کورونا وائرس: دنیا میں اب تک کیا ہوا؟

دنیا میں کورونا وائرس کے مریضوں کی تعداد 9 لاکھ سے اور ہلاکتیں 45 ہزار سے زیادہ ہو چکی ہیں۔ صرف امریکہ میں مریضوں کی تعداد 2 لاکھ سے زیادہ ہے۔ یورپ میں 30 ہزار سے زیادہ اموات ہو چکی ہیں۔ غیر یقینی صورتحال کے پیشِ نظر سعودی عرب نے مسلمانوں پر زور دیا ہے کہ وہ بکنگ کروانے سے پہلے مزید انتظار کریں۔ اس کے علاوہ برطانیہ میں ٹینس کا ٹورنامنٹ ومبلڈن بھی کینسل ہو گیا ہے۔

لائیو کوریج

31 مار چ 2020صحت کی دیگر اہم سہولیات ملتی رہنی چاہییں، عالمی ادارہ صحت
،تصویر کا ذریعہGetty Images
عالمی ادارہ صحت کے ڈائریکٹر جنرل نے کہا ہے کہ کورونا وائرس کی عالمی وبا کے باعث پیدا ہونے والے بحران کے باوجود دیگربیماریوں سے نمٹنے کے لیے صحت کی ضروری سہولیات ویسے ہی ملتی رہنی چاہییں۔
ڈاکٹر ٹیڈراس ادھانوم غیبریسس نے سوموار کے روز دی جانے والی بریفنگ میں کووڈ 19 کے باعث دنیا بھر کے ممالک کے صحت کے نظام پر پڑنے والے دباؤ کے بارے میں بات کی۔
انھوں نے کہا کہ دیگر صحت کی سہولیات جیسے معمول کی ویکیسینیشن، ذہنی صحت کے مسائل اور دیگر متعدی امراض کے علاج کے حوالے سے لاپرواہی نہیں برتی جا سکتی۔
ان کا مزید کہنا تھا کہ دنیا بھر میں حکومتوں کو کورونا وائرس کے مریضوں کا علاج کرنے اور صحت کی دیگر سہولیات دینے کے حوالے سے توازن برقرار رکھنا ہو گا۔
30 مار چ 2020بریکنگ, دنیا بھر میں ہلاکتیں 36 ہزار سے تجاوز کر گئیں, اموات: 36211 متاثرین: 766336
،تصویر کا ذریعہGetty Images
کورونا وائرس کی عالمی وبا کے باعث دنیا بھر میں اموات کی تعداد 36 ہزار سے تجاوز کر گئی ہے جبکہ کووڈ 19 سے متاثرہ افراد کی تعداد 766336 ہے۔
اب تک وبا سے سب سے زیادہ متاثر ہونے والا ملک اٹلی ہے جہاں کل اموات ساڑھے 11 ہزار سے زیادہ ہیں جبکہ امریکہ میں اس وائرس سے متاثر ہونے والے سب سے زیادہ 153246 کیس سامنے آئے ہیں۔
30 مار چ 2020کورونا: پولیس پر کھانسنے والے شخص کو ایک سال قید
،تصویر کا ذریعہGetty Images
برطانیہ میں ایک شخص کو دو پولیس اہلکاروں پر کھانسنے پر 12 ماہ قید کی سزا سنائی گئی ہے۔ اس شخص نے کھانستے وقت یہ دعویٰ کیا تھا کہ اسے کورونا وائرس ہے۔
پال لیورز نامی اس شخص کا تعلق مینفیلڈ ناٹنگھم شائر سے ہے اور انھوں نے خود پر لگے دونوں الزامات قبول کیے ہیں۔
پولیس کا کہنا ہے کہ اس شخص کو کورونا نہیں تھا اور ان کے تمام اہلکار محفوظ ہیں۔
پولیس نے اس شخص کے رویے کو ’گھٹیا اور قابل نفرت‘ قرار دیا ہے اور جج کا شکریہ ادا کیا ہے کہ انھوں نے یہ فیصلہ کر کے ایک ’واضح‘ پیغام دے دیا۔
30 مار چ 2020اسرائیلی وزیرِ اعظم کا کورونا وائرس ٹیسٹ منفی
اب سے کچھ دیر قبل ہم نے رپورٹ کیا تھا اسرائیلی وزیرِ اعظم بن یامن نتن یاہو کے ایک قریبی ساتھی کا کورونا وائرس ٹیسٹ مثبت آنے کے بعد وزیرِ اعظم اور ان کے مشیروں کو قرنطینہ میں رکھا جارہا ہے۔
تاہم اب سے کچھ دیر قبل اسرائیلی وزیرِ اعظ نے ایک ٹوئٹر پیغام میں بتایا ہے کہ ان کا کورونا وائرس ٹیسٹ منفی آیا ہے۔
30 مار چ 2020دنیا بھر میں حجاموں کی مانگ میں اضافہ
،تصویر کا ذریعہGetty Images
دنیا بھر میں جہاں مختلف ممالک کورونا وائرس کے خدشے کے باعث مکمل یا جزوی لاک ڈاؤن کا شکار ہیں وہیں غیرضروری کاروبار بند کرنے کا بھی ہدایت کی گئی ہے۔
ایسے میں حجاموں کی مانگ میں اضافہ دیکھنے میں آیا ہے۔ اکثر افراد نے تو آن لائن بال کاٹنے کے طریقے بھی بتانے شروع کر دیے ہیں۔
،تصویر کا ذریعہGetty Images
حال ہی میں چین کے صوبہ ہوبائی کے شہر ووہان میں جب دو ماہ کے بعد لاک ڈاؤن میں نرمی کی گئی تو لوگوں نے موٹرسائیکل بردار حجاموں کی خدمات حاصل کیں۔
،تصویر کا ذریعہGetty Images
دنیا بھر میں جہاں حجام یا بیوٹیشن دستیاب ہیں وہ بھی تمام احتیاطی تدابیر اختیار کر کے ہی کام کر رہے ہیں۔
،تصویر کا ذریعہGetty Images
30 مار چ 2020’مردوں کا گھریلو اشیا کی خریداری کرنا ایسا کہ جیسے خزانے کی تلاش‘
30 مار چ 2020برطانیہ میں ہلاکتوں کی تعداد 1408
برطانوی وزیر خارجہ ڈومینِک راب نے کہا ہے کہ ملک میں ہلاک ہونے والوں کی تعداد 1408 ہو گئی ہے۔
انہوں نے کہا کہ حکومت سائنسی مشوروں کے مطابق کام کر رہی ہے۔ انہوں نے کہا کہ حکومت قومی ہیلتھ سروس این ایچ ایس کے وسائل میں اضافہ کر رہی ہے جس کی مثال نہیں ملتی۔
انہوں نے کہا کہ ہسپتالوں میں بستروں اور سٹاف میں ڈرامائی اضافہ کیا جا رہا ہے۔
30 مار چ 2020بریکنگ, کورونا: اٹلی میں 812 اموات لیکن نئے کیسز میں کمی, اموات: 11591 متاثرین: 101739
،تصویر کا ذریعہGetty Images
یورپی ملک اٹلی میں گذشتہ 24 گھنٹوں میں کورونا وائرس سے مزید 812 اموات ہوئی ہیں جس سے اموات کی کل تعداد 11591 ہو گئی ہے۔
اٹلی میں مزید 4050 نئے کیسز رپورٹ ہوئے جس کے بعد ملک میں مجموعی طور پر اس وائرس سے متاثر ہونے افراد کی تعداد ایک لاکھ سے تجاوز کر گئی ہے۔
تاہم اٹلی میں نئے کیسز کی تعداد میں بتدریج کمی دیکھنے میں آئی ہے اور آج کی تعداد 17 مارچ کے بعد سے سب سے کم ہے۔
خیال رہے کہ ملک میں اتوار کے روز 5217 جبکہ سنیچر کے روز 5974 نئے کیسز سامنے آئے تھے۔
30 مار چ 2020پوتن: ٹھوس اقدامات کے ذریعے وائرس کا پھیلاؤ روک سکے
،تصویر کا ذریعہGetty Images
روس کے صدر ولادیمر پوتن کا کہنا ہے کہ ان کی حکومت کی جانب سے اس وائرس کے پھیلاؤ کے آغاز میں کیے جانے والے ٹھوس اقدامات کے باعث کورونا وائرس کے پھیلاؤ اور کیسز میں اضافے کو روکنے میں مدد ملی۔
خبر رساں ادارے رؤٹرز کے مطابق انھوں نے کہا کہ اب یہ حکام پر ہے کہ وہ اس موقع سے فائدہ اٹھائیں اور ملک میں صحت کی سہولیات کو آنے والے دنوں میں اس کے خلاف صلاحیت پیدا کریں۔
پوتن نے یہ بیان ایک ایسے وقت میں دیا ہے جب حکام کی جانب سے ماسکو میں لوگوں کے گھروں سے نکلنے پر پابندی لگائی جا چکی ہے جو اب تک ملک میں اس حوالے سے لگائی جانے والی پابندیوں میں سب سے سخت ہے۔
30 مار چ 2020کورونا ویکسین: جانسن اینڈ جانسن کا امریکہ سے ایک ارب ڈالر کا معاہدہ
،تصویر کا ذریعہGetty Images
طبی آلات اور ادویات بنانے والی بین الاقوامی کمپنی جانسن اینڈ جانسن نے سوموار کے روز اعلان کیا ہے کہ انھوں نے امریکی حکومت کے ساتھ کورونا وائرس ویکسین بنانے کے لیے ایک بلین ڈالر کا معاہدہ کر لیا ہے۔
اس معاہدے کے ذریعے کمپنی ایک ارب کے قریب ویکسین کی پیداواری صلاحیت پیدا کر سکے۔
خبر رساں ادارے روئٹرز کے مطابق کمپنی کا کہنا ہے کہ وہ ستمبر تک اس ویکسین کو انسانوں پر آزمانے کا سلسلہ شروع کریں گے اور انھیں یقین ہے کہ وہ اگلے برس کے اوائل میں اس ویکسین کو ایمرجنسی استعمال کے لیے صحت کے اداروں کو فراہم کر دیں گے۔
اس سے قبل، رواں ماہ ماڈرن انک نامی کمپنی نے اپنی ویکسین کی آزمائش کے لیے کچھ افراد کا انتخاب کیا تھا۔ یہ کمپنی ویکسین کی دوڑ میں اب تک سب سے آگے ہے۔
30 مار چ 2020کیا کورونا وائرس کی وبا کے دوران سیکس کرنا محفوظ ہے؟
30 مار چ 2020سعودی عرب میں مکہ کی ناکہ بندی، کورونا وائرس مریضوں کے مفت علاج کا اعلان
،تصویر کا ذریعہGetty Images
سعودی عرب میں وزارت صحت کے ترجمان نے بتایا کہ گزشتہ 24 گھنٹوں میں مزید 154 افراد میں کورونا وائرس کی تشخیص کے بعد مکہ کے کئی علاقوں کی ناکہ بندی کی جا رہی ہے۔ انہوں نے یہ بات کورونا وائرس کی صورتحال پر روزانہ کی بنیاد پر ہونے والی بریفنگ کے دوران بتائی۔
العربیہ ٹی وی پر برائے راست دکھائی جانے والی اس بریفنگ میں ترجمان نے بتایا کہ سعودی عرب میں اب کورونا وائرس کے مریضوں کی کل تعداد 1453 ہو گئی ہے۔
دریں اثنا وزارت داخلہ کے ترجمان نے بتایا کہ مکہ کے کچھ اضلاع کو مکمل طور ہر بند کر دیا جائے گا اور پیر کو مقامی وقت کے مطابق تین بجے کے بعد کسی کو بھی شہر کے اندر یا باہر جانے کی اجازت نہیں ہو گی۔
اس کے علاوہ ملک میں وزیر صحت نے بتایا کہ بادشاہ شاہ سلمان نے ملک میں کورونا وائرس کے تمام مریضوں کے مفت اعلان کا حکم دیا ہے۔
وزیر صحت نے بتایا کہ اس اعلان سے سعودی شہریوں کے علاوہ، ملک میں آباد غیر ملکی افراد اور غیر عانونی تارکین وطن بھی مستفید ہوں گے۔
انہوں نے کہا کہ سعودی عرب کورونا وائرس کے ٹیسٹ کرنے والے پہلے 10 ممالک میں شامل ہے۔
30 مار چ 2020بریکنگ, انگلینڈ میں مزید 159 اموات
،تصویر کا ذریعہGetty Images
انگلینڈ کے ادارہ صحت کے مطابق ملک میں سوموار کے روز کورونا وائرس کے باعث مزید 159 ہلاکتیں ہوئی ہیں جس سے ملک میں ہلاکتوں کی مجموعی تعداد 1284 ہو گئی ہے۔
ہلاک ہونے والے افراد کی عمریں 32 اور 98 برس کے درمیان تھیں۔ تقریباً تمام مریض پہلے سے کسی بیماری میں مبتلا تھے۔ جبکہ چار جو صحت مند تھے ان کی عمریں 56 سے 87 برس کے درمیان تھیں۔
30 مار چ 2020امریکہ میں موسیقار ’ہوا میں موجود کورونا وائرس سے متاثر‘
،تصویر کا ذریعہGetty Images
امریکی ریاست واشنگٹن میں گرجا گھروں میں گانے والے متعدد موسیقاروں میں کورونا وائرس کی تشخیص ہوئی اور یہ خدشہ ظاہر کیا گیا ہے کہ ان میں یہ وائرس ریہرسل کے دوران ہوا کے ذریعے منتقل ہوا۔
اب تک اس کے نتیجے میں ان میں سے دو افراد ہلاک ہو چکے ہیں۔
سکاگٹ ویلی کوریل نامی بینڈ ماؤنٹ ورنن پریسبیٹیریئن چرچ میں 10 مارچ کو ریہرسل میں شریک تھے اور اس وقت کورونا وائرس ریاست میں پھیل رہا تھا۔
ان موسیقاروں کو ہینڈ سینیٹائزرز دیے گئے تھے اور انھوں نے ایک دوسرے سے فاصلہ بھی رکھا تھا اور ہاتھ ملانے یا گلے ملنے سے گریز کیا تھا۔
امریکی اخبار لاس اینجیلس ٹائمز کے مطابق اس بینڈ کے 60 اراکین نے اس ریہرسل میں شرکت کی اور ان میں سے 45 میں کووڈ 19 کی تشخیص ہو چکی ہے۔
اخبار کے مطابق تین افراد کا علاج ہسپتال میں کیا جا رہا ہے جبکہ دو افراد ہلاک ہو چکے ہیں۔
ماہرین کا ماننا ہے کہ یہ وائرس بنیادی طور اس وقت منتقل ہوتا ہے جب کورونا وائرس سے متاثر شخص کھانسے یا چھینکے اور پھر جس سطح پر یہ قطرے گریں اسے کوئی اور چھوئے۔
تاہم اس حوالے سے بھی شواہد موجود ہیں کہ یہ وائرس ہوا کے ذریعے بھی ایک انسان سے دوسرے انسان میں منتقل ہو سکتا ہے تاہم ابھی اس حوالے سے تحقیق جاری ہے۔
30 مار چ 2020کورونا وائرس کے باعث بندشیں لیکن زندگی رواں دواں
،تصویر کا ذریعہGetty Images
کورونا وائرس کے پھیلاؤ کے خدشے کے باعث جہاں دنیا بھر کے متعدد ممالک میں بظاہر زندگی منجمد نظر آتی ہے وہیں گھروں میں بیٹھے افراد، ہسپتالوں میں موجود عملہ، سیکیورٹی پر معمور اہلکار سب نے اپنی مصروفیات ڈھونڈ لی ہیں۔
کہیں گھر بیٹھے دفتر کا کام کیا جا رہا ہے تو کہیں گھر بیٹھے سکول کا کام۔
،تصویر کا ذریعہGetty Images
اکثر فیکٹریاں ہتھیار بنانے کی بجائے صحت کے عملے کے لیے حفاظتی سامان بنا رہی ہیں اور کہیں فنکار اپنے فن سے لوگوں کو آگاہی فراہم کر رہے ہیں لیکن زندگی رکی نہیں ہے، چلتی جا رہی ہے۔
،تصویر کا ذریعہGetty Images
،تصویر کا ذریعہGetty Images
30 مار چ 2020انڈین شہر بریلی میں لوگوں کو بھی کیمیکل سے دھو دیا گیا
30 مار چ 2020دہلی کے علاقے نظام الدین میں متعدد افراد میں کورونا کی علامات
انڈیا میں دہلی کے علاقے نظام الدین میں ایک مذہبی تقریب کے انعقاد کے بعد متعدد افراد میں کورونا وائرس کی علامات دیکھی گئی ہیں۔
خبر رساں ادارے پریس ٹرسٹ آف انڈیا کے مطابق ، ایک سینیئر پولیس افسر کا کہنا ہے کہ دہلی پولیس نے علاقے کی ناکہ بندی کی ہے جہاں لگ بھگ 200 افراد بلااجازت جمع ہوگئے تھے۔
پولیس افسر نے کہا ، ’جب ہمیں معلوم ہوا کہ ایسا واقعہ ہوا ہے ، تب ہم نے اس معاملے میں لاک ڈاؤن کی خلاف ورزی کرنے پر نوٹس جاری کیا۔‘
انھوں نے بتایا کہ ’بہت سے لوگوں کو کورونا وائرس کی علامات ظاہر ہونے کے بعد ہسپتال لایا گیا اور ان کے ٹیسٹ کیے جا رہے ہیں‘۔
X پوسٹ نظرانداز کریں
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام
خیال رہے کہ رواں ماہ کے شروع میں ہی دہلی حکومت نے 31 مارچ تک کسی بھی طرح کی مذہبی، معاشرتی ، ثقافتی اور سیاسی تقریبات پر پابندی عائد کر دی تھی۔
اس کے علاوہ مظاہروں میں 50 سے زائد افراد کے جمع ہونے پر بھی پابندی عائد کر دی گئی تھی۔
وزیر اعظم نریندر مودی نے کورونا وائرس کے پھیلاؤ کے خطرے کے پیش نظر 25 مارچ سے 21 دن تک کے لیے لاک ڈاؤن کا اعلان کیا ہے اور پولیس ڈرون کے ذریعے لاک ڈاؤن کی خلاف ورزی کرنے والوں پر نظر رکھے ہوئے ہے۔
30 مار چ 2020دنیا بھر میں فیلڈ ہسپتالوں کا قیام
،تصویر کا ذریعہGetty Images
،تصویر کا کیپشنبرازیل کے شہر ساؤ پاؤلو میں 200 بستروں پر مشتمل ہسپتال بنایا جا رہا ہے
دنیا بھر میں کورونا وائرس کے مریضوں کی تعداد 7 لاکھ سے بڑھ چکی ہے اور ہلاکتیں 35 ہزار سے زیادہ ہو چکی ہیں۔ اس ماحول میں ہر ملک کا صحت کا شعبہ شدید دباؤ میں ہے اور اس صورتحال سے نمٹنے کے لیے تیزی سے فیلڈ ہسپتال قائم کیے جا رہے ہیں۔
،تصویر کا ذریعہAFP
،تصویر کا کیپشنغزہ کی پٹی میں اس ہسپتال پر مارچ کے وسط میں کام شروع ہوا تھا
،تصویر کا ذریعہPA Media
،تصویر کا کیپشنلندن کے ایکسیل سنٹنر کو ہسپتال میں تبدیل کیا جا رہا جس میں 4000 بستروں کی گنجائش ہو گی۔ اس ہسپتال کا نام نائٹنگیل ہسپتال رکھا گیا ہے۔
30 مار چ 2020بریکنگ, کورونا: دنیا میں اموات 35 ہزار سے زیادہ, متاثرین: 737929 اموات: 35019
،تصویر کا ذریعہGetty Images
کورونا وائرس کی عالمی وبا سے ہلاک ہونے والے افراد کی تعداد 35 ہزار سے تجاوز کر گئی ہے جبکہ اس سے اب تک سات لاکھ سے زائد افراد متاثر ہوئے ہیں۔
دوسری جانب کووڈ 19 سے صحت یاب ہونے والے افراد کی تعداد ایک لاکھ 56 ہزار سے زیادہ ہے۔
چین کے صوبہ ہوبائی کے شہر ووہان سے شروع ہونے والی اس وبا نے اب تک یورپی ملک اٹلی کو سب سے زیادہ متاثر کیا ہے جہاں کل اموات 10 ہزار سے تجاوز کر چکی ہیں۔
30 مار چ 2020زمین پر کھڑے طیارے اور ویران ہوائی اڈے
،تصویر کا ذریعہNPAS
’فضائی سفر پر پابندیوں کی وجہ سے‘ ایزی جیٹ جیسی کمپنیوں نے اپنے تمام طیارے کھڑے کرنے کا فیصلہ کیا ہے۔
دنیا بھر میں کورونا وائرس کی وبا کے بعد فضائی سفر کی مانگ میں بڑی کمی آئی ہے اور ہر جگہ ایئرپورٹ ویران پڑے ہیں۔
برطانیہ میں لاک ڈاؤن کے بعد ایئرپورٹ کے مناظر۔
،تصویر کا ذریعہAFP
،تصویر کا ذریعہPA Media