی لیبارٹری میں کوئی وقفہ لیے بغیر تحقیق کرنے کے کام میں مصروف ہے۔
اس محقق روبوٹ کی مالیت ایک لاکھ پاؤنڈ ہے اور یہ بذاتِ خود حاصل کردہ نتائج سے سیکھتا ہے تاکہ آئندہ تجربوں کو مزید بہتر بنا سکے۔
اس روبوٹ کو بنانے والوں میں سے ایک بینجامن برگر نے اس حوالے سے تفصیلات بتاتے ہوئے کہا کہ ’اس روبوٹ میں آزادی کے ساتھ کام کرنے کی صلاحیت ہے جس کے باعث میں گھر سے کام کرنے کے قابل ہو جاتا ہوں۔‘
سائنسدانوں کا کہنا ہے کہ اس طرح کی ٹیکنالوجی کے ذریعے سائنسی دریافتیں ’ہزار گنا تیز‘ ہو سکتی ہیں۔
بریکنگ, اداکار امیتابھ بچن کے بعد ان کے بیٹے ابھیشیک بچن بھی کورونا وائرس سے متاثر
،تصویر کا ذریعہInstagram/bachchan
اس سے قبل ہم یہ رپورٹ کر چکے ہیں کہ انڈیا کے معروف اداکار امیتابھ بچن کورونا وائرس سے متاثر ہوئے ہیں تاہم اب سے کچھ دیر قبل ان کے بیٹے ابھیشیک بچن نے بھی ایک ٹویٹ کے ذریعے بتایا ہے کہ ان کا بھی کورونا وائرس ٹیسٹ مثبت آیا ہے۔
X پوسٹ نظرانداز کریںX کا مواد دکھانے کی اجازت دی جائے؟?تنبیہ: بی بی سی دیگر ویب سائٹس کے مواد کی ذمہ دار نہیں ہے۔اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام
انھوں نے کہا کہ ان کے والد اور خود ان میں اس بیماری کی علامات کی شدت انتہائی کم ہے۔
انھوں نے تمام افراد سے گزارش کی کہ وہ گھبرائیں نہیں۔
بریکنگ, پاکستان کے زیر انتظام کشمیر میں 32 نئے مریض، ایک ہلاکت
،تصویر کا ذریعہM A Jarral
پاکستان کے زیر انتظام کشمیر کے وزیر صحت ڈاکٹر نجیب نقی کے مطابق گذشتہ 24 گھنٹوں کے دوران 29 خواتین سمیت 32 افراد میں کورونا وائرس کی تشخیص ہوئی ہے جس کے بعد اس خطے میں کورونا وائرس سے متاثر ہونے والے افراد کی تعداد 1564 ہو گئی ہے۔
ان کے مطابق کورونا وائرس کے باعث کوٹلی میں ایک شخص ہلاک ہوا ہے جس کے بعد کورونا وائرس سے ہلاک ہونے والے افراد کی تعداد 43 ہو گئی ہے۔
صحافی ایم اے جرال کے مطابق ڈاکٹر نجیب نقی نے بتایا کہ کورونا وائرس سے متاثر ہونے والے آٹھ افراد کا تعلق مظفرآباد، آٹھ افراد کا میرپور، 13 افراد کا بھمبر اور تین افراد کا تعلق کوٹلی سے ہے۔
ان کے مطابق گذشتہ 24 گھنٹوں کے دوران کورونا کے مزید 48 مریض صحتیاب ہوئے ہیں جس کے بعد اس خطے میں صحتیاب مریضوں کی تعداد 942 ہو گئی ہے۔
کیا کلورین کورونا وائرس کو مار سکتی ہے؟, جیمز گیلیگھر، بی بی سی نیوز
،تصویر کا ذریعہGetty Images
جی ہاں۔
کلورین کو سوئمنگ پولز کو ڈس انفیکٹ کرنے کے لیے استعمال کیا جاتا ہے اور آسانی سے وائرس، بشمول کورونا وائرس، اور دوسرے سخت جان کیڑوں کو مفلوج بنا سکتی ہے۔
کیمیکل کو درست مقدار میں استعمال کرنا چاہیئے اور یہ معیاری پریکٹس ہو گی۔
پول میں دو طرح کی انفیکشن کا رسک ہوتا ہے۔ دوسرے تیراکوں سے اور اس پانی سے جسے انھوں نے کونٹیمینیٹ کیا ہو سکتا ہے۔
حکومت کے سائنس کے مشیر ’سیج‘ کے مطابق پانی سے وائرس لگنے کے امکانات ’نا ہونے کے برابر‘ ہیں۔ لیکن سوئمر سے دو میٹر کی دوری پہ، جب شاید آپ کم گہرے پانی میں اپنا سانس درست کر رہے ہوں گے، موجود رہنا ایک بہت بڑا رسک ہے۔
یاد رکھیں کہ رسک صرف پول سے نہیں ہے۔ کورونا وائرس قریبی رابطوں سے پھیلتا ہے، سو کپڑے بدلنے کی تنگ جگہوں پہ بھی محتاط رہیں۔ اور یہ وائرس لاکروں، بینچوں، شاور کے بٹنوں اور نلکوں پر بھی ہو سکتا ہے۔
بریکنگ, کورونا وائرس: برطانیہ میں مزید 148 ہلاکتیں، 820 نئے مریض
گذشتہ 24 گھنٹوں کے دوران برطانیہ بھر میں 148 افراد کورونا وائرس کے باعث ہلاک ہو چکے ہیں۔
حکومت کی جانب سے جاری کردہ تازہ ترین اعداد شمار کے مطابق برطانیہ میں مزید 820 افراد میں کورونا وائرس کی تشخیص بھی ہوئی ہے۔
اس طرح برطانیہ بھر میں اب تک کل 288953 افراد کورونا وائرس سے متاثر ہو چکے ہیں جبکہ 44798 اس وائرس کے باعث ہلاک بھی ہوئے ہیں۔
پلازمہ عطیہ کرنے کا کیا فائدہ ہے؟
YouTube پوسٹ نظرانداز کریںGoogle YouTube کا مواد دکھانے کی اجازت دی جائے؟?تنبیہ: بی بی سی دیگر ویب سائٹس کے مواد کی ذمہ دار نہیں ہے۔ YouTube کے مواد میں اشتہارات ہو سکتے ہیں۔اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
YouTube پوسٹ کا اختتام
پاکستان میں پلازمہ کے عطیہ سے کورونا وائرس کے مریضوں کو خاصی مدد ملتی ہے۔
طبی ماہرین کے مطابق پلازمہ کا عطیہ دینا بے حد ضروری ہے لیکن لوگوں میں اس بارے میں اب بھی بہت سے خدشات پائے جاتے ہیں۔
پلازمہ کا عطیہ کیا ہے، یہ کیوں ضروری ہے اور یہ ہوتا کیسے ہے، ان تمام سوالات کے جواب دے رہے ہیں ڈاکٹر طاہر شمسی اس ویڈیو میں۔
بریکنگ, اداکار امیتابھ بچن میں کورونا وائرس کی تشخیص، ہسپتال منتقل
،تصویر کا ذریعہAFP
انڈیا کے معروف اداکار امیتابھ بچن میں بھی کورونا وائرس کی تشخیص ہو گئی ہے۔ انھوں نے اس بات کا اعلان اپنے ٹوئٹر اکاؤنٹ کے ذریعے کیا۔
X پوسٹ نظرانداز کریںX کا مواد دکھانے کی اجازت دی جائے؟?تنبیہ: بی بی سی دیگر ویب سائٹس کے مواد کی ذمہ دار نہیں ہے۔اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام
انھوں نے بتایا کہ انھیں ہسپتال منتقل کر دیا گیا ہے جبکہ ان کے گھر والوں اور سٹاف کے ٹیسٹ بھی کیے جا چکے ہیں جن کے نتائج ابھی آنے ہیں۔
ایکٹیمرا انجکشن سے سنا مکی تک: کوورنا کے علاج میں یہ سب کس حد تک مددگار؟
،تصویر کا ذریعہROCHE
دنیا بھر میں جہاں کورونا وائرس سے متاثرہ افراد کی تعداد دن بدن بڑھتی جا رہی ہے وہیں اس کی ویکسین کی تیاری کی کوششوں میں بھی تیزی آئی ہے۔
تاحال اس بیماری کا علاج دریافت نہیں کیا جا سکا ہے لیکن پاکستان میں اس وبا کے آغاز کے ساتھ ہی سوشل میڈیا پر ایسے پیغامات کی بھرمار دیکھی گئی جس میں مختلف ادویات، جڑی بوٹیوں یا پھر کھانے پینے میں روزمرہ استعمال ہونے والی اشیا کو اس بیماری سے صحت یابی میں مددگار یا پھر اس کا علاج ہی قرار دے دیا گیا۔
بریکنگ, صوبہ خیبرپختونخوا میں متاثرین کی کل تعداد 30 ہزار سے تجاوز کر گئی، مزید 13 ہلاکتیں
X پوسٹ نظرانداز کریںX کا مواد دکھانے کی اجازت دی جائے؟?تنبیہ: بی بی سی دیگر ویب سائٹس کے مواد کی ذمہ دار نہیں ہے۔اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام
پاکستان کے صوبہ خیبر پختونخوا میں میں 303 افراد میں کورونا وائرس کی تشخیص ہوئی ہے جبکہ 13 ہلاک بھی ہوئے ہیں۔
اب تک صوبے میں کل 30078 افراد اس وائرس سے متاثر ہو چکے ہیں جبکہ 1087 ہلاک بھی ہوئے ہیں۔
صوبے میں اب تک 20762 افراد صحتیاب بھی ہو چکے ہیں۔
بریکنگ, کورونا وائرس: بلوچستان میں لگاتار دوسرے روز 29 نئے مریض، صرف 323 ٹیسٹ
،تصویر کا ذریعہGovt. of Balochistan
بلوچستان میں کورونا کے29 نئے کیسز کے اضافے کے بعد مجموعی کیسز کی تعداد 11157 ہو گئی ہے۔
کورونا سے ہلاک ہونے والے افراد کی مصدقہ تعداد 126 ہے۔ محکمہ صحت حکومت بلوچستان ترجمان داکٹر وسیم بیگ کے مطابق 10جولائی 2020 کو کورونا کے 323 ٹیسٹ کیے گئے جن میں سے 29 مثبت آئے۔
بلوچستان میں اب تک کورونا کے مجموعی طور پر 53258 ٹیسٹ کیے گئے ہیں جن میں سے 42101 کے نتائج منفی آئے۔ صوبے میں کورونا وائرس سے اب تک 7421 افراد صحتیاب ہوئے ہیں۔
’مریض نمبر 91‘ بالآخر سکاٹ لینڈ روانہ
،تصویر کا ذریعہEPA
،تصویر کا کیپشنیہ تصویر ویتنام ایئر لائنز کے لیے کام کرنے والے پائلٹ کی ہے جنھیں ہسپتال سے لے جایا جا رہا ہے۔ 42 برس کے پائلٹ اور ’مریض نمبر 91‘ کے نام سے جانے جانے والے سٹیفن کیمرون بالآخر ویتنام سے سکاٹ لینڈ میں اپنے گھر کے لیے روانہ ہو گئے ہیں۔ وہ ویتنام میں کووڈ 19 میں مبتلا ہوئے تھے اور انھیں دو ماہ وینٹی لیٹر پر رکھا گیا تھا۔
ڈاکٹرز کے مطابق سٹیفن کیمرون نامی اس پائلٹ کے بچنے کا صرف 10 فیصد امکان تھا۔ ویتنام ایک ایسا ملک ہے جہاں سرکاری اعداد و شمار کے مطابق اب تک کورونا وائرس سے ایک بھی ہلاکت نہیں ہوئی۔
ہسپتال سے روانگی کے وقت انھوں نے کہا کہ وہ ویتنام کے لوگوں کی مہمان نوازی اور طبی عملے کی لگن سے بہت متاثر ہوئے ہیں
انھوں نے بی بی سی سے بات کرتے ہوئے کہا تھا کہ ’اگر میں دنیا کے کسی بھی اور حصے میں ہوتا تو میں مر چکا ہوتا۔‘
نئے حکومتی احکامات کے بعد بیلجیئم کے باسیوں نے ماسک پہن لیے, گیون لی، بی بی سی نامہ نگار برائے یورپ
بیلجیئم کی حکومت نے عوامی مقامات پر ماسک پہننا لازمی قرار دیا تھا۔
حکمنامے کے تحت دکانوں، کیفے، بارز، ریستورانوں، میوزیمز، لائبریریوں اور عبادت گاہوں میں ماسک پہننا لازمی قرار دیا گیا تھا۔
اس سے قبل صرف لوگوں کو ماسک پہننے کی ہدایت کی جا رہی تھی لیکن ماسک پہننا صرف ہسپتالوں، کلینکس، حجاموں اور پبلک ٹرانسپورٹ میں لازی قرار دیا گیا تھا۔
بیلجیئن وائرولوجسٹ اور حکومت مشیر مارک وین رینسٹ نے کہا ہے کہ یہ اقدام اس لیے اٹھانا پڑا کیونکہ یہ واضح ہو چکا تھا کہ صرف لوگوں کو ہدایت دینا کافی نہیں تھا۔
انھوں نے صحافیوں سے بات کرتے ہوئے کہا کہ ’ماسکس کے ذریعے قطروں کو باہر نکلنے سے روکا جا سکتا ہے اور اس طرح وائرس کا پھیلاؤ کم کیا جا سکتا ہے۔ لوگوں کو اس حوالے سے منانے کے لیے ایک عرصہ لگا لیکن اب وقت آ گیا ہے۔‘
ماسک نہ پہننے والوں کو سزائیں دی جائیں گی جبکہ ایسی دکانیں اور کاروبار جو اس پر عمل نہیں کرواتے انھیں بند بھی کیا جا سکتا ہے۔
اس بات پر مزدور انجمن کی جانب سے تنقید بھی کی گئی ہے، وہ کہتے ہیں کہ ذمہ داری گاہکوں پر عائد ہوتی ہے۔