BBC News, Somali
U gudub qaybta macluumaadka

You’re viewing a text-only version of this website that uses less data. View the main version of the website including all images and videos.

Take me to the main website

Faransiiska oo wajahaya hubanti la'aan siyaasadeed kadib markii doorashadii baarlamaanka aaney cidna helin aqlabiyad

Dagaalka ayaa waxaa ku dhintay tiro badan oo ah miliiishiyaadkii iska soo horjeeday

Tebin toos ah

  1. War deg deg ah, Maxaynu ka ognahay xarunta la weeraray ee Islamic Center ee San Diego

    Xarunta Islamic Center ayaa ah masaajidka ugu weyn ee kowntiga San Diego, iyada oo in ka badan 5,000 oo xubnood uu qaado, sida laga soo xigtay mareegtooda.

    Waxaa xarunta ku yaala Iskuulka Al Rashiid oo koorsooyin diin iyo luuqadba lagu barto.

    Sida mareegtooda ku qoran, waxaa uu ujeedka xarunta ay tahay inay u adeegto bulshada muslimka ah iyo sidoo kale in loo ‘’adeego kuwa aan fursada helin si wax loo baro oo qaranka loo sii wanaajiyo’’.

    WARBIXINO KALE

    Burcad badeed Soomaali ah oo markab ka dalbaday madaxfurasho 3 malyan oo doollar ah

    Maxaa ka mid ah arrimaha Badda cas ee ay ku heshiiyeen Masar iyo Eritrea

    Soomaaliya oo digniin ka soo saartay cudur dilaa ah oo Afrikada Bari ka dillaacay

  2. War deg deg ah, Rasaas laga maqlay xarunta Islamic Center ee San Diego.

    Booliiska San Diego ayaa sheegay in “halistii ka jirtay xarunta Islaamka la xakameeyay”, kadib warar ku saabsan nin hubeysan oo rasaas furayay magaalada oo ku taalla Maraykanka.

    Dhacdadan ayaa ka dhacday Islamic Center of San Diego oo ku yaalla xaafadda Clairemont ee magaaladaasi.

    WARBIXINO KALE

    Burcad badeed Soomaali ah oo markab ka dalbaday madaxfurasho 3 malyan oo doollar ah

    Maxaa ka mid ah arrimaha Badda cas ee ay ku heshiiyeen Masar iyo Eritrea

    Soomaaliya oo digniin ka soo saartay cudur dilaa ah oo Afrikada Bari ka dillaacay

  3. Sidee istaraajiyada dagaalka ee Iiraan uga yaabsatay Maraykanka iyo Israa'iil

    Markii Maraykanka iyo Israa'iil ay weerarro wadajir ah ku qaadeen Iiraan 28-kii Febraayo, su'aasha ugu weyn ee xilligaas waxay ahayd intee in le'eg ayuu dagaalkani socon doonaa?

    Markaa arrintu waxay u muuqatay inay jiitamayso maalmo, toddobaadyo, iyo hadda bilo, waxayna u muuqatay in aanu jirin waqti cad oo lagu soo afjarayo dagaalkan.

    Khudbadii ugu dambeysay ee uu u jeediyay shacabka Mareykanka, Madaxweyne Trump, ayaa si ka duwan sidii la filayay, waxa uu awoodi waayay inuu soo bandhigo qorshe cad, balse waxa uu sheegay in "Mareykanku uu ku dhow yahay inuu gaaro hadafkiisa istiraatijiyadeed ee Iiraan" iyo in "weerarro ba'an lagu qaadi doono Iiraan labada ilaa saddexda toddobaad ee soo socda".

    Sii Akhri

    WARBIXINO KALE

    Burcad badeed Soomaali ah oo markab ka dalbaday madaxfurasho 3 malyan oo doollar ah

    Maxaa ka mid ah arrimaha Badda cas ee ay ku heshiiyeen Masar iyo Eritrea

    Soomaaliya oo digniin ka soo saartay cudur dilaa ah oo Afrikada Bari ka dillaacay

  4. War deg deg ah, Trump oo ku dhawaaqay inuu dib u dhigay weerar uu ku qaadi lahaa Iiraan

    Madaxweynaha Maraykanka Donald Trump ayaa sheegay inuu dib u dhigay weerar militari oo ka dhan ah Iran oo loo qorsheeyay Talaadada, kadib codsi uga yimid dalalka Khaliijka, maadaama “wadaxaajoodyo culus ay hadda socdaan”.

    Qoraal uu ku daabacay Truth Social ayuu ku sheegay in madaxda Qatar, Saudi Arabia iyo United Arab Emirates ay ka codsadeen inuu sidaas sameeyo.

    Trump wuxuu sheegay in loo sheegay in heshiis la gaari doono oo “si weyn u qancin doona” Maraykanka, isagoo raaciyay in “Iiraan aysan heli doonin wax hub nukliyeer ah!”

    Hase yeeshee, wuxuu ka digay in militariga Maraykanku diyaar u ahaan doono “inuu bilaabo weerar buuxa oo baaxad weyn oo ka dhan ah Iiraan, waqti kasta oo degdeg ah” haddii aan heshiis la aqbali karo la gaarin.

    Iran weli si rasmi ah ugama hadlin hadalka cusub ee Trump.

    Toddobaadkii dhammaaday, Trump wuxuu uga digay Tehran in “saacaddu ku socoto”, iyadoo wadaxaajoodyadii lagu doonayay in lagu soo afjaro dagaalka ay hakad galeen.

    Ciidamada Israa’iil iyo Maraykanka ayaa 28-kii Febraayo bilaabay duqeymo cirka ah oo waaweyn oo ka dhan ah Iiraan.

    Xabbad-joojin la isku raacay bishii Abriil si loo fududeeyo wadaxaajoodyada ayaa inta badan la ilaaliyay, inkastoo mararka qaar rasaas is-weydaarsi dhacay.

    WARBIXINO KALE

    Burcad badeed Soomaali ah oo markab ka dalbaday madaxfurasho 3 malyan oo doollar ah

    Maxaa ka mid ah arrimaha Badda cas ee ay ku heshiiyeen Masar iyo Eritrea

    Soomaaliya oo digniin ka soo saartay cudur dilaa ah oo Afrikada Bari ka dillaacay

  5. War deg deg ah, Axios: Maraykanka waxa uu u arka jawaabta Iiraan mid aan ku filnayn heshiis nabadeed

    Warbaahinta Axios news Site ayaa iyada oo soo xiganaysa sarkaal sare oo Maraykan iyo il-kale oo la wargaliyay waxaa ay tabisay in Aqalka Cad ee Maraykanka uu soo gaaray soo jeedinta cusub ee Iiraan, laakiin uu aqalka cad uu rumaysan yahay jawaabtan ay tahay mid aan ku filnayn in lagu gaaro heshiis nabadeed.

    Sarkaalka aan la magacaabin ayaa u sheegay Axios in Iiraan aysan waxba ka beddelin halkii ay taagnayd.

    Sida laga soo xigtay sarkaalka, soo jeedita cusub ee Iiraan ee Maraykanka loo soo marsiiyay dhexdhexaadiyayaasha Pakistan uusan wax badan ka beddelnayn jawaabtii hore ee Tehran

    Iyada oo warbaahinta Iiraan ay tabisay in Maraykanka uu oggolaaday inuu qaado qayb ahaan cunaqabaynada shidaalka saaran intii uu socday wadahadallka, iyada oo Sarkaalka Maraykanka uu sheegay in aan wax cunaqabatayn ah si ‘’bilaash ah’’ loo qaadayn iyada oo Iiraan aan wax looga beddelan.

    WARBIXINO KALE

    Burcad badeed Soomaali ah oo markab ka dalbaday madaxfurasho 3 malyan oo doollar ah

    Maxaa ka mid ah arrimaha Badda cas ee ay ku heshiiyeen Masar iyo Eritrea

    Soomaaliya oo digniin ka soo saartay cudur dilaa ah oo Afrikada Bari ka dillaacay

  6. Nin hubeysan ayaa Trukiga ku dilay afar qof, wuxuuna dhaawacay sideed

    Nin hubaysan ayaa rasaas ku furay maqaayad ku taal koonfurta Turkiga, isagoo dilay afar qof, sida ay sheegayaan warbaahinta maxalliga ah.

    Siddeeda qof ee kale ayaa ku dhaawacmay degmada Tarsus ee gobolka Mersin, sida ay qoreen wargeysyada Turkiga ee Hurriyet iyo CNN Türk.

    Toogashadan dhacday manta ayaa la sheegay in ay ka bilaabatay meel maqaayad ah, kaddibna tuhmanuhu wuxuu ku baxsaday baabuur.

    Booliska ayaa bilaabay howlgal ballaaran oo ay taageerayaan diyaaradaha qumaatiga u kaca si ay u qabtaan ninka hubaysan.

    Warbaahinta Turkiga ayaa sheegtay in laba qof uu ku dilay maqaayada. Waxaa la rumeysan yahay in ay ahaayeen milkiilaha maqaayada iyo qof shaqaale ahaa.

    Waxa keenay ninka hubeysan in uu dadka rasaas ku furo iyo cidda uu yahay ayana weli la ogeyn.

    Warbixino kale

    Maxay tahay cabsida Turkiga soo wajahday ka dib weerarrada Maraykanka iyo Israa'iil ee Iran?

    Weerar lagu qaaday Magaalada Istanbul

  7. Qaramada Midoobay ayaa ka digtay in cunto yari ay ka dhalan karto xirnaashaha marinka Hormuz

    Ku-xigeenka agaasimaha fulinta ee hay’adda u qaabilsan Qaramada Midoobay cuntada ee WFP ayaa BBC-da u sheegay in xanibaadda sii socota ee marinka Hormuz kaddib dagaalkii u dhexeeyay Mareykanka, Israel iyo Iran ay saameysay awoodda hay’adda ay ku gaarsiin karto gargaarka dadka ugu baahida badan dunida.

    Carl Skau ayaa sheegay in kororka qiimaha shidaalka uu keenay saameynta ugu weyn, iyadoo kharashaadka Barnaamijka Cuntada Adduunka ay kordheen 25 boqolkiiba, halka sicir-bararkuna uu cirka isku shareeray dalal badan oo wajahaya cunto yari daran.

    Carl Skau wuxuu kaloo sheegay in hoos u dhaca bacriminta kiimikada ee ka dhalatay xirnaanshaha marinka Hormuz ay saameyn doonto dalagyada beeraha, isla markaana haddii aan xaaladda xal loo helin ay keeni doonto cawaaqib xun bilaha soo socda, gaar ahaan gobollada sida Bariga Afrika oo si weyn ugu tiirsan sahayda badeecadaha gacan Perisa ka yimaada.

    Waxa uu sidoo kale sheegay in xirnaanshaha marinka Hormuz uu sababi karo in maraakiibta bariiska ka qaadda Hindiya kuna sii jeeda gobolka ay hadda qaataan ilaa saddex toddobaad in ka badan waqtigii caadiga ahaa.

    Warbixino kale

    QM oo bisha soo socota jareysa gargaar muhiim u ahaa dadka nugul ee Soomaaliyeed

    Maalinta cunnada adduunLinkka - 11 cunto oo kaa yaabin doona

  8. Burcad badeed Soomaali ah oo markab ka dalbaday madaxfurasho 3 malyan oo doollar ah: Ansar Burney Trust

  9. Maxaa ka mid ah arrimaha Badda cas ee ay ku heshiiyeen Masar iyo Eritrea

  10. Mareykanka iyo Nigeria ayaa weerar ku qaaday kooxda IS

    Milatariga Mareykanka ayaa sheegay in ay weerarro cirka ah oo wadajir ah la fuliyeen ciidamada Nigeria, kuwaas oo lagu bartilmaameedsaday dagaalyahannada kooxda la baxday Dowladda Islaamiga ah ee waqooyi-galbeed Nigeria.

    Taliska Mareykanka ee Afrika ayaa sheegay in sirdoonkoodu xaqiijiyay in bartilmaameedyadu ahaayeen dagaallamayaasha IS, islamarkaana ay qiimeynayaan saameynta weerarrada la qaaday Axaddii.

    Weerarkii ugu dambeeyay ayaa dhacay maalmo kaddib markii labada dal ay ku dhawaaqeen in howlgal wadajir lagu dilay Abu-Bilal-al-Minuki oo ahaa hoggaamiye sare oo ka tirsanaa IS, waxaana lagu tilmaamay in uu ahaa ninka labaad ee ugu sarreeyay kooxda caalamka oo dhan.

    Militariga Nigeria weli ma xaqiijin weerarka. Hadii la xaqiijiyo dilka hoggaamiyahan waxa uu noqon karaa jab kale oo weyn oo soo gaaray kooxda la baxday dowladda Islaamka iyadoo hore looga dilay hoggaamiyahooda Abu Bakr al-Baghdadi.

    Warbixino kale

    Faahfaahin: Trump oo duqaymo ku gaaracay IS ta Nigeria

    Abuu Khaalid oo ahaa xubin sLinkare oo la dilay iyo faahfaahin ka so baxaysa

  11. Ugu yaraan lix qof oo Mareykanka ayaa qaaday cudurka Ebola

    Saraakiisha caafimaadka Afrika ayaa kula taliyay dadka ku nool meelaha uu sida weyn u saameeyay Fayruska Ebola ee Jamhuuriyadda Dimuqraadiga Congo in ay ku dadaalaan ilaalinta nadaafadda si looga hortago faafitaankia cudurka, iyadoo aan la hayn tallaal ama dawo wax looga qabto.

    Madaxa Xarunta Afrika ee Xakamaynta iyo Ka Hortagga Cudurrada ayaa sheegay in taxaddar gaar ah loo baahan yahay marka la aasayo meydka u soo dhintay cudurka. Madaxa hay’adda caafimaadka adduunka ee WHO, Tedros Adhanom Ghebreyesus, ayaa la filayaa in uu goor dhow warbixin ka soo saaro xaaladda cudurka kaddib markii loo aqoonsaday xaalad degdeg ah oo caafimaad oo caalami ah.

    Qandhada fayruska ayaa caadiyan disha kala bar dadka qaada cudurka. Fayruska ayaa u gudbay Uganda iyadoo dalalka Rwanda iyo Suudanta Koonfureed heegan la geliyay. Colaadda hubeysan ee ka taagan gobolka ayaa sii adkeysay in cudurka wax laga qabto. Waxaa la xaqiijiyay in hal kiis laga helay magaalada GOMA Jamhuuriyadda Dimuqraadiga Congo (DRC) taas oo gacanta ugu jirtay muddo sanad ah falaagada M23.

    Dhan kale, waxaa la sheegay lix qof oo Mareykanka ah oo ku sugan DRC in ay qaadeen fayruska Ebolo

    Xarunta xakameynta iyo ka hortagga cudurkada ee mareykanka ayaa sheegtay in ay caawineyso dadkaas.

    Warbixino kale

    Astaamaha cudurka halista ah ee ELinkbola ee ay ka digtay dowladda Soomaaliya iyo sida lagu kala qaado

    WHO oo ku dhawaaqday cudurka Ebola ee ka dillaacay DR Congo uu yahay xaalad degdeg oo caalami ah

  12. Pakistan ayaa 8000 oo askari u dirtay Sacuudiga

    Wakaaladda wararka ee Reuters oo soo xiganeyso labo ilo wareed ayaa sheegtay in Pakistan ay Sacuudiga keentay 8kun oo askari iyo koox diyaaradaha dagaalka iyo qalabka difaaca hawada taas oo qeyb ka ah heshiiska difaac ee labada dal

    Mar sii horeysay ayey wasaaradda difaaca Sacuudiga sheegtay in diyaarado dagaal iyo ciidamo Pakistan ah ay dalkeeda yimaadeen taas oo qeyb ka ah heshiiska labada dal. Wasaarada wax faahfaahin ah ma bixin balse Reuters ayaa faahfaahinta sheegtay markiii ugu horeysay.

    Reuters waxay soo xigatay saraakiil dhanka ammaanka oo saddex ah iyo labo ilo wareed oo dowladda ah kuwaas oo sheegay in ciidmada la qaaday ay yihiin kuwa dagaalka, waxa uuna ujeedkoodu yahay difaacidda Sacuudiiga hadii ay dhacaan weeraro dheeri ah

    Reuters waxay sheegtay in wasaaradda arrimaha dibadda, xafiiska saxaafadda militeriga Pakistan iyo warbaahinta Sacuudiga aysan jawaabin codsigeeda ah in ay ka hadlaan.

    Ilo wareedyada ayaa sheegaya in tirada diyaaradaha ay gaarayaan 16 oo ah noocda loo yaqan JF -17 kuwaas oo Shiinaha ay wax ka sameeyeen.

    Mid ka mid ah ilo wareedyada Pakistan ayaa sheegay in labo unug oo kuwa droneska ku dagaallama ah ay Pakistaan u dirtay Sacuudiga. Wararka waxay sheegayaan in hadii loo baahdo tirada intaas lagabadin karo.

    Warbixino kale

    Sacuudiga oo Pakistan uga farxiyey arrin aysan fileyn

    Pakistan oo dhamaystirtay 3.45 bilyan oo dollar oo ay dib ugu celinayso Imaaraadka iyo Sacuudiga oo bad-baadiyay Pakistan

  13. Soomaaliya oo digniin ka soo saartay cudur dilaa ah oo Afrikada Bari ka dillaacay

  14. Keydka shidaalka dunida ayaa sii dhamaanaya

    Wakaaladda tamarta caalamiga IAE ayaa ka digtay in degdeg ay u sii dhamaanayaan keydadka shidaalka dunida.

    Fatih Birol oo ah madaxa IAE ayaa sheegtay, iyadoo xitaa ay dowladaha fasaxeen keydadka shidaalka hadana si degdeg ah ayey hoos ugu dhacayaan shidaalka la keydsaday taas oo sababteedu leedahay dhibaatada ka taagan Khaliijka.

    Marka dadka fasaxyada aadayaan xiliga xagaaga ayaa laga cabsi qabaa in shidaal yari ay dhacdo.

    Shirkadaha diyaaradaha ayaa ka digay in shidaalku yaraan doono toddobaadyada soo socda hadii ay sii socoto xayiraada maraakiibta shidaalka.

    Kaddib dagaalkii Mareykanka iyo Israel ku qaadeen Iran, waxaa la xiray marinka Hormuz oo caadiyan ay maraan shan meelood meel shidaalka adduunka. Xayiraada ayaa sii socoto xitaa markii xabadda la joojiyay.

    Wakaaladda tamarta adduunka waxay hore u sheegtay in dalalka ay isticmaalayaan keydkooda shidaal kaddib markii ay guuldaresyteen wadahadalada lagu dhameynayo dagaalka.

    Warbixino kale

    Sida go'aanka Iran u saameeyay shidaalka dunida

    Sababta mushaakilka shidaalka ee caalamka uu u sii jiri doono xataa haddii xal laga gaaro dagaalka Iiraan

  15. Ciidamada Israel ayaa isku diyaarinaya in ay ku biiraan weerar Mareykanku ku qaado Iran

    Telefishinka Kan ayaa sheegay in ciidamada Israel ay isu diyaarinayaan weerar suuragal ah oo lagu qaado Iran.

    Sida laga soo xigtay telefishinka, sarkaal aan la magacaabin ayaa sheegay in hadii Mareykanku qaado weeraro hor leh in Israel ay ku biiri doonto, ayna beegsan doonto “kaabayaasha tamarta Iran”.

    Warkan ayaa soo baxay kaddib markii ay Axadii ku wadahadleen khadka taleefoonka madaxweyne Donald Trump iyo raysalwasaare Benjamin Netanyahu.

    Telefishinka Kan waxa uu sheegay in labada mas’uul ay hadlayeen wax ka badan nus saac, waxayna ka hadleen suuragalnimada in dagaalka dib loogu laabto. Ciidamada Israel ayaa la sheegay in heegan buuxda la geliyay.

    Telefishinka kale ee Janal 12 ayaa sidoo kale wariyay in Donald Trump uu haysto cadaadis kaga imaanaya Shiinaha oo ah in uu ka fogaado dagaalka kale uu la galo Iran iyagoo ku cadaadinaya heshiis.

    Janalka 13 isna waxa uu sheegay in Israel ay ka soo dagaane diyaarado badan oo rasaas iyo hub ka keenay Mareykanka.

    Telefishinada waxay sheegeen in tallaabooyinkan ay qab ka yihiin diyaargarowga dalka ugu jiro dagaal lagu qaado Iran.

  16. Maxaa khatar ka dhigay dayaaradda shiinuhu farsameeyo ee J-10C

  17. Iran ayaa sheegtay in aysan gorgortan ka galeyn xaqa ay u leedahay naaxinta yuraniyamka

    Afhayeen u hadlay wasaaradda arrimaha dibadda ayaa sheegay in xaqa ay Iran u leedahay in ay naaxiso yuraniyamka “aysan aheyn arrin xeerjajab laga gali karo”.

    Ismail Baqaie waxa uu ka sheegay shir jara’aid maanta in ay bilowdeen wadahadalada lagu dhameynayo dagaalka ee Pakistan dhexdhexaadineyso.

    Afhayeenka waxa uu sheegay in Iran ay u dirtay Mareykanka qorshe heshiis oo ka kooban 14 qodob kaas oo uu sheeay in Washington iyo Tehran ka dhiibteen ra’yigooda.

    “Waxaan hubaanti la’aanta ka sheegi karaa xaqa Iran u leedahay in ay naaxiso yuraniyamka in ay tahay wax aan laga gorgortami karin ama xeerjajab laga gali Karin. Waa in la aqoonsadaa xaqa Iran u leedahay in ay naaxiso yuraniyamka”

    Sida uu sheegay Afhayeenka, qodobada Iran ay dooneyso waa kuwa cad. Wuxuuna afhayeenka tusaale u soo qaatay in la fasaxo hantida Iran ee xayiran.

  18. Kheyraadka Somaliland laga helo ee kasii dabar go’ayo dunida.

    Saleebaan Salaad Muuse wuxuu noloshiisa oo dhan ka shaqeynayeyfooxa udgoon ee luubaanta.

    Waxa uu ku noolaa tuulada yar ee Dayaha ee gobolka Sanaag ee Somaliland, wuxuu u shaqeeyaa sidii khabiir khibrad leh oo soo saara xabagta udgoon ee caan ka ah, taas oo kaliya laga helo geedka Boswellia.

    Sanad kasta, Salaad Muuse wuxuu ku jiraa saddex ilaa lix bilood god ku yaalla dhul uu leeyahay oo geeddo leh. Maalin kasta waxa uu u baxaa dhul ay qoyskiisu leeyihiin oo ay daryeellayeen fac ka fac. Wuxuu ku dhex socdaa geed ilaa geed, isagoo ka baaro cayayaanka, islam markaasna carro gediya ciidda si uu daryeelo miraha uu beertay horaantii xilligan.

    Laakiin masiirka keymahani, iyo guud ahaan nolosha dadka xannaaneeya geedahan luubaanta, ayaa weli halis ku jira. Marka keymahaasi ay guuldarreystaan, warshadaha maxalliga ah iyo kuwa caalamiga ah ee ku dhisan xabagta luubaanta ayaa lagu qasbayaa inay dib u eegaan sida ay badceedahani kusoo gaarayaan.

    Sii akhri

  19. Faadumo: Waxay yaraanteedii ka baxsatay 'oday qallafsan' oo lagu dari lahaa haddana waa marwada koowaad ee madaxweynaha

  20. Warar is khilaafsan oo ka soo baxaya doorashada Koonfur Galbeed

    Maxkamadda sare ee Soomaaliya ayaa goor dhow war-saxaafadeed ay soo saartay ku sheegtay in ilaa iyo hadda aanay jirin natiijo doorasho oo la xirriirta doorashooyinkii ka dhacay Koonfur Galbeed oo si rasmi ah loogu soo gudbiyay.

    Warka maxkamadda ayaa imanaya kadib markii guddiga madaxa banaan ee Doorashooyinka iyo Soohdimaha uu shalay warqad uu soo saaray ku sheegay, in maxkamadda sare ee Federaalka Soomaaliya loo gudbiyay xubnihii dhawaan ku soo baxay doorashooyinkii ka dhacay Koonfur Galbeed si ay u go’aamiso doorashada Guddoonka Golaha Wakiilada Koonfur Galbeed ee Soomaaliya.

    Doorashadaas guddoonka wakiiladaoo ayaa lagu waday in la qabto maanta, 18-ka May 2026.

    “Marka uu Guddigu helo jawaabta Maxkamadda Sare, GMDQS wuxuu diyaar u yahay fulinta waajibaadka ku xusan Qodobka 67aad, Faqraddiisa 2aad ee Sharciga Doorashooyinka, gaar ahaan iclaaminta jadwalka dhaarinta xubnaha la doortay iyo sii guda-gelidda howlaha Doorashooyinka Guddoonka Golaha iyo Hoggaamiyaha, si waafaqsan jadwalkii horey Guddigu u shaaciyay”, ayaa lagu yiri war-saxaafadeedka guddiga doorashooyinka”.

    “Maxkamadda Sare ee Jamhuuriyadda Federaalka Soomaaliya waxa ay caddeyneysaa in, illaa iyo hadda, aanay jirin natiijo doorasho oo la xiriirta doorashooyinkii ka dhacay Dawlad Goboleedka Koonfur Galbeed Soomaaliya oo si rasmi ah loogu soo gudbiyey Maxkamadda Sare.”, ayaa lagu yiri qoraalka maxkamadda.

    Hoos ka akhriso war saxaafadeedka labada dhinac ay soo saareen.