INEC, di electoral joinbodi for Nigeria don declare President Muhammadu Buhari of di All Progressives Congress, APC, di winner of di 2019 presidential elections.
Daniel Semeniworima and Nduka Orjinmo
Na hia we go begin dis Tuesday Live Page as tori dey happun across Nigeria afta Saturday presidential and national assembly elections.
Attention don shift go Abuja, wia INEC go announce results from all di 36 states and di FCT.
BBC Pidgin tori pipo wey dey ground across Nigeria, still dey keep eye to bring you di latest. No forget say we dey Twitter, Instagram and Facebook as BBCNewsPidgin.
Take dis proverb for dis Tuesday, take hold bodi first.
INEC chairmo Prof. Mahmood Yakubu don adjourn di collation of results to 10:00am on Tuesday February 26.
Prof. Yakubu say dem go start wit di declaration of result from Plateau state afta which im say hopefully dem go get to all di oda states of di federation wey dem neva still declare.
Afta 10 states, INEC don start again to call results, beginning with Enugu state.
President Muhammadu Buhari dis evening go do surprise visit for im Presidential Campaign Office inside Abuja.
Wia dis foto come from, APC
Wia dis foto come from, APC
Wia dis foto come from, APC
Wia dis foto come from, APC
FINAL RESULTS FOR KANO (PRESIDENTIAL)
APC - Muhammadu Buhari = 1,464,768 (78.9%)
PDP - Atiku Abubakar = 391,573 (21.1%)
APC clear all 44 local goment for Kano
Na ruling party APC win all di 44 local goment wey dey Kano after Presidential elections collation of result end for di state.
Di result no surprise pipo since na state wey President Muhammadu Buhari dey always win since e start to contest for Presidential in 2003.
But dis time around some pipo expect tougher fight for am on to say former Kano Governor Rabiu Kwankwaso wey get many supporters for di state dey with PDP.
Wia dis foto come from, Bayo Omoboriowo
Acting oga pata of Nigeria police Mohammed Adamu don send team to enta Bayelsa state for south south Nigeria to find out why jaguda pipo assault one Deputy Commissioner of Police for di state.
On Sunday, jaguda pipo storm one river jetty for Brass Island and attack di DCP wey dem post to supervise election for dia.
For statement wey di tok tok pesin of Police for Bayelsa state Asinum Butswat release, e say di team work include to find winch pipo commit di crime, arrest dem and carri dem go court.
Wia dis foto come from, Other
Former Kano govnor Mallam Ibrahim Shekarau don win senate seat to represent Kano central for di next National Assembly.
Returning officer for di senatorial district Prof Isa Sani yan say;
APC Ibrahim Shekarau get 527,324 while im closest rival Madakin Gini of PDP get 279,321.
Wia dis foto come from, Other
Final result of Presidential Election in Lagos State as announced by Lagos State chief collating officer, Professor Felix Kolawole Salako.
Total Valid Votes: 1, 089, 567
Rejected votes: 67, 023
Total votes Cast: 1, 156, 590
AAC: 8, 910
YPP: 5, 733
ANN: 6, 946
APC: 580, 825
PDP: 448, 015
APC inside Kano state for northwest Nigeria yan say wetin PDP dey tok say dem pay money to voters to vote President Muhammadu Buhari no be true.
For statement wey dem release dis Monday evening, APC add say make PDP no forget say President Buhari don dey win Kano tey tey for past elections so no need to pay pipo.
Wia dis foto come from, Abubakar Ibrahim
Plenti plenti drama na im eye dey see for presidential collation centre for Makurdi, di Benue state capital as many collation officers no fit defend dia result.
Some of di collation officers present result wey pipo wey vote pass pipo wey dem accredit.
Di one wey make pipo laugh pass na di INEC Collation Officer from Makurdi, Livinus Tuleun.
Na so dem come di ask am kwesion left right and centre e come explain say some polling unit, dem no use card readers and dat one make am difficult to add di numbers correctly.
Odas e be like say dem no understand election mathematics as dem struggle wit calculators for hours to arrange dia election result.
INEC Returning Officer Prof. Paul Eke don declare elections for Rivers East Senatorial district inconclusive.
Sake of di violence wey happen for Okrika, Emohua and Ikwerre local goment for di election, di returning officers from dis local goment say dem no get complete results from some wards and units and irregularities for number of pipo dem accredit and pipo wey dem say vote.
Tori be say di margin of difference too wide to declare result so di INEC Returning Officer for Rivers East Senatorial district, Prof. Paul Eke declare di election inconclusive.
Senator Florence Ita-Giwa say People's Democratic Party no fall hand for Cross Rivers State.
So far PDP don win di presidential election for all di fourteen local goment area wey INEC don announce results inside Cross River.
Madam Ita-Giwa tell BBC Pidgin say e too early to tok how di party perform nationwide.
91 EU observers wey visit 261 polling units across 31 states during Nigeria general election say election workers no follow important procedures all di time.
Dem tell tori pipo for Abuja say around 14% of dis areas di important material dey miss
Wia dis foto come from, EU observers
US ambassador to Nigeria, Stuart Symington don hail Nigerians wey come out to vote for di 2019 general election wey just happen on February 23.
Oga Symington say di election bin dey generally peaceful even tho small katakata happen for some areas. Im tok sorry to di all di pipo wey lose dia family member for di election katakata.
Wia dis foto come from, US Embassy
