سیلاب زدگان کی امداد کے لیے فوج عطیہ مراکز قائم کرے گی
،تصویر کا ذریعہReuters
پاکستانی فوج نے کہا ہے کہ ہرچند کی اُن کی طرف سے سیلاب متاثرین کے لیے ریسکیو اور ریلیف کے اقدامات کیے جا رہے ہیں مگر پھر بھی سیلاب کی تباہ کاریوں کے ازالے کے لیے مخیّر افراد کو آگے آنا ہو گا۔
آئی ایس پی آر کے ایک اعلامیے میں بتایا گیا ہے کہ اس ضمن میں پاکستانی فوج وفاقی حکومت کی ہدایات کے تحت عطیہ مراکز قائم کرے گی جہاں عوام اپنے عطیات جمع کروا سکیں گے۔
جو ضروری اشیا فوری طور پر درکار ہیں ان میں خیمے، شیلٹر، شمسی لائٹیں، بستر و گدے، کمبل و چادریں، پانی صاف کرنے کٹس و ذخیرہ کرنے کے لیے برتن، ٹارچیں، بارشوں والے جوتے و ترپال اور راشن شامل ہیں۔
اس کے علاوہ ابتدائی طبی امداد کے سامان میں ڈائریا، آنکھ، کان اور جلد کی بیماریاں، ڈی ہائڈیریشن، ڈینگی اور ملیریا کی ادویات کی ضرورت بتائی جا رہی ہے۔
فوج نے عوام سے کہا ہے کہ غیر ضروری اشیاء جیسے کپڑے، برتن اور کھانے کی کھلی اور خراب ہونے والی اشیاء وغیرہ ان مراکز پر جمع نہ کروائیں۔
