Anthony Joshua vs Pulev: Anthony Joshua akụpụla Kubrat Pulev ọkwụrụ n'anya

Mkpuchi Na Eme Ozugbo

1. 1 Nọvemba 2020Fashola akpọkwala anyị aha - Ụlọomeiwu ukwu

   

   Ebe foto si, Getty Images

   Ụlọomeiwu ukwu agwala Babatunde Fashola bụ minista ọrụ na ụlọ, ya gbara ọgwụ ya ṅụọ n’ihi ụta ha sị na ọ tara ha maka ọnọdụ ụfọdụ okporoụzọ gọọmentị etiti na-elekọta dị na Benue steeti.

   N’ozi ha si n’aka Ajibola Basiru kesaa n’ụbọchị Sọnde, ha kwuru na ọ bụghị ndị omeiwu ka e kwesịrị ịta ụta maka ụzọ ọjọọ ọbụla dị na Naịjiria.

   Ha kwuru sị na ọ bụ "ezigbote akụkọ ụgha", ma kwuo na Fashola na-achọ ịrakọ ndị omeiwu na ndị ọha site n'ibo ha ụdịrị ebubo a.

   Basiru kwuru na Fashola kwuru okwu a n'ụlọọrụ ya n'Abuja, oge ndị larala ezumiike nka nakwa ndị ọnụ na-eru n'okwu si mpaghara Benue Saụt bịaara ya njem nleta.

   Ha bịara ikpesara ya maka ụzọ ọjọọ ndị dị na mpaghara ha.

2. 1 Nọvemba 2020Mba Ọstralịa enweghị onye ọzọ butere ọrịa coronavirus

   

   Mba Ọstralịa ekwuola na enweghị onye ọzọ buterela ọrịa coronavirus na mba ahụ.

   Nke a bụ ụbọchị mbụ ha chọpụtara na enweghị ọnye ọzọ bu ya bụ ọrịa.

   Ndị ọrụ ahụike ha na-ekwu na ha nwereike iwepụ ụfọdụ mmachị ha tinyere maka ọrịa coronavirus.

   Mba a nwere mmadụ puku iri abụọ na asaa, na narị ise buterela ya bu ọrịa ebe mmadụ nari itolu anwụọla n'aka ya.

3. 1 Nọvemba 2020Otu nwoke ejirila mma agha gbuo mmadụ abụọ

   

   Ebe foto si, Getty Images

   Otu nwoke ji mma agha ma yiri efe ndị agha mgbe ochie gburu mmadụ abụọ n'obodo Quebec dị na Kanada. Nwoke a merụrụ mmadụ ise ọzọ ahụ kama aka ndị uweojii akparala ya n'ime awa atọ ọ kpara mkpamkpa a.

   Ndị uweojii enyela ndị mmadụ ndụmọdụ ka ha nọrọ n'ụlọ dịka ha na-eme nyocha ha.

4. 1 Nọvemba 2020Unu abọọla chi

   Soro anyị maka akụkọ niile ga-amasị gị

5. 31 Ọktọba 2020Daalụ maka ịnọnyere anyị taa

   Ụbọchị nta ka anyị chụọ n'Owere nchị.

   Udo dịrị gị.

6. 31 Ọktọba 2020Mba Briten ga-abanye 'lockdown' ọzọ n'ụbọchị Tọzde - Johnson

   

   Ebe foto si, Getty Images

   Boris Johnson bụ praịm minista mba Briten ekwuola na ha ga-abanye mmechi obodo ọzọ bido n'ụbọchị Tọzde bụ ụbọchị ise nke ọnwa Nọvemba.

   O kwuru nke a n'ihi na ọrịa coronavirus anyụwakwala ha anya ebe ọ dị ọjọọ ọzọ n'Ịngland.

   O kwuru sị na "ugbua bụ oge ịkpa ike n'ihi na enweghizi ihe ọzọ anyị ga-eme."

   Johnson kwuru na ndị mmadụ ejila ọsọ gbapụ gaa na-abụ nri ha ga-azụkọ, n'ihi na ụlọahịa ebe a na-ere ihe ndị dị mkpa agaghị emechi.

   O kwukwara na ụlọọrụ ebe ndị mmadụ enweghi ike isi n'ụlọ na-arụ ọrụ agaghị emechikwa.

   Site n'ihe o kwuru, ndị mmadụ ga-esinwu n'ụlọ pụọ maka ihe gụnyere:

   • Ịga akwụkwọ
   • Ịga ọrụ ma ọ bụru na ị gaghị anọnwu n'ụlọ rụọ ọrụ
   • Ịga gbatịa ahụ
   • Ịga ụlọọgwụ
   • Ịga zụọ ihe oriri nakwa ihe ndị ọzọ dị mkpa
   • Ilekọta ndị ọzọ chọrọ nlekọta

   O kwuru na mmechi obodo a ga-adịgịde ruo ụbọchị abụọ nke ọnwa Disemba, mgbe ha ga-amalitekwa imepe obere obere site na mpụtara ha ga na-ahụ na mpaghara dị iche iche.

7. 31 Ọktọba 2020Mba Amerịka atọghapụla onye otu ha a tọrọla na Niger

   Mba Amerịka ekeleela gọọmentị Naịjiria maka ịdọnyere ha ukwu ka ha gbara mbọ tọghapụ onye mba ha e ji eji nso okeala Niger, n’ime abalị chi fotere Satọdee bụ abalị 31 nke ọnwa Ọktoba.

   Ha kelere ndị agha mba ha tọghapụrụ nwoke ahụ bụ Philip Walton dị afọ 27, ma kwuo na Amerịka enweghi ike ịgbaghapụ onye mba ha ọbụla a tọrọla.

   A tọrọla Walton n'abalị Mọnde n'obodo Massalata, dị nso okeala Naịjiria na mba Niger.

   Skip X post, 1

   Hapụ X ihe dị na ya?

   Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.

   Nabata na gaa n’ihu

   Warning: BBC amaghị maka ihe ndị si n'ọbaozi ndị ọzọ.

   End of X post, 1

   Onyeisiala mba Amerịka bụ Donald Trump kelekwara ndị agha bụ ndị ọ kpọrọ dike.

   Skip X post, 2

   Hapụ X ihe dị na ya?

   Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.

   Nabata na gaa n’ihu

   Warning: BBC amaghị maka ihe ndị si n'ọbaozi ndị ọzọ.

   End of X post, 2

8. 31 Ọktọba 2020James Bond: Sean Connery anwụọla!

   

   Ebe foto si, Ronald Grant

   Sean Connery, onye mbụ mere ihe ejije James Bond anwụọla dịka ọ gbara afọ iri itoolu.

   Connery mere ihe ejije ọtụtụ afọ ma rite nturuugo Oscar, Bafta abụọ na nke Golden Globe atọ.

   Ihe ejije ndị ọzọ ọ mere gụnyere 'The Hunt for Red October', 'Indiana Jones' na 'The Rock'.

   Ọtụtụ ndị mmadụ na-ahụta ya dịka onye mbụ mere ejije dịka James Bond.

   Ezenwaanyị mba Briten chiri ya ọchịagha nke bụ Knight n'okwu Bekee n'afọ 2000.

   Connery mere emume ncheta ọmụmu ya n'ọnwa Ọgọstụ afọ 2020.

   Ihe ndị ọzọ ị kwesịrị ịma maka ya:

   • A mụrụ ya na mba Skọtlandị n'ụbọchị 25 nke ọnwa Ọgọstụ 1930
   • O mere ejije James Bond asaa n'etiti afọ 1962 ruo afọ 1983
   • Ọ bụ eziokwu na ọ bụ ejije James Bond 007 ka e ji mara ya, mana ọ malitere ịrụ ọrụ n'ihe gbasara ịkpa obi aṅụrị kemgbe ebe afọ 1950, oge ọ na-arụ dịka ihe a na-akpọ "backstage boy"
   • Ejije James Bond niile o mere dabachara ma mee ọfụma, mere ka American Film Institute họrọ ya dịka onye atọ kachasị bụrụ dike n'ihe gbasara ejije kemgbe ụwa

9. 31 Ọktọba 2020Tanzania Elections: John Magufuli emeriela ntuliaka onyeisiala Tanzania

   

   Ebe foto si, Getty Images

   Onyeisiala mba Tanzania bụ John Magfuli emeriela ntụliaka onyeisiala mba ahụ ọzọ dịka onye ya na ya zọrọ ya bụ ọkwa bụ Tundu Lissu na-eti mkpụ na e nwere nrụrụaka na ya bụ ntuliaka.

   Tundu kwuru na ekweghị ka ndị ọrụ otu ya banye ebe a na-eme ntuliaka a n'ụbọchi wenesde.

   Ngalaba ntuliaka mba ahụ bụ National Election Commission bụ NEC n'aha ịchafụ kwuru na ọbụghị eziokwu na e nwere nrụrụaka ma sịkwa na Magufuli nwetara votu passenti iri asatọ na anọ ebe Lissu nwetere nanị passenti iri na atọ.

   Magufuli batara n'ọkwa dịka onyeisiala mba Tanzania n'afọ 2015

10. 31 Ọktọba 2020Unu asaala chi

    Taa bụ ụbọchị ọma, soro anyị maka akụkọ niile ga-amasị gị

11. 30 Ọktọba 2020Jiri otu nkeji gere akụkọ gbasara coronavirus ka ọ dị n'Afrịka

12. 30 Ọktọba 2020Westgate attack: A tụọla mmadụ abụọ nga mwakpo ụlọahịa a na mba Kenya

    

    Ebe foto si, EPA

    A tụọla mmadụ abụọ nga maka iso na mwakpo butere ọnwụ mmadụ iri isii na asaa n’ụlọahịa Westgate na mba Kenya n’afọ 2013.

    A tụrụ Mohammed Ahmed Abdi nga afọ iri atọ na atọ (33) ebe Hussein Hassan Mustafa ga-anọ afọ iri na asatọ (18) maka inyere ndị oyi ndụ egwu al-Shabab aka nakwa iso yie ndị mmadụ egwu.

13. 30 Ọktọba 2020Ihe ị kwesịrị ịma maka CSP Catherine Ugorji nwereike irite 'Nwaanyị uweojii nke afọ a' nke UN, CSP Catherine Ugorji esepụtala isi dịka onye nwereike irite 'nwaanyị uweojii nke afọ a' nke UN

    

    Ebe foto si, XAUME OLLEROS

    Onye bụ CSP Catherine Ugorji a onye ọbụla kpụ n'ọnụ?

    Catherine Ugorji nwereike irite nturuugo nke "Nwaanyị uweojii nke afọ a", n'aka ngalaba mbaụwa bụ United Nations (UN).

    Ọ bụ otu n'ime ụmụnwaanyị abụọ (onye nke ọzọ bụ Rebecca Nnanga nke mba Kamerun) a họpụtara maka ya bụ nturuugo, n'ime 21 a họpụtaburu.

    Ugorji so na ndị uweojii Naịjiria na-arụ n'okpuru UN Multidimensional Integrated Stabilization Mission in Mali (MINUSMA).

    Ugorji bụ otu n'ime ụmụnwaanyị 477 ndị ọrụ nchekwa na-achịkọta udo na mba Mali.

    Luis Carrilho bụ onye ndụmọdụ n'ihe gbasara ndị uweojii nke ngalaba UN kwuru na odudu Ugorji enyerela aka ibelata mpụ na mpaghara Gao bụ ebe ọ na-achịkọta na mba Mali.

    Skip X post, 1

    Hapụ X ihe dị na ya?

    Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.

    Nabata na gaa n’ihu

    Warning: BBC amaghị maka ihe ndị si n'ọbaozi ndị ọzọ.

    End of X post, 1

    Lee ihe Kamerun kwuru maka Nnanga

    Skip X post, 2

    Hapụ X ihe dị na ya?

    Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.

    Nabata na gaa n’ihu

    Warning: BBC amaghị maka ihe ndị si n'ọbaozi ndị ọzọ.

    End of X post, 2

14. 30 Ọktọba 2020Frans amalitela akwamozu ndị e ji mma magbuo

    

    Ebe foto si, Getty Images

    N'ofesi, ndị Frans amalitela ịme akwamozu mmadụ atọ ahụ ndị omekatara ihe puo ụjọ ji mma sugbuo n'ụlọụka dị na Nice.

    Ha hiwere ọnọdụ maka akwamozua n'ezi na mpụga nke ụlọụka Notre-Dame basilca bụ ebe ndị mmadụ dowechara okooko nakwa uriọkụ maka mmadụ atọ ahụ.

    Onyeisi mba Frans bụ Emmanuel Macron ekwubuola na akaọrụ ndị ọjọọ ahụ bụ akaọrụ ndị "omekatara ihe puo ụjọ".

    Ka ọ dị ugbua, enweliela ọnọdụ nchekwa maka ike ndị amakaekwu a malitere ịkpa na Frans nke megoro ugboro abụọ n'ime izuụka abụọ.

    Na malite ọnwa a ka ndị mgbuisi a bepụrụ isi onye nkuzi maka iji foto Onye amụma Mohammed kuzie ihe.

    Ngagharịiwe dara na mba Arab maka nkwado Macron kwadoro eserese ụkaọchị ha ji Mohammed see.

    Macron akpọọla ọgbakọ mberede maka ọnọdụ a ụbọchị Fraịde ebe ya na ndị ọrụ ya ga-enwe mkparịtaụka dị omimi maka ọnọdụ nchekwa na Frans.

15. 30 Ọktọba 2020Onyeisiala Muhammadu Buhari etiela Enugwu steeti aka n'obi maka ụmụaka nwụrụ

    

    Ebe foto si, @Buhari

    Onyeisiala Muhammadu Buhari etiela gọọmenti Enugwu steeti aka n'obi maka ọnwụ ụmụakwụkwọ ahụ ụgbọala gburu na Mgbowo, Enugwu steeti, ụnyaahụ.

    Nke a dị n'akwụkwọ ozi onye enyemaka mgbasaozi ya bụ Femi Adesina dere bụ ebe ọ sị na ya bụ ọnwụ ụmụaka wutere onyeisiala nke ukwuu.

16. 30 Ọktọba 2020Onye magburu ndị mmadụ na Frans bịara mba ahụ abalị ole na ole gara aga

    

    Ebe foto si, EPA

    N'ofesi, achọpụtala na ya bụ nwaamadị ji mma magbuo mmadụ atọ na Frans si Tunisia bata abalị ole na ole gara aga.

    Ya bụ nwaamadị ji akwụkwọ ndị Red Cross in the Italy bụ nke ọ nwetere mgbe ha sọ ụgbọ mmiri mabata mba Itali n'ịgba ọsọ ndụ n'ọnwa gara aga.

    Ya bụ nwoke foro obere ka ọ bepụ otu nwoke ọ mara mma isi na n'ime ụlọụka Basilica dị na Frans.

    Onyeisi ala mba Frans bụ Emmanuel Macron ekwuola na ya bụ agwa ya bụ nwoke gbara bụ agwa ndị omekatara ihe pụọ ụjọ ndị ndị ụka Alakụba.

    Ọ sị na ya ga-enweli ọnụọgụ ndị agha nọ n'okporo ụzọ site na puku atọ ruo puku asaa maka inye nchekwa pụrụiche.

    Ndị ọrụ nnyocha amalitela i si imi n'ala ịmata ka ya bụ mmiri si banye opi ụgbọghịrị.

    Ndị uweojii gbara ya bụ nwoke gbara afọ iri abụọ na otu egbe, dịka ọ nọ n'ụlọọgwụ azọ ndụ nke ya.

17. 30 Ọktọba 2020Gọọmentị Naịjirịa aṅụọla iyi ịgba mgba okpuru ka Okonjo-Iweala merie na WTO

    

    Ebe foto si, Muhammadu Buhari/Twitter

    Gọọmentị Naịjirịa ekwusiela ike na ha ga-eme ihe niile kwesịrị ekwesị iji hụ na nwafọ Naịjirịa bụ Ngozi Okonjo-Iweala ga-abụ onyeisi otu 'World Trade Organisation'.

    Ozi a si n'aka mịnịstrị na-ahụ maka ihe na-eme na mba ndị ọzọ nke ọnụ na-ekwuru ha bụ Ferdinand Nwonye tinyere aka na ya.

    Cheta na ọtụtụ mba ndị so n'otu a kwadoro ka Okonjo-Iweala maburu ọkwa a mana mba Amerịka akwadoghi ya nke mere na a kpọpụtabeghi aha ya.

    Mana a na-atụ anya na e nwereike ịkpọpụta ya n'ụbọchị itoolu ọnwa Nọvemba, 2020 dịka onyeisi otu a maọbụrụ na mba niile a so n'otu a nwee nkwekọrịta.

    Skip X post

    Hapụ X ihe dị na ya?

    Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.

    Nabata na gaa n’ihu

    Warning: BBC amaghị maka ihe ndị si n'ọbaozi ndị ọzọ.

    End of X post

18. 30 Ọktọba 2020Igbo mma mma nụ ooo

    Anyị na-akpọ unu ihu ọma n'ụtụtụ a, biko gbalịa sonyere anyị n'ọgbakọ nke taa.

19. 29 Ọktọba 2020Ka chi foo nu

    Ụbọchị nta ka anyi chụọ n'Owerre nchị.

20. 29 Ọktọba 2020Obi bụ m sọ pọlịna n'ebe m ruorola n'ọsọ oche onyeisi WTO - Okonjo-Iweala

    

    Onye bụbụ Minista na-ahụ maka ego bụ Ngozi Okonjo-Iweala ekwuola na obi na-atọ ya pọlịna pọlina dịka a kpọpụtara ya dịka onye kachasị nweta nkwado na mba ndị ọ dịrị nhọpụta onyeisi otu 'World Trade Organisation'(WTO).

    N'ozi o wepụtara n'akara Twitter ya ụbọchị Tọzde,, Okonjo Iweala kwuru na o metụrụ ya n'obi inweta ụdị nkwado ahụ, ebe ọ na-ele anya n'ihe ga-eme n'abalị itoolu nke ọnwa Novemba bụ ụbọchị a ga-akpọpụta kpọmkwem onye ga-eweghara oche ahụ.

    Cheta na mba Amerịka nọrọ ụnyahụ sị na ha akwadoghị Okonjo-Iweala,, kama ha chọrọ Mịnịsta mba South Korea aha ya bụ Yoo Myung-hee n'oche ahụ.

    Skip X post

    Hapụ X ihe dị na ya?

    Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.

    Nabata na gaa n’ihu

    Warning: BBC amaghị maka ihe ndị si n'ọbaozi ndị ọzọ.

    End of X post