મોદી બોલ્યા લોકોએ ફકીરની ઝોળી ભરી દીધી

લાઇવ કવરેજ

1. 23 મે 2019ભાજપે 20 હજાર કાર્યકર્તાને બોલાવ્યા

   ભાજપે નવી દિલ્હી ખાતે તેના કેન્દ્રીય મુખ્યાલયે 20 હજાર કાર્યકર્તાને બોલાવ્યા છે. ભાજપને આશા છે કે ફરી એક વખત તેનો વિજય થશે અને સત્તા ઉપર પુનરાગમન થશે. મુખ્યાલયે નરેન્દ્ર મોદીના સ્વાગતની તૈયારીઓ થઈ રહી છે.

2. 23 મે 2019લખનૌમાં ભારે સુરક્ષા

   બીબીસી સંવાદદાતા ગીતા પાંડે લખનૌથી જણાવે છે કે શહેરમાં ભારે સુરક્ષા સુરક્ષા વ્યવસ્તા ગોઠવવામાં આવી છે. મતગણતરી કેન્દ્રની બહાર જ 1800 સુરક્ષાકર્મી તહેનાત કરવામાં આવ્યા છે.

3. 23 મે 2019ભારતમાં 41 બેઠક પર ભાજપ આગળ

   શરૂઆતી વલણ પ્રમાણે દેશની 41 બેઠક પર ભાજપના ઉમેદવાર આગળ છે, જ્યારે કૉંગ્રેસના ઉમેદવાર 18 બેઠક પર આગળ છે.

   અન્ય પક્ષોના ઉમેદવારો 8 બેઠક પર આગળ ચાલે છે.

4. 23 મે 2019ફ્લૅશબૅક - EVM વિવાદ

   કૉંગ્રેસ સહિત વિપક્ષના 22 પક્ષોએ કેન્દ્રીય ચૂંટણીપંચને રજૂઆત કરી હતી કે EVM વિશ્વાસપાત્ર નથી, તેથી વધુ પગલાં લેવાની જરૂર છે.

   ભાજપે કહ્યું હતું કે જ્યારે કૉંગ્રેસ જીતતી હતી, ત્યારે કોઈ વાંધો ન હતો અને હવે ઍક્ઝિટપોલના આધારે એવું લાગે છે કે ભાજપ વિજયી થશે ત્યારે આવો સવાલ ઉઠાવવામાં આવી રહ્યો છે.

5. 23 મે 2019ભાજપને 300થી વધુ બેઠક મળશે

   ભાજપના પ્રવક્તા અશ્વિની ઉપાધ્યાયે બીબીસી સંવાદદાતા નીતિન ઉપાધ્યાય સાથે વાત કરતા કહ્યું, "અગાઉ કોઈએ ગરીબો વિશે વિચાર્યું ન હતું. હવે તેમનાં ઘરોમાં પણ બલ્બ કે LED લૅમ્પ હશે. વિપક્ષે મોદીને 'ચોર' કહેતા જનતાની લાગણી દુભાઈ છે. અમે 300થી વધુ બેઠક જીતીશું."

6. 23 મે 2019અમદાવાદમાં બીબીસી ગુજરાતીનો દિવસભર કાર્યક્રમ

   ચૂંટણીનાં પરિણામો અંગે બીબીસી ગુજરાતી સાથે ભાજપના પૂર્વ મંત્રી જયનારાયણ વ્યાસની Live વાતચીત.

7. 23 મે 2019કૅનેડામાં ભારતના પરિણામો અંગે ઉત્સાહ

   ભારતમાં હાલ લોકસભા ચૂંટણીના પરિણામો અંગે લોકો આતુરતાથી રાહ જોઈ રહ્યા છે.

   એવી જ રીતે કૅનેડામાં પણ ભારતીયો પરિણામ શું આવશે તે જોવા માટે એકઠા થયા છે.

   ટોરેન્ટો શહેરમાં ભારતની લોકસભાની ચૂંટણીનાં પરિણામો વિશે લોકો રાહ જોઈ રહ્યા છે.

8. 23 મે 2019બિહારની સ્થિતિ

   બિહારમાં મહાગઠબંધન તથા એનડીએ વચ્ચે મુકાબલો છે. પટણાથી બીબીસી સંવાદદાતા ઇક્બાલ અહમદનો રિપોર્ટ. વીડિયો અંશુલ વર્મા.

9. 23 મે 2019ગુજરાતમાં કૉંગ્રેસ 2 બેઠક પર આગળ

   શરૂઆતી વલણ પ્રમાણે ગુજરાતમાં 10 લોકસભા બેઠક પર ભાજપના ઉમેદવાર અને કૉંગ્રેસના ઉમેદવાર બે બેઠક પર આગળ છે.

   ગઈ લોકસભા ચૂંટણીમાં તમામ 26 બેઠક પર ભાજપના ઉમેદવારો જીત્યો હતો.

10. 23 મે 2019ભારતમાં ચૂંટણી પરિણામોની અત્યાર સુધીની સ્થિતિ

11. 23 મે 2019જાણવા જેવું - યૂપીના રસ્તે દિલ્હી

    કેન્દ્રીય રાજકારણમાં એવું કહેવાય છે કે 'દિલ્હીની સત્તાનો રસ્તો યૂપી થઈને જાય છે.'

    રાજ્યમાંથી 80 સાસંદ લોકસભામાં બેસે છે. અત્યારસુધીના કુલ 14 વડા પ્રધાનમાંથી આઠ આ રાજ્યના હતા.

    વર્ષ 2014માં એનડીએને 73 બેઠક મળી હતી. અહીં ભાજપ, સપા-બસપા-રાલોદ ગઠબંધન તથા કૉંગ્રેસ વચ્ચે મુકાબલો છે. અગાઉ ઉત્તરાખંડ પણ ઉત્તર પ્રદેશના જ ભાગરૂપ હતું.

12. 23 મે 2019ભોપાલની સ્થિતિ

    ભોપાલથી બીબીસી સંવાદદાતા પ્રિયંકા દૂબે પાસેથી જાણો સ્થિતિ. આ બેઠક ઉપરથી માલેગાંવ બ્લાસ્ટ કેસના આરોપી પ્રજ્ઞાસિંહ ઠાકુરને ભાજપે ઉમેદવાર બનાવ્યા છે. તેમની સામે મધ્ય પ્રદેશના પૂર્વ મુખ્ય પ્રધાન દિગ્વિજયસિંહ છે.

13. 23 મે 2019અમિત શાહ આગળ

    ગાંધીનગર બેઠકથી ઉમેદવાર ભાજપના રાષ્ટ્રીય અધ્યક્ષ અમિત શાહ આગળ છે.

14. 23 મે 2019વારાણસીની બેઠક ઉપરની સ્થિતિ

    બીબીસી ઇંડિયાના સંવાદદાતા યોગિતા લિમયે વારાણસીથી જણાવે છે કે ત્યાં EVMને સ્ટ્રૉંગરૂમમાંથી બહાર કાઢવામાં આવી રહ્યાં છે. વડા પ્રધાન નરેન્દ્ર મોદી આ બેઠક ઉપરથી ઉમેદવાર છે.

15. 23 મે 2019ગુજરાતમાં છ બેઠકો પર ભાજપ આગળ

    ગુજરાતમાં ચાર બેઠકો પર ભાજપના ઉમેદવારો આગળ છે.

    અમદાવાદ પૂર્વ, કચ્છ, જામનગર, ખેડા, સુરત અને દાહોદ બેઠક પર ભાજપના ઉમેદવાર આગળ ચાલી રહ્યા છે.

    ગુજરાતમાં લોકસભાની કુલ 26 બેઠકો છે, અત્યાર સુધીના વલણ પ્રમાણે કૉંગ્રેસના ઉમેદવાર એક પણ બેઠક પર આગળ નથી.

16. 23 મે 2019નવી દિલ્હી ખાતે કૉંગ્રેસ મુખ્યાલયની સ્થિતિ

    કૉંગ્રેસ મુખ્યાલયથી બીબીસી સંવાદદાતાનો રિપોર્ટ

17. 23 મે 2019ભાજપના મુખ્યાલયે ઉજવણી

    બીબીસી સંવાદદાતા નીતિન શ્રીવાસ્તવ જણાવે છે કે દિલ્હી ખાતે ભાજપના મુખ્યાલય ખાતે ઉજવણીની શરૂઆત થઈ ગઈ છે. મીઠાઈ અને પકવાન બની રહ્યાં છે. આ સિવાય વિજય માટે કાર્યકર્તાઓ હવન પણ કરી રહ્યા છે. એવું માનવામાં આવે છે કે વલણ આવવા લાગે અને ભાજપ આગળ હશે એટલે મોટા નેતાઓ ધીમેધીમે મુખ્યાલયે આવશે.

18. 23 મે 2019ગુજરાતનું પ્રથમ વલણ

    ગુજરાતમાંથી પ્રથમ વલણ મળી રહ્યું છે. દાહોદ બેઠક ઉપરથી ભાજપના જસવંતસિંહ ભાભોર આગળ છે.

19. 23 મે 2019જાણવા જેવું - EVM અને બૅલેટપેપર

    છેલ્લા લગભગ બે દાયકાથી EVM દ્વારા મતદાન થાય છે, એ પહેલાં બૅલેટપેપરથી મતદાન થતું.

    એ સમયે મતગણતરીમાં 40 કલાક સુધીનો સમય લાગી જતો હતો. મતગણતરી હાથથી કરવી પડતી તથા 'અમાન્ય મત'ની સમસ્યા રહેતી. EVMને કારણે ભારે સમય બચે છે.

20. 23 મે 2019બીબીસી ગુજરાતીનો અમદાવાદમાં કાર્યક્રમ લાઇવ નિહાળો

    અમદાવાદમાં બીબીસી ગુજરાતી ચૂંટણી પરિણામો પર કાર્યક્રમ યોજી રહ્યું છે, જેમાં વિવિધ ક્ષેત્રના નિષ્ણાતો જોડાશે. આ કાર્યક્રમ તમે અમારાં ફેસબુક, ટ્વિટર અને યૂટ્યૂબ પર નિહાળી શકશો.