INEC, di electoral joinbodi for Nigeria don declare President Muhammadu Buhari of di All Progressives Congress, APC, di winner of di 2019 presidential elections.
Daniel Semeniworima and Nduka Orjinmo
Nigeria Army say dem get recording of Gov. Nyesom Wike wen e try to bribe dem to rig election.
Dis na wetin Col. Aminu Illiyasu, di tok tok pesin for 6 division Nigerian Army tok live for National TV broadcast dis afternoon but Gov. Nyesom Wike neva reply di accuse.
#BBCNigeria2019
#NigeriaDecides2019
Opposition Peoples Democratic Party don win presidential election for Bayelsa state south south Nigeria.
PDP get 197,933 Votes
APC get 118,821 Votes
Registered voters for di state na 923,182
Accredited voters na 344,237
Total valid votes 321,767
Rejected votes 14,089 Total
votes cast 335,856
Nigeria Army say dem get recording of Gov. Nyesom Wike wen e try to bribe dem to rig election.
Dis na wetin Col. Aminu Illiyasu, di tok tok pesin for 6 division Nigerian Army tok live for National TV broadcast dis afternoon but Gov. Nyesom Wike neva reply di accuse.
#BBCNigeria2019
#NigeriaDecides2019
Army for Port Harcourt dey accuse dis pipo say na dem Rivers State goment use to rig Saturday election.
But di pipo say MBAH! wetin army tok no be true.
See di drama inside dis video...#BBCNigeria2019
INEC don resume with announcement of presidential election results for Bauchi State.
Akwa Ibom INEC oga, Mike Igini say dem neva announce result for Akwa Ibom north west senatorial district as Commissioner of Police no fit guarantee di safety of di returning officer for di zonal headquarters, Ikot Ekpene.
But oga Igini confam say im and di state returning officer Prof Osasere Faraday Orumwense don ready to go Abuja to go present di presidential result for di state.
Na for only 30 LGAs out of di 31 LGAs election hold for di state as violence disrupt di election process for Udung Uko LGA.
Party agents for Delta State dey drag how election take happun for di state on Saturday.
Hon. Oke Idawene wey be SDP chairman for Delta state and also party agent, say anybodi wey lose election don lose. Im even say for America, no be Presido Donald Trump win election, say no "wia wey rigging no dey happun."
PDP chairman and also party agent for Delta, Kingsley Esiso point hand give APC party and say di accuse wey dem sama about rigging for some LGA no be true.
___________________________________________________________________________
Wia dis foto come from, Getty Images
For make spit no dry for dia mouth and as bodi no be firewood, di INEC collation centre for Abuja don pause to go break.
Former govnor of Benue State, Senator George Akume no dey return to Nigeria red chamber as im lose im election to PDP candidate Orkev Jev.
Di two of dem bin dey contest for di Benue north west senatorial constituency and score:
APC: 115,422
PDP: 157,776
Police for Bayelsa state say di deputy commissioner of police wey jaguda pipo drag anyhow for Nembe LGA don dey okay and don return to im duty post.
Commissioner of police for Bayelsa State, Aminu Pai Saleh tell BBC pidgin say di officer dey okay and safe wia im dey. E confam say “di jaguda pipo no kidnap di DCP, but dem man-handle am”.
Tori bin comot on Sunday say jaguda pipo carri one senior police officer for Nembe area.
Wia dis foto come from, Getty Images
Governor Aminu waziri Tambuwal say opposition for di state arrange wit security Agents to intimidate PDP supporters and even some on election day.
For broadcast wey im make for di state, im say opposition use election officials to rig elections for Sokoto state,say dem bring election materials late to PDP areas.
