SNP: 58. LÀB: 17. REF: 17. UAN: 15. TÒR: 12. LD: 10.
'S iad an SNP am partaidh as motha ann an taghadh na h-Alba le 58 ball
Bha na Làbaraich is Reform san dàrna àite air 17
Tha 15 aig na h-Uainich is dà roinn nam measg
Chrìochnaich na Lib Deamaich le 10 ball is iad air adhartas a dhèanamh aig tuath
Thug Dòmhnall MacFhionghain na h-Eileanan an Iar airson nan Làbarach 'son a' chiad turas bho 2007
Air a' Ghàidhealtachd chum an SNP Inbhir Nis is Inbhir Narann, ach thug na Lib Deamaich Gallaibh, Cataibh is Ros agus An t-Eilean Sgitheanach, Loch Abar is Bàideanach bhuapa
Chùm an SNP Earra-Ghàidheal is Bòd
'S e Liosta na Gàidhealtachd is nan Eilean a' bhòt mu dheireadh a thàinig a-steach aig 01:21m
Thuirt ceannard an SNP, Iain Swinney, gu bheil e an dòchas gum bi "co-obrachadh nas fheàrr ann" le Riaghaltas na Rìoghachd Aonaichte nuair a thilleas e gu Holyrood
Chuir an Ceann-suidhe Trump meal a naidheachd air Mgr Swinney
Thuirt Anas Sarwar gun robh na Làbaraich "air an argamaid airson atharrachadh a chall" is gun robh e goirt
Tha ceannard Reform ann an Alba ag ràdh gu bheil "bunait làidir" aca.
Alasdair MacLeòid
Ag aithris à cunntadh nam bhòtaichean air a' Ghàidhealtachd
Còrr is 12 uairean de thìde bhon a thòisich luchd-cunntaidh ann an Ionad Spòrs Inbhir Nis, tha na corragan bochda fhathast ag obair tro bhileagan bhòtaidh!
Chan eil sin a' fàgail a-nise ach Liosta na Gàidhealtachd is nan Eilean.
Alasdair MacLeòid
Ag aithris à cunntadh nam bhòtaichean air a' Ghàidhealtachd
Far am bi poileataigs, bidh piotsa - tha e coltach!
Tha 73 roinnean ann an taghadh Pàrlamaid na h-Alba is seo mar a chrìochnaich cùisean.
'S e Baile Udain is Cnoc a' Chluig an roinn mu dheireadh a bha air fhàgail.
Tha sin a' fàgail trì liostaichean:
A' bruidhinn an dèidh dhi call a-mach air roinn an Eilean Sgitheanaich, Loch Abair is Bàideanaich, thuirt Eilidh Rothach, tagraiche an SNP, gun robh e na bhriseadh-dùil ach gun robh i taingeil dhan h-uile duine a thug bhòt dhi.
"Rinn sinn iomairt onarach is dòchasach agus bidh mi moiteil as an sin gu siorraidh," thuirt i.
"Cumaidh sinn na Lib Deamaich ris na gheall iad a dhèanamh do mhuinntir na sgìre agus nì sinn strì uair eile."
Bha na Lib Deamaich gu mòr ag amas air adhartas a dhèanamh air a' Ghàidhealtachd is bidh am partaidh air an dòigh gu bheil iad air dà roinn aig tuath a thoirt bhon SNP.
Tha buannaiche Inbhir Nis agus Inbhir Narann ag ràdh nach eil i ag aontachadh le Fearghas Ewing air mòran rudan ach gum feum buill an dìcheall a dhèanamh don luchd-bhòtaidh.
Tha an roinn a bh' aig Ceit Fhoirbeis air a dhol gu na Lib Deamaich agus gu Anndra Baxter, a th' air a bhith grunn bhliadhnaichean na chomhairliche air a' Ghàidhealtachd.
Tha an t-Oll John Curtice air a bhith a' dol tro na h-àireamhan is seo mar a tha esan a' faicinn chùisean aig an ìre seo:
Chì sinn fhathast a bheil e ceart.
Alasdair MacLeòid
Ag aithris à cunntadh nam bhòtaichean air a' Ghàidhealtachd
Toradh a’ tighinn…
Dearbhadh an sin gur e deireadh linn a th' ann is Fearghas Ewing a' fàgail Holyrood.
'S i Emma Roddick, a bha na ball liosta, a tha a-nise na ball SNP airson Inbhir Nis is Inbhir Narann.
