Boqollaal qof oo ku dhintay duqeyn ka dhacday cusbitaal ku yaalla Qasa iyo xaaladihii ugu dambeyay

Tebin toos ah

1. 1 Oktoobar 2023Tijaabo sahlan oo aad ku ogaan karto in wadne xanuun kugu soo socdo

   Tijaabo dhiig oo aad u sahlan ayaa kuu sheegi karta inta ay la egtahay halista aad ugu jirto inuu kugu dhaco xanuun wandaha ah.

   Khubarada ayaa sheegtay in tijaabadaan ay ka wanaagsan tahay inaad iska cabrito cadaadiska dhiigga ama aad sameyso qiimeynta lagu ogaado xaddiga dufanka ee dhiigga.

   Ilaa iyo hadda waxaa la sheegay in ragga uuna oo kaliya lagu tijaabiyay, balse cilmibaarayaal ay dhaqaale ku bixisay Xaruunta Wadnaha ee Ingiriiska ayaa sheegay in sidoo kale haweenka ay ku shaqayn karto...sii akhri

2. 1 Oktoobar 2023Tirada dadka ku dhintay weerarkii lala beegsaday munaasabad lagu xusayey mowliidka oo sare u kacday

   

   Xigashada Sawirka, Getty Images

   Tirada dadka ku dhintay weerarkii ismiidaaminta ahaa ee Jimcihii ka dhacay degmada Mastung ee gobolka Balochistan ee dalka Pakistan ayaa gaartay 55 qof.

   Wasiirka arrimaha gudaha ee dowladda federaalka Mir Sarfraz Bugti ayaa arrintan xaqiijiyay mar uu shir jaraa’id ku qabtay magaalada Quetta.

   Qaraxa ayaa lala beegsaday goob ay dadku ugu dabaal dagayeen munaasabadda dhalashada Nebiga.

   Isbaheysiga ururka Ahlu-Sunna ee gobolka Balochistan ayaa ku baaqay shaqo joojin iyo mudaaharaadyo ka dhacaya guud ahaan Balochistan Axadda maanta.

   Shaqa joojinta iyo dibadbaxan oo loogu baaqay inay ka qayb qaataan ganacsatada iyo bulshada qaybaheeda kala duwan, ayaa lagu cambaareynayaa weerarka laguna dalbanayaa in sharciga la hor keeno kuwii ka dambeeyay.

3. 1 Oktoobar 2023Maraykanka oo lacag dul dhigay madaxa hogaamiyaha labaad ee Al-shabaab

   Wasaaradda Arrimaha Dibadda ee Dalka Mareykanka ayaa sheegtay in lacag gaaraysa 5 milyan oo dollar ay ku abaalmarineyso qof walba oo soo sheega xog ku saabsan halka uu ku sugan yahay Abuukar Cali Aadan oo la tilmaamay in uu yahay ku xigeenka horjoogayaasha kooxda Al-Shabaab.

   Qoraal ay soo saareen barnaamijka Abaalmarinta Caddaaladda ee dalka Maraykanka, ayaa lagu sheegay in lacagtaasi la siin doono qof kasta oo keena xog ku saabsan horjoogahaasi iyo sida loo heli karo.

   Abuukar “waa ku xigeenka hogaamiyaha al-Shabaab. Waxa uu dhowr sano soo noqday madaxa militariga ee al-Shabaab ka dib markii uu horay u madax u ahaa Jabhadda, garabka milatari ee al-Shabaab” ayaa lagu yiri qoraalka.

   Waxa kale oo uu ku jira liiska cunaqabataynta Qaramada Midoobay ee waafaqsan qaraarka Qaramada Midoobay ee tirsigiisu yahay 1844 (2008) ee ku lug lahaanshaha ama bixinta taageerada falalka khatarta ku ah nabadda, amniga ama xasilloonida Soomaaliya iyo nabad ilaalinta. “Intaa waxa dheer, Aadan waxa uu xidhiidh la leeyahay ururrada al-Qaacida, al-Qaacida ee Jasiiradda Carabta iyo al-Qaacida ee Maqribul Islaami.” Ayaa lagu yiri warbixinta.

4. 30 Sebtembar 2023

   Tebinteenii tooska ahayd ee caawa intaas ayey inoogu egtahay. Tan iyo berri subax oo aan mar kale dib idiinku bilaabi doonno wararka tooska ah, Waa Axmed Cadceed oo idin leh ,sidaas iyo nabad gelyo.

   Si aad uga bogato wararkeennii maanta hoos u deg.

5. 30 Sebtembar 2023Sawirro: Daawo sida ay daadadku u halakeeyeen magaalada New York

   

   Xigashada Sawirka, Reuters

   Waddooyinka magaalada New York ayaa laago isu badaley kadib markii ay halkaas ka da'een roobab ma hiigaan ah oo sababay daadad guryaha ugu galay dadka.

   

   Xigashada Sawirka, Reuters

   

   Xigashada Sawirka, Reuters

   

   Xigashada Sawirka, Reuters

   

   Xigashada Sawirka, Reuters

   

   Xigashada Sawirka, Reuters

6. 30 Sebtembar 2023Turkiga oo diyaaradihiisa aan duuliyaha lahayn ku dhex samayn doona Ukraine

   

   Xigashada Sawirka, Reuters

   Shirkadda Baykar ee Turkiga laga leeyahay oo soo saarta diyaaradaha aan duuliyaha lahayn ee Bayraktar TB-2, ayaa 100 milyan oo dollar ku maalgelin doonta soo saarista diyaaradaha aan duuliyaha lahayn ee Ukraine, sida uu sheegay madaxa shirkaddan Haluk Bayraktar oo ka hadlayay shir ka dhacay magaalada Kiev.

   Warshada soo saarta diyaaradaha aan duuliyaha lahayn ee Turkiga ayaa la dhisi doonaa sanad iyo bar, waxaana ka shaqeyn doona 300 oo qof, ayuu yiri ganacsaduhu.

   Ukraine, sida uu sheegay, waxaa sidoo kale ka jirta xarun adeeg oo loogu talagalay adeegga, iyo sidoo kale xafiiska shirkadda.

   Heshiiska soo saarista diyaaradda ee Ukraine ayaa la meelmariyay xitaa ka hor inta uusan bilaaban duulaanka buuxa ee Ruushka. Horaantii bishii Febraayo 2022, waxaa saxiixay Madaxweynaha Turkiga Recep Tayyip Erdogan iyo hogaamiyaha Ukraine Vladimir Zelensky.

   Maamulka Turkiga ayaa bishuu Juun ee sannadkan siiyey Baykar ruqsad ay ku soo saarto diyaaradaha aan duuliyaha lahayn ee Ukraine.

   Wuxuu heshiisku u ogolaanayaa inay shirkaddu abaabusho wareegga wax soo saarka buuxa ee laba nooc ee diyaaradaha dagaalka aan duuliyaha lahayn - Bayraktar TB2 iyo Bayraktar Akinci.

   Sannadkii 2019, Baykar waxay aasaastay shirkadda Avia Ventures LLC ee Ukraine - waxaana la filayaa in ganacsigani isagoo ka wakiil ah Baykar, uu ka qayb qaadan doono dhismaha warshad lagu soo saaro diyaaradaha aan duuliyaha lahayn.

   Diyaaradaha aan duuliyaha lahayn ee lagu soo farsamayn doono dalka Ukrain ayaa yeelan doona matooro lagu sameeyay dalka Ukraine.

7. 30 Sebtembar 2023Dibad bax iyo shaqa joojin looga soo hor jeedo weerarkii dadku lagu laayey oo dalka Pakistan looga dhawaaqay

   Isbahaysiga Ahlu sunna ee gobolka Balochistan ee dalka Pakistan ayaa ku baaqay shaqo joojin iyo mudaaharaadyo ka dhacaya gobolkan 1-da Oktoobar.

   Hogaamiyayaasha ururka Ahlusunna ee Balochistan ayaa shir jaraa’id oo ay qabteen ku cambaareeyey falka lagu laayey dadka u dabaal dagayey dhalashada nabiga, waxayna ku baaqeen shaqo joojin iyo mudaaharaadyo.

   Iyagoo ku baaqaya shaqo joojin iyo mudaaharaad, ayey shacabka iyo ganacsatada ka codsadeen inay taageeraan Ahlu-Sunnah xilligan murugada leh.

   Hogaamiyaasha ayaa sheegay in wax ka badan 70 qof ay ku dhinteen weerarkaas in ka badan 300 oo kalena ay ku dhaawacmeen.

8. 30 Sebtembar 2023El Niño iyo Soomaaliya: Sidee uga badbaadi kartaa uguna diyaar garoobi kartaa duufaannada iyo fatahaadaha?

9. 30 Sebtembar 2023Dad ka badan 50 qof oo la dilay iyagoo u dabaal dagaya mowliidka oo maanta la aasayo

   

   Xigashada Sawirka, Getty Images

   Dalka Pakistan ayaa maanta waxaa lagu qabtay aaska meydadka dadkii ku dhintay qaraxii ismiidaaminta ahaa ee lala beegsaday dad u dabaal dagayey xuska Mawliidka bannanka masjid ku yaala magaalada Mastung ee dalka Pakistan.

   Gobolka Balochistan ayaa ku dhawaaqay saddex maalmood oo baroor diiq ah. Ugu yaraan 52 qof oo ka qeyb qaadanayay xuska dhalashada Nabiga (NKH) ayaa lagu dilay gobolka Balochistan ee koonfur galbeed Pakistan, waxaana weerarkan loo arkaa kii ugu khasaaraha badnaa ee dalkaasi ka dhaca bilo gudahood.

   Dawladdu waxay ballan qaadday inay gacanta ku soo dhigi doonto dadkii ka dambeeyay weerarkaas, isla markaana sharciga la horkeeni doono.

10. 30 Sebtembar 2023Sheeko ku saabsan maxaabiis Soomaaliyeed oo jeelka ku dhex samaystay luuqadda iyaga gaarka u ah

    Afartan sano ayaa laga joogaa Kacdoonkii UFO, oo ahaa qorshe dhallinyar gadoodsani ay dhagax kala hortageen ciidankii hubaysnaa ee dawladdii Kacaanka, xilligaas oo ay muddaharaaddo ka dhigayeen magaalada Hargeysa.

    Waxa ay ka bannaanbaxayeen xadhigga macallimiin iyo rag kale oo si iskaa wax u qabso ah u caawinayayey hawlaha danta guud ee magaalada, arrintaas oo maamulkii markaa jirey u arkeen hawl looga dan leeyahay in farta lagu fiiqo baylahada ka timi dhanka dawladda, si dadka loogu kiciyo.

    Jaamac Muuse Jaamac madaxa Xarunta Dhaqanka ee Hargeysa waa ardaydii waagaas ee hawshaasi saamaynaysay.

    "Waxa ay ku soo beegmeen xilli adag oo dhinacna...sii akhri

11. 30 Sebtembar 2023Turkiga oo joojiyay xaflad lagusoo bandhigi lahaa filin "dacaayad argagixiso ah"

    

    Xigashada Sawirka, Anadolu

    Turkiga ayaa joojiyay Bandhigga Filimada ee (Golden Orange) maalmo ka hor inta uusan bilaaban.

    Bandhiga oo ah mid ka mid ah hawlaha shaleemada ee ugu waaweyn dalka Turkiga ayaa waxaa laga mamnuucay soo bandhigista filimka Dokumentariga ah ee “Hakmu Law”, waxaana munaasabadan ay ku saabsan tahay dhaqtar iyo macalin laga eryay shaqadii dowladda kadib Isku daygii afgambi ee fashilmay ee Turkiga ka dhacay 2016-kii.

    Waxaa lagu tilmaamay in filinku yahay dacaayad argagixiso, eedeymahaas waxaa beenisay agaasimaha filimka, Najla Demirci.

    Arrintan ayaa keentay khilaaf weyn, kaddib markii ay shaqada ka tageen agaasimeyaal badan, xubno xeerbeegti ah ayaa shaqada ka tagay, iyagoo ka soo horjeeda faafreebka iyo “khatarta lagu hayo” xorriyadda hadalka. Sidaa darteed, waxay keentay in la joojiyo xafladda.

    Duqa magaalada Antalya oo isagu mas’uul ka ah xafladda ayaa muujiyay sida uu uga xun yahay joojinta xafladda.

    Bandhiga Orange Festival, oo la dhigi jiray ilaa 1964, waa mid ka mid ah xafladaha filimada ee ugu weyn Turkiga.

12. 30 Sebtembar 2023Askarta dumarka ah ee Israel oo laga mamnuucay inay ilaaliyaan xabsiyada xiriir galmo awgii

    

    Xigashada Sawirka, Reuters

    Dumarka askarta Israel ayaa laga mamnuucayaa inay noqdaan ilaalada xabsiyada sare ka dib markii lagu eedeeyay inay galmo la sameeyeen maxbuus Falastiini ah.

    Warbaahinta Israa’iil ayaa sheegtay in askari ay qiratay in ay xiriir jireed la yeelatay nin Falastiini ah oo la sheegay in uu geystay weerar halis ah oo lagu qaaday dad rayid ah oo Israa’iiliyiin ah.

    Haweeneyda ayaa loo maleynayaa in ay ku jirtay shaqada milatariga soo qasab ku ah inta badan Israa’iiliyiinta.

    Dumarku waa inay shaqeeyaan ugu yaraan laba sano, halka ragguna ay ku qasban yihiin shaqa milatari oo 32 bilood ah.

    Lama sheegin magaca askariga iyo maxbuuska xabsiga lagu xukumay midna.

    Maxkamada dhageysatay kiiskan ayaa amartay in faah faahin kale oo ay kamid tahay goobta uu ku yaalo xabsigu aan la shaacin.

    Warbaahinta Israa'iil ayaa sidoo kale sheegtay in intii su'aalaha la weydiinayay, haweenayda oo la xiray ay sheegtay in afar dumar ah oo kale ay sidoo kale xiriir hoose la yeesheen isla ninkan.

    Maxbuuskii Falastiiniga ahaa ayaa laga soo wareejiyay qolkii uu ku jiray oo loo wareejiyay meel gooni ah ka hor inta aan su'aalo la weydiin, Adeegga Xabsiga ee Israa'iil (IPS) ayaa sidaasi yiri.

    Jimcihii, madaxa IPS Katy Perry iyo Wasiirka Amniga Qaranka Itamar Ben-Gvir ayaa ku dhawaaqay in haweenka askarta ah aysan sii ahaan doonin ilaalada xabsiyada ammaankoodu sareeyo ee ay ku hayaan "argagixisada" Falastiiniyiinta.

    Warbaahinta Israel ayaa ka soo xigatay Ben-Gvir isagoo leh badhtamaha sanadka 2025 "ma jiri doono hal askari oo dumar ah oo ku sii jiri doonta qaybaha maxaabiista ammaanka".

    Waxaa jiray baaqyo isdaba joog ah oo ku saabsan in la joojiyo adeegga dumarka u adeega maxaabiista ku jira xabsiyada Israa’iil ee si weyn loo ilaaliyo. Si kastaba ha ahaatee, tani waxay u hakatay in la waayey shaqaale kale oo lagu bedalo.

    Sannadkii hore, wasiirrada Israa’iil waxay amar ku bixiyeen in baadhitaan la sameeyo ka dib fadeexad ka dhacday mid ka mid ah xabsiyada oo lagu eedeeyay falastiiniyiin dambiilayaal ah inay u galmoodeen oo ay kufsadeen haween askar ah oo ka mid ahaa ilaalada xabsiga iyo in qaar ka mid ah saraakiisha sarsare ee xabsiga ay “kufsadeen” askarta.

13. 30 Sebtembar 2023War deg deg ah, Golaha wakiilada Somaliland oo ansixiyey xeerka cusub ee doorashada

    Golaha Wakiillada Somaliland ayaa maanta cod aqlabiyad ah oo duuduub ah ku ansixiyay xeerka cusub ee doorashooyinka isa-saaran ee Somaliland.

    Isla fadhigan goluhu wuxuu ku ansixiyey tilaabooyin wax looga qabanayo cabashooyinkii gobolka Awdal, waxaana ka mid ah in dib u eegis lagu sameeyo tirada goobaha cod bixinta iyo saamiga kuraasta ee goblkaas.

14. 30 Sebtembar 2023Golaha Wakiillada Somaliland oo ansixiyay soo jeedinta xildhibaanada reer Awdal

    

    Xigashada Sawirka, Warbaahinta Somaliland

    Muadanayaasha Golaha Wakiillada ayaa ansixiyay soo jeedintiii xildhibaanada Gobolka Awdal ee ay ku dalbanayeen in dastuurka la furo.

    Qodobadii ay soo saarreen khamiistii xildhibaanadda gobalka Awdal oo wax ka bedal lagu sameeyey ayaa saaka gollaha Wakiiladu cod qaraar golle ah ku ansixiyeen.

    Golaha Wakiillada Somaliland ayaa qaraar gole ku ansixiyay Qodobadii soo jeedinta xildhibaanada reer Awdal oo wax ka bedel lagu sameeyay qaar ka mid ah go’aamada.

    73 xildhibaan oo fadhiga jooga ayaa dhammaan u codeeyay Qaraarka.

    Qodoobada uu gollaha ansixiyay ayaa waxaa kamid ah In KominshankuDoorashooyinka dib u eegis ku sameeyo goobaha cod bixinta ee Gobalka Awdal iyo sidoo kal In Madaxweyne Muusa Biixi dib u eego saamiga gobalka reer Awdal.

    Sidoo kale gollaha ayaa ansixiyay in xukuumada Somalililand ay si cadaalad ah u qeybiso mashaariic-da tix galin gaar ah na siiso gobalka Awdal gaar ahaan kaabayaasha dhaqaalaha.

    Ugu dambeytii Golaha Wakiillada Somaliland ayaa maanta cod aqlabiyad ah oo duuduub ah ku ansixiyay xeerka cusub ee doorashooyinka isa-saaran ee Somaliland.

15. 30 Sebtembar 2023Sida hees la qaaday 70 tameeyadii ay ugu dhex faaftay dhallinta Soomaalida iyo Itoobiyaanka

16. 30 Sebtembar 2023Mareykanka oo Serbia ku booriyay inay ciidamadooda kala baxaan xudduudda Kosovo, iyadoo xiisadda ay sare u kacday

    

    Xigashada Sawirka, Reuters

    Maraykanka ayaa ku boorinaya Serbia inay dib uga laabato waxa uu ku sheegay inay ciidan badan ku daabulayaan xuduudka uu dalkaasi la wadaago Kosovo.

    Bilihii la soo dhaafay, waxaa sare u sii kacayay xurgufta u dhaxaysa qowmiyadaha tirada yar ee Kosovo ee Serbiyiinta iyo bulshooyinka Albania oo u badan halkaa.

    Iyadoo laga jawaabayo "xaaladda hadda jirta", UK waxay sheegtay inay u dirayso ciidammo si ay ugu biiraan howlgalka nabad-ilaalinta Nato ee halkaas ku sugan.

    Isbaheysiga militariga ayaa sheegay in ay diyaar u yihiin in ay kordhiyaan ciidamadooda ka dib iska horimaad ka dhacay guri keniisad ah oo ku yaala waqooyiga Axadii lasoo dhaafay halkaas oo ay ku dhinteen afar qof.

17. 30 Sebtembar 2023DAAWO: Waxa ay sameyeen muhaajiriintan kadib markii badda laga soo badbaadiyay

    Muhaajiriin u kala dhashay dalalka Syria, Nigeria, Bangladesh, Pakistan iyo Masar ayaa qoob ka ciyaar sameeyay kadib markii laga soo badbaadiyay xeebaha Libya.

    61-ka nin ee soogalootiga ah ayaa la dabaal degay mutadawiciin ka socday Médecins Sans Frontières ka dib markii ay fuuleen markabka samatabbixinta ee Geo Barents.

    Markabka ayaa hadda ku sii jeeda dekedda Civitavecchia ee dalka Talyaaniga.

18. 30 Sebtembar 2023Maxakamadda ciidamada qalabka sida ee Soomaaliya oo 2 qof xukun dil ah ku riday

    

    Xigashada Sawirka, SNTV

    Xukunno dil ah oo lagu riday dad ay dowladda Soomaaliya ku sheegtay in ay ka tirsanyihiin AL-shabaab oo dilal ka fulisay magaalada Gaalkacyo.

    Anas Cabdulqaadir Cali Maxamuud (Salmaan) iyo Aadan Mursal Maxamed Macalin (iidoow) ayay dowladda sheegtay inay ka mid ahaayeen koox ka kooban Lix ruux oo dilalka gaadmada ah iyo qaraxyada ka fulisa Mudug gaar ahaan Gaalkacyo.

    Sida lagu daabacy bogga rasmiga ah ee telefeshinka dowlada Soomaaliya Aadan Mursal Maxamed Macalin (iidoow) ayaa lagu soo eedeeyay dilka Marxuum Maxamed Jaamac Maxamed (Cagabiyood).

    Halka Anas Cabdulqaadir Cali Maxamuud (Salmaan) ooahaa horjoogihii kooxdan isagana lagu soo eedeeyay dilka marxuumiinta kala ah Cabdi Aadan Siyaad (Cabdi Dheere) iyo Cilmi Cali Guuleed.

    Qareenada u doodaayay eedeysanayaasha ayaa qaatay racfaan ka dib xukunkii dilka ahaa ee lagu riday.

    Maxkamadda sare ee Ciidamadda ayaa aqbashay dalabkii racfaanka ahaa ee ay soo qaateen qareenada 24-tii bishaan. Maxkamadda sare ayaaugu danbayn maanta ku raacday xukunkii dilka ahaa ee horay ugu xukuntay Maxakamadda Darajada Koowaad Ciidamadda Soomaaliya,Sida uu warbaahinta u sheegay Janaraal Liibaan Cali Yaroow Guddoomiyaha Maxkamadda Sare ee Ciidamadda Qalabka Sida Soomaaliya.

19. 30 Sebtembar 2023Faa'iidooyinka caafimaad ee aadan ogeyn ee laga helo Yogurt-ka

    

    Xigashada Sawirka, Getty Images

    Yogurt-ka waxa laga sameeyaa caanaha lo'da oo la miiray, isla markaana la qamiiriyay.

    Waxay leedahay dhadhan macaan oo inta badan waxaa loo isticmaali karaa in laga sameeyo mayoneeska ama jallaatada.

    Nafaqooyinka kujira caanaha ciirta, waxaa ka mid ah.

    Qaaddo (45g) oo caano garoor ah waxaad ka heleysaa:

    • 60 kcal / 248 kj

    • 2.6g borotiin

    • 4.6g dufun

    • 2.2g oo karbohaydrayt ah

    • 2.0g oo sonkor ah

    • 57mg calcium

    • 17.6mcg iodine

    Waxaa jiro noocyo dufan yar ama aan dufan lahayn oo caano garoota ah, laakiin maskaxda ku hay inay sidoo kale ku jiri karaan sonkor badan.

    Kuwa soo saara waxay inta badan ku daraan sonkor si ay 'u sameeyaan' dhadhanka lumay marka dufanta kujirto caano garoorta la dhimo.

    Isha wanaagsan ee borotiinka

    Maeka la eego habka cadaadiska ee loo sameeyo caana garoorka, waxay si gaar ah u tahay isha ugu wanaagsan ee borotiinka noolaha, oo leh qiyaastii 5.7g oo borotiin ah 100 g.

    Sidoo kale waxaa jiro nooc kale oo looyaqaan Skyr, tani waxay la mid tahay caano garoorka, waxayna si la mid ah ugu badan borotiinka oo waxay leedahay ku dhawaad 10g oo borotiin ah 100gba.

    Laakiin dufanku wuu ku yar yahay sababtoo ah waxaa laga sameeyey caano la kariyay.

    Waxaa laga yaabaa inay caanaha ciirka ay u fiican yihiin caafimaadka lafaha

    Yogurt ama caano garoorta waa il wanaagsan oo kalsiyum, magnesium iyo fosfooraska kuwaas oo ah macdanta lagama maarmaanka u ah caafimaadka lafaha.

    Runtii, daraasaduhu waxay soo jeedinayaan in cuntooyinka ay ku jiraan caano garoorka laga yaabo inay taageeraan cufnaanta macdanta lafaha.

    Marka la isticmaalo xiliyada ay jimicsiga sameyneyso gaar ahaan waxa suura gal ah inay ka qeybqaataan taageeridda xoogga lafaha.

    Sii akhri

20. 30 Sebtembar 2023Magaalada NewYork oo xaalad degdeg ah looga dhawaaqay

    

    Xigashada Sawirka, Reuters

    Xaalad degdeg ah ayaa lagu soo rogay magaalada New York iyadoo duufaano xooggan ay keeneen daadad waddooyinka xiray.

    Qaar badan oo ka mid ah nidaamyada tareenada dhulka hoostiisa mara ee magaalada, iyo waddooyinka waaweyn ayaa daadadka gaareen, halka ugu yaraan hal terminal oo ku yaal Gegida Diyaaradaha ee LaGuardia la xiray Jimcihii.

    Ilaa 8in (20cm) oo roob ah ayaa ka da'ay qaybo ka mid ah magaalada, waxaana la filayaa in dhowr inch oo kale jimcaha xili dambe, sida ay sheegeen waxda saadaasha.

    "Tani waa duufaan khatar ah, oo nafta halis gelinaysa," ayay tiri Badhasaab Kathy Hochul. "Waxaan ku dhawaaqayaa xaalad degdeg ah guud ahaan magaalada New York, Long Island, iyo Hudson Valley sababtoo ah roobabka aadka u daran ee aan ku aragno gobolka oo dhan," ayuu Gov Hochul ku yiri X, oo hore loogu yiqiin Twitter.

    Waxay dadka ku boorisay inay qaadaan tillaabooyin ay ku ilaalinayaan ammaanka oo "aysan isku dayinna inaad ku safrataan waddooyinka daadku qaaday".