Children fit spread coronavirus if schools reopen?

All di latest tori ontop coronavirus from all ova di world.

Live Coverage

Daniel Semeniworima

23 April 2020Super Eagles captain deny tori say e get Covid-19
Wia dis foto come from, Getty Images
Nigeria footballer and national team captain, Ahmed Musa don put sand-sand for tori wey say e test positive to Covid-19.
Di Super Eagles captain say instead, im and e family dey on 14 days self isolation as dem just return from Saudi Arabia.
Musa deny di tori for post wey e make for im Instagram handle as im advice pipo to "Stay safe, maintain social distance" and "avoid fake news."
27-years-old Musa recently return to Nigeria together with Nigeria international John Ogu and bin say e go begin self isolation, dis one come make some tori pipo to report say im get coronavirus.
Skip Instagram post
Allow Instagram content?
Dis article contain content wey Instagram provide. We ask for una permission before anytin dey loaded, as dem fit dey use cookies and oda technologies. You fit wan read di Instagram cookie policy and privacy policy before accepting. To view dis content choose 'accept and continue'.
Warning: Di BBC no dey responsible for di content of external sites.
End of Instagram post
For di Instagram post, Musa add say: "Dis na pandemic wey dey take many pipo life and e dey sad say some pipo wan use am to gain followers or views to dia pages by spreading fake news.
"My family and me come from Saudi Arabia and decide to follow di goment rule of isolation for 14 days, no be because any of us get di virus. We dey perfectly okay and never test positive to di virus." Im tok.
Musa currently dey play im club football for Al Nassr for Saudi Arabia.
23 April 2020Kano govnor say di death rate for di state dey ‘normal’
Article Information
- - Author, Mansur Abubakar
  - Role, BBC Pidgin, Kano
Kano govnor Abdullahi Ganduje say di rate wey pipo dey die for di state in di last few weeks dey normal and di increase wey some media dey report na just ‘negative propaganda’
Di northwestern Nigeria state govnor wey speak for Nigerian Television Authority news programme add say dem don investigate and dem find say di pipo wey dey die no be from coronavirus.
“Deaths rate for Kano dey normal and wetin some media dey report say e don go high na just negative propaganda and we also don investigate and no be coronavirus dey kill pipo, na only one coronavirus death we get.”
Ganduje also yan say World Health Organisation don also send pipo to siddon for graveyards dey collect number of deadbodi wey pipo dey bring and also wetin kill dem.
23 April 2020Una good morning!
Welcome to our live coverage ontop di coronavirus and how e dey affect kontries around di world.
But first, our proverb of di day.
Wia dis foto come from, Getty Images
23 April 2020Coronavirus lockdown: 'My children no fit hug me'
22 April 2020Na here we go march break today!
Na here we go end our live updates on top coronavirus and how e dey affect di world.
Abeg make una join us again tomorrow.
Good night!
22 April 2020German vaccine for Covid-19 don set for human testing
Wia dis foto come from, Reuters
One possible special injection alias vaccine for Covid-19, wey German company BioNTech and American drug giant Pfizer develop, don receive green light for human testing.
Di trial go start with 200 healthy pipo, aged between 18 and 55, dem go give dem di vaccine.
"Dis na good sign say di development of vaccine for Germany dey progress and we fit start wit di first studies,” na so Germanyi health minister, Jens Spahn, tok on Wednesday.
"At di same time di advice say e go still take month still dey important.
”Dis na injection for dibody. Safety first na di first guideline for that kain vaccine."
Dem don only approve some small vaccine candidate for clinical testing on humans around di world and sabi pipo don warn say e go take at least one year before dem go fit develop ogbonge vaccine.
Scientists for UK Oxford University dey start human trials of a possible vaccine dis week. Oda clinical trials don dey happun for US and China.
22 April 2020NCDC dey investigate wetin cause Kano deaths
Di Nigeria Centre for Disease Control, NCDC don tok say dem dey instigate wetin dey cause how pipo dey die for Kano.
Dem tok dis one for di press conference dem hold on Wednesday, come add say dem go deploy rapid response teams to support 27 states to help for fight Covid-19, with recent states wey catch am like Abia, Gombe & Sokoto”
Skip X post
Allow X content?
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
Warning: Di BBC no dey responsible for di content of external sites.
End of X post
Di NCDC say Private health facilities wey dey interested to manage Covid-19 cases must be accredited.
22 April 2020See how Coronavirus add 16 million new subscribers to ‘Netflix and chill’
Netflix Inc. end di first quarter with nearly 16 million new subscribers as pipo all over di world hook for house sake of lockdown wey different goment put in place to take fight di spread of Covid-19.
Streaming services don become wetin pipo dey use joli themself for house
Di 15.8 million net customer wey dem add pass wetin di streaming giant bin dey forecast from 2019 and e dey likely say dis growth go continue.
As e be, Netflix don get 182.9 million subscribers world wide.
However, di streaming service wey dey behind some multi million dollar production say di shutdown don stop dem to pause almost all filming around di world.
Wia dis foto come from, Daniel Semeniworima
22 April 2020Cow poo or urine fit prevent Covid-19?, Abeg no think am.
Just watch dis special video from awa Facebook page.
22 April 2020Lockdown: Kano goment say make pipo comot shop for Ramadan
Wetin we call dis foto, Govnor Abdullahi Ganduje of Kano ontop lockdown mata
Kano goment for northwest Nigeria don announce Thursday, from 6:00am to 12:00pm as free day for pipo to comot and shop for Ramadan wey fit start on Friday.
Deputy govnor of di state Nasiru Gawuna na im make di announcement during meeting of di covid 19 taskforce wey e be chairman.
Na Kano get di third highest number of coronavirus cases for Nigeria after Lagos and Abuja with 73 cases.
Di state currently dey on lockdown for 6 days now.
22 April 2020"Make no mistake, we get long way to go. Dis virus go dey with us for a long time."- WHO Oga
Wia dis foto come from, Reuters
Wetin we call dis foto, WHO Oga draw ear give Africa, Central and South America and Eastern Europe
Di head of di World Health Organization don warn say di way wey coronavirus dey rise for Africa, Central and South America and Eastern Europe dey really worrying.
Tedros Adhanom Ghebreyesus for video news conference in Geneva say while most of di epidemics for western Europe appear to dey stable or dey reduce, for many kontris, di disease just dey start.
Dr Tedros say some knotris wey don look like say dem dey do well in di initial stages of di pandemic, now dey see big increase of cases.
"Most kontris still dey in di early stages of dia epidemics and some wey dey affected early in di pandemic, now dem dey see resurgence in cases," im tok.
"Make no mistake, we get long way to go. Dis virus go dey with us for a long time."
22 April 2020Cow piss fit cure Coronavirus?
22 April 2020Why kontris wey women dey lead dey respond well to Covid-19 pandemic?
22 April 2020Coronavirus dey 'dabaru' Somalia economy
Wia dis foto come from, Reuters
Wetin we call dis foto, Moni from di abroad dey help many pipo for Somalia pay for dia basic needs
Somalia finance minister don tell BBC say Covid-19 dey really get bad effect on dia economy.
Oga Abdirahman Duale Beyle say moni wey dey come from yonda don dry up sake of say many kontir pipo for di abroad don loss dia jobs because of coronavirus.
He added that government revenue has shrunk by 40% because it is unable to collect taxes.
Oga Beyle believe say some people go starve as a result of dis crash
About $1.5bn (£1.2bn) for one year dey enta di kontri from yonda and e dey always plenti more than foreign aid, and many families dem dey depend on di moni to survive.
22 April 2020Govnor El-rufai don recover from Covid-19
Wia dis foto come from, El-rufau
Kaduna State Governor Nasir El-Rufai don recover from coronavirus.
He tok, “I dey happy to report today say after almost four weeks wey I bin dey under medical care, I don receive di all-clear afta dem don test me negative two times.”
Na on Saturday 28 March 2020 na im doctors bin confam to di govnor of di north west Nigerian state say im bin get di new coronavirus.
22 April 2020Court no gree release R.Kelly from prison even as inmates test positive to coronavirus
Wia dis foto come from, Cook County Sheriff’s Office
R&B singer R. Kelly, dey wait for im trials ontop accuse of sex abuse for New York and Chicago and court don deny am di second emergency plea for im release.
Currently, dem put am for Metropolitan Correctional Center for Chicago, where dem don confam say some staff and inmates test positive to Coronavirus.
But on Tuesday one US District Judge tok say R. Kelly must dey behind bars sake of di fear say im fit intimidate witnesses if dem release am.
Plenti high-profile US inmates, including comedian Bill Cosby, don enta coronavirus appeals say make dem release dem early.
Donald Trump former lawyer Michael Cohen and rapper Tekashi 69 dey among pipo wey dem don allow to finish dia sentence for house.
22 April 2020Minister plead guilty say she no follow lockdown rules
South Africa Communication Minister Stella Ndabeni don admit say she no follow lockdown rules and she don pay fine of 1,000 rand ($53;£42) wey di senior magistrate order for di Tshwane district court.
Di National Prosecuting Authority, Phindi Mjonondwane tok say di minister court case prove say all di citizen dey equal and no one suppose break di law.
Di picture of di minister bin surface where she dey attend lunch for her former colleague house as lockdown dey di kontri to stop di spread of Coronavirus.
President Cyril Ramaphosa summon di minister to put am on two months special leave. She later tok sorry say she no follow di lockdown rules.
Wia dis foto come from, Getty Images
22 April 2020‘Ghana govment no dey hide covid-19 infection figures like some other countries’ – Information Minister, Some social commentators raise allegation say authorities dey hide COVID-19 cases but govment say dis no be true
Wia dis foto come from, Ghana Web
Wetin we call dis foto, Ghana govment no dey hide figures
Govment of Ghana say dem no dey hide figures of covid-19 as some people dey speculate.
Some Ghanaians raise concern say per de line graph wey dey Ghana Health Service website top, check like total infections catch over 1,000 around April 13, 2020 but officials hide am.
But dem either pull down or hide de figures until President Akufo-Addo announce say Covid-19 cases rise catch 1,042 last Sunday.
But Information Minister, Kojo Oppong Nkrumah talk BBC Pidgin say dis claim no be true, “if govmnent wan hide figures like we go behave like some of de countries wey say dem no dey test, so dem no know dema cases at all.”
“We no get interest in hiding sake of for us, de more we find de better we fit provide care and treatment” he add.
He also explain say if like Ghana Health Service dey use bar graph like people go see de data based on when dem announce to de public.
But since Ghana Health Service dey use line graph, some people dey conclude say den in between one point to de other on de graph, de figures rise wey dem hide am until announcement.
Dis he explain say e no be correct representation of de data wey Ghana Health Service publish.
Ghana record 1,154 covid-19 cases out of which 120 people recover wey 9 die.
22 April 2020Kano police arrest 30 pipo wey dey play football during lockdown
Article Information
- - Author, Mansur Abubakar
  - Role, BBC Pidgin, Kano
Kano Police command tok-tok pesin DSP Abdullahi Haruna tell BBC say dem arrest 30 pipo wey dey for one football field for Kano city on Tuesday when di northwestern Nigeria state suppose dey on lockdown.
Di police officer add say di pipo wey dem arrest for Dala local goment wey dey central Kano include all di players wey dem catch for di field, di referee and di coach.
“Dem disobey di lockdown order wey dey Kano na im make us arrest all of dem including di referee and di coach and according to di law we go carry dem go court to answer for dia offence.”
Na Kano get di third highest number of cases for Nigeria after Lagos and Abuja with 73 cases, di state currently dey on lockdown.
22 April 2020170 pipo don recover from coronavirus for Lagos
Nine pipo na im Lagos state goment say dem don discharge again as dem don fully recover from Coronavirus.
Di state commissioner for health, Professor Akin Abayomi say out of di 9 pipo, five na female, four na male plus one foreigner wey bin come from Poland.
Skip X post
Allow X content?
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
Warning: Di BBC no dey responsible for di content of external sites.
End of X post
Di number of pipo wey don recover from coronavirus for di state don reach 170 out of di 438 cases wey dem don confam and 16 pipo don die. Lagos state dey on four weeks lockdown to contain di spread of di virus.

Children fit spread coronavirus if schools reopen?

Live Coverage

23 April 2020Super Eagles captain deny tori say e get Covid-19

23 April 2020Kano govnor say di death rate for di state dey ‘normal’

23 April 2020Una good morning!

23 April 2020Coronavirus lockdown: 'My children no fit hug me'

22 April 2020Na here we go march break today!

22 April 2020German vaccine for Covid-19 don set for human testing

22 April 2020NCDC dey investigate wetin cause Kano deaths

22 April 2020See how Coronavirus add 16 million new subscribers to ‘Netflix and chill’

22 April 2020Cow poo or urine fit prevent Covid-19?, Abeg no think am.

22 April 2020Lockdown: Kano goment say make pipo comot shop for Ramadan

22 April 2020"Make no mistake, we get long way to go. Dis virus go dey with us for a long time."- WHO Oga

22 April 2020Cow piss fit cure Coronavirus?

22 April 2020Why kontris wey women dey lead dey respond well to Covid-19 pandemic?

22 April 2020Coronavirus dey 'dabaru' Somalia economy

22 April 2020Govnor El-rufai don recover from Covid-19

22 April 2020Court no gree release R.Kelly from prison even as inmates test positive to coronavirus

22 April 2020Minister plead guilty say she no follow lockdown rules

22 April 2020‘Ghana govment no dey hide covid-19 infection figures like some other countries’ – Information Minister, Some social commentators raise allegation say authorities dey hide COVID-19 cases but govment say dis no be true

22 April 2020Kano police arrest 30 pipo wey dey play football during lockdown

22 April 2020170 pipo don recover from coronavirus for Lagos