اسلام آباد میں اگلے 48 گھنٹوں کے لیے سکیورٹی ’ہائی الرٹ‘ پر
ترجمان اسلام آباد پولیس نے ایک بیان میں کہا ہے کہ وفاقی دارالحکومت میں اگلے 48 گھنٹوں کے لیے سکیورٹی ہائی الرٹ کر دی گئی ہے۔
اس بیان میں کہا گیا ہے کہ ’آئی جی اسلام آباد ڈاکٹر اکبر ناصر خان نے سکیورٹی ہائی الرٹ کے احکامات جاری کر دیے۔ تمام داخلی و خارجی راستوں پر چیکنگ بڑھا دی گئی۔
’تمام پولیس سٹیشنز، اہم عمارات اور سرکاری دفاتر اور اہم تنصیبات کی سکیورٹی سخت کردی گئی۔ ریڈ زون میں پولیس کی اضافی نفری تعینات کردی گئی۔ ریڈ زون کے داخلی و خارجی راستوں پر سخت چیکنگ جاری۔
اس میں یہ بھی کہا گیا ہے کہ ’کسی بھی غیر ضروری نقل و حرکت کی اجازت نہیں ہوگی۔ شہریوں سے گزارش ہے کہ وہ چیکنگ کے دوران پولیس سے تعاون کریں۔‘