Sùil air ais air Taghadh Holyrood 2026air fhoillseachadh aig 01:35 TSB 9 An Cèitean
Fàgaidh sinn sibh le sùil air ais tro Thaghadh na h-Alba 2026.
Geàrr-chunntas
SNP: 58. LÀB: 17. REF: 17. UAN: 15. TÒR: 12. LD: 10.
'S iad an SNP am partaidh as motha ann an taghadh na h-Alba le 58 ball
Bha na Làbaraich is Reform san dàrna àite air 17
Tha 15 aig na h-Uainich is dà roinn nam measg
Chrìochnaich na Lib Deamaich le 10 ball is iad air adhartas a dhèanamh aig tuath
Thug Dòmhnall MacFhionghain na h-Eileanan an Iar airson nan Làbarach 'son a' chiad turas bho 2007
Air a' Ghàidhealtachd chum an SNP Inbhir Nis is Inbhir Narann, ach thug na Lib Deamaich Gallaibh, Cataibh is Ros agus An t-Eilean Sgitheanach, Loch Abar is Bàideanach bhuapa
Chùm an SNP Earra-Ghàidheal is Bòd
'S e Liosta na Gàidhealtachd is nan Eilean a' bhòt mu dheireadh a thàinig a-steach aig 01:21m
Thuirt ceannard an SNP, Iain Swinney, gu bheil e an dòchas gum bi "co-obrachadh nas fheàrr ann" le Riaghaltas na Rìoghachd Aonaichte nuair a thilleas e gu Holyrood
Chuir an Ceann-suidhe Trump meal a naidheachd air Mgr Swinney
Thuirt Anas Sarwar gun robh na Làbaraich "air an argamaid airson atharrachadh a chall" is gun robh e goirt
Tha ceannard Reform ann an Alba ag ràdh gu bheil "bunait làidir" aca.
Sùil air ais air Taghadh Holyrood 2026air fhoillseachadh aig 01:35 TSB 9 An Cèitean
Sin e ma-thàair fhoillseachadh aig 01:32 TSB 9 An Cèitean
Tha an SNP air an taghadh seo a bhuannachadh is iad fada air thoiseach air na partaidhean eile, ach gann de mhòr-chuid.
Chì sinn anns na làithean ri thighinn dè dìreach a bhios seo uile a' ciallachadh dhan phàrlamaid ùir.
Bidh sinn air ais an seo madainn Disathairne aig 11:00 le beachdan is cnuasachadh a bharrachd agus bidh cuideachd prògram againn air BBC Radio nan Gàidheal eadar 12f is 1f.
Chun uairsin, taing mhòr 'son a bhith còmhla rinn agus oidhche (no madainn) mhath!
An dealbh slànair fhoillseachadh aig 01:28 TSB 9 An Cèitean
Agus seo mar a tha e a' fàgail chùisean is na toraidhean uile againn.
A' Ghàidhealtachd is na h-Eileananair fhoillseachadh aig 01:23 TSB 9 An Cèitean
Seo e a-niseair fhoillseachadh aig 01:20 TSB 9 An Cèitean
Seo na buill a tha air soirbheachadh ann an sgìre taghaidh na Gàidhealtachd is nan Eilean:
- Vic Currie - Reform
- Max Bannerman - Reform
- Ariane Burgess - Uainich
- Kristopher Leask - Uainich
- Tim Eagle - Tòraidhean
- Morven May MacCallum - Lib Deamaich
- Maree Todd - SNP
Cowboy Inbhir Nisair fhoillseachadh aig 00:45 TSB 9 An Cèitean
Alasdair MacLeòid
Ag aithris à cunntadh nam bhòtaichean air a' GhàidhealtachdChan eil fhios ‘am a bheil cowboy air nochdadh, no an e gu bheil an sgìths a’ laighe orm…?
Dòchas?air fhoillseachadh aig 00:41 TSB 9 An Cèitean
Alasdair MacLeòid
Ag aithris à cunntadh nam bhòtaichean air a' GhàidhealtachdCuid dhe na bùird-bhòtaidh a-nise falamh, cuid eile air an toirt air falbh… an urrainn dha idir a bhith gu bheil deireadh a’ chunnt air fàire?
Sgìosair fhoillseachadh aig 00:30 TSB 9 An Cèitean
Dealbh bhon fhear-naidheachd againn Iain MacAonghais, a tha cuideachd an làthair aig cunntadh nam bhòtaichean ann an Ionad Spòrs Inbhir Nis.
Chan eil fiosam a bheil cus spòrs a' dol an sin an-dràsta is daoine a-nise a' fàs gu math sgìth.
Tha sinn a' feitheamh fhathast airson buil na Gàidhealtachd is nan Eilean.
Cudromachair fhoillseachadh aig 00:22 TSB 9 An Cèitean
Tha tè-naidheachd phoileataigeach BBC Scotland Kirsten Chaimbeul air togail air mar a bha cuid de luchd-naidheachd ag ràdh gum bi iad ag ionndrainn cunntadh tron oidhche - tha e againn fhathast an seo air a' Ghàidhealtachd!
Ach tha Kirsten a' togail cuideachd air cho cudromach 's a tha an toradh mu dheireadh seo: innsidh e dhuinn cò an dàrna partaidh as motha a bhios ann is cò gheibh an cothrom a' chiad cheist fhaighneachd aig Ceistean a' Phrìomh Mhinisteir.
Seataichean liostaair fhoillseachadh aig 23:56 TSB 8 An Cèitean
Tha iad a' cunntadh fhathast ann an Inbhir Nis, ach seo suidheachadh nan seataichean liosta aig an ìre seo is na seachd sgìrean eile air an gairm (bho chionn fhada an t-saoghail).
Buil na Gàidhealtachdair fhoillseachadh aig 23:26 TSB 8 An Cèitean
Tha sinn a' feitheamh fhathast ach chan eil e soilleir idir cuine thig na toraidhean mu dheireadh à cunntadh nam bhòtaichean ann an Inbhir Nis.
Bheir sinn am fiosrachadh thugaibh cho luath 's a thig e. Agus mura dèan iad cabhag, bidh cothrom againn na tadhail san iomain a-màireach a thoirt thugaibh cuideachd.
Faclan gu math glic!air fhoillseachadh aig 23:03 TSB 8 An Cèitean
Alasdair MacLeòid
Ag aithris à cunntadh nam bhòtaichean air a' GhàidhealtachdThig crìoch air an t-saoghal, ach mairidh gaol, ceòl, is cunnt Ionad Spòrs Inbhir Nis.
Cunntadh a' leantainn ann an Inbhir Nisair fhoillseachadh aig 22:48 TSB 8 An Cèitean
Robh iad glic gu leòr pocanan cadail a thoirt leotha ge-tà?
'S dòcha gum bi feum orra fhathast.....
Comhfhurtachd aig cuidair fhoillseachadh aig 22:47 TSB 8 An Cèitean
Alasdair MacLeòid
Ag aithris à cunntadh nam bhòtaichean air a' Ghàidhealtachd‘S iad a bha glic ach Mary is Janice a thàinig dhan chunnt le seathraichean math, cofhurtail.
Fiosair fhoillseachadh aig 22:36 TSB 8 An Cèitean
Alasdair MacLeòid
Ag aithris à cunntadh nam bhòtaichean air a' GhàidhealtachdCo-dhiù, tha oidhche mhath ann…
Toradh liosta na Gàidhealtachdair fhoillseachadh aig 22:31 TSB 8 An Cèitean
Alasdair MacLeòid
Ag aithris à cunntadh nam bhòtaichean air a' GhàidhealtachdTha oifigear bho Chomhairle na Gàidhealtachd ag ràdh gum bi ùine ann fhathast mus bi toradh nam bhòt ann airson liosta na Gàidhealtachd is nan Eilean.
Tha dùil gun cùm an cunntadh a’ dol gum bi cùisean air an toirt gu ceann a-nochd fhathast, ach chan eil fios dè cho fad 's a bheir e.
Fìor dheagh là dha na h-Uainichair fhoillseachadh aig 22:21 TSB 8 An Cèitean
Tùs an deilbh, PATha Gillian NicAoidh bho na h-Uainich cuideachd a' dèanamh gàirdeachais.
Tha 13 ball aca aig an ìre seo is tha a dhà dhiubh sin anns na roinnean 'son a' chiad uair.
Ge bith dè thachras air a' Ghàidhealtachd, 's e seo a' bhuidheann as motha a bhios na h-Uainich air cur gu Holyrood.
"Tha daoine air dòchas a thaghadh," tha i ag ràdh.
Cùisean a' tighinn gu ceannair fhoillseachadh aig 22:15 TSB 8 An Cèitean
Alasdair MacLeòid
Ag aithris à cunntadh nam bhòtaichean air a' GhàidhealtachdBocsaichean a thàinig a-raoir làn de bhileagan-bhòtaidh, a’ falbh falamh ann an cùl bhan…
"Bunait làidir" aig Reformair fhoillseachadh aig 22:08 TSB 8 An Cèitean
Tùs an deilbh, PA Media'S e sin a tha Malcolm Offord ag ràdh is Reform air 15 seat fhaighinn air an liosta - is toraidhean na Gàidhealtachd fhathast ri thighinn.
"Bidh fòcas againn air na rudan a tha cudromach do dhaoine," tha e ag ràdh.
"Sgoiltean, rathaidean - sin far am bu chòir prìomhachas a chur."
Liosta na Gàidhealtachdair fhoillseachadh aig 22:01 TSB 8 An Cèitean
Tha 13 uairean de thìde a-nise bho thòisich cunntadh nam bhòtaichean is tha e coltach gu bheil ceistean ann a thaobh cho fada 's a tha e a' toirt Liosta na Gàidhealtachd a chrìochnachadh.
Chan e seo a' chiad turas a bha gnothaichean air dheireadh san dòigh seo ann an Inbhir Nis anns na bliadhnaichean mu dheireadh.
Tha sinn a' tuigsinn (agus an dòchas!) nach bi e ro fhada a-nise.