یورپ میں اب تک کی صورتحال
،تصویر کا ذریعہGetty Images
سپین میں کورونا سے نمٹنے کے لیے لیے گئے اقدامات مزید سخت کیے جا رہے ہیں اور ہنگری میں ایک متنازعہ کورونا وائرس قانون پر ووٹنگ ہو رہی ہے۔
سپین میں نئے احکامات کا اعلان کیا گیا ہے جن کے تحت اگلے دو ہفتوں کے لیے وہ تمام لوگ بھی جو غیر ضروری شعبوں میں کام کرتے ہیں گھر سے نہیں نکل سکیں گے۔ سپین میں پیر کو مزید 812 افراد کی کورونا سے موت کا اعلان کیا گیا اور اب ملک میں اس وبا سے کل 7340 لوگ جان سے ہاتھ دھو چکے ہیں۔
ہنگری میں پارلیمان نئے قانون پر ووٹنگ کرے گی جس کے تحت وزیر اعظم وکٹر اوربن کے پاس بہت سے نئے اختیارات آ جائیں گے۔ حکومت کہتی ہے کہ کورونا وائرس کی وباہ سے نمٹنے کے لیے یہ اختیارات ضروری ہیں جبکہ اس پر تنقید کرنے والے کہتے ہیں کہ حکومت ان اختیارات کو اظہار رائے کی آزادی کو ختم کرنے کے لیے اور صحافیوں کو گرفتار کرنے کے لیے استعمال کرے گی۔
اس کے علاوہ جرمنی میں اقتصادی ماہرین کورونا وائرس کے معیشت پر اثرات کے بارے میں ایک رپورٹ شائع کرے گی۔ جرمنی میں اس بیماری کا شکار ہونے والوں کی تعداد 62000 ہے اور ہلاک ہونے والوں ی تعداد 541 ہے جو کہ دوسرے ممالک کے مقابلے میں بہت ہے اور یہ چیز ماہرین کو بھی کنفیوز کر رہی ہے۔
