Ndịagha Naịjirịa ruru 26 ebutela ọrịa coronavirus

Mkpuchi Na Eme Ozugbo

1. 1 Ọgọọst 2020Gov Dave Umahi agbakeela ka ọ rịachara coronavirus

   

   Ebe foto si, Gọọmentị Ebonyi

   Aka na-achị Ebonyi bụ Dave Umahi esorola na ndị meriri ọrịa coronavirus dika o mere nnyocha chọpụta na nje ọrịa ahụ adịghịzị ha n'ahụ.

   Gọvanọ Umahi rịara coronavirus ruo otu ọnwa.

   N'akwụkwọ Uchenna Orji bụ mgbasaozi kọmịshọna na-ahụ maka mgbasaozi na steeti ahụ nyere ndị ntaakụkọ, ọ sị "Govanọ Dave Umahi emeela nyocha chọpụta na onweghịzị coronavirus."

   Gọvanọ Umahi kwukwara na ada ya nwaanyi nakwa ndị ọru ya atọ sokwa gbakee."

   Akwụkwọ ahụ sị, "Govanọ Umahi na-ekele Chukwu nke ukwu maka ọgwụgwọ ma na-ekelekwa ndị Ebonyi na Naịjirịa maka ekpere na nkwado ha."

2. 1 Ọgọọst 2020Ndị a hụrụ coronavirus n'ahụ ha na Naịjirịa eruola mmadụ 43151

   Ngalaba na-ahụ maka mgbochi ọrịa bụ Nigeria Centre for Disease Control (NCDC) kwuru n'ụbọchị Fraịde na achọputara ọrịa coronavirus n'ahụ mmadụ 462 ọhụrụ.

   Nke a butere ndị buterela ọrịa a na Naịjirịa 43151.

   N'ime ndị a mmadụ 879 anwụọla ebe mmadụ 19565 agbakeela ma laa be ha.

   Skip X post

   Hapụ X ihe dị na ya?

   Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.

   Nabata na gaa n’ihu

   Warning: BBC amaghị maka ihe ndị si n'ọbaozi ndị ọzọ.

   End of X post

3. 1 Ọgọọst 2020Unu asaala chi?

   Ekele ka anyị ji bịa taa bụ ọnwa ọhụrụ.

   Akụkọ banyere coronavirus ga-esi ebe a ruo unu aka.

4. 31 Julaị 2020Enugwu steeti amalitela nzacha na mkpopu na njikere ịmalite akwụkwọ

   

   Ebe foto si, Ifeanyi ugwuanyi/Facebook

   Enugwụ steeti amalitela nzacha na mkpopu n'ụlọakwụkwọ ha niile dịka ha na-ekenkwucha maka ị malite akwụkwọ .

   Ndị nọ n'isi ọrụ a bụ ndị ụlọọrụ mmenụọkụ dị n'aka.

   Cheta na gọọmentị steeti ahụ gbachiri ụlọakwụkwọ niile kemgbe abalị iri abụọ na anọ nke ọnwa Maachị maka igbochi nfesa nje coronavirus.

   Mgbe ahụ ka gọomentị gwara ndị ọrụ niile ha si n'ụlọ rụwa ọrụ ruo mgbe ya bụ ihe benatara.

   Mgbe ọ na-agwa ndị ntaakụkọ okwu maka nke a, kọmishọna agụmakwụkwọ bụ Ọkamụta Uche Eze ogbo ya nke Primary Schools Management Board (PPSMB) bụ Nestor Ezeme kwuru mgbe ọ na-eleta ọrụ na Queens School, Enugwu, na gọọvanọ ha nyere iwu ka agbachachaa ụlọakwụkwọ niile nakwa ebe obibi ndị akwụkwọ sekọndịrị.

   Ọ sị na nke a ga-enye aka na nchekwa ndị nkuzi na ụmụakwụkwọ mgbe ha bidoro.

5. 31 Julaị 2020Gọvanọ ndị Taraba steeti arịọla ndị ụka Alakụba ka ha gbaa mbọ dowe iwu nchekwa coronavirus n'Eid-El-Kabir

   

   Ebe foto si, Darius Ishaku/Twitter

   Dịka Naịjirịa na ndị mba ụwa ndị ọzọ na-ekpori ndụ na ememe Eid-El-Kabir, Gọvanọ Taraba steeti bụ Darius Ishaku na osote ya bụ Haruna Manu arịọla ndị otu ha ka ha gbaa mbo cheta idowe iwu maka mgbochi nfesa nje coronavirus.

   Ishaku bụ onye jara ha ike maka ntasị obi ha na ya bụ ọrịa dokwara ha aka na ntị ka ha ghara ịda mba na nchekwa onwe ha maka na ya bụ nje agaghị achị ọsọ laa.

   Ọ rịọkwara ha ka ha jisikwa ike n'ekpere dịka ha na-edowekwa iwu maka igbochi nfesa ya bụ nje.

6. 31 Julaị 2020Mịnịsta ọrụ ugbo na mba Zimbabwe anwụọla n'ọrịa coronavirus

   Onyeisiala mba Zimbabwe bụ Emmerson Mnangagwa ekwuola na mịnịsta ọrụ ugbo na mba ahụ bụ Perence Shiri anwụọla n’ọrịa coronavirus.

   Ọ sị na e nyocharan mịnịsta a ahụ ma chọpụta na ọ butere ọrịa coronavirus.

   Shiri bụ onye gbara afọ iri isii na ise nwụrụ n'ụlọọgwụ mmadụ nwe nke dị n'isi obodo Harare n'ụbọchị Wenesde.

   Mnangagwa sị na a ga-eli Shiri n’ụbọchị Fraịde dịka ntuziaka World Health Organisation si dị.

7. 31 Julaị 2020Covid-19: Botswana eweghachila mmachi ngagharị na isi obodo ha

   Isi obodo Botswana bụ Gaborone alaghachiela na mmachị dị ka ha chọpụtala mmadụ 30 bu coronavirus na ya bụ obodo.

   Mmachị a malitere n'ụbọchị Tọzde na Gaborone ga-anọ ruo izu ụka abụọ.

   "Ụlọ dị mkpa ga-arụ ruo percentị 25, Ndi enweghị ikike agaghị eme ngagharị n'ime mpaghara Gaborone a kpọrọ "Greater Gaborone Zone."

   A machịkwere isi "Greater Gaborone Zone" pụta kpam kpam.

   Mmadụ 170 na Botswana ebutela coronavirus ebe mmadụ abụọ nwụrụ.

   Skip X post

   Hapụ X ihe dị na ya?

   Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.

   Nabata na gaa n’ihu

   Warning: BBC amaghị maka ihe ndị si n'ọbaozi ndị ọzọ.

   End of X post

8. 31 Julaị 2020Bolsonaro: Nwunye onyeisiala Brazil ebutela coronavirus

   

   Ebe foto si, Reuters

   Gọọmentị Brazil ekwuola na nwunye onyeisiala bụ Michelle Bolsonaro esorola na ndị a hụrụ coronavirus n'ahụ ha.

   Nke a na-eme ka di ya bụ Onyeisiala Jair Bolsonaro nọchara izu ụka abụọ n'ọnọdụ Bekee kpọrọ "quarantine" maka coronavirus.

   Jair Bolsonaro kwuru abalị ise gara aga na ya agbakeela ma malitekwa ọrụ ya.

   Gọọmentị Brazil sị na ahụ dị Michelle Bolsonaro, dị afọ 38, "mma, dịka ọ na-eso usoro ehibere maka ọrịa a."

   Ndị mmadụ katọrọ di ya bụ, dị afọ 65, maka etu o si ebusi coronavirus agha na Brazil.

   Ọ bụ mba ahụ bụ nke abụọ n'ebe coronavirus kacha akpa ike n'ụwa dịka ha na-eso Amerịka n'azụ.

   MMadụ nde 2.5 ebutela ọrịa ahụ, ebe mmadụ 91,000 anwụọla.

9. 31 Julaị 2020Anyị amaghị na ụmụakwụkwọ Naijiria nọ China sị na ha agaghi akwụnwụ ụgwọ 'evacuation' - Air Peace

10. 31 Julaị 2020Mmadụ narị anọ, iri asatọ na otu butere coronavirus na Naịjirịa na Tọzde

    Ụlọọrụ na-ahụ maka mgbochi ọrịa na Naịjirịa bụ NCDC sị na ha chọpụtara ọrịa coronavirus n'ahụ mmadụ narị anọ, iri asatọ na otu na Tọzde.

    Nke a mere ọnụọgụgụ ndị buterela ọrịa a ji dị puku iri anọ na abụọ, narị isii na iri asatọ na itoolu.

    N'ime ndị a mmadụ puku iri na itoolu, narị abụọ na iri asaa agbakeela ebe mmadụ narị asatọ na iri asaa na asatọ anwụọla site na coronavirus.

    Nke a pụtara na onye ọbụla ga na-agba mbọ ime ihe kwesịrị iji gbanarị ibute na ikesasị ọrị a.

    Skip X post

    Hapụ X ihe dị na ya?

    Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.

    Nabata na gaa n’ihu

    Warning: BBC amaghị maka ihe ndị si n'ọbaozi ndị ọzọ.

    End of X post

11. 31 Julaị 2020Igbo ndị ọma unu asaala chi?

    Akanchawa ka anyị ji anabata unu n'ụbọchị taa.

    Buru oche nọkwute anyị ka anyị kọọrọ gị akụkọ maka ihe na-eme banyere ọrịa coronavirus.

12. 30 Julaị 2020Ka ọ dị echi

    Chi ga-efotere anyị ihe ọma.

    Iseee!

    Daalụ maka isonye anyị taa.

13. 30 Julaị 2020Coronavirus egbuola Herman Cain, onye zọburu ọkwa onyeisiala mba Amerịka

    

    Ebe foto si, Reuters

    Herman Cain bụ onye zọrọ ọkwa onyeisiala mba Amerịka n'afọ 2012 n'okpuru pati Republican, anwụọla dịka o butechara ọrịa Covid-19.

    Cain dị afọ 74, gara ụlọọgwụ n'ụbọchị mbụ nke ọnwa Julaị, tupu ọ nwụọ.

    Ozi e zisara n'elu websaịtị ya kwuru sị "Herman Cain - onyeisi anyị, enyi anyị, dị ka nna nye ọtụtụ n'ime anyị - anwụọla".

    Cain nwe ọtụtụ ụlọọrụ ebe a na-eme ma na-ere pizza, bụ onye nkwado Onyeisiala Donald Trump ma bụrụkwa otu onye n'ime ndị nwere agba n'Amerịka ọrịa coronavirus a gburu.

14. 30 Julaị 2020Nwaanyị awakporo mụrụ ejima atọ agbakeela, Nwunye Gọvanọ Imo ekwela ya nkwa inye ibidoro ya ihe enyemaka

    

    Ebe foto si, Chioma Uzodinma/Facebook

    I chetara akụkọ nwa ada ahụ a wakpọrọ tụma ya ime nke mụrụ ejima atọ na nso nso a kpọrọ Nkechi Ezenwa?

    Ndị ụlọọgwụ 'Federal Medical Centre (FMC), dị n'Owere enyeela ya akwụkwọ na ahụ ya na ụmụ ya adịla ike.

    Nwunye gọvanọ Imo steeti bụ Chioma Uzodinma bụ onye gbara ama n'akara Facebook ya ụbọchỊ Tọzde, kwuru na ya agwụọrụ ha ụgwọ ụlọọgwụ.

    Nwunye Gọvanọ Imo gara n'ihu kwee nkwa inyere nwada Ezenwa Nkechi aka ibido ndụ ọzọ.

    Ezenwa Nkechi, onye Umuna Ubommiri dị n'okpuru ọchịchị Mbaitoli bụ onye ọ maghị wakporo ma dịna n'ike oge ọ na-ebugharị ihe, ya adị ime mụọ ejima atọ na nsonso.

15. 30 Julaị 2020Enugwu steeti gọọmenti: Ndị ọrụ oyibo ga-amalite ọrụ n'Ọgọstụ 3

    

    Ebe foto si, Enugwu state government

    Gọvanọ Enugwu steeti bụ Ifeanyi Ugwuanyi, enyeela ndị ọrụ oyibo na steeti ahụ ntuziaka ka ha bido ọrụ malite na Monde,abalị atọ nke ọnwa Ọgọstu afọ 2020.

    N'ozi nke odeakwụkwọ nke steetị ahụ bụ Simon Ortuanya wepụtara ụbọchị Wenezde, onyere ha ndụmọdụ ịgbaso usoro ncehkwa o onwe dịka ụlọrụ na-agba mbọ maka mgbochi ọrịa bụ Nigeria Centre for Disease Control ( NCDC) si nye ntụziaka iji gbalahụ nkesa ọrịa coronavirus.

    Cheta na gọọmentị steeti ahụ nyeburu ntuziaka ka ndị ọrụ site n'ụlọ na-arụ kemgbe abalị Maachị 23, 2020 n'ihi egwu nkesa coronavirus.

16. 30 Julaị 2020Onyeomeiwu mba Amerịka anaghị achọ iyi 'Facemask' ebutela coronavirus, Onye omeiwu ekpụghị iyi 'Facemask' agaghị aba n'ime ụlọmeiwu- Pelosi

    

    Ebe foto si, Getty

    Otu onye Ụlọmeiwu mba Amerịka na-agagharịkarị na-eyighị mkpuchi imi ebutela ọrịa coronavirus.

    Louie Gohmert onye otu 'Republican'gbara ama na a hụrụ nje ahụ n'ahụ ya ụbọchị wenezde ka ọ gachara ọgbakọ ebe ọkaiwu ukwu nke steeti bụ Bill Barr,ka a na-akpa nkata na-egbughị mkpuchi imi.

    Akụkọ na o butere ọrịa coronavirus gbara ndị ot Democrats iwe ma mee ka onyeisi Ụlọmeiwe nta bụ Nancy Pelosi ka o nye iwu na onye ọbụla ga na-eyi mgbuchi imi n'ụlọomeiwu, onye emeghị otu a e nye ya ntaramahụhụ site ị hụ na-anabataghị ya n'ụlọ ọgbakọ ha.

    

    Ebe foto si, EPA

17. 30 Julaị 2020Ndị buterela coronavirus na Naịjirịa agafeela 40,000

    Ngalaba na-ahụ maka mgbochi ọrịa na Naịjirịa bụ Naịjirịa Centre for Disease Control (NCDC) ekwuola na mmadụ 404 ọhụrụ esorola na ndị ahụrụ cọrọnavirus n'ahụ ha na mba ahụ.

    Nke butere ọnụ ọgụgụ ndị buterela ọrịa ahụ na Naịjirịa mmadụ 40,000 na ụma.

    N'ime ndị a, mmadụ 873 anwụọla, ebe 19,004 agbakeela ma laa be ha.

    Enwetebeghị ọgwu ọgwụgwọ maọbụ mgbochi ọrịa, mana ndị ọkammụta sayensi na-agba mbọ banyere ya.

    Skip X post

    Hapụ X ihe dị na ya?

    Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.

    Nabata na gaa n’ihu

    Warning: BBC amaghị maka ihe ndị si n'ọbaozi ndị ọzọ.

    End of X post

18. 30 Julaị 2020Unu asaala chi?

    Ebe a ka akukọ niile metụtara coronavirus ga-esi rute unu aka taa.

    Ya gazie.

19. 30 Julaị 2020Etu Stella Immanuel si kwuo maka Hydroxychloroquine na Zithromax ezighi ezi- Ndị Dọkịta Naijirịa

20. 29 Julaị 2020Ihe ndị dọkịta na-ekwu maka ihe Dkta Stella Immanuel maka Hydroxychloroquine

    Ụfọdụ ndị dọkịta Naijiria akpọọla oku ka ndị ọdị n'aka na Naijiria were ohere okwu gbasara ihe Dkta Stella Immanuel kwuru maka iji ọgwụ Hydroxychloroquinine na-agwọ ọrịa coronavirus mee nchọpụta nke aka ha.

    Ụbọchị Tuzde, interbnet nwuru ọkụ dịka otu onye dọkịta Cameroon bi ala bekee kwuru na ya ji cloroquine gwọọ ihe karịrị mmadụ nari atọ iri ise( 350) na-arịa coronavirus.

    Dkta Ikenna Onoh kwuru na iji hydroxychloroquine gwọọ mmadụ 350 ezughị dọkịta ịpụta na-ekwu na ọ ji ya agwọ ọrịa coronavirus n'ihi na "o nweghị nchọpụta o mere iji chọtụta n'ezie ma ọ na-agwọ ya bụ coronavirus".

    O kwuru na tupu e nwee ụdị mkpebi a, na e kwesiri ime ntule etu ya bụ ọgwụ si arụ ọrụ n'ahụ ma okenye ma nwata, nchị ọcha nakwa ndị ojii iji.

    Dika Uche Ogundele kwuru na o kweghị na hydroxychloroquine nwere ike ịgwọ coronavirus n'ihi na yya bụ ọrịa bụ nke nje 'virus' na-ebute, nke anaghị akwọ akwọ mana o zuo ooge ya ọ pụọ mmadụ n'ahụ.

    "Chloroquine anaghị agwọ coronavirus kama o nwere ike ịkwụsị mmụba nje ahụ na-ebute ọrịa ahụ."

    

    Ebe foto si, Dkta Stella Immanuel/youtube/Facebook