ગુજરાત વિધાનસભાની ચૂંટણીમાં ભાજપે રેકૉર્ડ તોડતા 150થી વધારે બેઠકો જીતી છે. કૉંગ્રેસ 16 અને આમ આદમી પાર્ટી પાંચ બેઠકો જીતી શકી.
ગુજરાત વિધાનસભા ચૂંટણીના વલણમાં ભાજપ સતત આગળ ચાલી રહ્યો છે. અત્યાર સુધી 119 બેઠકો પર આગળ છે, કૉંગ્રેસ 22 પર અને આમ આદમી પાર્ટી સાત પર આગળ છે.
બે બેઠકો પર અન્ય બે આગળ ચાલી રહ્યા છે.
182 બેઠકોવાળી ગુજરાત વિધાનસભા માટે પાંચ ડિસેમ્બરના મતદાન થયું હતું.
2017માં ભાજપને 99 બેઠકો મળી હતી.
ગુજરાત વિધાનસભા ચૂંટણીના લાઇવ પરિણામઅહીં જુઓ
જામનગર ગ્રામિણ બેઠક પર બીએસપી ઉમેદવાર કાસમ નુરમમદ ખાફી આગળ ચાલી રહ્યા છે. ભાજપના રાઘવજી પટેલ પાછળ ચાલી રહ્યા છે.
હિમાચલ વિધાનસભા ચૂંટણીના લાઇવ પરિણામ માટે અહીં ક્લિક કરો
ગુજરાત વિધાનસભા ચૂંટણીના લાઇવ પરિણામઅહીં જુઓ
ઇમેજ સ્રોત, ISUDAN GADHVI/FB
જામનગરની ખંભાળિયા બેઠકમાં કૉંગ્રેસના વિક્રમ માડમ આગળ છે.
'આપ' મુખ્ય મંત્રી પદના ઉમેદવાર ઈસુદાન પાછળ ચાલી રહ્યા છે.
ગુજરાત વિધાનસભાની ચૂંટણી માટે મતદાન પૂર્ણ થયા બાદ સમગ્ર દેશ જેની કાગડોળે રાહ જોઈ રહ્યો હતો, એ દિવસ છે - 8 ડિસેમ્બર, જ્યારે ગુજરાતમાં કોની સરકાર બનશે તે સ્પષ્ટ થઈ જશે.
ગુજરાત વિધાનસભાની 182 બેઠકો માટે બે તબક્કામાં મતદાન પૂર્ણ થઈ ગયું છે. મતદાન પછી બે દિવસના વિરામ બાદ 8 ડિસેમ્બરે મતગણતરી થશે.
જેમ-જેમ દિવસ જશે, તેમ-તેમ ચિતાર સ્પષ્ટ થશે કે રાજ્યમાં કોની સરકાર બની રહી છે.
આ સાથે ક્યાંક ખુશી તો ક્યાંક દુખનો માહોલ જોવા મળશે, પણ એક વાત સ્પષ્ટ છે કે આજનો દિવસ રસપ્રદ રહેશે.
કારણ કે જંગ માત્ર ‘કોણ જીતી રહ્યું છે’ તેની નથી, પરંતુ ‘કોને કેટલી બેઠકો મળે છે’ તેની પણ છે.
તો આવો જાણીએ કેવો રહ્યું મતદાન અને ચૂંટણીનો જંગ.
આ ચૂંટણીમાં ભાજપ, કૉંગ્રેસ અને આમ આદમી પાર્ટી વચ્ચેના ત્રિપાંખીયા જંગને કારણે તમામ બેઠકો રસપ્રદ રહેશે. સમગ્ર અહેવાલ વાંચવા માટે અહીં ક્લિક કરો.
હિમાચલ વિધાનસભા ચૂંટણીના લાઇવ પરિણામ માટે અહીં ક્લિક કરો
ગુજરાત વિધાનસભા ચૂંટણીના લાઇવ પરિણામ અહીં જુઓ
ઇમેજ સ્રોત, @AAPGUJARAT
આમ આદમી પાર્ટી લિમખેડા અને માંડવીમાં આગળ છે.
માંડવીમાં આપના સાયના ગામિત અને લિમખેડામાં નરેશ બારિયા આગળ છે.
ડેડિયાપાડામાં ચૈતરભાઈ વસાવા આગળ છે.
ફતેપુરામાં ગોવિંદ પરમાર આગળ છે.
વ્યારામાં બિપીનચંદ્ર ચૌધરી આગળ છે.
ઝાલોદ બેઠક પર અનીલ ગરાસિયા આગળ છે.
સૌરાષ્ટ્રની ચાર બેઠકો પર આપ ઉમેદવાર આગળ ચાલી રહ્યા છે.
સોમનાથમાં જગમાલ વાળા આગળ છે.
ગારિયાધારમાં સુધીર વાઘાણી આગળ છે.
બોટાદમાં ઉમેશ મકવાણા આગળ છે.
ચોટિલામાં રાજુભાઈ કરપડા આગળ છે.
શરૂઆતના વલણો અનુસાર 22 બેઠક પર ભાજપ, 5 બેઠક પર કૉંગ્રેસ અને 3 બેઠક પર આપ આગળ છે.
અંજારમાં ભાજપના ઉમેદવાર ત્રિકમ છાંગા આગળ છે.
ગાંધીધામમાં કૉંગ્રેસના ભરત સોલંકી આગળ છે.
રાધનપુરમાં ભાજપના લવિંગજી સોલંકી આગળ છે.
વિરમગામમાં આપના અમરસિંહ ઠાકોર આગળ છે.
લીમડીમાં ભાજપના કિરીટસિંહ રાણા આગળ છે.
ગાંધીનગર ઉત્તરમાં કૉંગ્રેસના વિરેન્દ્રસિંહ વાઘેલા આગળ છે.
હિંમતનગરમાં ભાજપના વીનેન્દ્રસિંહ ઝાલા આગળ છે.
સાવલીમાં કેતન ઇનામદાર આગળ છે.
વાઘોડિયામાં ભાજપના અશ્વિન પટેલ આગળ છે.
દાહોદમાં કનૈયાલાલ કિશોરી આગળ છે.
જેતપુરમાં ભાજપના જયંતિ રાઠવા આગળ છે.
નિઝરમાં ભાજપના ડૉ. જયરામભાઈ ગામિત આગળ છે.
ધરમપુરમાં ભાજપના અરવિંદ પટેલ આગળ છે.
કપરાડામાં ભાજપના જીતુભાઈ ચૌધરી આગળ છે.
ઉમરગામમાં ભાજપના રમણલાલ પાટકર આગળ છે.
લીમખેડા, ઝાલોદ અને વીરમગામમાં આપ આગળ
ઇમેજ સ્રોત, ANI
ગુજરાતમાં વિધાનસભાની ચૂંટણી માટેની મતગણતરી શરૂ થઈ ગઈ છે. મતગણતરી શરૂ થતાં જ ભાજપ ત્રણ બઠેકો પર આગળ ચાલી રહ્યો હોવાનું ચૂંટણીપંચના આંકડા જણાવી રહ્યા છે. વીરમગામ બેઠક પર ભાજપના ઉમેદવાર હાર્દિક પટેલ આમ આદમી પાર્ટીના ઉમેદવાર અમરસિંહ ઠાકોરથી પાછળ ચાલી રહ્યા છે.
સાવલી, વાઘોડિયા અને વલસાડમાં ભાજપના ઉમેદવારો આગળ ચાલી રહ્યા છે.
સાવલીમાંથી કેતન ઇમાનદાર આગળ ચાલી રહ્યા છે, જ્યારે વાઘોડિયામાં અશ્વિન પટેલ આગળ ચાલી રહ્યા છે.તો વલસાડમાં ભાજપના ઉમેદવાર કિકુભાઈ પટેલ આગળ ચાલી રહ્યા છે.
કેતન ઇનામદાર ગત ચૂંટણીમાં અપક્ષ ઉમેદવાર તરીકે ચૂંટણી લડ્યા હતા, અને ચૂંટાઈ આવ્યા હતા. ત્યારબાદ તેઓ ભાજપમાં જોડાઈ ગયા હતા.
ઇમેજ સ્રોત, ANI
ગુજરાત વિધાનસભા ચૂંટણી પરિણામ માટે મતગણતરી શરૂ થઈ ગઈ છે.
આ તસવીરો ગાંધીનગરની ગવર્નમેન્ટ કૉમર્સ કૉલેજની છે.
આ લેખમાં X દ્વારા પૂરું પાડવામાં આવેલું કન્ટેન્ટ છે. કંઈ પણ લોડ થાય તે પહેલાં અમે તમારી મંજૂરી માટે પૂછીએ છીએ કારણ કે તેઓ કૂકીઝ અને અન્ય તકનીકોનો ઉપયોગ કરી શકે છે. તમે સ્વીકારતા પહેલાં X કૂકીઝ નીતિ અને ગોપનીયતાની નીતિ વાંચી શકો છો. આ સામગ્રી જોવા માટે 'સ્વીકારો અને ચાલુ રાખો'ના વિકલ્પને પસંદ કરો.
X કન્ટેન્ટ પૂર્ણ
હિમાચલ પ્રદેશ વિધાનસભા ચૂંટણી પરિણામ 2022 લાઇવ જોવા માટે અહીં ક્લિક કરો.
ગુજરાત વિધાનસભા ચૂંટણી પરિણામ 2022 પરિણામ જોવા માટે અહીં ક્લિક કરો.
ઇમેજ સ્રોત, TWITTER@YADAVAKHILESH
આજે પાંચ રાજ્યમાં છ વિધાનસભા તથા એક લોકસભા બેઠક માટે ચૂંટણીપરિણામ આવશે. ઉત્તર પ્રદેશમાં બે (રામપુર સદર અને ખટૌલી) જ્યારે ઓડિશા (પદમપુર), છત્તીસગઢ (ભાનુપ્રતાપપુર), રાજસ્થાન (સરદારશહર) અને બિહાર (કુરહની) એક-એક બેઠક ઉપર મતદાન યોજાયું હતું.
આ સિવાય ઉત્તર પ્રદેશની મૈનપુરી લોકસભા બેઠકનું ચૂંટણીપરિણામ પણ આવશે. સમાજવાદી પક્ષના મુલાયમસિંહ યાદવના નિધનથી આ બેઠક ખાલી પડી હતી. તેમનાં મોટાં પુત્રવધુ અને પૂર્વ મુખ્ય મંત્રી અખિલેશ યાદવનાં પત્ની ડિમ્પલ યાદવ આ બેઠક પરથી ઉમેદવાર છે.
બીબીસી પોતાની નીતિ અંતર્ગત ચૂંટણી પહેલાં કે પછી સ્વતંત્ર રીતે પોતે અથવા તો કોઈ સંસ્થા દ્વારા કોઈ પણ પ્રકારના કોઈ સરવે નથી કરાવતું. ભૂતકાળમાં એક કરતાં વધુ વખત બીબીસીના નામે ફેસબુક, ટ્વિટર અને વૉટ્સઍપ પર બનાવટી સરવે ફરતા થયા છે.
'ન્યૂઝ ઍક્સ'ના ઍક્ઝિટ પોલ અનુસાર ગુજરાતમાં ભાજપને 117થી 140 બેઠકો મળી શકે છે. જ્યારે કૉંગ્રેસ-એનસીપીને 34-51 બેઠકો મળી શકે છે. તો આપને આ ઍક્ઝિટ પોલમાં 6-13 બેઠકો અપાઈ છે.
'ટીવી 9 ગુજરાતી'ના ઍક્ઝિટ પોલ અનુસાર ગુજરાતમાં ભાજપને 125થી 130 બેઠકો મળી શકે એમ છે, જ્યારે આ ઍક્ઝિટ પોલમાં કૉંગ્રેસ-એનસીપીને 40-50 બેઠકો અપાઈ છે અને આપને 3-5 બેઠકો અપાઈ છે.
ઍક્ઝિટ પોલ વિશે વાંચવાઅહીં ક્લિકકરો.
ઇમેજ સ્રોત, SOCIAL MEDIA
ગુજરાત વિધાનસભાની ચૂંટણીમાં આ વખતે આમ આદમી પાર્ટીએ ઝંપલાવીને તેને વધુ રસપ્રદ બનાવી છે.
ત્યારે 2017ની ચૂંટણીની વાત કરીએ તો ભાજપ માટે ઘણી મુશ્કેલ ગણાતી હતી, તેનું કારણ હતું જિગ્નેશ મેવાણી, હાર્દિક પટેલ અને અલ્પેશ ઠાકોરનાં આંદોલનોને કારણે ઊભો થયેલો માહોલ.
2017ની વિધાનસભા ચૂંટણીની વાત કરીએ તો કૉંગ્રેસનું આ ચૂંટણીમાં છેલ્લાં વર્ષોનાં ઉત્તમ પ્રદર્શનોમાંનું એક હતું. આ ચૂંટણીમાં ભાજપને 99 સીટ મળી હતી, જ્યારે કૉંગ્રેસને 77 સીટ મળી હતી.
ગત ચૂંટણીમાં હાર્દિક પટેલની આગેવાનીમાં શરૂ થયેલું 'પાટીદાર અનામત આંદોલન', અલ્પેશ ઠાકોરની 'ઠાકોર સેના'નું આંદોલન અને જિજ્ઞેશ મેવાણીનું 'ઉના આંદોલન' ખૂબ ચર્ચામાં રહ્યાં હતાં.
આ ત્રણેય નેતાઓ એ સમયે તેમનાં આંદોલનોને રાષ્ટ્રીય સ્તરે ચમક્યા હતા અને મીડિયાની નજરે આવ્યા હતા. જાણકારો માને છે કે 2017ની ચૂંટણીમાં આ ત્રણેય નેતાઓએ ચૂંટણીમાં વત્તેઓછે અંશે ભાગ ભજવ્યો હતો.
હવે આ ત્રણેય નેતાઓ ચૂંટણી લડી રહ્યા છે. હાર્દિક પટેલ પહેલી વાર ચૂંટણી લડી રહ્યા છે, જિજ્ઞેશ મેવાણી બીજી વાર (વર્તમાન ધારાસભ્ય વડગામ) અને અલ્પેશ ઠાકોર ત્રીજી વાર ચૂંટણી લડી રહ્યા છે.
અલ્પેશ ઠાકોર રાધનપુરના પૂર્વ ધારાસભ્ય છે. ભાજપના હાર્દિક પટેલ સામે કૉંગ્રેસમાંથી લાખા ભરવાડ (વર્તમાન ધારાસભ્ય) છે.
સમગ્ર અહેવાલ વાંચવા માટે અહીં ક્લિક કરો.
ઇમેજ સ્રોત, ANI
ભાજપ તરફથી વિરમગામથી ચૂંટણી લડી રહેલા હાર્દિક પટેલે 135-145 બેઠકો પર ભાજપની જીતનો વિશ્વાસ વ્યક્ત કર્યો છે.
સમાચાર સંસ્થા એએનઆઈ અનુસાર તેમણે કહ્યું કે, "અમે 135-145 બેઠકો જીતીને સરકાર બનાવીશું. તમને કોઈ શંકા છે?"
હાર્દિક પટેલ પાટીદાર અનામત આંદોલનથી ચર્ચામાં આવ્યા ત્યાર બાદ તેઓ કૉંગ્રેસમાં જોડાયા. તેઓ કૉંગ્રેસમાં કાર્યકારી અધ્યક્ષ પણ રહ્યા હતા. પછી તેઓ કૉંગ્રેસ છોડીને ભાજપમાં જોડાઈ ગયા હતા.
તેઓ સીટિંગ ધારાસભ્ય લાખાભાઈ ભરવાડ સામે ચૂંટણીમેદાન પર છે.
તેમણે વધુમાં કહ્યું હતું કે "સરકાર તેના કામના આધારે બનશે. છેલ્લાં 20 વર્ષમાં કોઈ રમખાણો કે આતંકવાદી હુમલા નથી થયાં. લોકો જાણે છે કે ભાજપ તેમની આશાઓ પર ખરો ઉતર્યો છે. તેઓ કમળ પર બટન દબાવે તો તેમનું ભાજપ હેઠળ ભવિષ્ય સુરક્ષિત છે. ભાજપે સારું ગવર્નેન્સ આપ્યું અને વિશ્વાસને મજબૂત કર્યો છે."
આ લેખમાં X દ્વારા પૂરું પાડવામાં આવેલું કન્ટેન્ટ છે. કંઈ પણ લોડ થાય તે પહેલાં અમે તમારી મંજૂરી માટે પૂછીએ છીએ કારણ કે તેઓ કૂકીઝ અને અન્ય તકનીકોનો ઉપયોગ કરી શકે છે. તમે સ્વીકારતા પહેલાં X કૂકીઝ નીતિ અને ગોપનીયતાની નીતિ વાંચી શકો છો. આ સામગ્રી જોવા માટે 'સ્વીકારો અને ચાલુ રાખો'ના વિકલ્પને પસંદ કરો.
X કન્ટેન્ટ પૂર્ણ
ગુરૂવારે ગુજરાત ઉપરાંત હિમાચલ પ્રદેશના ચૂંટણીપરિણામ પણ આવશે. અહીં 12 નવેમ્બરે 68 બેઠક માટે 75.6ટકા મતદાન નોંધાયું હતું.
ન્યૂઝ એજન્સી એએનઆઈના રિપોર્ટ પ્રમાણે, 59 સ્થળે 68 બેઠક માટે મતગણતરી યોજાશે. સુરક્ષાબળો સહિત કુલ 10 હજાર કર્મચારીઓ આ પ્રક્રિયા પૂર્ણ કરશે.
ભાજપ અને કૉંગ્રેસ ઉપરાંત આમ આદમી પાર્ટીએ આક્રમક રીતે ચૂંટણીજંગમાં ઝંપલાવ્યું હતું. આ સિવાય બહુજન સમાજ પક્ષ, સીપીઆઈ અને સીપીઆઈ-એમ જેવા પક્ષો પણ મેદાનમાં છે.
ગત ચૂંટણી સમયે ભાજપને 44 અને કૉંગ્રેસને 21 બેઠક મળી હતી.
