ارام سمندر کې تر اوبو لاندې د اورشیندي له چاودنې وروسته، د څونامي څپې خپرې شوې
د عکس سرچینه، NOAA
د ارام سمندر په منځ کې د اورشیندي غره چاودیدو له کبله د ټونګا هېواد ساحلي سیمو ته توفاني څپې رسېدلې دي.
له دې مخکې د نیوزیلنډ او ټونګا په ګډون یو شمېر هېوادونو کې د څونامي یا سمندري توپان خبرداری ورکړل شو.
پر خواله رسنیو خپاره شوي ویډیويي کلیپونه ښيي چې د سمندري څپو یوه جوپه په ټونګا کې د یوې کلیسا او کورونو پر لور ورځي. ویل کېږي، پر پلازمېنه نوکو - الوفا د ایرو باران شوی.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای, 1
د ارام سمندر دې ټاپو له اوسېدونکو غوښتل شوي، چې لوړو ته وخېژي.
په هونګا ټونګا - هونګا هاپای اور شیندو غرونو لړۍ کې دا وروستۍ چاودنه ده.
امریکا هم په امریکن ساموا ټاپوګانو کې چې د دې هېواد ملکیت دی، د څونامي خبرداری خپور کړی دی.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای, 2
د دې چاودنې غږ چې اته دقیقې یې دوام وکړ، نژدې اته سوه کیلومتره لېرې د فیجي پلازمېنه سوفا کې هم اورېدل شوی.
د ټونګا جیولوژیکل خدمتونو ادارې چارواکي وايي، له چاودنې وروسته د ایرو او لوګیو غوټه له اورشیندي نژدې ۲۰ کیلومتره هوا ته پورته شوه.
هونګا ټونګا - هونګا پای د ټونګا پلازمېنې ۶۵ کیلومتره لېرې موقعیت لري.
بل لور په نیوزیلنډ کې چې د چاودنې له ځایه نژدې ۲۳۰۰ کیلومتره لېرې دی، چارواکو د توفاني څپو خبرداری ورکړی دی.
د دې هېواد حوادثو ادارې ویلي، ساحلي سیمو کې ښايي د معمول خلاف لوی چپاوونه او لوړې څپې ولیدل شي.
د هوا پېژندنې ځايي ادارې په یوه ټویټر پیغام کې ویلي، ''د نیوزیلنډ په لر او بر کې د خلکو (د چاودنې) غږ اورېدلی چې له کبله یې زورور قوت خارج شوی دی. ''
