SNP: 58. LÀB: 17. REF: 17. UAN: 15. TÒR: 12. LD: 10.
'S iad an SNP am partaidh as motha ann an taghadh na h-Alba le 58 ball
Bha na Làbaraich is Reform san dàrna àite air 17
Tha 15 aig na h-Uainich is dà roinn nam measg
Chrìochnaich na Lib Deamaich le 10 ball is iad air adhartas a dhèanamh aig tuath
Thug Dòmhnall MacFhionghain na h-Eileanan an Iar airson nan Làbarach 'son a' chiad turas bho 2007
Air a' Ghàidhealtachd chum an SNP Inbhir Nis is Inbhir Narann, ach thug na Lib Deamaich Gallaibh, Cataibh is Ros agus An t-Eilean Sgitheanach, Loch Abar is Bàideanach bhuapa
Chùm an SNP Earra-Ghàidheal is Bòd
'S e Liosta na Gàidhealtachd is nan Eilean a' bhòt mu dheireadh a thàinig a-steach aig 01:21m
Thuirt ceannard an SNP, Iain Swinney, gu bheil e an dòchas gum bi "co-obrachadh nas fheàrr ann" le Riaghaltas na Rìoghachd Aonaichte nuair a thilleas e gu Holyrood
Chuir an Ceann-suidhe Trump meal a naidheachd air Mgr Swinney
Thuirt Anas Sarwar gun robh na Làbaraich "air an argamaid airson atharrachadh a chall" is gun robh e goirt
Tha ceannard Reform ann an Alba ag ràdh gu bheil "bunait làidir" aca.
Tùs an deilbh, PA MediaDh' aidich ceannard nan Làbarach ann an Alba, Anas Sarwar, gun do chaill am partaidh aige an argamaid airson atharrachadh agus gu bheil iad goirt le na thachair san taghadh.
Chuir ceannard nan Tòraidhean Albannach a' choire air Reform UK airson sgaradh a dhèanamh ann am bhòt an aonaidh agus a bhith a' cur bhall SNP gu Holyrood.
A' teannadh dlùth, tha e coltach.
Thuirt ball Westminster nan Eilean Siar Torcuil Crichton gun do bhuannaich tagraiche nan Làbarach Dòmhnall MacFhionghain an aghaidh an t-sruth an-diugh.
Torcuil Crichton
Seo a-nise a' bhòt air an liosta a' tighinn a-steach:
Bidh sinn a' feitheamh ùine 'son toradh na liosta aig tuath leis gu bheil dà roinn ri'n gairm fhathast.
Tha dearbhadh a-nise, ge-tà, air bhòtaichean nan Eilean Siar air an liosta.
Bidh e ri fhaicinn fhathast mar a bheir sin buaidh air na toraidhean aig a' cheann thall.
Tha Iain Swinney air fàilte a chur air toraidhean an taghaidh thuige seo.
"Tha mi air mo dhòigh glan gu bheil an SNP air an taghadh a bhuannachadh agus gum bi sinn air a' phartaidh gu math nas motha na an fheadhainn eile," thuirt e.
Thuirt am Prìomh Mhinistear gun robh e làn chinnteach gum biodh mòr-chuid a bha a' taiceachadh neo-eisimileach aig Holyrood.
Thuirt Mgr Swinney cuideachd gun robh e an dòchas gun èisteadh Sràid Dhowning leis gun deach na Làbaraich a phronnadh uair eile ann an Alba.
"Chaidh riaghaltas SNP, an dèidh 19 bliadhna ann an cumhachd, a thilleadh gu oifis gu làidir," thuirt e.
Tùs an deilbh, Getty Images
Tùs an deilbh, PA'S e droch là bh' ann do dh'Aonghas Robasdan ann am Meadhan Dhùn Èideann is e a' crìochnachadh san treas àite.
Tha e den bheachd gur dòcha gun tug mar a tha crìochan Mheadhan Dhùn Èideann air atharrachadh bho 2021 buaidh air.
"Tha iad air atharrachadh gu mòr," thuirt e.
Chuir e meal a naidheachd cuideachd air Lorna Slater is i air an seat a bhuannachadh airson nan Uaineach.
Tha sinn a' feaitheamh air trì roinnean:
Agus chan eil gin againn a thaobh nan liostaichean.
Sin 59 ball uile gu lèir is mar sin bidh an dealbh ag atharrachadh gu mòr fhathast.
Leis a h-uile sgìre anns a' Chumirigh a-niste air an gairm, chan eil mòr-chuid aig partaidh sam bith san t-Senedd.
Fhuair Plaid Cymru 43, Reform UK 34, 9 aig na Làbaraich, agus 7 aig na Tòraidhean.
Tha na h-Uainich air a' chiad dithis bhall riamh aca san t-Senedd fhaighinn, agus tha aon bhall aig na Libearalaich Dheamocratach.
Chaidh àireamh nam ball a leudachadh gu 96, seach an 60 ball a bh' ann roimhe, agus tha feum air 49 airson mòr-chuid.
'S e seo a' chiad uair a chaill na Làbaraich cumhachd sa Chuimrigh bho chaidh an Senedd a chur air bhonn. Tha an eachdraidh nas motha na sin, agus am partaidh air a bhith am bàrr sa Chuimrigh fad 100 bliadhna.
Chaill am Prìomh Mhinistear, Eluned Morgan, a seat, agus leig i dhith ceannas Làbaraich na Cuimrigh.
Bidh a-niste aig Plaid Cymru, no Reform, ri aonta a chur air dòigh airson riaghaltas a stèidheachadh. Cha bhi sin furasta do phartaidh sam bith.
Tha am prògram telebhisein againn a-nise a' dol le Dòmhnall Angaidh Moireasdan aig an stiùir is faodaidh sibh coimhead air aig mullach na duilleige.
Rinn an tagraiche Lib Deamach an gnothaich air Maree Todd, Ministear Dhrugaichean an riaghaltais mu dheireadh, le còrr air 5,000 bhòt.
'S iad Reform UK buannaichean mòra nan taghaidhean ionadail ann an Sasainn.
Aig an ìre seo, le 27 comhairle fhathast ri ghairm, tha 1,198 comhairlichean aca air feadh Shasainn. Sin an taca ri dithis a bh' aca anns na sgìrean far a bheil taghaidhean air an cumail an t-seachdain seo, roimhe.
Thug iad bhòtaichean gach cuid bho na Tòraidhean, aig a bheil 627 - sìos 466 - agus gu h-àraid bho na Làbaraich, a th' air 1,045 comhairliche a chall.
Rinn na h-Uainich adhartas cuideachd, a' faighinn 269 comhairlichean a bharrachd, ach tha iad an-dràsta le 384 eadar na comhairlean.
'S iad na Làbaraich an-dràsta an dàrna partaidh as motha sna comhairlean a chaidh a thaghadh.
Tha mun dàrna leth de na comhairlean a bha san taghadh seo ge-tà, air am fàgail gun smachd iomlan, 's an còrr air an roinn eadar na partaidhean.
Dùil mu dheireadh ri naidheachd às a' Ghàidhealtachd ma-thà!
Ach na gabh dragh, bidh sinn an seo co-dhiù gus an tig na toraidhean uile.
Is tha ceithir bananathan air fhàgail aig Teàrlach fhathast airson ar cumail a' dol.
Nach buidhe dhuinn ;)
Alasdair MacLeòid
Ag aithris à cunntadh nam bhòtaichean air a' Ghàidhealtachd
Toradh nam bhòt gu bhith againn air an àrd-ùrlar a dh'aithghearr.
Tha ceannard Reform UK ann an Alba a' cumail a-mach gu bheil cothrom ann fhathast aig a' phartaidh a bhith san dàrna àite an Alba.
Thuirt e gur e rèis a bh' ann a-nise eadar Reform UK agus Làbaraich na h-Alba.
"Bha mise gu pearsanta ag ràdh gun robh mi airson roinnean-pàrlamaid a bhuannachadh agus chan eil sin air tighinn troimhe," thuirt e.
Thuirt e gur e briseadh-dùil a bh' ann dha gun tàinig e san treas àite ann an Inbhir Chluaidh.
Bhuannaich an SNP leis na Làbaraich anns an dàrna àite air an cùl.
