سیلابی ریلوں سے متاثر ہونے والے سوات اور مینگورہ کی تازہ ترین صورتحال
،تصویر کا ذریعہRescue 1122
مینگورہ میں ریسکیو 1122 کے انچارج شیر دل خان نے بی بی سی سے بات کرتے ہوئے بتایا کہ گذشتہ روز مینگورہ شہر میں سیلابی ریلوں کی وجہ مرغزار، اسلام پور اور بحرین سے گزرنے والے نالوں میں طغیانی تھی جس سے ہونے والے مالی نقصان کا اندازہ لگانا فی الحال مشکل ہے۔
انھوں نے بتایا کہ اس وقت ہلکی بارش ہو رہی ہے اور بحرین میں نالوں میں طغیانی دیکھی جا رہی ہے لیکن فی الحال یہ خطرناک نہیں ہے۔
انھوں نے بتایا کہ گذشتہ روز ہونے والی شدید بارش اور سیلابی ریلوں کے باعث ایک بچی ہلاک ہوئی تھی، جسے ریسکیو کرنے کی بھرپور کوشش کی گئی لیکن اسے بچایا نہیں جا سکا۔
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام, 1
سوات میں بھی گذشتہ روز سے ایسی ویڈیوز سامنے آئی تھیں جن میں شہر کی مرکزی شاہراہوں پر سیلابی ریلے دیکھے جا سکتے تھے۔
سوات کے ڈپٹی کمشنر جنید خان نے بی بی سی سے بات کرتے ہوئے بتایا کہ یہ دراصل اربن فلیش فلڈنگ تھی تاہم شہر میں انفراسٹرکچر کا بڑا نقصان نہیں ہوا اور صرف گلیوں اور سڑکوں پر صفائی کا کام جاری ہے۔
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام, 2
انھوں نے بتایا کہ ’گذشتہ رات گرڈ سٹیشن کے کچھ فیڈر بند کیے گئے تھے جن کی بحالی واپڈا کے قواعد و ضوابط کے مطابق اس بات کو مدِ نظر رکھتے ہوئے کی جائے گی کہ کہیں کسی کو الیکٹروکیوشن سے نقصان نہ ہو۔‘
ان کا مزید کہنا تھا کہ ’جن علاقوں میں پانی آلودہ ہوا ہے وہاں پانی کی بوتلیں فراہم کی جا رہی ہے۔‘
انھوں نے بتایا کہ ’اس وقت کالام اور اپر سوات میں بارش تیز ہے لیکن سوات شہر میں ہلکی بارش ہو رہی ہے۔‘
