قازقستان میں دوبارہ لاک ڈاؤن نافذ، پنجاب میں 646 نئے متاثرین، 13 ہلاکتیں

لائیو کوریج

1. 5 جولائی 2020بریکنگ, کورونا وائرس: خیبر پختوخوا میں 273 نئے متاثرین اور آٹھ مزید ہلاکتیں

   

   پاکستان کے صوبہ خیبر پختونخوا میں مزید 273 افراد میں کورونا وائرس کی تصدیق ہوئی ہے جس کے بعد صوبے میں متاثرین کی کل تعداد 28116 ہو گئی ہے۔

   گذشہ 24 گھنٹوں میں مزید 8 افراد ہلاک (5 پشاور ، 20 ایبٹ آباد، 01 کرک) ہوئے جس کے بعد مزید ہلاکتوں کی تعداد 1028 تک پہنچ گئی ہے۔

   اسی اثنا میں مزید 186 افراد صحت یاب ہوئے۔ صوبے میں وبا سے صحت یاب ہونے والوں کی تعداد 16428 ہے۔

   X پوسٹ نظرانداز کریں

   X کا مواد دکھانے کی اجازت دی جائے؟?

   اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

   Accept and continue

   تنبیہ: بی بی سی دیگر ویب سائٹس کے مواد کی ذمہ دار نہیں ہے۔

   X پوسٹ کا اختتام

2. 5 جولائی 2020سابق وفاقی وزیر مملکت اور پیپلز پارٹی رہنما آیت اللہ درانی کی کورونا کے باعث وفات

   

   ،تصویر کا ذریعہSOCIAL MEDIA

   بلوچستان میں سابق وفاقی وزیر مملکت اور پیپلز پارٹی رہنما آیت اللہ درانی کورونا کے باعث وفات پا گئے ہیں۔

   فاطمہ جناح چیسٹ اینڈ جنرل ہسپتال کوئٹہ کے ایم ایس ڈاکٹر نوراللہ موسیٰ خیل نے ان کی وفات کی تصدیق کرتے ہوئے بتایا کہ وہ ہسپتال میں زیر علاج تھے۔

   کورونا سے متاثر ہونے اور طبیعت زیادہ خراب ہونے کے باعث ان کو پانچ روز قبل فاطمہ جناح چیسٹ اینڈ جنرل ہسپتال منتقل کیا گیا تھا۔ وہ وینٹیلیٹر پر تھے۔

   آیت اللہ درانی کا تعلق کوئٹہ سے متصل ضلع مستونگ سے تھا اور وہ قیام پاکستان سے قبل سیاسی حوالے سے متحرک رہنما مولانا محمد عمر کے صاحبزادے تھے۔

   آیت اللہ درانی کا شمارپیپلزپارٹی کے جیالے رہنماﺅں اور کارکنوں میں ہوتا تھا۔ وہ پیپلزاسٹوڈنٹس فیڈریشن اور پیپلز پارٹی کے مختلف عہدوں پر فائز رہے۔ انھوں نے پی ایچ ڈی کی ڈگری حاصل کی تھی۔ رکن قومی اسمبلی متخب ہونے کے علاوہ آیت اللہ درانی وفاقی وزیر برائے مملکت کے عہدے پر بھی فائز رہے۔

3. 5 جولائی 2020امریکہ کی صورتحال

   

   ،تصویر کا ذریعہAFP

   بی بی سی کی لائیو کوریج پر ابھی آنے والوں کے لیے امریکہ کی تازہ صورتحال

   • امریکہ بھر میں کورونا وائرس کے بڑھتے ہوئے کیسز کے باوجود امریکی صدر نے یوم آزادی کے موقع پر تقریر میں کہا کہ امریکہ میں کووڈ 19 کی صورتحال کو بہتر ہو رہی ہے۔
   • امریکہ میں 28 لاکھ متاثرین یں جبکہ اب تک اس وبا کے باعث 129000 افراد ہلاک ہو چکے ہیں۔ صرف فلوریڈا میں ہی 24 گھنٹوں کے دوران 11000 نئے کیسز سامنے آئےہیں۔
   • نیوریاک سٹی تیسرے مرحلے میں کھولے جانے کی تیاری جاری ہے۔ منصوبے کے تحت نیل سلیون، ٹیٹو اور مساج پارلر کھلنے کی اجازت ہوگی تاہم ہوٹلوں میں اندر بیٹھ کر کھانے کی اجازت نہیں ہوگی۔
   • سرحد کی دوسری جانب میکسیکو میں کورونا وائرس کے سبب ہلاکتوں کی تعداد 30366 ہو چکی ہے جس کے بعد میکسیکو وبا کی وجہ سے ہونے والی ہلاکتوں کے حوالے سے پانچویں نمبر پر آ گیا ہے۔

4. 5 جولائی 2020کورونا وائرس: برطانیہ میں ہلاکتیں 44220 ہو گئیں

   

   برطانیہ میں محکمہ صحت کے مطابق مزید 22 افراد کی ہلاکت کے بعد کورونا وائرس کا شکار ہو کر لقمہ اجل بننے والے افراد کی تعداد 44220 ہو گئی ہے۔

   برطانیہ میں مزید 516 افراد میں کووڈ 19 کے ٹیسٹ مثبت آئے ہیں۔

   برطانیہ میں وائرس سے متاثر ہونے والے افراد کی کل تعداد 285416 ہو گئی ہے۔

5. 5 جولائی 2020جانیے کہ وینٹیلیٹر کیسے کام کرتا ہے؟

   

6. 5 جولائی 2020بریکنگ, پشاور کی یوسی تہکال بالا میں کل سے سمارٹ لاک ڈاؤن

   کورونا وائرس پھیلاؤ خدشات کے پیش نظر پشاور کی یوسی تہکال بالا میں سمارٹ لاک ڈاؤن لگانے کا نوٹیفیکیشن جاری کر دیا گیا۔

   صوبائی دارالحکومت میں یوسی تہکال بالا میں کل 6 جولائی چار بجے سے سمارٹ لاک ڈاؤن نافذ کیا جائے گا۔

   سمارٹ لاک ڈاؤن کے دوران ان علاقوں میں داخلے اور انخلا کی اجازت نہیں ہوگی۔

   پشاور کے ڈی سی کے مطابق ان علاقوں میں کورونا وائرس کے تیزی سے پھیلتے ہوئے کیسز کی وجہ سے سمارٹ لاک ڈاؤن لگایا گیا۔

   ان علاقوں میں صرف ضروری اشیا خوردنوش، میڈیسن، جنرل سٹور، تندور اور ایمرجنسی سروس کی دکانیں کھلی رہیں گی۔

   ان علاقوں کی مساجد میں صرف پانچ افراد کو باجماعت نماز پڑھنے کی اجازت ہو گی۔ علاقہ مجسٹریٹ اور پولیس کو سمارٹ لاک ڈاؤن پر عمل درآمد کے حوالے سے ہدایات جاری کر دی گی ہیںگ

   ڈی سی پشاور کے مطابق خلاف ورزی کر نے والوں کے خلاف قانونی کاروائی عمل میں لائی جائے گی۔

   

   ،تصویر کا ذریعہDC Peshawar

7. 5 جولائی 2020کورونا وائرس: بخار، کھانسی اور سانس میں دشواری، اس بیماری کی علامات کیا ہیں اور اس سے کیسے محفوظ رہا جائے؟

   

8. 5 جولائی 2020بریکنگ, کورونا وائرس: ویلز میں ایک اور انگلینڈ میں مزید 18 ہلاکتیں

   

   ،تصویر کا ذریعہGetty Images

   انگلینڈ کے ہسپتالوں میں کورونا وائرس کا شکار ہو کر مزید 18 افراد ہلاک ہو گئے ہیں۔

   این ایچ ایس کے مطابق تازہ ہلاکتوں کے بعد انگلینڈ میں مجموعی ہلاکتوں کی تعداد 28889 ہو گئی ہے۔

   ادھر ویلز میں عوامی صحت مرکز کے مطابق ایک اور شخص کی کورونا کے باعث ہلاک ہوئی ہے جس کے بعد ویلز مںی وبا سے ہلاک ہونے والوں کی تعداد 1531 ہو گئی ہے۔

9. 5 جولائی 2020کورونا سے ہلاک افراد کی آخری رسومات کے خلاف احتجاج ، جھارکھنڈ میں جھڑپیں

   انڈیا کی ریاست جھارکھنڈ کے علاقوں کھونٹی اور جمشید پور میں کورونا سے ہلاک ہونے والے افراد کی آخری رسومات پر جھڑپوں میں کچھ پولیس اہلکار زخمی ہوگئے ہیں۔

   جمشید پور میں پولیس نے 2 افراد کو بھی گرفتار کیا ہے۔

   جمشید پور میں بھونیڈیہ برننگ گھاٹ میں ایک شحص کی کورونا سے ہلاکت کے بعد ، لوگوں نے پولیس پر پتھراؤ کیا۔ اس میں دو خواتین پولیس اہلکاروں سمیت کچھ پولیس اہلکار زخمی ہوئے۔

   مذاکرات کے بعد وہاں آحری رسومات ہو سکیں۔

   اسی دوران ، قریبی علاقے کے لوگوں نے کھونٹی کے مہادیو مانڈہ کے قبرستان میں اسی طرح کی لاش کو دفنانے کے لیے احتجاج کیا۔ اس کے بعد انتظامی عہدیداروں کے اقدام پر نعش کو رانچی میں سپردخاک کردیا گیا۔

10. 5 جولائی 2020کورونا انفیکشن کے علاج کے لیے کولکتہ میں پلازما بینک کی تیاری

    

    ،تصویر کا ذریعہGetty Images

    انّیا کی ریاست مغربی بنگال میں، کورونا کے متاثرین کی تعداد 21 ہزار سے تجاوز کرگئی ہے۔اس وائرس کی وجہ سے وہاں اب تک 736 افراد ہلاک ہوچکے ہیں۔

    پلازما تھراپی کے ذریعے کورونا کے مریضوں کے علاج کے لیے کولکتہ کے ایک نجی اسپتال میں پلازما بینک بنایا جارہا ہے۔

    پلازما تھراپی حکومتی سطح پر شروع ہوچکی ہے لیکن یہ پہلا موقع ہے جب کسی ہسپتال میں پلازما بینک بنایا جائے۔

    ہسپتال کے چیئرمین آلوک رائے کہتے ہیں ،’ یہ کام اسی ہفتے مکمل ہوجائے گا۔ اس کے بعد اس تکنیک سے علاج شروع کیا جائے گا۔‘

    مایا پور انتظامی کونسل کے نائب صدر ، مادھو گورنگ داس کا کہنا ہے ، ’ریاستی حکومت نے یکم جون سے مذہبی مقامات کھولنے کی اجازت دی تھی، لیکن زائرین کی حفاظت کا خیال رکھتے ہوئے، ہم نے تمام احتیاطی تدابیر اختیار کرنے کے بعد انہیں کھولا ہے۔ یہاں آنے والوں کے لیے ماسک پہننا اور سماجی دوری رکھنا لازمی ہوگا۔

11. 5 جولائی 2020کورونا ریلیف آپریشن کے لیے قائم کردہ ٹائیگر فورس کتنی فعال ہے؟

12. 5 جولائی 2020صوبہ پنجاب میں ریسکیو 1122 کے اہلکاروں کے لیے خصوصی پیکج کا اعلان

    

    ،تصویر کا ذریعہGetty Images

    وزیر اعلی پنجاب عثمان بزدار نے ریسکیو1122 کے عملے کو کورونا الاؤنس دینے کی منظوری دے دی ہے۔

    حکومت پنجاب کے مطابق ڈیوٹی کےدوران کورونا کی وجہ سے ہلاک ہونے والے ریسکیو ملازمین کو ’شہید پیکیج‘ دینے کی منظوری دے دی گئی ہے۔

    اس کے تحت کورونا کے حوالےسے ڈیوٹی کرنے والے ریسکیو 1122کےعملےکو یکم اپریل سے خصوصی الاؤنس دیا جائےگا۔

    کورونا ڈیوٹی کرنے والے پنجاب ایمرجنسی سروس کے افسروں، اہلکاروں کو بنیادی تنخواہ کے برابر اعزازیہ دیا جائے گا۔ جبکہ کورونا کے حوالے سے ڈیوٹی پر مامور ریسکیو افسروں اور ملازمین کو وبا کے خاتمے تک خصوصی الاؤنس ملتا رہے گا۔

    کورونا کے حوالے سےڈیوٹی کے دوران جان گنوانے والے گریڈ 16 تک کے ملازمین کے لواحقین کو 40 لاکھ روپے مالی امداد دی جائے گی۔ جبکہ گریڈ 17 اور اس سے زیادہ گریڈ کے افسران کے لواحقین کو 80 لاکھ روپے ادا کیے جائے گے۔

    وزیر اعلی پنجاب کا کہنا ہے کہ کورونا ڈیوٹی پر تعینات ریسکیو اہلکاروں کی خدمات کو سراہتے ہیں اور ان کے لیے یہ الاؤنس حوصلہ افزائی کا سبب بنے گا۔

13. 5 جولائی 2020ایران میں پولیس چہرے ماسک کی پابندی پر عمل کروائے گی

    

    ،تصویر کا ذریعہEPA

    اتوار سے ایران میں عوام کے لیے تمام عوامی مقامات پر ماسک پہننا لازمی قرار دیا گیا ہے۔ صدر روحانی نے خبردار کیا ہے کہ اس اصول کو لاگو کروانے کے لیے پولیس اور پیراملٹری ملیشیا کو اختیارات دیے گئے ہیں۔

    جو لوگ اس کی خلاف ورزی کرتے پکڑے گئے ان کے خلاف پابندیاں عائد کی جائیں گی، جن میں بنیادی ریاستی سہولیات کی فراہمی پر پابندی شامل ہے۔ اس کے علاوہ کام کی جگہوں پر اگر اس کی خلاف ورزی ہوئی تو ان مقامات کو ایک ہفتے کے لیے بند کر دیا جائے گا۔

    ایران میں کورونا وائرس کی دوسری لہر آنے کے بعد اس کے پانچ صوبوں میں قصبوں اور شہروں میں دوبارہ لاک ڈاؤن نافذ کر دیا گیا ہے۔

    ایران میں اب تک 237000 مصدقہ کیسز ہیں جبکہ وبا کے باعث 11000 ہلاکتوں کی تصدیق کی گئی ہے۔

    ایران مشرق وسطی کا سب سے زیادہ متاثرہ ہونے والا ملک ہے۔ ملک میں اب بھی ایسی اطلاعات ہیں کے متاثرین کی صحیح تعداد اس سے کہیں زیادہ ہے۔

14. 5 جولائی 2020بریکنگ, سندھ میں مزید 2222 افراد کورونا سے متاثر، 25 ہلاکتیں

    

    وزیراعلیٰ سندھ مراد علی شاہ کے مطابق کورونا وائرس کے گذشتہ 24 گھنٹوں 10705 نمونے ٹیسٹ کیے گئےمیں سے 2222 نئے کیسز سامنے آئے۔

    اب تک سندھ بھر میں مجموعی طور پر 94528 کورونا کیسز رپورٹ ہوئے ہیں۔

    آج کورونا وائرس کے مزید 25 مریض جان کی بازی ہار گئے۔ وبا سے ہلاک ہونے والے مریضوں کی کل تعداد 1526 ہوگئی ہے۔

    وزیراعلیٰ سندھ کے مطابق اس وقت 39837 مریض زیرعلاج ہیںجن میں سے 37875 گھروں اور 340 آئسولیشن سینٹرز میں ہیں۔ اس وقت 1622 مریض مختلف اسپتالوں میں زیرعلاج ہیں۔ زیرعلاج مریضوں میں 623 مریضوں کی حالت تشویشناک ہےاور 74 مریض وینٹی لیٹرز پر ہیں۔

    وزیراعلیٰ سندھ کے مطابق آج مزید 777 مریض صحت یاب ہوکر گھروں کو چلے گئے،جس کے بعد صحتیاب ہونے والے مریضوں کی تعداد 53164 ہوگئی ہے۔

15. 5 جولائی 2020کراچی میں انفیکشن ڈزیز ہسپتال نیپا کا افتتاح

    

    ،تصویر کا ذریعہCM HOUSE SINDH

    وزیر اعلی سندھ مراد علی شاہ نے کراچی میں انفیکشن ڈزیز ہسپتال نیپا کا افتتاح کر دیا۔

    وزیر اعلی کے مطابق یہ ہسپتال 400 بستروں پر مشتمل ہے۔ سندھ حکومت نے پہلے مرحلے میں ہسپتال کا بلاک اے اور بی تیار کیا ہے یہ جلد 200 بستروں کے ہسپتال کے طور پر کام کرے گا۔

    نیپا ہسپتال کو ریسرچ سینٹر کا بھی درجہ دے دیا گیا ہے اور اس وقت ہسپتال کے گراؤنڈ اور فرسٹ فلور کا کام مکمل ہے۔

    وزیر اعلی سندھ کے مطابق ’آج 54 بستروں کا اسپتال فنکشنل ہوگیا ہے اور ہسپتال کے گراؤنڈ فلور پر 8 بستروں پر مشتمل ایمرجنسی کی سہولت موجود ہے۔

    ہسپتال میں 16 بستروں کا آئی سی یو بمہ وینٹی لیٹرز قائم کیا گیا ہےجبکہ اس میں 34 ڈی ایچ یو بستروں کا بھی انتظام کیا گیا ہے۔

    اگلے 6 ہفتوں میں 23 آئی سی یو بستروں اور 88 ڈی ایچ یو بیڈز شروع کیے جائیں گے۔ اس ہسپتال میں 500 ایم اے ایکسرے مشین، موبائل ایکسرے یونٹ اور الٹرا سائونڈ مشین لگائی گئیں ہیں۔

    وزیراعلیٰ سندھ سید مراد علی شاہ کے مطابق ’یہ ایک اسٹیٹ آف آرٹ کورونا وائرس کے مریضوں کا ہسپتال ہوگا‘۔

16. 5 جولائی 2020بریکنگ, روس میں ہلاکتیں 10000 سے تجاوز کر گئیں

    

    ،تصویر کا ذریعہEPA

    روس میں وزرات صحت کے حکام کے مطابق اتوار کو کورونا وائرس کے سبب ہونے والی ہلاکتوں کی تعداد 10161 تک پہنچ گئی ہے۔

    ان کے بقول گذشتہ 24 گھنٹوں میں مزید 6736 افراد میں انفیکشن کی تصدیق ہوئی جبکہ مزید 134 افراد ہلاک ہو گئے۔

    روس کے دار الحکومت ماسکو تاحال ملک کا سب سے زیادہ متاثرہ علاقہ ہے۔

17. 5 جولائی 2020اسرائیل میں وائرس کے پھیلاؤ کے باعث نئی پابندیاں

    اسرائیل حکام نے ہزاروں افراد کو قطرنطینہ کرنے کے احکامات جاری کیے ہیں۔

    اسرائیلی وزیردفاع بینی گینٹز کا کہنا تھا کہ ’ہم جتنا جلد ممکن ہو سکے معیشت کو بحال کرنا چاہتےہیں لیکن انفکیشنز کی تعداد بڑھ رہی ہے یہ کسی بلند چوٹی کی طرح لگ رہی ہے جس کے بعد ہم اس کے بارے میں زیادہ شدت سے اقدامات کرنے پر مجبور ہیں۔`

    اسرائیلی اخبار روز نامہ ہاریتز کے مطابق کم از کم 30000 افراد جمعرات سے قرنطینہ میں جائیں گے۔

18. 5 جولائی 2020خلیجی ریاستوں میں انفیکشن کی شرح میں اضافہ، سعودی عرب میں متاثرین کی تعداد دو لاکھ سے تجاوز کر گئی

    

    ،تصویر کا ذریعہReuters

    سعودی عرب میں کورونا وائرس متاثرین کی تعداد دو لاکھ سے تجاوز کر گئی ہے جبکہ پڑوسی متحدہ عرب امارات میں بھی 50 ہزار سے زیادہ متاثرین موجود ہیں۔

    پچھلے مہینے عرب کی دو بڑی معیشتوں میں مکمل طور پر کرفیو اٹھائے جانے کے بعد نئے متاثرین کی تعداد بڑھ رہی ہے۔ مارچ کے وسط سے ہی دونوں ممالک میں پابندیاں عائد تھیں اور پابندیاں اٹھائے جانے کے بعد تجارت، کاروبار اور عوامی مقامات کو دوبارہ کھولنے کا موقع ملا ہے۔

    سعودی عرب میں چھ خلیجی ریاستوں کے مقابلے میں سب سے زیادہ کورونا متاثرین موجود ہیں۔

    جمعے اور سنیچر کے روز بھی مملکت میں 4100 سے زیادہ مریض رپورٹ ہوئے جس کے بعد سعودی عرب میں متاثرین کی مجموعی تعداد 205،929 ہوگئی ہے۔

    مملکت میں اب تک کورونا وائرس سے 1858 اموات ہو چکی ہیں۔

    یومیہ متاثرین کی تعداد میں پہلی بار جون کے وسط میں 4000 سے زیادہ کا اضافہ ہوا لیکن اب اس تعداد میں کمی آ رہی ہے۔

    

    ،تصویر کا ذریعہReuters

    متحدہ عرب امارات، جہاں حال ہی میں مئی کے آخر میں یومیہ متاثرین کی شرح تقریباً 900 سے کم ہو کر 300 سے 400 کے درمیان رہ گئی تھی ، وہاں بھی جمعے کے روز 600 سے زیادہ اور سنیچر کو 700 سے زیادہ مریض رپورٹ ہوئے۔

    متحدہ عرب امارات میں کورونا متاثرین کی مجموعی تعداد 50،857 ہو گئی ہے اور اب تک اس وائرس سے 321 افراد ہلاک ہو چکے ہیں۔

    اس خطے میں کاروبار اور سیاحت کے مرکز دبئی کو بیرونی سیاحوں کے لیے 7 جولائی سے کھولا جا رہا ہے۔

    دوسرے خلیجی ممالک نے بھی پابندیوں میں نرمی کی ہے جبکہ کویت نے جزوی کرفیو برقرار رکھا ہے اور قطر، بحرین اور عمان نے کسی قسم کی کوئی پابندیاں عائد نہیں کیں۔

19. 5 جولائی 2020حکومت کی جانب سے طبی عملے کو سیلوٹ اور سرٹیفیکیٹس کی تقیسم ’ڈرامہ‘ قرار, محمد زبیر خان، صحافی

    

    ،تصویر کا ذریعہAFP

    خیبر پختون خوا میں صوبائی ڈاکٹرز ایسوسی ایشن کے مطابق صوبے میں 1850 کی تعداد میں طبی عملہ کورونا وائرس سے متاثر ہوچکا ہےجس میں 856 ڈاکٹرشامل ہیں جبکہ ابتک 16 ڈاکٹر ہلاک ہوچکے ہیں۔

    تنظیم کے ترجمان ڈاکٹر محمد سلیم کے مطابقخیبر پختن خوا میں نرسز، پیرامیڈیکس اور دیگر عملے کے تقریباً ایک ہزار ملازمین کرونا وائرس کے شکار ہوئے ہیں جبکہ اب تک چار پیرامیڈکس ہلاک ہوچکے ہیں۔

    ڈاکٹر سلیم کا کہنا تھا کہ مشکل ترین حالات میں قربانیاں پیش کررہے ہیں مگر حکومتی رویہ مناسب نہیں ہے۔

    انھوں نے حکومت کی جانب سے پہلے سیلوٹ اور سرٹیفیکیٹس تقیسم کرنے کو ’ڈرامہ‘ قرار دیتے ہوئے مسترد کیا اور مطالبہ کیا کہ حکومت ٹھوس اقدامات کرے اور تمام طبی عملے کوکو سندھ حکومت کی طرز پررسک الاونس دیا جائے۔

    ڈاکٹر محمد سلیم کے مطابق اس وقت حکومت کو چاہیے کہ وہ طبی عملے اور ڈاکٹروں کے مسائل کو حل کرے اور اس کے لیے ٹھوس اقدامات لے۔

20. 5 جولائی 2020انڈیا میں دس ہزار بستروں پر مشتمل کورونا وائرس کے علاج کے مرکز کا افتتاح

    

    ،تصویر کا ذریعہAFP

    انڈیا کے دارالحکومت نئی دہلی میں حکام نے دس ہزار بستروں پر مشتمل کورونا مریضوں کے لیے مرکز کا افتتاح کیا ہے۔

    تقریباً 20 فٹبال گراؤنڈ جتنے رقبے پر قائم اس مرکز کو مقامی میڈیا دنیا کا سب سے بڑا علاج کا مرکز قرار دے رہا ہے۔

    کورونا کے مریضوں کے لیے قائم اس مرکز میں ان افراد کا علاج کیا جائے گا جن کی علامتیں یا تو کم ہوں، یا مثبت ٹیسٹ آنے کے باوجود علامات ظاہر نہ ہوں۔

    نئی دہلی انڈیا میں کورونا سے متاثرہ افراد کا ایک بڑا علاقہ بن چکا ہے اور انڈیا میں صرف ہفتے کے روز وہاں تقریباً 25 ہزار نئے متاثرین کی تشخیص ہوئی تھی۔

    اب تک ملک میں کل 19 ہزار افراد کی کورونا وائرس سے موت ہو چکی ہے۔