نن سهار په اسلام اباد کې، د ممکنه خبرو لپاره چمتووالی لا هم روان دی. پلازمېنه کې امنیتي پوستې او د "اسلام اباد خبرې" لوحې او بینرونه د لارو په اوږدو کې لیدل کېږي، خو لا هم وضعیت ناڅرګند دی.
سپینې ماڼۍ ویلي، د مرستیال ولسمشر جې ډي وینس په مشرۍ به یو امریکایی پلاوی پاکستان ته سفر وکړي، خو وخت یې روښانه نه دی.
داسې انګېرل کېده چې هغه به تر دې مهاله رسېدلی وي، خوفکر کېږي چې هغه د دوشنبې شپه په واشنګټن کې تېره کړه.
لامل یې ښايي د ایران له لوري په خبرو کې د ګډون په تړاو په عام محضر کې د اعلان په هکله ناڅرګند وضعیت وي، چې په اعلامیو کې یې لا هم غم او غوسه ښکاري.
د ایران د پارلمان مشر محمد باقر قالیباف په هکله، چې تمه کیږي د ایران د پلاوي مشري به وکړيوروستی خبر دا دی چې وايي، ایران به "د ګواښونو تر سیوري لاندې" خبرې ونه مني. هغه ډونلډ ټرمپ ''اوربند سرغړونې" تورن کړ.
نوموړي د هرمز تنګي پیښو ته اشاره کوله، چې امریکا د ایران بیرغ لرونکې بار وړونکې بېړۍ یې نیولې.
خوپه ایران کې نورڅه هم روان دي. سخت دریځي قالیباف په څېر شخصیتونه تر فشار لاندې راولي، چې د دیپلوماسۍ پر ځای شخړه غوره کړي.
په داسې یوه هېواد کې د واک پر سر داخلي شخړې، چې په جګړه کې یې لوړپوړي مشران وژل شوي، هغه څه دي چې د پردې تر شا روان دي.
ښايي داسې ډېر څه چې موږ یې په عام محضر کې اورو، سیاسي غوغا وي، او پرته له دې چې مشران یې څه ووايي، ښايي ایرانیان د سفر چمتوالی کوي.
خو د دې هر څه معنی دا ده، چې د اوربند له پای ته رسېدو ایله یوه ورځ مخکې لا هم نه پوهېږو، چې ایا د سولې دا خبرې به وشي او که نه.