کووڈ 19 کے بحران کے بعد یورپ سیاحوں کے لیے کھلنے کا امکان
،تصویر کا ذریعہAFP
اس بات کے قوی امکان ہیں کہ موسم گرما کے دوران یورپ اپنے دروازے سیاحوں کے لیے کھولے گا۔ تاہم کچھ ممالک اس بارے میں غور کر رہے ہیں کیونکہ یورپی یونین نے خطے میں اس سے متعلق اقدامات نہیں اٹھائے۔
یورپی یونین کی جانب سے جاری کردہ ایک بیان میں کہا گیا ہے کہ جون کے اواخر تک سرحدوں کو کھولا جاسکتا ہے۔
اٹلی نے بدھ سے اپنی سرحد کچھ ممالک کے لیے کھول دی ہے لیکن ابھی کوئی وہاں گیا نہیں ہے۔ آسٹریا نے بدھ کی شب سے اپنے ہمسایہ ممالک کے شہریوں کے داخلے پر پابندی ہٹا دی تھی۔
،تصویر کا ذریعہAFP
سپین 1 جولائی سے فرانس اور پرتگال کے شہریوں کے لیے سرحد کھولنے کا منصوبہ رکھتا ہے۔
اس نے تاحال دیگر ممالک کے لیے سرحد کھولنے کے بارے میں کوئی فیصلہ نہیں کیا۔
اس سلسلے میں یورپی یونین کی جانب سے کوئی بھی کوشش پیچیدہ ہوسکتی ہے۔
،تصویر کا ذریعہAFP
یورپی یونین کا رکن ملک بیلجیئم 15 جون سے اپنی سرحد کھول رہا ہے۔
فرانس کی یہ کوشش ہے کہ 1 جولائی سے شینگن ویزے والے تمام سیاحوں کو خوش آمدید کہا جاسکے۔
