Abdullahi Shehu Academy ta lashe marakin gasar sallah

Karanta rubutu kawai domin rage cin data
Gasar maraki
Bayanan hoto, Maraki da kofin da aka ba A Shehu Academy FC wadda ta lashe gasar a rukunin premier
An wallafa

Shehu Academy ta lashe maraki a gasar da dan kwallon Super Eagles, Abdullahi Shehu ke gudanarwa a kowacce babbar sallah a jihar Sokoto, Najeriya.

Shehu Academy ta yi nasarar doke Dambuwa Strikers da ci 3-0 a wasan karshe da suka kara a Giginya Memorial stadium.

Gasar dai ta falle biyu ce wato ajin gwanaye ta Premier Division da kuma ajin kwararru ta Professional Division.

Gasar Maraki
Bayanan hoto, Maraki da kofîn da aka ba Nagarta FC wadda ta lashe gasar a premier division
Skip content and continue reading

End of content

Gasar Rago
Bayanan hoto, Ragon da aka ba Dambuwa FC wadda ta zo ta 2 a prémier.

A ajin gwanaye wato premier shi ne kungiyar Shehu Academy ce ta lashe marakin da kuma kofi .

Gabanin wannan karawar an buga wasan karshe ta fallen gasar ajin kwararrun tsakanin Nagarta FC da Sokoto youth Academy inda Nagarta FC ta lashe maraki da ci 2-1.

Mawakin nan dan asalin jihar Sokoto Usman Umar Soldier Boy, shi ne ya dauki nauyin kawo marakin a wannan matakin.

Kungiyoyin da suka zo na biyu dai sun samu kyautar raguna kowace. Yayinda wadanda  suka fi saka kwallo raga suka samu kyautar bunsurai.

Kungiyoyi 21 ne suka fafata a gasar matakin premier yayinda 40 suka buga professional duk a cikin makonni biyu.

Skip Wanda aka fi karantawa and continue reading
Wanda aka fi karantawa

End of Wanda aka fi karantawa

Gasar rago
Bayanan hoto, Ragon da aka ba Grassroot Soccer FC wadda ta zo ta biyu a professional division.