Ndịagha Naịjirịa ruru 26 ebutela ọrịa coronavirus

Mkpuchi Na Eme Ozugbo

1. 28 Juun 2020FAAN emeela nwale maka imalite njem ụgbọelu

   N'oge na adịghị anya enwereike imalite njem ụgbọelu ọzọ n'ime Naijirịa.

   Nke a bụ dịka ngalaba Federal Airport Authority of Nigeria ebidola ime nkwado ibido njem ụgbọelu ọzọ.

   Ọ bụ nzụkọ onyeisiala hiwere maka iluso coronavirus ọgụ gara mee nyocha n'ọdọ ụgbọelu Murtala Mohammed International nke dị na Legọs.

   Nyocha a bụ maka ị mata ma ụlọọrụ na-elekọta ọdọụgbọelu ma ha erubere atụmatụ niile ehiwere maka nchekwa coronavirus isi.

   Amachiri njem ụgbọelu niile maka nchekwa ọrịa coronavirus.

2. 28 Juun 2020Mmadụ 779 ọzọ ebutela coronavirus na Naịjirịa, 56 n'Enugwu steeti

   Ngalaba NCDC edepụtala na mmadụ narị asaa na iri asaa na itolu ọzọ ebutela ọrịa coronavirus na Naịjirịa.

   Mmadụ iri ise na isii butere ya n'Enugwu, iri anọ na abụọ na Delta ebe mmadụ iri na abụọ butere ya n'Imo steeti.

   Ọnụ ọgụgụ ha gosikwara na mmadụ anọ ọzọ anwụọla site na ya bụ ọrịa.

3. 28 Juun 2020Ụnụ asaala chị

   Soro anyị taa ka ị gụọ akụkọ niile ga-amasị gị taa

4. 27 Juun 2020Daalụ maka ịnọnyere anyị taa

   Echi ga-efotere anyị ihe ọma.

   Ka chi bọọ!

5. 27 Juun 2020Legọs steeti ewepụtakwuola ebe asaa a ga na-enyocha maka coronavirus

   Legọs steeti etinyekwuola ụlọ nnyocha asaa maka nnyocha ọrịa coronavirus.

   Kọmishọna ahụike steeti ahụ bụ Ọkammụta Akin Abayomi kwuputere nke a oge ọ na-ekwuputa ọnọdụ ọrịa coronavirus na Legọs.

   O kwuru na ụlọnnyocha ndị a bụ nke ndị abụghị nke gọọmentị nwere, mana gọọmentị enyochaala ha hụ na ha nwereike iji ya na-enyocha ndị mmadụ maka ọrịa a.

   Nke a na-abịa dịka ihe karịrị mmadụ puku itoolu buterela ya bụ ọrịa na steeti ahụ.

6. 27 Juun 2020Gere akụkọ ga-amasị gị ịkọ taa n'otu nkeji

7. 27 Juun 2020Ọkaikpe mba Amerịka enyela iwu ka a tọhapụ ụmụaka mbịarambịara 124 n'ihi coronavirus

   Ụlọikpe dị na mba Amerịka enyela iwu ka e si n’ụlọmkpọrọ ebe a na-ejide ezinaụlọ ndị mbịarambịara ọrịa coronavirus na-akpa ike, tọhapụ ụmụaka otu narị na iri abụọ na anọ.

   Ọkaikpe Dolly Gee kwuputara iwu a kwuru na o nyere ndị na-arụ n’ụlọmkpọrọ ndị a dị na Kansas, Texas na Pennsylvania ruo etiti ọnwa Julaị ime etu a.

   O kwuru ka e tinye ụmụaka ahụ n'aka ndị ga-elekọta ha, nke nwereike ịgụnye nne na nna ụmụaka a e jikwa eji, bụ ndị e nwereike ịtọhapụkwa ma e tinye usoro a ga-eji na-agbado anya ebe ha nọ.

   Dịka ndị ntaakụkọ mba Amerịka si kwuo, ọtụtụ ndị mbịarambịara e ji ehi ebutela ọrịa coronavirus.

8. 27 Juun 2020Peter Okoye, nwunye ya na nwa ya butere coronavirus

   Peter Okoye bụ otu n'ime ndị ejima a mabu dịka Psquare, ekwuola na ya na nwunye ya na ada ya nwaanyị agbakeela n'ọrịa coronavirus.

   Ọ kọwara n'Instagram etu ha si chọpụta, ma nọrọkwa na ndopu izu atọ dịka ha na-anata ọgwụgwọ.

   O kwukwara na mmadụ abụọ na-arụrụ ya ọrụ n'ụlọ butekwara ya bụ ọrịa.

   Lee etu o si kọwaa ya n'Instagram ya ebe a.

9. 27 Juun 2020Gee akụkọ ehihe taa n'otu nkeji

10. 27 Juun 2020Ndị bu ọrịa coronavirus agafeela 500,000 na India

    Ndị ahụike mba India na-ekwu na ọnụ ọgụgụ ndị bu ọrịa coronavirus na mba ahụ na akanwanye njọ.

    Nke a na-eme dịka ndị butere ya bụ ọrịa nanị n'ụbọchị Fride bụ mmadụ karịrị puku iri na asatọ.

    Ugbu a, ndị buterela ya bụ ọrịa na mba India bụ puku nari ise ebe ọ bụ na obodo Maharastra ka ọrịa kacha njọ.

11. 27 Juun 2020Gee akụkọ niile na-ewu n'ụtụtụ taa n'otu nkeji

12. 27 Juun 2020Mmadụ ise ọzọ anwụola n'aka Coronavirus na Naijirịa

    Ndị ngalaba na-ahụ maka iluso na ọrịa ọgụ bụ NCDC edepụtala n'akara Twitter ha na mmadụ narị isi na iri asatọ na anọ ọzọ ebutela ọrịa coronavirus na Naijirịa.

    Ọnụ ọgụgu a gosiri na mmadụ ise ọzọ anwụọla site na ya bụ ọrịa ebe mmadụ narị anọ na iri atọ na otu agbakeela.

13. 27 Juun 2020Ụtụtụ ọma, taa ga-agara gị 'serere werere'

    Mmiri Ngozi ga-ezute mmadụ niile taa . . . Banye gụo akụko niile ga-amasị gị

14. 26 Juun 2020Ị gbalịala wee sonye anyị taa

    Daalụ maka ịnọnyere anyị.

    Ka echi mịtara gị mkpụrụ ọma.

    Ka chi foo.

15. 26 Juun 2020Mmadụ 16 ebutela coronavirus na NBA

    Ngalaba na-ahụ maka atụm bọolụ nkata na mba Amerịka bụ National Basketball Association (NBA) ekwuola na mmadụ 16 na-atụ bọolụ ebutela ọrịa coronavirus.

    NBA kwuru na ha nyochara mmadụ 302 na-atụ bọọlụ n'ụbọchị 23 nke ọnwa Juun, mana ọ bụ 16 a butere.

    Ha kwukwara na ndị niile butere ọrịa a ga-anọ na ndopu ruo mgbe ndị ọrụ ahụike kwuru na ha ga-apụtanwu ezi ọzọ.

16. 26 Juun 2020Onye ntaakụkọ ebutela coronavirus na Delta steeti

    Otu onye ntaakụkọ aha ya bụ Theophilus Onojeghen, ebutela ọrịa coronavirus.

    Ụlọọrụ akụkọ a kpọrọ 'Niger Delta Today' bụ ndị gbara ama n'akwụkwọ mgbasaozi ha wepụtara na Fraide.

    "Onyeisi anyị bụ ebutela ọrịa coronavirus dịka nnyocha sị n'aka NCDC siri gosi."

    Ha kwuru na Onojeghen na mmadụ abụọ butere ọrịa ahụ nwere mmekọrịta ma kwukwa na ọnọ mma, ma na anatakwa nleta kwesịrị.

    Onojeghen so na mmadụ otu narị na isii (106) butere ọrịa ahụ na nsonso na Delta.

    Delta steeti nwere mmadụ 715 buterla ọrịa coronavirus.

17. 26 Juun 2020

    Mmadụ abụọ butere coronavirus n'Enugwu n'ụbọchị 27 nke ọnwa Maachị afọ 2020 bụ ndị mbụ butere ọrịa a na mpaghara ọwụwanyanwụ.

    Kamgbe ahụ rute ugbua, mmadụ narị abụọ na abụọ ebutela ọrịa a ebe otu onye anwụọla na ya.

    Mana ọtụtụ ndị mmadụ bi n'Enugwu ka na-arụ ụka na ọrịa coronavirus adịghị ire nke o ji adị n'Enugwu.

    Etu a ka ọ dịkwa n'ọtụtụ mpaghara ọwụwa anyanwụ nakwa Naịjịrịa ndị ọzọ.

    Kọmịshịọna mgbasaozi n'Enugwu Steetị bụ Chidi Aroh sị na gọọmentị na-eme mgbasaozi na TV, Redio n'ime ahịa, n'ụlọụka n'okpuruọchịchị dị iche iche iji rịọ ndị mmadụ ka ha chekwaa onwe ha.

    Aroh sị na gọọmentị Enugwu nyekwara iwu ka ndị eze ọdịnala kụọ ekwe n'ime obodo ma mee ka ndị mmadụ mata ihe banyere coronavirus.

    O kwukwara na gọvanọ Ifeanyi Ugwuanyi hiwere kọmitii pụrụiche na-ahụ maka ọrịa na ahụike nke ọkammụta Ejim bụ onyeisioche ya.

    Ọ sị na kọmitti na-ahụ na ndị Enugwu Steeti na-eso usoro iwu ndị a site na mgbasaozi n'ụzọ dị iche iche.

    N'ikpeazụ, Aroh dụrụ ndị Enugwu ndụmọdụ ka ha biko gbaso ụzọ niile e nyere iji busoo ọrịa a agha.

18. 26 Juun 2020Ndị ọrụ ụgbọelu ga-amalite ịnwale njem n'ụbọchị Satọde

    Otu gọọmentị etiti họpụtara maka ibuso ọrịa coronavirus agha na Naịjiria ekwuola na ndị ụlọọrụ njem ụgbọelu ga-amalite ịnwale njem echi bụ ụbochị 27 nke ọnwa Juun 2020.

    Ha kwuputere nke a ka ha na-agwa ndị ntaakụkọ okwu na mgbede a, dịka ha kwukwara na ha ka ga-ewepụta usoro a ga-eso tupu e mepee nke ọma.

19. 26 Juun 2020Ọtụtụ ụmụaka anaghị enwe mgbaama coronavirus

    Nchọpụta gosiri na ọrịa COVID-19 anaghị enyekewe ụmụaka nsogbu.

    O gosiri na ụmụaka n'Urop na-enwekarị ntakịrị mgbaama nke anaghị ebutere ha ọnwụ.

    Naanị ụmụaka anọ nwụrụ n'ime narị ise, iri asatọ na abụọ (582) butere ya bụ nje.

    Mmadụ abụọ n'ime ndị nwụrụ nwebụrụ ọrịa ha na-arịa, dịka ndị ọkankụzị ndị London Great Ormond Street Hospital si kwuo.

    Ndị ha ji mee nchọpụta a bụ ụmụaka gbara afọ atọ rụọ iri na asatọ bụ ndị e si obodo iri na ise dị n'Urop họta.

    Mgbaama ha na-egosi perempe bụ ndị nke nwere ya bụ nje.

    Ọtụtụ n'ime ha enweghị ihe gosiri na ha bụ ya bụ nje.

    Ndị dọkịnta sị na nke a bụ ezigbo ihe mana na-ekwesiri inwe ezigbo ọgwụ maka ndị nke ya bụ ọrịa rutere.

    Mana e nwekwara ụfọdụ ụmụaka ya bụ ọrịa na-ebi aka ọjọọ bụ ndị ekwesiri ịbu n'obi na ya bụ agha.

20. 26 Juun 2020Ada Gọvanọ Ifeanyi Okowa nke Delta Steeti ebutela coronavirus

    Gọvanọ Delta Steetị bụ Ifeaanyi Okowa ekwụpụtala na nna otu ada ya nwaanyị butere coronavirus.

    N'ozi o wepụtara n'akara twitter ya, Okowa sị na ọ natara ozi a n'ụtụtụ taa.

    Ọ gara n'ihu kwuo na dịka ntuziaka ahụike si dị na ya ma nwunye ya ga-edopu onwe ha iche ruo izuụka atọ.